築匠 (已結業)

魚生好新鮮，赤貝爽身唔腥午市仲會送前菜沙律同埋麵豉湯$98搞得掂，真係好驚喜！呢個質素完全同大場嘅有得比但價錢就像差好遠店員cool d，不過禮儀細節做得幾好座位同人流不多，希望可以捱過疫情呢場仗啦Super fresh sashimi, highly recommend akagai. Lunch provides soup and salad with no additional cost. Reasonable price with decent service.

性價比最強嘅刺身丼雜錦魚生飯雜錦魚生包括左右吞拿魚，三文魚，油甘魚嘅切粒，並且有玉子、青瓜粒。會跟餐送一碟柚子豉油。三文魚吞拿魚刺身丼每款刺身都有三塊。以$68嘅價錢來講，絕對係超值。肉質識落新鮮，嫩口😋 三文魚的紋理整齊、有光澤、十足十廣告見到嗰啲挪威三文魚咁！配菜：同正常嘅日本餐廳一樣、跟餐會送麵豉湯同前菜沙律～（胡磨醬拌）。服務😍：侍應又高又靚仔～同埋係比正常的禮貌和細心、更加有禮貌同細心。每次坐低，都會親手遞一張消毒濕紙巾比你（喺疫症之前已經係咁）環境： 沉實嘅木色設計，再加埋宮崎駿音樂，恍如一間身處日本嘅小店

鯖魚丼(走鹽),個湯一飲就係大量味精溝水，飲咗一啖我就成晚都口乾到爆。鯖魚(走鹽)勁咸，啖啖都咸到暈，所以個定食我最快食晒嘅係碗白飯。銀鱈魚定食$118, 銀鱈魚一片黑色沒有洗, 形狀不正常, 好似煮唔夠熟咁, 肉好難夾開, 勁咸，啖啖都咸到暈，勁唔好食。好難食的驚人,  放棄左不推薦, 但係煮果個唔知係咪前世無食過鹽, 🤮果陣咸味係口到洗唔走，成晚都口乾到爆, 成餐飯都唔想再食野，真係要black list

近日真係發掘咗好多位於大角咀附近嘅小店 繼玥屋後 今次都係日式小店黎 又係價錢親民得黎質素好 以前店員仲要非常之友善!!大家要去支持下🙆🏼‍♀️-✏️自選海鮮丼: 北寄貝($16) || 油甘魚 ($28)|| 吞拿魚($28) || 帆立貝🍱可另加$15轉定食(包湯及前菜)每次食丼飯 最想就係可以自選 揀曬自己最鍾意嘅刺身落去都得🤪價錢非常親民 不過雖然價錢平 但係佢質素一啲都唔馬虎!而且份量都好足 你見佢係鋪滿個飯🙆🏼‍♀️北極貝爽口彈牙 而魚類刺身切嘅厚度剛剛好 絕對唔會話平就薄切俾你 而且都唔帶筋油甘魚嘅魚味幾濃郁 比吞拿魚好食啲 另外推介帆立貝 食落鮮甜🤓可以一次過食曬想食嘅刺身好滿足🤩〰️✏️一口甜薯 ($16/串)甜薯仔質感綿密 重點係每一粒都勁甜 不過咬落外皮就偏腍 如果佢可以燒到外皮微脆嘅話perfect🤓

由奧運走，走到舊區大角咀，附近都唔多有好野食，但行行下，竟然有一間親民日本料理。特價 - 馬糞海膽，$98/板呢個價錢真係無所求，自問好少食海膽，唔識分好定唔好，但平民價錢絕對比到我大滿足感覺。鰻魚飯 - 永遠不會失手日式料理，鰻魚飯一定唔會輸！味道不過不失，最重要有兩大塊鰻魚，食得飽飽的三文魚吞拿魚赤蝦丼好味！廣島燒蠔稍覺得有一點失色，配料太重太多，蓋左蠔味，不過$28/2度，質素算係咁最後叫埋波子汽水，回味童年回憶

