篤篤車 (已搬遷) 新店位置

講起想食車仔麵， 我就諗起「篤篤車」， 因為在新假期週刊介紹過佢有好特別嘅湯底，今日去試吓先！ 嘩， 好多人， 等了半小時先有得食！ 入座後，店員俾了一張order紙給我，選擇自己鍾意嘅食物。 其實好抵食 ， 三餸麵只係$35， 仲要唔駛加一， 抵！ 抵！ 抵！ 第一碗車仔麵，有蘿蔔、金錢肚、墨魚丸、雞翼同鳴門卷， 而湯底係泰國鱷魚湯。我見店員推介《泰國鱷魚湯》， 一於試下啦！ 真係好鮮甜， 加入杞子同紅棗， 係女仕恩物， 飲多兩啖先， 鱷魚肉又美味又補身， 正呀！真係非一般車仔麵。我好鍾意佢嘅雞翼，我覺得佢整得又嫩又滑， 仲好入味。仲有用多種香料泡製而成嘅金錢肚， 口感十足， 煙煙韌韌， 好味。第二碗車仔麵，有牛柏葉，蘿蔔，豬大腸、冬菇同豬紅， 而湯底係冬蔭功湯。鹵水大腸係好難整， 但店主好有心機用多種香料炮製個鹵水汁， 另到大腸好惹味同爽囗彈牙。白蘿蔔我覺得最有水準，清甜可口， 又腍又好味， 仲無渣𠻹！ 薄荷青檸梳打， 味道清新， 好fresh ， 跟餐只加$11， 必加之選！ 香脆炸魚皮（細）， 好脆口， 我估係剛剛炸好 ， 下次要叫大order先， 真係好好味！ 最特別係個沙律

呢日落雨同老婆經過呢間雜誌介紹過嘅車仔麵店決定入嚟食個lunch。餐廳雖然唔係好大，但裝修得好雅緻，地方好乾淨，坐得好舒服。我點左個小麻辣配4餸嘅泰國鱷魚湯底粗麵(連加底$44)，4個餸分别係辣鷄翼尖、辣豬皮、咖喱魚蛋同炸魚皮。碗麵賣相一流，奶白色的湯底上面除左鋪滿4個餸外，仲配有紅色嘅杞子同紅棗，睇見都想食。食落個鱷魚湯底味濃帶有小小麻辣，好味開胃得嚟唔口乾，粗麵彈牙無鹼水味，炸魚皮香脆，鷄翼尖同咖喱魚蛋都好入味，豬皮爽口吸晒個湯底嘅精華非常好食。老婆叫嘅珍珠元貝、牛栢葉、豬大腸冬蔭功米線($37)亦非常出色。湯底酸酸辣辣好嘢味，有成10幾粒嘅珍珠元貝好新鮮彈牙，豬大腸有豬腸味得嚟又好入味唔肥膩，碗麵入面仲配有秀珍菇同好多中芹夠晒豐富。除左呢2碗麵我哋仲點左個泰酥炸鷄翼($26)亦好好味，鷄翼表面炸到好香脆，入面入味又juicy, 配埋個酸酸地嘅醬真係無得輸！杯薄荷青檸梳打(跟餐$11)亦值一讚，杯入面有好多新鮮薄荷葉，味道全部係出自新鮮的食材而並非人造味道。食完呢餐，覺得呢度嘅食物，都係好畀心機煮到入味得嚟啱啱好火喉畀客人嘅，而唔似其他車仔麵店嘅餸，感覺隔左幾夜咁，所以呢度係好味得

元朗有好多好嘢食而且不少係特色小店。今日又遇到一間一睇篤篤車，就知道係食fusion 泰式車仔麵必點泰國鱷魚湯底，仲可以加辣！加咗辣湯更惹味好好好鮮味湯底！好似一碗濃醇魚湯，不過一d都唔腥！點咗：魷魚圈、金錢肚、牛筋全部炆到好淋、好入味。一碗三個餸都係$35，點咗海鮮（魷魚圈)加$2超抵加$11仲有青檸檬梳打，食車仔麵有咁正特飲,加分加分小食款款都好有泰式風味！個湯太正，最後比我飲曬車仔麵店竟然可以咁有heart ，希望可以繼續keep住落去！！

