篤篤車 (已搬遷) 新店位置

已經好幾個月沒有回去泰國了，開始十分思鄉泰國的味道，便決家與朋友去找泰國店止止渴。這間車仔麵店，以泰國特色交通工具「篤篤車」為名，這個名字便深深吸引了我和朋友的興趣。這裏的價錢一點也不貴，三餸麵也只是$35， 而且包含的餸有牛筋、雞翼 、芝士腸、芝士丸等等， 絕對不是平價的餸，所以我覺得很抵吃呢！我們點了一個面和一個套餐share。朋友選了泰國鱷魚湯公仔麵，當中他選擇了牛丸、芝士丸和咖哩魚蛋。鱷魚湯當中有很多香菇，所以十分香甜。而且湯底味道濃郁，很足料。牛丸大粒，咬起來口感彈牙。咖哩魚蛋很特別， 不是普通街邊的咖哩魚蛋。 味道有點香草咖哩的辣，魚蛋的質感不會很粉狀，而當中有魚味。公仔麵把湯的味道都吸收了，所以吃起來時，很濃鱷魚湯的鮮味。超值套餐 $62我選了泰國鱷魚湯米線，配雞翼、蘿蔔、芝士丸、牛筋。雞翼是滷水雞翼，十分入味，而且雞肉很嫩滑。蘿蔔有四件，味道清甜，口感淋身，不會太硬。芝士丸當中的芝士不算多，味道不會太濃。牛筋滑口， 同樣也是較嫩滑，有很香牛肉的味道。米線彈牙滑身，不是很粗糙的那一種。泰酥炸雞翼雞翼炸得金黃香脆，咬起來很脆口， 炸開的時候，又不會有很多油，炸的時間控制得不

上個週末到了元朗走走，在元朗公園爬爬百鳥塔享受藍天。 午間想吃點簡單的，所以便去了到了附近的篤篤車來了碗車仔麵。想不到車仔麵店也那麼繁忙，要先等位！和一般車仔麵不同，這裡有有趣的冬蔭公、鱷魚湯底。 我的冬蔭公湯底車仔麵先來，喝一口湯，湯味濃郁好味！獨立賣成湯也是不錯。但微辣也比想像中要辣，如果不嗜辣的話建議吃不辣。牛腩入味軟腍，配上牛栢頁，和很特別的小元貝，好味！另一碗的是鱷魚湯底，喝起來帶點雞湯的感覺，是一款較養生的湯底。加上牛肚、墨魚仔，味道也很好。 整體而言，每款的食材味道都做得很細緻，值得一讚！

元朗真的越來越很多美食，是日到元朗探訪姐妹，以往感覺元朗到處都是日式餐廳或火鍋雞煲等等，今次走到大坑渠附近覓，見到一個店舖小小但格局簡約的新穎車仔麵店，細看餸菜竟然以泰式冬蔭功湯底，可以止下我近日的冬蔭功湯癮。喜歡這店的泰式風味絶不馬虎，跟地道港式車仔麵Crossover得非常夾，吃過一次已印象難忘，要再翻尋味！點菜紙實在有很多車仔餸都想食，有些是傳統車仔餸，有些像是火鍋配料，另外，食車仔麵都有海鮮配搭，很吸引。泰國鱷魚湯清湯鱷魚湯做車仔麵湯底，湯底入味清甜，飲得出湯底足料，邊食邊飲湯，非常滋補。除了湯底出色，就連車仔餸都一樣入味好食，我叫了雞翼、金錢肚、蘿蔔、冬菇、豬紅。每次食車仔麵都必食油麵，難得這店的油麵沒有鹼水味，而且彈牙。冬蔭功湯冬蔭功湯配上海鮮車仔餸是最佳配搭，但配上地道香港車仔餸又別有一翻風味。食個車仔麵都連每整碗冬蔭功湯都几乎飲清，真的是地道泰菜館的味道。淨飲湯底都抵呀！薄荷青檸梳打超多的薄荷葉，再配大大片青檸，配上泰式車仔麵，確實以為自己在食泰菜呢。皮脆肉嫰，再配泰式醬食份外惹味。香脆炸魚皮推介！大大片、非常香脆不油膩，一食已經下次要必叫。

