米線陣 (新達廣場)

营业中

休息中

經常見到呢間麵線其實早已產生興趣，今日心動不如行動，走進了米線陣來實現我的美食夢，餐廳環境優雅實在無壓迫感，食起野上黎感覺輕鬆，坐低之後就有一張QR code 用手機掃描之後就可以點餐簡單清楚快捷，先送上門既就係小辣版本的麻辣番茄湯肥牛魚腐米線，看似樣貌一般既魚腐食落先知翻尋味，除左唔系魚蛋味咁簡單之外，內裡竟然有魚肉既鮮甜味，試過肯定不後悔，仲有新鮮番茄搭配小辣湯麵，麵之好食不在話下，湯底直頭係優選之作，跟住來既香濃淡淡湯大汗豬扒米線更加喜出望外，炸豬扒加上特製辣粉係完美組合，香濃淡淡湯底真係好味到想再來多一份齋湯飲極都唔夠啊！

每次去大埔行山都會喺新達廣場食埋早餐先出發 ，今次經過就試下米線陣嘅早餐， 可能因為第一次幫襯佢個早餐，所以真心覺得選擇都ok多 👍同一般港式連鎖快餐店既早餐一樣， 非常港式，無乜特別😂不過值得推介嘅係佢嘅蕃茄牛肉通👍👍👍當日我就轉咗米線，蕃茄肉係多嘅，牛肉都新鮮，唔 韌易咬，有驚喜，以3X蚊既價錢有咁既牛肉絶對抵食😊 其他例如餐包呀就普通貨色啦，包唔夠鬆軟，似係室溫放咗幾日🙈 炒蛋就聲稱用咗3.6牛乳炒， 食落真係有少少牛奶味，但係就食唔出係咪3.6牛乳啦🤣 如果經過耐唔耐食一次都ok嘅。

呢日咁啱黎到大埔，由於趕時間有野做，就係度求其揀間餐廳食～見好耐無食米線，而且鋪頭唔算多人又唔洗等，所以就試下啦～我叫左個🌶麻辣🍅番茄🐮肥牛🐟魚腐米線，加錢要埋杯熱飲都係五十蚊，價錢合理👍🏻不過就唔係幾夠麻辣，番茄味就好濃郁～肥牛同魚腐份量都算多，味道都幾好👍🏻不過不失啦～如果個麻辣味重啲應該會好味好多！

今日下午收工後，行過米線陣，見到佢推出左豬潤豬大腸重慶酸辣薯粉，決定一試。首先，份量係幾足。豬潤大塊又厚身，眼見都有四大塊。咬茫彈牙爽口。豬大腸夠淋身入味，咬落有香濃既鹵水味。但係，重慶酸辣湯底就失色左。酸係有，但酸而不辣。反而覺得係普通既酸辣湯。缺少左惹味辛辣既紅油。反而帶晤出重慶既特色。5係加d炸菜花生就等於係重慶。而薯粉由於用左扭紋薯粉。雖然口感多左，感覺更彈牙。但個人偏好傳統既薯粉，反而更有特色，而感覺更易入味。

悠閒下午茶好平，所以想試吓。餐廳很新環境優美，不過食物普通，米線唔出色，三絲粉皮反而很好食。我選擇了三絲粉皮配清湯一口餃子米線，三絲粉皮很有驚喜，米線就普通。奶茶很好飲，真係好想叫多一杯😋因為商場翻新，餐廳環境很新很優美，悠閒下午茶不錯的選擇。我和朋友在餐廳也坐了很久，因為下午茶不算特別多人。下一次都會再嚟試吓其他唔同口味嘅下午茶，「大汗雞翼」好似好吸引，三文治也不錯。因為餐廳環境靚所以吸引我再返嚟食米線。

我行完山就係大埔順道食個下午茶餐， 見到呢間米線陣好似ok，咁就入去食， 咁我就叫咗個豬扒清湯米線加杯凍檸茶， 其實呢個豬扒我覺得就比較salty。 但味道還可以，清湯米線米線質素亦都ok ，所以其實呢度個米線就好普通叫做正正常常。 價錢亦都唔會話太貴嘅。

雖然已經好少機會會在家附近食飯 不過偶爾都會同家人一起外出下午茶 新達廣場半翻新後 除了好幾間依舊佇立 新加入了不少新面孔米線陣是大家認識既大家樂旗下其中一間休閒餐飲餐廳作為新派米線連鎖店 主打特色米線 以自家製作米線配合創新米線湯底務求打造與眾不同既米線口味 店內裝潢簡約舒適 牆身以木系為主 配合大地色系傢俱 清雅不失時尚清湯魚蛋魚腐米線 清湯呈淡奶白色 雖然唔可以稱得上入口鮮甜 不過味道仍不算差 至少飲落不會是十足味精湯 魚蛋屬正常質素 不算特別彈牙好食 魚腐亦屬普通貨色 魚味不算特別濃郁 尚算彈牙 以下午茶價格來說份屬不過不失 碎牛腩鮮菌米線 相比清湯魚蛋來得濃味一點 雖然碎牛腩份量不算少 可是咬口卻是差了點 牛肉是軟腍但不夠柔滑入味 味道又不會令人失望 鮮菌量不算多 只有零星可數 大概就是一分錢一分貨吧 餃子皇生菜豬骨濃湯米線 意外是餃子餡料豐富隻隻飽滿入口啖啖肉 充滿口感 滋味無窮 豬骨湯底味道香濃但不會過重 不過略嫌份量不如價錢般

剛剛經過大埔地鐵站的商場，由於我一個人吃午餐，所以選了解單的米線。店鋪的裝修 ok, 間格也 ok, 員工的服務態度也正常。雖然午飯時間但不用等位。選了牛魔王蕃茄湯底的米線，但實物的餸和照片不太付，有點失望，但最差是這碗米線不夠熱，食物不夠熱這是不可原諒的。蕃茄湯底夠味，不算好濃但有蕃茄味不錯的。另外也點了5隻的花雕醉雞翼，味道差非常失望應該是處理花雕的時間不夠，所以沒有味。米線陣的價格合理但食物質素一般，而且食物不夠熱這是很差的。

呢輪新達大翻新，裝修過後開咗好多唔同嘅食肆，米線陣大埔中心都有一間，但就比較遠，屋企附近開咗一間就試吓啦嗌咗個麻辣米線配豬大腸同蕃茄米線配豬頸肉，湯底都正正常常，唔會水咁冇味；但聽朋友講蕃茄麻辣湯好味好多，下次再試下～豬大腸平時我係唔會食的，但冇臭味，滷得幾入味下；豬頸肉份量比較少又細條，但係味道都唔錯幾入味，有脆邊，似係有焗/煎過米線陣都唔算好貴既，$32 就包一個送，嗌貴啲既送都係補番差價就得，唔算太貴