元朗出名多野食，聽講有一間專賣泰式湯底既車仔麵，我地決定去試。店內多人，幸好等了5分鐘，就有位。餸選擇多，而且價錢合理。店內環境清潔。主角到了，我女友叫左一個中辣冬蔭功湯底既河粉，湯底酸辣均勻，開胃醒神，配上掛湯能力高既河粉，特別好味。我就叫左一個鱷魚湯底既粗麵，湯底鮮甜，順口而不膩，抵鑽，配料方面，我最鍾意響鈴，夠脆有口感。我地另外叫左薄荷青檸梳打，解辣一流。除左車仔麵，當然仲有小食，炸魚皮夠脆。泰酥炸雞翼，新鮮炸起，夠晒熱，而且肉汁夠，不錯。泰式鳳爪辣味夠，而且無骨，容易進食，十分方便。食左咁多野，當然要碟菜，這個馬拉盞唐生菜，蔬菜爽甜，配上自製醬汁，好食。這個春卷，我覺得小食方面最好食，首先即叫即炸，而且冇油，配上泰式醬汁，十分惹味。我地食左咁多野，埋單先$178，而且唔收加一，這間小店值得支持，下次會再黎試！

真係好耐未試過食一間咁難食嘅車仔麵直頭可以用難食黎形容， 我去到點左一個油麵， 鱷魚湯底， 跟住點咗一個魚蛋 ，雞翼尖，同埋蘿蔔， 跟住加咗一個麻辣大辣， 首先講一講個湯底都算可以入口嘅， 但係當一開始食麵嘅時候第一啖麵，已經係硬硬哋，食油麵我都係第一次食到咁晏硬嘅油面係直頭未熟透， 跟住就係到魚蛋， 正正常常冇乜特別， 蘿蔔又唔夠林， 最離譜就係個雞翼尖 又係好似未熟曬咁， 完全係唔可以同啲骨分離嘅， 骨同埋肉黐住咗，你覺得你仲食唔食得落口呢， 食雞翼尖我真係未試過食到可以咁過份，如果啲食材仲未煮熟就唔應該攞畀人哋食啦。 仲有講一講過麻辣如果鍾意食辣嘅朋友嚟依度食嘢最基本都要嗌加加加加大 因為我叫咗大辣， 當佢嚟到嘅時候我都要再叫佢再加辣×2， 嗰啲所謂麻辣汁竟然可以做到好似黑椒汁咁樣 但係冇黑椒嘅味亦都冇麻辣嘅味，完全唔知食緊啲乜嘢味道。

睇到新假期介紹鱷魚湯底，特登過黎試下。叫左兩碗車麵，一個小辣，一個中辣。黎到時候兩碗的辣醬是相等的。黑色的辣醬，試起上黎很古怪，啲辣係完全難食既味度。再講下啲餸，豬腸有臭味又難咬，雞翼尖又唔熟啲肉黐實啲骨。啲麵又硬。成碗野好似唔熟咁。金錢肚又有燒焦味，豬紅是無味的🤦🏻‍♀️⋯⋯依間係我食過全港最難食既車仔麵以後都不要再來

住左元朗都幾年，間唔時都會出下去搵野食，假日中午就出左去行行下搵到呢個篤篤車，佢似係泰國版車仔面，食D野唔算貴，味道又幾特別。裡面唔太大，不過坐位都舒服。呢度得一張紙，想食咩就自己畫啦~點左2李杯奶茶，好濃滑鍊奶味，奶重茶輕，不過我都中意嘅。泰國鱷魚湯3個手指公，一於試下啦~估唔到個湯真係勁濃，仲有杞子紅棗，成碗好似好補咁，不過我個人麻麻地咁濃嘅湯，但係係真係好香嘅。另外叫左4個送，雞翼，雞腎，牛腩，金菇，牛腩細粒左少少，雞翼好正好入味，送嘅份量都幾適中。另外朋友叫左蘿蔔，金錢肚，豬大腸，豬紅，再配牛腩湯同油麵，反而我就好中意呢個牛腩湯，幾甜幾入味，不過蘿蔔就麻麻地，好多根位，唔太滑，豬大腸又幾正，個味好濃。另外小食叫左泰酥炸雞翼，新解炸起熱辣辣，仲有泰式辣醬，正呀!仲有個馬拉盞芥蘭，芥蘭鮮甜爽口，馬拉盞味道到喉，我好中意呀! 3送面+小食+野飲都係62，好抵食呀!!!好過食出面果D面店呀！

