影片
港铁铜锣湾站 C 出口, 步行约1分钟
继续阅读
电话号码
36190669
开饭介绍
台湾过江龙首间海外分店，其鱼料理主打酸菜鱼口味，另亦供应6款特色汤底，如日式的极道明太子奶香鱼、鲜味十足的海派虾汤鱼，配上多款台味私房菜、炸物和饮品更加滋味。
继续阅读
营业时间
今日营业
11:00 - 23:00
星期一至日
11:00 - 23:00
以上资料只供参考，请与餐厅确认详情
有关餐厅
有关奖赏计划
年頭去台灣時已經食過築間打邊爐，係當地好受歡迎 。意外地竟然插旗黎香港開酸菜魚先，而唔係火鍋 。可能知道香港人太鐘意食酸菜魚 😂 。今次我係睇中嘉義砂鍋魚所以黎試，香港好少地方有，但睇台灣節目就形容到砂鍋魚好好食 。好彩餐廳嘅魚係分咗大、中、細份量，想試兩隻味就叫兩個細都OK 。🍲 嘉義砂鍋魚原來係以沙茶醬為底，整體味道好重口味，係香濃沙茶香但唔辣嘅 。有別於酸菜魚用魚片，呢一度係用炸過嘅魚塊 。開頭趁熱食嘅時候魚皮仲係帶脆，魚肉厚實嫩滑，不過就會有啲骨，唔係啖啖肉 。配料方面有紅蘿蔔、娃娃菜、炸過嘅鵪鶉蛋、金菇等。始終呢款比較重口味同油，建議幾個人share一個細嘅砂鍋魚都OK，跟住叫吓其他口味嘅魚食 。🍲酸菜魚手機點餐冇得揀辣度，default嘅酸菜魚係台妹style—好溫柔 。佢同平時大陸style酸菜魚唔同，整體口味平衡啲同埋食落舒服，唔會太酸或者太辣，係襟食嘅酸菜魚 。配料方面有寬粉、金菇、腐竹、木耳等 。💡淨係比較魚嘅話，成餐飯食完總結出比較鍾意酸菜魚，無咁膩可以食多啲 。食台灣嘢點可以冇炸物，叫咗個炸甜不辣同埋鹽酥雞 。甜不辣份量相當多，炸到外皮脆，中間係煙靭，好食 。鹽酥雞就係店員力推，結果都冇失望嘅，中間雞肉仲係好嫩滑，仲有炸九層塔，都算係有完整還原台灣味道。特別值得一提嘅係炸物嘅底部有啲生洋蔥，可以解膩，都幾貼心。🍥柚香蘿蔔上菜時店員話我哋好識揀，因為蘿蔔係自己醃嘅 。淡淡柚子香配埋酸爽嘅蘿蔔，好啱食炸嘢同砂鍋魚嘅時候解膩 。🧋檸檬紅茶雖然冇得調整甜度，只可以少冰 ，兩位飲開走甜嘅都覺得尚可接受 ，茶味都算香濃，但希望遲啲有得走甜 。🍨紅豆仙草仙草質地比較挺身，有仙草嘅甘味，適合食完炸野要下火嘅感覺 。整體全部嘢都唔錯，咁多野食埋單都係400幾 。難得佢有細份魚嘅選擇，下次行過一個人食都得 。
继续阅读
位於銅鑼灣的川菜餐廳。據聞是台灣銷售第一的火鍋品牌，而築間酸菜魚更旗下餐廳，首間的海外分店便選址於香港，對於選址在香港雖感莫名，但仍心存感激，要知道現今的香港有多繽紛呢。 「湯比魚更鮮，一碗記三天」⋆_____ᴛᴏᴛᴀʟ ᴏʀᴅᴇʀ______⋆ ⭒總長酸菜魚 $148⭒海派蝦湯魚 $178⭒鐵漢小酥肉 $35⭒復刻炸排骨 $45⭒紅豆仙草 $28⭒芒果奶凍 $28⭒冬瓜檸檬茶 $18⭒暴走波奶茶 $22 ___⋆ ⋆ ___ ✿ 總長酸菜魚酸脆勁爽的酸菜再搭配招牌湯底，加入鮮嫩幼滑的烏鱧魚片，口感麻酸香辣，很是過癮。另外湯內更有很多配料，萵筍、寬粉、薯仔及金菇等，飽腹感十足。.✿ 海派蝦湯魚不吃辣的朋友可以選這個口味。魚肉份量雖然較少，但有加入青口、蜆及海蝦等海鮮配料，搭配清甜可口的蝦湯湯底，鮮嫩不腥，很是鮮甜。.✿ 小食鐵漢小酥肉及炸排骨的份量雖不算多，但炸漿厚薄適中，香脆可口，涮嘴不錯。.✿ 甜品兩款甜品還原台灣路邊攤地道的味道，不會太甜，算是不錯的飯後甜品。.✿ 飲品飲品偏甜，如果可以調較甜度會更好~
