築地GINDACO (已結業)

今天難得下午休息...獨個兒出旺角行下街, 肚子不太餓, 既然路經此地....當然要學人食下小吃, 這裡稍為乾淨一點, 但要立食! 四了4粒章魚丸, $18 再加一杯綠茶, $5, 價錢並不平宜! 對上一次食此類食品已是十幾年前的八佰伴, 整粒章魚丸也是蛋漿, 內有一件章魚, 坦白說....我不是太認得內有什麼料, 只是圓圓一大粒, 裝滿口腔, 吃不到外脆的口感, 熱度亦不夠, 因為已不是新鮮整起的! 外在灑上醬汁、鰹魚碎與海苔...我沒有蛋黃醬配吃, 只感到一大堆味精配上淡味章魚丸, 一點都不彈牙, 不喜歡....可能是因為年紀已不再年輕, 在街邊吃零食的習慣已戒掉! 綠茶很深色, 但茶味卻不是特別濃, 幸而叫了少甜, 否則更嘗不到綠茶味!

行行下街好想搵d野食下，又一次到築地~!!!! 真係好好味呀！食面脆卜卜...入面軟淋淋~不過小心太熱會「辣」親個咀~!!! 醬汁濃,很香,章魚大大粒又爽口~!!!加左杯抹茶奶茶,即叫即做,好鬼好飲呀~!!!!!!雖然好多人....又要企係度食....但~~~值得ga~!!!

好味呀！醬汁味道頗濃且鮮甜,木魚很香,熱食外脆內軟,凍了吃味更濃,章魚爽口頗大粒,蛋醬也不算太粉,也不算厚,味精一定有!!還加15蚊叫了杯--抹茶黑蜜銀冰樂,其實都幾好飲,忌廉加黑蜜醬加抹茶冰,賣相好,即叫即做,但冰不夠碎,常喝到半粒骰大的冰塊

我去親旺角多數都會食築地GINDACO 我會叫10粒蛋沙津tagoyaki $39?! share黎食最近又食左一次tagoyaki有一半係熱，但另一半唔熱 粉漿調得好好味！ tagoyaki熱辣辣又外脆內軟！ tago好大粒！好爽！好味！ 上面果'pat'蛋沙津又好好味！！！熱既tagoyaki真係好食好多，唔熱既唔好味下次一定要叫佢俾剛整好既熱tagoyaki我！另外飲左綠茶豆漿無豆味無茶味無甜味...飲緊水咁...完全唔得

$20 銀炒麵：有好多大大塊的椰菜、幾片肥牛、芽菜、一隻荷包蛋，蛋撈麵好好味$20。4粒玉子燒：每粒小丸子內裡都是有一粒大章魚，這個的醬是凍的蛋黃醬$20。4粒大蝦千島燒：每粒都有好大隻原隻蝦，好鮮味$18。4粒原味章魚小丸子：還是原味的最好，另外，這間小丸子好香口又夠脆

經常經過這間賣章魚丸的店舖決定一試和女友點了玉子味和正宗原味大大粒的丸子外皮很香脆很大粒的章魚配上美味的玉子和醬料可說是多間章魚小丸子數一數二好吃的呢..但醬好像不太夠..想吃的朋友注意,要求多一點醬定必更加好..下次會試炒麵..好像很好吃呢.

輕鬆飲後光顧築地聽聞GINDACO只餘下這分店而baba以往亦有買給家人品嘗覺得唔錯便跟朋友ニ人到這店小聚買左一餐2人分(1) 10粒傳統章魚燒-外脆入軟-章魚大粒-醬料可口(especially沙律醬)*好味, 但仍有改善空間(2) green tea-無味um,,,, 章魚燒好味已足夠

星期六去了吃 八爪魚爪.叫了原味及千島醬風味.外層脆脆地,入口之時燙口, 感覺所用之粉較少, 內裏的八爪魚又鮮又爽口.加上有醬汁, 真係好好味.$20, 4 粒, 貴得黎好值得