到篤篤車及鱷魚肉，你會聯想到什麼？ 小弟會第一時候想到泰國，坐篤篤，餵鱷魚，買鱷魚皮製品等等，萬料不到篤篤車會跟一碗車仔麵扯上關係。早前途經元朗馬田路，發現開了一家新店，名為篤篤車，由於名字特別，便拿了一張點餐紙，看看他們到底賣什麼葫蘆，原來他們賣的是另類車仔麵，除了有魚蛋豬皮牛腩等傳統車仔餸，湯底竟然有鱷魚肉湯及冬蔭功，又有泰國雞翼及鳳爪等小食供應，很特別，決定找個中午時間，跟母親來吃個午餐。點了兩碗麵，幾份小食。兩碗都是鱷魚肉湯底，顏色奶白，口感厚滑，帶點雞味又帶點好立克的味道，很特別，味道則跟以往喝過的燉鱷魚肉湯有着大不同。車仔餸以豬腸最為味美，不是冷藏貨色，而是新鮮豬腸，特別甘香。牛腩相信亦是泰國做法，切得很細，小小丁方，味道則跟平日吃到的柱候牛腩差不多。幼麵較平日吃到的粗上一點，QQ的口感不俗。小食做得非常泰式地道，雞翼帶有重重香茅味道，鳳爪真的很辣，不能吃辣者慎入，筆者倒算能吃點辣，亦整整幹掉了一杯飲料，一杯清水。網紋春卷很香脆，炸得脆而不油，筆者最愛的卻是蘸春卷的醬汁，應該是自家調製產物。青檸薄荷梳打是這裏的主打飲料，眼見不少食客有點，怎能錯過？點了一杯，果真酸得過癮，味

最近回家途中發現元朗有一家新開的車仔麵小店，決定孖老公去一試。店面店內望上去比一般車仔麵店整潔，坐得舒服，我覺得更似日式拉麵店。坐落點餐才發現，湯底有鱷魚湯，泰式冬陰公湯底選，亦有不少海鮮選擇。泰式fusion車仔麵的確少見，亦看得出老闆廚房的心思。一碗有柱子，魷魚圈加牛腩的車仔麵，配上鱷魚肉熬製的湯底，特別鮮味，齋試湯都很清甜，不會很鹹。而冬陰公湯，則相反，較濃味，喜歡重口味的朋友好適合點，在略嫌欠缺椰香，湯底欠層次，但落料好足，份量夠。海鮮雖然是雪藏，但食得出有特別處理過，去除雪味。一碗有海鮮，有肉，有菌，真的豐富！半份小食二人份剛好，價錢合理，春卷香脆，但不算驚喜。前是酸辣鳯爪，略嫌不夠酸。但都好開胃。後是香脆雞翼，唔錯，炸得很香脆，有少許香矛味，外脆內嫩抵讚馬拉棧炒生菜，好惹味，炒得好香，醬料配得剛好。青檸梳打好清新，因為加入不少薄荷葉，望住已經覺得解喝，味道不比正宗泰國菜餐廳遜色。驚喜位是在一家車仔麵店中可飲到。

