米子

营业中

休息中

女友於mega box附近返工，成日食呢間，話個燒豬排濛必食之選。豬排即叫即製，表皮香脆而且肉同肥脂分佈平均，入口即化。濛既湯底好清，加上新鮮九層塔同芽菜，中和燒豬排既熱氣同油膩感。女友叫咗碟炒豬頸肉，有D似中式菜，冇乜特別感覺。另叫一碟即炸既單骨雞翼，好食，但偏貴。

Food came at completely random times, staff were clueless.Had to wait almost 40 minutes for 6 chicken wings, which was supposed to be starter. This was the last dish out AFTER we finished all the other items.Quality of food was average at best, although the noodle soup (pho) was quite nice.

男朋友心血來潮帶我去食次次都見到等晒位既呢間越南野。我地都無例外等下，之前幾張都係二人，所以都有心理準備要等。前面入晒枱得返我地，後面無人等，個部長人見身後張大枱埋單就話叫我地坐。點知語音未落有人走埋黎話七位即刻俾左佢地😑叫我地叫左野食先想留坐我地😐。其實我地趕住要攞野，猶豫緊轉唔轉地方之際，佢好彩啱啱有張二人枱起身。有少懷舊少工業風裝修既店面，入到去見到餐牌啲嘢唔算貴。咁就好快就叫喇沙，庶蝦，蛋包金邊粉，炒椰菜苗，芒果糯米飯，買二送一飲品芒果椰果冰。好～飲品無特別，芒果糖漿開水加幾粒椰果。喇沙呢真係普通，食慣土司工房喇沙，呢個湯又浠味又唔濃，勝在有隻大隻啲既蝦無食評講到咁好食。馬拉盞炒椰菜苗，啲椰菜苗老好硬，好細碟都唔係馬拉盞炒嘅，不過佢哋有落細蝦醬。之後等左好耐我男朋友又食完佢碗喇沙，椰菜苗又俾我食晒咁滯。終於都上個蛋包金邊粉，個賣相幾靚嘅嗰兩隻蝦棟左響蛋網既面。個蛋網OK嘅，炒金邊粉個汁呢就係西炒飯既茄汁，好食過之前嗰兩款咁啦但係都係普通，佢配伴碟有一啲銀芽都叫有少少誠意啦🙄。因為上菜慢嘅關係我男朋友自己行咗返德福攞嘢先，但係佢攞完野返黎，個庶蝦先剛上無耐😐可想而知等左幾耐。庶蝦

型式及味道都很正中。(只談pho、湯粉)型式：枱面上有甜醬及辣醬。芽菜、香葉、指天椒分開送上。味道：建議下午茶時段，出品精準一點。味道及材料都很好。火車頭，首先是真正有牛丸，而且絕不是那些港式大件牛腩，亦不會見到蘿蔔出現。湯水是正常的偏淺色，絕不是深啡色。

午餐到了Megabox解決，本想食韓國野但裝修中，改了上層去食越南野，呢間餐廳lunch time日日爆，遲啲黎都要等位。是日好彩地坐到最後一張撘枱，勁迫都預左，店員態度差亦預左，無期望過。叫了午餐set A，生牛肉湯河 $52，河粉份量不多，牛肉三片，牛丸兩粒，以九龍灣消費黎計算平了。至於味道，牛肉挻嫩滑，牛丸爽口，金邊粉略硬，而主角湯底不夠熱，沒有鮮味，令人失望的。跟餐配熱飲不用加錢，熱奶茶不錯，茶香奶滑，這杯奶茶比河粉出色。