好難得入元朗搵朋友gathering，就順便入黎睇下有咩新餐廳食下，路過之前食過既壽司之神，隔離原來開左間新野，食車仔麵的，岩哂！就食個下午茶啦。入到黎，環境相當舒服，冷氣又夠，可能係平日關係，人比較少，不過都keep住有2-3枱。原來係泰式車仔麵！又幾特別喎，之前都未試過。仲要有鱷魚湯底，就試下你！個湯底比我想像中好飲，冇味精！宜家出街食飯好少餐廳唔落味精架啦！加分！其他我就叫左豬紅，豬腸，元貝。我就覺得冇其他地道車仔麵咁惹味啦。不過係另一種感覺。PS 見到女店主係出餐之前會抺碗邊先出餐，感受到佢地用心，希望可以keep到呢類型既小店啦！

閒日行下元朗穩野食，中午餓啦就四圍穩下餐廳，無故發現呢間，裝潢唔係特別輝煌，但睇落好整潔👍🏻🤘🏻。我地12:15到埗坐左十分鐘就滿座😮同女友一人一套餐，試下唔同湯底，小菜同小食🤩，唔記得寫粉麵，個侍應姐姐好快就睇到同我地講，最後叫左米線。杯薄荷青檸梳打最先到，我去就喪插檸檬😛，飲落有點小清新，喉嚨好舒服，小甜，青檸味好足夠。兩碟都係以馬拉盞味既小菜，我十分欣賞，因為味道絕對比外面幾十蚊碟更好，十分香濃，菜靚無苦澀味，菜心同芥蘭之間我會選芥蘭，食落唔太咸，又有小甜味中和返。😛我地叫左原味雞翼，雞翼好脆，新鮮炸起，肉嫩，雞醬就無分別。😍春卷熱辣辣，好香口，另外佢無乜油，入面餡都多，十分好食🙏🏻🙏🏻🤩女友的冬蔭公湯底食得到係正完湯底，辣味剛剛好（小辣）米線夠淋，紅腸差不多，滷水雞翼滷汁調配得好入味。😍💡鱷魚湯底飲落好多中藥feel,但個湯底好鮮，甜同小油，好易入口。配菜既冬菇羅白都入味，夠淋。咖哩魚蛋有點辣，咬落去爽口。飽到上心口，個人覺得價錢適中，比同區相若既餐廳好。🤘🏻

經過元朗時發現了一間新開的車仔麵店，不過此店搞搞新意思，選用了鱷魚湯底～這樣特別就試試啦看看下單紙，有套餐可選3餸麵 + 小食 (大) + 菜 ($62)外加了薄荷青檸梳打 (+$6)炸魚皮 + 牛栢葉 + 牛筋米線配鱷魚湯底 -先試一啖湯底，真的超甜，湯中還會有杞子，紅棗及靈芝菇，夠哂補身，平時吃麵不會飲湯的我，最後都飲了三份之一碗 炸魚皮不錯，但如果可以另上會更好牛栢葉淥得剛剛好，不會太”un”牛筋不會切得過細，而且夠入味金錢肚 + 豬大腸 + 墨魚丸米線配鱷魚湯底金錢肚和豬大腸完全沒酥味，正墨魚丸不會咬落去一口粉，吃得到墨魚粒，好味泰酥炸雞翼 - 不會炸得過火，配上泰式辣醬，好味網紋春卷 - 很足料，有粉絲紅蘿蔔，好味腐乳唐生菜 - 菜菜很甜，不錯蠔油芥蘭 - 超大碟，而且不會過老薄荷青檸梳打 - 超好飲！有別於一般泰國菜的青檸梳打，薄荷葉份量夠多，浸一會再飲，微酸中帶薄荷味～正這超值套餐真的超級抵食及正，小食是大size的，加飲品的價錢也很抵另外此店的冬蔭公湯底也很香，下次絕對會再來試試～看到店內有不少是區內熟客，感覺很warm，支持頭店