呢間小店真係估唔到咁有驚喜！連我平時挑挑剔剔嘅男友都話好正。夜晚堂食勁抵，份量勁足！環境又靜，坐得舒服！侍應哥哥又貼心，入到黎比消毒紙巾俾我哋抹手走嘅時候都被消毒搓手液我哋用！嘢食超好味，焗海鮮丼飯真係好足料！食到我勁飽！仲要我哋一邊食先哥哥一邊係度不斷幫我地斟水！辛苦晒！但其實個水壺係我哋張枱到我哋可以自己斟性價比極高又好味侍應哥哥店員都好有heart，所以我一定會再黎！其實我真係好少特登過嚟寫食評但係呢間真係好有驚喜呀大家一定要試吓

三文魚甜蝦海膽丼💲78牛肉稻庭烏冬 💲68午餐內附湯🍲及沙律🥗✅ 入座後職員會遞上濕手巾供抹手用 服務貼心🤎✅ 以魚骨熬湯 鮮甜美味🐟 主食足料🈵👅Taste：3.25/5💰CP值：3.5/5🙋🏻‍♂Service：4/5👁‍🗨Stylishness：3.5/5

今日同朋友一入座就收到濕手巾，感覺好像去了日本，店內裝潢亦走簡約和風。侍應主動提議換到四人枱可坐得更舒服，服務周到值得一讚。熱湯有魚香又難得不像市面一般過鹹，沙律雖小但色彩豐富。自選海鮮丼點了3款：玉子、八爪魚、北寄貝 (共$46)，貝肉固然鮮甜，就算是最普通的玉子，切法也整齊精美講究，足見其用心。wasabi裡有小小的山葵顆粒，感覺新鮮。我更愛碗邊配菜子薑片沒有染紅，保留天然薑色，又幼嫩不辣，所以罕有地吃完了。50蚊有找的鮮味海鮮丼，只有小店才做得到。下次會再來試「馬糞海膽」。

價錢平 質素高十年難得一遇的良心小店。鬧市旺角旁寧靜的大角咀驚世的小店簡直是滄海遺珠貨真價實尤其選用稻亭烏冬顯出心意和質素服務態度友善之餘又細心雖然店舖雖小 但其餘的service有補足。

本身我同女朋友想同呀媽食匯豐對面個間壽司店點知去到無位啦呀媽又扭計想食日本野喎一開openrice 就見到呢間築匠就行過嚟試下啦！佢啲價錢真係唔太貴我地嗌咗炸物、牛肉鍋、同壽司刺身炸物絕對唔係放題質素啲火喉控制得啱啱好雞翼又好入味牛肉鍋應該有大半年無食過今次食番真係好懷念而佢係俾咗超多牛肉嚟仲要好新鮮配菜又多個湯係真．濃湯撈飯一流！最後係佢個手握壽司同刺身絕對唔係hea你同刺身係好新鮮同肥美油甘魚推介！絕對會再嚟食過！

是日到奧海城閒逛，想到大角咀幫襯一下小店，週六晚上見唔洗排隊就決定一試，結果充滿驚喜海膽$38海膽色澤暗啞，接近啡色，又開始出水，明顯唔太新鮮，唔係哇一聲的鮮甜，味道比較淡，但無腥臭。帆立貝$38大大件，幾鮮甜。香蔥吞拿魚腩$28唔愛食吞拿魚，但偏愛肥美既吞拿魚腩，配上芝麻同蔥係一絕。火炙三文魚腩$22平時好多火炙壽司會加醬汁，個人認為就咁燒已經好香口，魚腩非常肥美，抵食！醬燒廣島蠔$28（2只）沙律醬燒加上蟹籽香草，蠔亦鮮甜，會encore之選。照燒雞扒稻庭烏冬$68塊雞扒真係好大塊，雞扒剛好唔會燒到乾曬，雞肉仲係滑既，加配紫菜同燒汁和風味濃。湯烏冬加配紫菜粟米蟹柳香蔥都唔錯，如果可以加埋鳴門卷就更好了😃

