等等HEA

营业中

休息中

由於在OpenRice 睇見部份谷友讚抵食，早一天就打電話訂了座，昨傍晚(29/5）雖掛出黃雨，但不想放餐廳飛機，所以夫婦二人仍冒着大雨初次去光顧。入座後揀了$99 壹位的任食雞煲套餐，另外每人$30加烤魚；鑑於價錢算便宜，所以事前對食物嘅質素亦不敢寄予厚望，結果雞煲及烤魚兩樣的質素只是一般般，每樣只要了一份都冇食晒；最值得讚的食物是滷肉飯及芋圓。服務方面就非常好，老板娘及另一高瘦女店員都非常殷勤及有禮貌。可惜埋單時老板娘有啲唔老實，明明電話訂位時問清楚汽水是免費任飲的；甚至我入座嗰陣時，嗰位高瘦嘅女店員都係同我介紹話，兩個雪柜裏的汽水係免費任飲，但啤酒同埋台式飲品就要另外每人加收18蚊嘅。咁我哋就話淨係飲汽水得啦，結果我哋都係兩個人每人飲咗兩罐汽水，但係埋單時問事頭婆攞張單睇，見有飲品收費，佢就話汽水係要每人收8蚊，（我好清楚餐牌並冇寫汽水收費項目），但我亦都冇再同佢爭辯，我就照畀佢多收咗16蚊再加一嘞。冇嘢嘅，咁樣你係可以多賺我嗰16、 7蚊，換嚟嘅係將來少咗我呢兩個客囉；你咁嘅行為，我就唔會再回頭來幫襯。

用餐券連加一220有找，食足150分鐘，吹水打躉都值回票價。 食物質素不錯，但繁忙時間上菜會比較慢。老闆同員工的態度很好，親切周到。餐廳位置都比較方便，宋皇台地鐵站出黎行7，8分鐘左右就到

一班朋友食飯吹水好地方食物質數好，款式又多選擇服務一流。姐姐又好貼心介紹今晚食左酸菜魚 雞煲 肉串 小籠包 甜不辣 豬耳 糖心蛋 鹵肉飯 炸雞粒 麵線 呢度食過好幾次 值得推介下次再食過

係香港$99食到88分鐘放題，$199仲可以仲可食到150分鐘放題😱位於九龍城既等等hea台式料理而家就做到啦4位以上訂座仲會送埋🍤海鮮拼盤😱大癲‼️優惠期：即日起至2025年10月5日‼️食物真係超級多呀雞煲、烤魚、仲有台式串燒、小食、火鍋😱$99仼食雞煲放題(食埋烤魚每位加$30）$199任食雞煲烤魚放題台式雞煲、台式麻辣雞煲麻辣烤魚、酸菜烤魚、番茄烤魚）台式小食:萬華街小碗蚵仔滷肉飯、台式手工芋圓、基隆市甜不辣、士林鹽酥雞粒、蒜香麻辣豬耳、台式滷水糖心蛋、阿宗麵線（配阿宗辣椒醬）火鍋配料:特級美國肥牛、澎湖貢丸、花支丸、白蘿蔔、萵筍、唐生菜、娃娃菜台式串燒:牛肉串、羊肉串、牛油小串、燒雞皮、五花腩串、燒雞腎任飲汽水、啤酒及台式飲品另加＄18（位）Like 社交平台 就可以免費啦😍

試了199的任食套餐烤魚鮮甜味美,斤兩十足雞煲香辣吸引,由於只有兩人進食,店家提供一個小雞煲,讓我們能多試其他食物串燒即叫叫燒,香脆可口,雞皮爽脆,油脂少,好味！蟹黃麺加秘製配料,惹味！滷肉飯鹹甜有致,鹽酥雞粒熱辣辣,滷水糖心蛋好好食,小籠包即叫即蒸,小心燙口多款食物叫人食指大動火鍋配料亦算豐富手工芋圓香甜多款台式飲品及汽水啤酒任飲滿足的一餐百貨賣百客如此價錢絕對超值店員熱情,有禮用心款待客人,我怕辣,特意安排適合的辣度讓我吃,令我們吃得開懷