賓賓放假又唔想煮，心血來潮想食返碗車之面，最後選定了篤篤車，一間乾淨整齊的車仔面店，點了個三餸面餐，老公單點一碗面超值三餸套餐 $62+$6泰國鱷魚湯米（牛腩支竹冬菇）+泰酥炸雞翼+腐乳生菜+薄荷青檸梳打鱷魚湯乳白清甜，湯底有紅棗杞子作配料，牛腩鬆腍軟滑，絕對係誠意之作 💖原味泰酥炸雞翼 皮脆肉嫩有肉汁，雞翼預先醃製，夠入味；不似得一般 hea 製的，只得外面死咸，內如嚼爉。腐乳生菜值得一讚係腐乳量夠，菜與菜之間都有厚搽，食到最後仍有厚厚的腐乳醬薄荷青檸梳打賣相怡人，最啱配濃味餐，飲完後有刷牙後的清新感 👏👏冬蔭功湯河 $35（冬菇蘿白牛筋）雖然沒有鮮蝦，仍不失冬蔭功湯味，牛筋炆得夠腍入味，膠質口感重，以$35的湯面來說，是超值的！荀！順帶一提，店主還提供學生優惠，富人情味的小店，要多多支持 😘😘

鱷魚湯底新店，很多湯底可選，特別的鱷魚湯底，湯底有鱷魚湯味，白色湯底有淡淡藥材味，有杞子，紅棗，好有益的感覺，但紅棗是當配料加上，是乾的，但食紅棗可以補血有健康感，啱哂女士。另上辣的超辣咖哩醬，非常香辣，好正!特飲薄荷青檸特飲， 很清新，很多薄荷葉, 甜甜酸酸，好清涼消暑，已經大杯但仲想飲多杯。可惜點的豬紅只有三粒，響鈴放在湯裡腍得很快，我比較喜歡吃點脆脆的響鈴。計番套餐都算優惠，仲可以吃多碟小食。我散叫咗

見完客有點肚餓，邊行邊搵本來只是想吃大水渠旁B仔涼粉，卻碰巧遇着一間車仔麵店。點知有驚喜!篤篤車位於大水渠間B仔涼粉對面，唔難搵。通常車仔麵店都以簡單裝潢為主，而這裡從細節裡更保留一份泰式風情。鱷魚湯底清甜之餘更加入藥材， 清了大半碗湯都不覺得口渴。由於鱷魚肉對於呼吸系統健康有益處，而其肉脂肪含量少而且營養豐富，以鱷魚肉作湯品或與中藥配伍，尤其適合在忽冷忽熱的天氣食用，有助於止咳潤肺，補健強身、很適合用作煲湯。 豬大腸及蘿蔔一向都是車仔麵成敗指標，這裡的豬大腸洗得很乾淨而且無騷味。 耶蘿蔔清甜爽口無渣更是難得。原來白蝦仁爽脆而且跟車仔麵很夾，值得加7蚊!當晚太夜嚟無晒牛根冬菇同牛肚了，有點可惜。超值套餐包一碟菜及一份小食，L選了馬拉盞炒芥蘭。 芥蘭鮮甜爽脆、沒有被馬拉盞的味道蓋過。小食則選了原味泰酥炸雞翼， 雞翼香口但完全不油膩、更保留肉汁。而外層則有濃濃的香茅味、很好吃! 必試。最後L更多點了一份網紋春卷。即叫即炸，外層香脆內裡有很多清甜的蘿蔔絲。以車仔麵去作比較，篤篤車材料靚、份量足而且價錢公道。的確是 車仔麵愛好者值得一試的地方。