2008年09月07日，築地與另一半今日試了大蝦燒，個sauce少少辣，普普通通。八爪魚跟大蝦，還是比較喜歡前者的味道。

個人認為呢個係全香港最好吃的小丸子!!因為夠熱又夠脆．sogo 同埋附近果d都唔夠比呀!!不過cwb果間執左之後就唯有係MK食LU~個人最喜歡吃玉子味．一凍一熱撞埋一齊好特別!不過記得叫佢俾多d source．先夠食哂咁多粒好多人鍾意加$配飲哈．不過個greentea milk都真係有夠難飲所以唔 recommend大家叫呢間野咩都好．不過真係貴...37元十粒丸子．貴人地一倍以上呀真係一分錢一分貨...

這間日式店子進駐香港已久，亦是我認為全港味道最好的日式燒八爪魚丸。吃了這間店子好多年，現今味道比當初略為遜色，可能已打響名堂再不太注重質量。大少爺口痕想吃，於是就來。要了原味大船，十粒，索價近四十。其實味道沒有什麼好寫，我只求夠香口，而且八爪魚不要下得小家就可以，這間店子就2樣都做到。一排排的爐，staff眼明手快的弄好一粒粒丸，即使要立食都嘗心悅目。喜歡這裡，不單是食物的質量，亦看員工的素質，在店子內播放日式音樂，令人很舒服。愛這間店子，是有一份情意結。

見人不多, 就排隊買丸子食啦有天婦羅味? 好似out左咖喇喎~咁我地都係試大蝦味啦! 好大只蝦, 好足本喎~熱辣辣, 又夠味, 唔會太咸呢~ 正呀! 冬天食最正喇~由於我儲開佢地既印花, 咁就可以唔洗錢食佢10粒喇!!!人越黎越多, 次次都係咁, 我地一入到去, 人就會開始多起來, 去每一間都會係咁服務員態度好好, 叫人排好d隊, 招待得幾好...

晚上成11點, 原本想去happy lemon買抹茶牛奶布丁飲, 但可惜 happy lemon已收工.之後諗起呢度都有抹茶系列凍飲買.單買了抹茶牛奶 (少冰) $12. 但一飲茶去, 沒奶味, 少少甜味都沒有, 只係第一啖覺得有綠茶的甘味, 但之後繼續飲落去就覺得淡到如飲水 好懷疑佢係咪唔記得左落奶落糖水

搵完肥姐, 就繼續掃街行動第二站, 而目的地就係呢間食店, 由於師傅一路以來都好想試, 可惜苦無機會, 難得掃街當然唔會放過佢啦; 原來好友食家"乜都放入窿"之前己經試過, 佢話真係幾得架, 加上知道師傅從來都未試過, 所以就一齊試!入到店內人唔算多, 但都要排一陣隊, 之後就柯打左四粒嘅原味鱆魚丸, 等左一陣就有得食! 拍照留念後就即刻開餐, 只見鱆魚丸都幾大粒, 咬入口發覺皮夠熱, 亦夠脆, 加上唔會成口粉, 同其他街邊食店真係有分別, 口感的確唔錯, 唔使加醬味道已經夠搶, 真係唔錯!總括黎講鱆魚丸真係出色, 而服務都幾好, 加上有地方可以企喺度食, 算唔錯, 而價錢都唔算貴, 冇記錯係十八蚊四粒, 都算抵食; 對於師傅呢個大鄉里黎講, 呢個鱆魚丸真係幾得架, 有機會一定會再黎, 試下其他款式都好呀, 笑臉都係走唔甩!

我好鍾意食墨魚丸, 平時都成日去試. 呢間剛剛開既時候, 好多人, 好大陣象咁, 又大大隻寫住日本黎, 諗住好好食...點知, 真係食左第二粒, 已經唔想食, 其實我對食都冇乜要求, 但係墨魚丸好唔好食, 最基本就係唔可以太多粉....我一咬落去, 成口都係粉, 想搵粒墨魚都好難, 食完一盒, 已經好飽, 因為成肚都係粉但係佢又唔平喎, 仲好貴!!唉, 總之覺得唔好食!