继续阅读
川式酸菜魚經常食，台式酸菜魚真係第一次試。 呢間餐廳既裝修風格、佈置、同埋餐具都玩味十足，充滿創意同漫畫元素。比較驚喜嘅係餐廳嘅自助水吧，提供咗洛神花以及陳皮蜜，可以俾客人無限添飲暢飲。總長酸菜魚 - 小(1-2人份）$148 平時嘅酸菜魚多數都係好大一盆，要好多人一齊share，但呢度嘅酸菜魚份量適中，可以一個人食都冇問題。 有別於川式酸菜魚，台式酸菜魚味道較溫和，酸味辣味具備，但清爽不油膩。魚肉份量都幾多，完全冇骨幾滑嫩，麵條索晒啲汁好入味。 極道明太子奶香魚 - 小（1-2人份） $178 呢個好有驚喜，明太子湯底非常濃郁濃稠，湯汁超級Creamy，最驚喜係佢裏面有好多海鮮，有四五隻大大隻嘅青口，仲有蜆肉、蝦等等，份量十足，魚肉幼嫩但不易夾爛，奶油香味十足。麵條滲透晒明太子湯汁，簡直好似食緊明太子pasta咁，非常掛汁。椒鹽雞軟骨（$28）$28大大碟雞軟骨，好抵食。佢雖然話係椒鹽雞軟骨，但我覺得佢比較似台式嘅鹽酥雞軟骨，鹽酥味突出，雞軟骨爽脆。炸裂酥魚皮（$35）即叫即炸，魚皮非常大塊，外皮炸得非常香口香脆，可以就咁食，亦可以浸落湯底食，各有特色。暴走波奶茶（$22）好正宗嘅台式味道，奶滑茶香，配上波霸彈牙又咬口，味道絕對唔輸蝕出面嘅台式飲料店。冬瓜檸檬茶（$18）呢度嘅嘢飲都好大杯好抵飲，冬瓜清甜，配上檸檬，解暑解膩又開胃。芒果奶凍（$28）奶凍質地細滑，配有爆珠，一咬開會有果汁爆出嚟，口感幾得意，美中不足係我唔太鍾意配有碎冰。
继续阅读
我真係好鍾意食酸菜魚，近排見到一間來自台灣既首家台式酸菜魚，開喺銅鑼灣就諗住去試吓！我覺得呢度好正嘅就係佢竟然有一人份嘅酸菜魚！啱晒我呢啲有時一個人想去食嘅人，如果唔係約朋友仔去食酸菜魚都有排約😂而且呢度嘅魚類選擇超級多，唔單止可以食酸菜魚，仲可以食到台式嘅其他魚料理。我今次就有食到佢嘅酸菜魚，估唔到味道都幾好喎。佢酸辣平衡得啱啱好，而且感覺上冇中國大陸食嗰啲咁油膩～ 配料裏面有好多薯粉芽菜都已經有齊晒，一個人食都一定好夠飽！另外我貪得意叫咗佢一個地道台灣料理叫做嘉義砂鍋魚，非常之特別佢係炸咗條魚，然後用沙茶醬同埋其他唔同嘅香料去炒，味道都幾特別。如果嚟到舖頭想試吓酸菜魚以外嘅嘢都可以試吓。仲有因為呢間係台式餐廳，所以點少得台式小食同埋飲品！我就叫咗佢嘅甜不辣同埋雞軟骨，都相當之惹味可口，尤其是甜不辣非常之煙靭！拍得住台灣嘅夜市～ 嘢飲方面就揀咗冬瓜檸檬茶同蜂蜜檸檬茶，唔單止可以解除油膩感，而且有落好舒適，啱晒同呢一啲酸菜魚一齊飲呀！
继续阅读
行銅鑼灣見到口扣住大大個酸菜魚大字，上去睇下發現呢間酸菜魚原來係來自台灣既過江龍。見到門又幾睛，鎘所以就入去食晚餐。我地叫左兩份唔同口既酸菜魚。 總長酸菜魚，魚肉細薄香滑，配料好豐富好足料，特別係酸菜鹹香味濃郁，上面既香蒜同蔥花好香口。雖然好多辣椒咁，但係又唔會好辣好麻咁。食落去香香辣，底下有寬粉收晒精華酸菜湯，食落好入味再配白飯味到一流好開胃。 嘉義沙鍋魚，用左炸好既魚再用高湯煮。肉質厚身魚肉味濃烈點，配料仲有炸過既鵪鶉蛋，支竹，蛙蛙菜同金菇等等。食落幾入味。 小食叫左椒鹽雞軟骨同鐵漢小酥肉，做法同台灣一樣，即叫即炸香口同脆卜卜。但又唔會過油。份量都幾多，相比價錢性價比較高。 叫左檸檬紅茶暴走波奶茶，都幾解渴下而且奶茶既珍珠勁有咬口勁爽口。最後叫左冬瓜黑糖奶凍。估唔同奶凍勁足料，感覺好似食緊芝士蛋糕咁香濃。但佢好滑好香甜。好吃甜品之選
继续阅读