今日難得放假，等男朋友放工拍拖食飯，佢話想去奧海城行下，咁我就睇下附近有咩食啦～本身打算食附近第間壽司，但去到已經滿座，唔接受walk in，咁無計啦💆🏻‍♀️行過隔離睇下仲有咩食，經過呢間時見到門口餐牌幾吸引又多位唔洗等就入左去，點知亂入都有驚喜！🥰🥰一入到去覺得環境好好，店員首先遞上濕紙巾比我地，十分貼心👍🏻我地嗌左一個吉列蝦吉列蠔稻庭烏冬（ $78）同一個極上壽司（$128）跟餐有沙律同湯送，雖然係小食，但一d都唔馬虎，沙律好新鮮，湯亦都飲得出唔係連鎖店沖出黎果d，好有誠意。之後上壽司先，無諗到份量都幾多，每件刺身都係厚切😍😍我最中意帆立貝係特大size好鮮甜，其他都好好味，真材實料，好彩有嗌到。吉列蝦同烏冬就不過不失都好好味！一定會再黎啊😆😆

D魚生好鮮，價錢仲好平民！！！80幾蚊已經有3色飯同海膽食，海膽真係好好食，佢除左麵豉湯好好飲之外，我仲飲到佢d茶有魚味，應該係有用魚骨黎一齊煲水。大家真係要多d黎幫襯😋

無懼“亂世”，仍然照常營業😊平民價日本菜，雖然款式唔多，但已經夠我選擇困難兩個人叫左個極上壽司拼盤，d魚生幾新鮮，吞拿魚以為會好似自助餐果d cheap cheap實身魚生，點知係軟架😍👍每滿$100可以以特價揀 一板海膽/三文魚頭或骹/燒魚/唔記得咩我地揀左海膽 同 三文魚頭 兩樣都好好食👍👍仲叫左個照燒雞扒烏冬同燒廣島蠔烏冬：正常，但抵食燒蠔：好味👍因為太肚餓既關係，其他野食就冇影喇😂總括黎講，如果你要求十分高汁，呢到未必岩你，但以呢個價比到咁新鮮既食材同服務，真心算好好（利申：回頭食過兩次）

日本餐廳, 香港週街都有。 當然大部分都被 連鎖店壟斷, 小店形式嘅日本餐廳在香港經營, 實在有啲難度! 話雖如此, 其實香港有好多有誠意、 有質素嘅小店存在。 築匹就是其中一間!小店最重要就係服務夠誠懇, 坐低冇耐店員哥哥就會攞一張消毒濕紙巾畀你抹手 (喺家庭裝嗰啲, 細心咁攞畀你, 環保好多!)。午餐會送埋麵豉湯同沙律。 佢個麵豉湯絕對 好過好多高級日本餐廳, 見到佢奶白色嘅顏色就知道唔係淨係得麵豉, 佢應該係用咗三文魚骨同埋三文魚頭煲嘅! 魚味濃沃, 誠意十足!呢間舖頭主打魚生飯, 我叫咗個極上鮪魚丼, 個碗睇落唔係好大, 不過上面鋪滿吞拿魚, 而且個碗都幾深。 剁碎嘅蔥吞拿魚用真薄荷葉 承托, 拖羅雖然唔算得上最靚嗰種, 但都砌得厚厚, 非常滿足! 跟飯嚟嘅大大嚿 Wasabi 係真山葵新鮮磨出嚟, 並唔係牙膏裝嗰啲假嘢! 只係壽司飯醋味唔係太濃, 美中不足!店員哥哥嘅服務真係好到加零一, 雖然我去食嗰陣時差唔多坐滿人, 佢不斷都會自動幫客人斟茶, 臨走前仲會畀張新嘅消毒濕紙巾你抹手。 找數時見出面天都黑曬, 店員哥哥 主動問我要唔要借雨傘! 非常窩心!有誠意、 夠真心嘅小店,