今日同男人行宜家家居，可惜係星期日嘅關係，到到都爆到痴左線👀唯有搵間冇咁多人嘅黎食啦。我地叫左個海南雞湯檬，好正，湯底好清甜，啲雞好嫩，我係咁飲啲湯，就不停被男人笑我。因為好似嘛，所以啲湯檬都係食左好少咋。冇記錯價錢好似係60有找，性價比很高啊！比個讚...然後叫左個軟殼蟹卷，好新鮮的配菜，有蝦米，有肉，有香草，有扎肉，有芒果，有牛油果，等等，好足料，我見台台都有叫，即叫即做係值得讚嘅。再叫左個羊架就叫左男人收手唔好再叫，反正呢間野咁好食，可以下次再試其他，費事食到撐住個肚咁走好辛苦喇。羊架好的色，有3支骨，值肉味重，有肉汁，香脆而又唔漏，起碼唔會咬唔到又蘇先啦。喂住叫左個奇異果加火龍果汁，好正！係多左啲冰之外，其他都好足料...男人叫左杯芒果唔知咩，中左伏，所以記痴我杯野黎飲喇。但都好嘅，幫我飲晒啲冰😂加油啊，我地一家會返黎再食的😊差啲唔記得，你地嘅服務好好啊，我叫嘅湯河可以轉成我中意食嘅湯檬，而已可以比熱水我，又時不時幫我地換碟，其他地方就算收加一都有你地咁親切的服務啊😛

去Mega box睇戲前，緊係要食個飯先🍽先講講裝修，輕工業風，有啲似文青café，但座位有少許逼叫左四款食物同兩杯飲品香辣虎蝦炒粉絲，夠惹味🌶，色香味都齊👍燒牛肉青芒沙律，燒牛肉厚身，青芒無草青味👍火車頭湯河，用料一般及份量比較少最最最敗筆就係蒸粉包，濕淋淋又無咩味👎飲品叫左椰汁冰就中規中矩啦👌但服務就真係有待改善--有位男侍應送錯有青檸嘅飲品，即時問佢係咩黎，佢無回應就即刻走左去，叫住佢都無理，要我搵第二個問，佢地先收走杯野😤😤

走過這格以木為主要裝飾的店子，還以為是西式cafe,原來是越南菜！好寄之下走去試試。等位用了十分鐘，有位時待應就要我先order才入座，於是選了最基本的生牛肉牛丸湯河。食物很快上枱，是一個很高的碗……而枱跟桌子高度的比例不太好(桌子太矮)，加上我高度的關係，腰板挺直才可吃到。湯顏色非常清，但仍然保持濃濃的牛肉味，鋪面的生牛肉亦非常鮮嫩，牛肉熟很剛好，且林身。牛丸彈牙，軟滑易咬，尚算不錯。

兩個人食午飯，叫左個香茅豬扒炒飯，炒飯微暖，豬扒就更微暖兼肥過我肚腩。坐得好唔舒服。另外又叫左黃咖哩牛腩，一樣係微暖，牛腩只有三兩件，仲有兩件薯仔。但最奇怪係食飽後出去見到門口居然有十幾個等位，真係自作孽。

原來mega box都係泰國菜食2小口,第一次黎到呢間食野見到乜都想食……哈哈虎蝦米網卷,老老實實隻蝦,真係淡而冇味,成舊米網卷就好似食緊蔬菜包咁完全感受唔到蝦嘅存在反而bbq雞肉串真係好食(朱除外)因為冇叫到牛,所以唔知好唔好食較為失望的是軟腳蟹菠蘿炒飯想問軟腳蟹係唔係好貴?明明都唔係大隻,跟碟上比2小件咁唔該唔好將佢擺上枱啦大大隻字咁………

週末冇咩野做就同老公嚟Megabox行下街食下野，老公想食越南野，所以就黎左呢間，我記得呢間前身都係越南野不過就冇咁好食，唔知轉左手會係點呢。。老公嗌左火車頭河粉，我就嗌左海鮮喇沙。。坐左一陣，嗌埋野都冇俾杯水我地，惟有嗌佢拎，果時得3枱客，唔知點解都要嗌左兩次先有，果火車頭河粉冇幾耐就黎到，我太肚餓，所以痴左幾啖黎食，果湯底好濃郁好好味，d麵又唔太淋，幾適中。。唔錯。。我個喇沙，等左好耐，起碼15分鐘，催了又催，共催左3次，不過個部長最終都俾左隔離枱先，個部長都晤知有冇搞錯，人地又遲過我地黎又遲過我地落單，佢明知都可以俾左人地，唔怪得其他職員d服務都咁麻麻。。因為太肚餓，我都唔記得影相。。果喇沙湯底濃好入味而且隻蝦都幾大隻，惟一美中不足就係只係配金邊粉，因為正宗應該配米粉+油麵兩種面。。