吃車仔麵算是情意結，不過現在吃車仔麵真的不便宜，而且經常中伏（汗顏）難得元朗篤篤車挺有誠意，最驚喜的是這裡不是一般車仔麵，帶泰式風味！下單自己劃，車仔餸選擇大路，三餸麵加菜加小食 $62，價錢合理。冬蔭功湯酸辣調味對胃，感覺是很地道的泰國味道（大愛）四粒蘿蔔，四隻冬菇仔，兩粒墨魚丸，份量像樣。喝罷湯也不覺得口渴，看來味精用量夠克制，配一杯凍檸茶，簡直重拾孩提年代吃車仔麵的樂趣！老公要了鱷魚湯，味道清淡帶點點藥膳的感覺。對了，個人推介蘿蔔，煮得很入味，不錯不錯。極力推介大家點3餸麵套餐，因為這裡的油菜和小食非常有誠意！馬拉盞炒芥蘭，好味過漢到餐廳出品！炸雞翼必食，皮脆肉嫩，即叫即炸好正！泰式春卷，同樣是即叫即炸，口感鬆脆讓人欲罷不能。$62有這樣水準，自覺真是「抵到爛」（笑）細問一下收銀小姐，完來主廚是泰國人，怪不得風味十足，好味過不少泰國菜館！元朗果然是高手在民間！

行完元朗公園，同家人去食左車仔麵，哈哈，車仔麵都有套餐，價錢仲好抵添，六十二蚊已經有好多野食，雖然唔包野飲，但跟餐叫有特價店細細都真係唔少人食，六點幾黎到已經差唔多full，揀左坐左bar枱。枱上用具整潔，餐紙簡單易明，圈圈圈揀哂自己鍾意食嘅先。凍檸茶(+$4)＆薄荷青檸梭打(+$6)行完公園好熱呀，整返杯凍飲先，自己要左杯檸茶走甜，茶濃檸香不澀口。阿媽要左疏打，個賣相幾靚喎，青檸酸酸的，薄荷清新，好好飲牛筋豬大腸墨魚丸冬蔭功湯河粉一上枱已經聞到勁香嘅冬蔭功湯啦，流哂口水，河粉滑又大碗，餸份量亦算多，湯底勁正鮮鹹辣酸百味交雜，阿媽飲哂成碗！讚不絕口豬大腸豬紅墨魚丸鱷魚湯油麵自己點左鱷魚湯底，貪佢夠特別唔係度度有，飲落好順喉，仲好有中藥（?）味添，飲完都唔口喝正野黎喎。餸份量也多，豬腸入味，墨丸彈牙，豬紅調味略甜，都ok啦。油麵吸了湯汁好味，又係差唔多飲哂成碗香脆炸魚皮炸魚皮本身無乜特別，特別在個醬，平時食炸魚皮邊有醬點，呢個醬入口一陣薄荷味，眼見就一塊薄荷葉啦，原來仲有不少磨碎了的薄荷葉混合在沙律醬中，酸酸地又清新，真係好正呀，好食到點光所有醬咁濟泰酥炸雞翼(辣味)炸雞翼即炸的熱辣辣，

揸車入元朗搵食，泊街嘅時候見到呢間篤篤車仔麵，見到有人排隊等外賣，小店座位唔多夠晒人氣，我又同女神試吓。價錢唔貴，$6x 已經有三餸車仔麵套餐。先講湯底，我鍾意飲冬陰公湯，辣得來好開胃，酸酸辣辣的口感車仔麵係我最鍾意嘅餸，咖喱魚蛋、牛腩同埋紅腸。全部都好有水準女神減肥食清啲，湯底是泰國鱷魚湯夠晒特別，女神話整體感覺唔錯，我見到佢飲晒啲湯，都覺得滋陰補腎套餐兩個小食都叫咗炸雞翼，有辣有唔辣，我食辣嘅，靈魂喺個辣汁度，真係辣到飛起，係幾特別嘅秘製泰汁最後仲食埋個馬拉盞芥蘭，好味！

