米痴線 (已結業)

晚上九點多去吃米線，看到這間米痴線，就進去吃！叫了一碗清湯米線，配了豆卜、木耳，夜晚想吃清淡一點！份量也比較大碗，味道也不錯但是略為鹹了一點，吃完會比較口渴～價錢都好抵，包埋野飲！佢仲送六隻滷水雞翼！

叫左個酸辣過橋米線外賣自取湯底好難食，個湯底似係搵啲豆瓣醬同滾水溝出黎！無酸味都無辣味，食食下我都要自己落辣椒油先食得落！啲配料都係無咩特別，同譚仔差唔多，有肉醬，酸菜，火腿，唔同既丸類，生菜，芽菜，韮菜、竹生、豆卜、腩肉等等呢啲配料無咩特別。但炸醬要俾一個劣評，味道唔掂！唔同之處係多左肥牛同牛柏葉有牛柏葉，但牛柏葉好似冇處理好，一入口咬幾啖有腥臭味好少上OpenRice 要專登留食評，因為太難食唔會有第二次

米線湯底已經比以前差左，好似係加水唔夠味。點雞肉，成塊打碎左嘅雞排咁，煮得零心機。同譚仔嗰啲質素差好遠。做厨房嘅仲唔戴口罩，仲行出來抹下汗，唔戴口罩教收銀。啲食客都驚左。不了。

呢一個星期日，唔知食咩好，見呢度新開⋯⋯其實前身都係食差唔多嘅嘢。 在門口檢視下先，無人，得一枱，我呢邊真係無咩選擇，都可以試一試。入到去都係個啲 (同上手間店一樣) 我就揀豆腐卜加蘿蔔米粉，要清湯，無計，剛牙肉腫，無得食辣。女友就揀咗生根加貢丸麻辣湯，要微辣。 點完後，怕唔夠飽，叫多個6隻嘅土匪雞翼。兩碗到唒，清湯都算係咁，唔會無咩味。。。至於麻辣都ok喎，都算有個種味道，同埋貢丸係好味個隻！😋👍🏼  有時有啲貢丸係好難食㗎🤪土匪雞翼遲咗叫，都等咗好一陣先有得食！上枱都幾香，好可惜，有一、兩隻超咸！ 咸到唔係好食到個隻😐下次應該唔會叫😑