雖然我無真係去過泰國，不過成日睇旅遊節目都會提到泰國有好多篤篤車，即係泰國的士，帶住乘客穿梭大街小巷(聽講有d 仲會劏客，要小心)。香港原來都有間叫篤篤車o既泰式fusion 港式車仔麵，有gimmick 得o黎又應該唔會貴得去邊啦，於是前來一嚐。點o左碗珍珠元貝牛腩金菇鱷魚湯米粉。個湯底，睇落係白白地色有d 似魚湯o既感覺；飲落，帶一點奶油o既味道，唔似魚湯，唔腥的，再因為落o左好多紅棗，有股淡淡o既清甜——原來鱷魚湯是這樣的！用佢o黎送米粉真係個幾新奇但又唔錯o既選擇wo。d 牛腩唔單止煲到好腍，浸o左湯都仲嗒得出佢個醃料，可見煲到好入味。元貝因為係海鮮類所以加o左$2，只係$2 雞，絕對值得加，雖然細細粒咁但每一粒個海鮮味都好出。食完個麵，都仲有好多沉o係底，等我慢慢打撈番佢地上o黎先……一場o黎到，梗係唔會淨係食一個車仔麵啦，佢仲有d 泰式小食我都想試呀。如果我叫一個麵加一個小食就$61，但我叫一個set 就只需$62，會再多碟菜，咁叫埋囉唯有……個腐乳唐生菜就唔會話好特別，但你幻想住e 碟菜只係需要$1 雞，諗落都覺得興奮……泰酥炸雞翼先係重點啦！o係叫o個陣已經可以揀辣定唔

連續兩日的新界西北美食之旅，經過車仔麵店「永X士多」、熱狗店「JX大」跟布丁甜品店「小X幸」之後，終於去到我最後一間試食的食店，食店名稱很有泰國菜的濃厚氣息，叫做「篤篤車」。「篤篤車」顧名思義，即是泰國地道最受旅客歡迎的交通工具之一，就連我這個從未去過泰國旅行的人都一定知道的事，相信讀者閣下都應該略有所聞。加上我最近在家裡，經常有看過電視節目「沖遊泰國」，看見膚色黝黑的泰國華僑「胡慧沖」，在節目裡面不斷在說，在介紹泰國的旅客景點跟食品，就算我現在對泰國旅行還是興趣不大，我又幾乎每天在西貢泰國菜餐廳內食午餐，最後情意結還是驅使了我進入食店。我一進入「篤篤車」的樓面，立刻發現「篤篤車」簇新的裝修，以及樓面內一部電視機都沒有，寧靜的環境給予了我很強烈的安全感，令我很想試食，品嚐看看泰國版本的車仔麵是什麼味道。雖然我只見到「篤篤車」全店唯一一位的女侍應，不過這位年輕的女侍應，服務的態度也稱得上很不錯。她遞上了「篤篤車」的自助點餐紙給我。換言之，坐在「篤篤車」的櫈上，實際上幾乎不會看得到任何跟車仔麵有關的廚房設備，只能夠等候十分鐘過後，看女侍應從廚房裡面，拿着泰國「車仔麵」出來。當然，就算我看不

超好味....，原本諗住是但快食快走.....點知又比我入左間好不俗既餐廳.....一去到見到車仔麵...咁就咁嗌啦.....一入到去就見到有冬陰功湯底...我就嗌左個中辣.....見到有得跟埋餐有菜都係65蚊.....其實好抵..仲有小食....個車仔麵黎到之後...第一下飲左啖湯先..~嘩...好毒國人feel呀....果種酸中帶辣...真係好泰國feel呀...個牛肚腍到呀....係果種好似係入口就溶既感覺呀.....係好好味呀....之後再食佢個豬姐.....冇臭味.....洗到好好好乾濕....又係腍野黎既....好喜歡呀~之後佢果個馬拉盞菜...又係煮到好入味.....呢間野一定要番兜呀...又抵又好味.....好難搵到架喇而家...