我老公本身就係鐘意去飲飲食食咁至識嘆，平時路過都會留意一下，本身又唔會揀飲擇食，咁先可以食到不同食物，是日去咗元朗買嘢，之後係附近搵下有冇好嘢食，行行下又俾我見到有間專食車仔麵就係馬田路，而且自己好耐都冇過車仔麵，於是就入去品嚐一下見餐牌基本上有好多配料提供外，連湯底都有得揀分別有4款口味連埋湯底辣道都有選擇真夠細心，我最後點了超值套餐連埋特飲都係幾十蚊，有時係出面食碗米線連埋嘢食都係呢D價錢啦！先來係車仔麵有雞翼，豬大腸同金錢肚麵係油麵，湯底係牛腩湯微辣，飲番啖湯先入口香濃帶點辣幾好飲，輪到配料金錢肚肉質爽滑味香濃，豬大腸咬落肥美又多汁，雞翼肉質細嫩香滑，一啖麵一肉就最正再來有小食推介係泰式鳳爪，真係食到原汁原味嘅泰式風味夠晒刺激真係正食到咁上下飲番杯薄荷青檸梳打解吓辣先透心涼最後食碟有營蔬菜芥蘭馬拉盞，另外加左個炸魚皮，鍾意就係佢個清新蛋黃醬，味道好特別，食落又估唔到咁惹味話咁快又品嚐一餐特色車仔麵。

今日行過見到間車仔麵，本身係呢區周街都係同類嘅地方，但係望真的原來唔係，就係個湯底，如果你喜歡吃車仔麵除了車仔麵嘅菜要選擇多個湯其實都幾重要，唔係就咁就可以，而這裡居然有鱷魚湯底選擇，重有4款湯底選擇，當然就係睇中個鱷魚湯底，而有套餐選擇，咁食一定飽，重有海鮮餸選，3餸麵+小食+菜$62，我今次就點了粗麵，泰國鱷魚湯(微辣)，白蝦仁(海鮮要加$2)、牛腩、牛筋同埋辣豬皮(加餸每款$5)，小吃要了香脆炸魚皮，菜就馬拉盞炒芥蘭，加多$6配埋個特飲薄荷青檸梳打，餐廳空間較細小，但都梳化位幾舒服，上枱時用托盤承載着車仔麵出來，碗車仔麵上除了有落單嘅餸菜外，還有菇菇、紅棗杞子在湯上面，當然第一樣要做嘅就係試試個湯，好清甜帶少少辣，好香絕對係正確選擇！牛腩軟熟，牛筋夠晒淋，而白蝦仁都夠彈牙！而粗麵亦好煙韌爽口，小吃嘅炸魚皮配埋個特色薄荷醬味道出奇地配合，脆口魚皮入口帶清涼嘅薄荷醬味道，夠晒清新！而個馬拉盞炒芥蘭，就夠晒味道，芥蘭本身都爽口喜歡馬拉盞嘅濃味配埋個麵吃正！最後加埋杯薄荷青檸梳打，真係完全將啲辣味驅走！

其實一早應該因為工作關係嚟元朗，但係又由於實在對我嚟講有啲遠，結果呀姐今日話要嚟元朗，我先的起心肝，行過壽司之神，竟然見到有車仔麵食，我以為係啲普通野，二話不說入咗去，睇咗個MENU 我先知原來唔簡單。呢度無論湯底定係特式小食，都係泰式嘅，難怪個名咁鬼特意叫篤篤車啦! 我就二話不說點咗呢度嘅泰國鱷魚湯，嚟到嘅時候，見到佢地真係好似補湯咁，有紅杞子胴埋紅棗片，所以入口都真係幾甜架。完全唔似係我平時食嘅車仔麵個味精高湯，飲完都唔覺口喝。平時見啲冬菇都幾細粒，但呢度都大小適中，而且仲爽口入味，另一個特別嘅地方，係佢唔剪走個掟，WHAKAKAKAKAKKA 我雖然笑，但其實好鍾意佢保嚟個掟，因為真係甜好多。白蘿蔔我覺得係水準，清甜又淋又入味，無渣是基本，這些他們全都做到。呢度係推介食雞翼，我覺得佢個雞肉係滑而不老嘅，都幾入味。但難以同呢個小食嘅泰酥炸雞翼相比，呢個有泰國特式好多，而且炸得唔會過咗火，而且雞肉有香茅味道，非常香口。就連我不嬲唔多食炸野嘅呀姐，都讚呀~ 呢碟菜真係不得了，因為我好想食馬拉盞炒嘅菜，所以我就點咗呢一客，誰知嚟到，我同我呀姐都嚇咗一嚇，點解一啲馬拉盞嘅感覺都無，似係烚菜