下午1430之後係下午茶時段，我同同事好多時候都會過來食呢間越南菜，原因好簡單，第一，環境同氣氛5錯；第二，同場仲有9折！但係寫呢間店的食評就真係第一次！今日睇左個menu好耐，糾結叫喇沙海鮮湯河好（呢間喇沙都做得5錯），定係碳燒雞排好呢抑或火車頭好……（抱歉我有嚴重的選擇困難症！）到然後，我見到對面有人order的碳燒雞排，香味裊裊飄來，我終於決定好了！雞排依舊嫩滑，碳燒味濃，果然無選擇錯誤，食完今餐，我會選擇聽日再來食多吃雞排飯！

一直都無留意呢間餐廳既存在估唔到又幾好味叫左生牛肉河粉同豬扒凍檬生牛肉河粉生牛肉好 juicy豬扒凍檬 豬扒燒得好靚但係魚露一般飲品方面做緊買一送一都值得一試好過次次係 mega box 食 ikea haha

下午一時左右，不用等位直入。坐低之後就見其他人要攞飛等，但唔算等得耐。2個人叫左河內燒春雞釀香茅黃薑飯（$118)，牛柳粒紅飯($7x)同蒸粉卷。河內燒春雞釀香茅黃薑飯即製要等25分鐘，未決定其他叫咩，就即刻落左單先。飲品買一送一。28蚊杯，叫左芒果椰果冰同椰汁椰果冰。原本打算叫牛油雞翼，但點幾已話賣晒。上菜速度ok，先上飲品，後上牛柳粒紅飯同蒸粉卷。芒果椰果冰同椰汁椰果冰都無咩味，好淡又唔夠凍，下次一定唔叫飲品。牛柳粒紅飯麻麻地，牛柳粒唔算多，紅飯偏油，個汁超級鹹。蒸粉卷不過不失，粉皮厚度ok，唔會似芽莊那個咁厚。食完牛柳粒紅飯同蒸粉卷，等左一陣，河內燒春雞釀香茅黃薑飯就上，等待是值得的，賣相唔差，雞肉唔鞋，黃薑飯夠味。下次再來，一定encore河內燒春雞釀香茅黃薑飯！P.s.坐椅布面有漬食飯時有烏蠅飛來飛去飲品味道差以上都是需要改善的！

今日三人行去megabox行街shopping食飯，行到7:00幾拿拿林去搵野食，因為唔想太晏要等餐死，好啦，就揀越南野啦！一到店唔洗等，店內好多機械人擺設，即時多左少少童年回憶。咖哩黃金軟殼蟹，咖哩汁另上好聰明吖，唔會浸到d蟹林哂，趁熱食，出奇地脆，炸得剛好，配埋個咖哩汁，唔錯唔錯。炸春卷，明明4條春卷，點解得3塊生菜? 哈哈！個春卷熱辣辣，包生菜加埋甜酸汁好味到冇朋友，炸野記得趁熱食係重點嚕 (笑)點解我話有改善呢，就係呢碗生牛肉湯河啦！之前食過佢湯唔夠熱，生牛肉上檯已經熟哂，今次湯夠熱，牛肉仲係粉紅色的，由於可以自己控制牛肉要幾熟，今次牛肉好林好多汁，讚啊！我地一人一碗唔洗爭 XDD最後有蒜蓉牛油雞翼，炸野真係要趁熱食先夠熱氣吖嘛 (爆)，呢個雞翼炸粉太厚，不過牛油味同蒜香配合等剛好，肉嫩加上肉汁，同埋醃得夠哂入味，整體除炸粉厚之外都算好食啊！