車仔麵通常都以講求快靚正，填飽肚子為主，所以曾經被叫做嗱喳麵。之不過，喺樣樣嘢都講求質素嘅世代。車仔麵都要upgrade啦！ 今晚就去咗元朗依間標榜食泰式風味車仔麵的篤篤車。環境不算大，大約可以坐廿位，裝潢簡潔。湯底除左常見嘅牛腩湯同清湯，仲有特色泰國鱷湯、冬蔭公湯俾你揀。配餸選擇亦相當豐富。泰國鱷魚湯(小辣)河粉 (3餸麵)(白蝦仁、墨魚仔和冬菇)湯頭係成個麵嘅亮點。有別於印象中重藥材味的鱷魚湯，依個泰國版🇹🇭的鱷魚湯順滑香濃，加咗杞子和紅棗，帶點甜味，卻又不會有藥材的味道，飲落鮮甜、滋潤，無加味精。河粉軟硬適中，吸收晒濃濃的湯頭，入口滑到「雪」一聲。 白蝦仁🦐肉質彈牙，白灼更能食出海中鮮味。再飲返啖湯，估唔到喺元朗食個車仔麵都可以有去咗泰國的感覺。白灼墨魚仔🦑細細粒，一啖一粒，爽口彈牙，增加趣味，仲好好味。冬菇炆得好入味，好腍，味道帶甜。秉承車仔麵的精髓好味，簡單，實在。*食完個麵記得飲曬碗湯啦！嘅可以補氣血，又補充骨膠原。薄荷青檸梳打食完辣嘢，最啱飲杯味道清新的薄荷青檸梳打降溫。老闆毫不吝嗇，加入大大片的薄荷葉，提升了飲品的清涼感，薄荷葉仲可以提神、解胃腸鬱悶。食過新派fusi

老公話呢間車仔麵有雜誌介紹過，呢日同我嚟食lunch。餐廳細細，但地方好乾淨，坐得好舒服。呢度有幾款唔同嘅湯底，我叫左三款餸(珍珠元貝、牛栢葉、豬大腸)冬蔭功米線($37)，冬蔭功湯底酸酸辣辣好嘢味，入面有十幾粒珍珠元貝仔，好彈牙，豬大腸有豬腸味但唔肥膩，配料係秀珍菇同中芹好足料。老公揀左個麻辣配四餸(辣鷄翼尖、辣豬皮、咖喱魚蛋、炸魚皮)嘅泰國鱷魚湯底粗麵(連加底$44)，白色的湯底鋪滿餸之外，仲有搶眼嘅杞子同紅棗，望落好吸引。小食我哋點左個泰酥炸鷄翼($26)，鷄翼皮炸到好香脆，肉質juicy又入味, 好食！老公嗰杯薄荷青檸梳打(跟餐$11)係用好多新鮮薄荷葉沖出嚟，唔係用濃縮香料嘅人造味道。呢度D嘢食真係煮得好有心機，我哋得閒會再嚟幫襯！

之前係新假期到見到元朗有間新開車仔麵，咁岩又係元朗整完野，就去食下，篤篤車附近都好多咪錶位，流動率都好高下，好易泊到車。之前係新假期都見到佢介紹過，食車仔麵用泰國湯底，夠特別，因為我食左咁多年車仔麵都只係食牛腩湯或清湯。以到有5款湯底比你簡，見到泰國鱷魚湯底係3隻手指，當然一定要試下，另外仲叫左2隻手指既冬蔭公湯底，小食我地叫左泰酥炸雞翼（原味），網紋春卷，一杯凍檸茶，一杯凍咖啡。泰國鱷魚湯配油麵，紅腸豬腸蘿白豬紅（$40） 開頭諗緊會唔會好重薑味同腥味，點知係一D 都冇，飲落去個湯好濃郁，落足料，唔會好似用水溝稀左，好鮮甜，好似豆腐湯，以個湯我覺得好驚喜，我同囡囡都飲晒成配湯，飲完唔會覺得好口渴！而油麵煮得岩岩好，豬腸冇其他臭味，係新鮮豬腸，好入味，蘿白豬紅切到細細粒，易入口，蘿白好淋冇根。冬蔭公湯配粗麵，墨魚仔牛柏葉墨魚丸芝士腸芝士丸魚旦（$52）冬蔭公湯中辣已經夠辣，酸酸辣辣好正，湯底濃郁，好足料，又係連碗湯都飲晒，粗麵同餸份量夠多，墨魚丸芝士丸魚旦夠彈牙，牛柏葉夠爽口，墨魚仔夠新鮮。泰酥炸雞翼（原味）（$26）炸得好香脆，新鮮炸起，咬落去好重香茅，鹹鹹地，點埋個醬汁，好惹味。網