小編知道位於九龍城嘅「等等Hea 」將會推出全新震撼火鍋台式雞煲烤魚放題！仲有蟹黃麵 同 多款串燒台式食品😋 今次小編就同埋朋友去試吓先😬 而且$99 就可以有88分鐘放題 同埋 $199 就可以食到150分鐘豪華震撼放題😻兩種價錢 兩款放題 任君選擇👍150分鐘豪華震撼放題 $199/人真係非常之豐富 兼 性價比相當高嘅豪華放題呀😻 除左有烤魚食之外，仲有多款台式食品！有蟹粉小籠包、蟹黃麵、阿宗麵線 同埋 滷肉飯等等……仲有仲有串燒 同 台式甜品🤤 真係十分之滿足👍

全港最具性價比👍🏻- 台式雞煲🥘、台式麻辣🌶️雞煲帶骨雞塊搭配濃郁的湯汁和多種配料，慢火燉煮而成，口感鮮嫩，滿滿的台式風味。- 麻辣/酸菜/番茄🍅烤魚整條魚烤至外皮微焦香脆，放入鐵盤中邊煮邊吃。搭配豆卜、木耳、芽菜等配菜，湯底濃郁鮮香。- 特級美國肥牛🥩、安格斯牛板腱、紐西蘭草飼羊肉卷、各款蔬菜🥬等，無限追加！- 豐富的台式小食也是一大亮點⭐蟹黃面🍜 滷肉飯、鹽酥雞粒蒜香🧄麻辣豬耳、阿等麵線、芋圓燒仙草🍡- 還有牛、羊、雞、五花腩串燒🥓88/150分鐘限時，好似嚟咗台灣小食街，包你滿足😊

收工去左附近九龍城 等等hea 台式餐廳，最新推出左$99 雞煲烤魚放題幾吸引，前菜、串燒、火鍋配料已包括！不過$99 就只有88分鐘，另外+$18/每位就可任飲台式飲品，連青島啤酒都包埋係入邊，真係剩飲酒都覺得抵～ 不過相約朋友食飯就選擇左食120分鐘 $199豪華方案，同樣要+$18/每位 任飲台式飲品，連青島啤酒～ 呢個就多左蟹黃小籠包同蟹黃飯、麵任食！ 烤魚有3款口味，選擇左酸菜味豆卜吸晒湯汁都幾好味魚肉唔算多骨蟹黃小籠包要趁熱食，有湯汁蟹黃麵加左秘製蔥油再加蟹黃呢個超邪惡珍珠奶茶、檸檬冬瓜呢d 任點任飲～台式小食有阿宗麵線（配阿宗辣椒醬）、鹵肉飯、甜不辣、鹽酥雞、溏心蛋、豬耳、青瓜、雲耳等任食串燒： 腩肉、牛肉、羊肉、雞皮芋圓仙草都足料 $398 2位再加一 埋單

豪華套餐雞煲烤魚套餐🦀任食蟹黃飯/麵•蟹粉小籠包$199/150分鐘$199放題應該係平絕全港！？仲要有150分鐘，一定夠時間食。有得揀台式雞煲/烤魚。呢度有得揀唔辣嘅雞煲（真係唔係度度有🥲）。雞煲唔辣都好惹味，聞說係因為落咗蔥頭油。食得呢個放題，緊係要食🦀蟹黃飯/麵同埋蟹粉小籠包啦。蟹黃醬半黃半肉，勁鮮勁惹味，唔係得隻色。蟹粉小籠包勁多湯汁，肉餡好鮮甜。另有仲有串燒同埋其他台式小食。必食鹽酥雞，外脆內軟又多汁。串燒比起想像中好食好多，唔係外面狂灑孜然粉嗰種。記得飲埋🧋珍珠奶茶同食埋仙草芋圓！

長假TGIF大胃嚟到呢間好抵食嘅火鍋店，今次佢地推咗個豪華餐幾值得試吓首先揀咗食雞定食魚先，大胃都係揀食烤魚先，湯底就揀咗蕃茄湯底，好飲到忍唔住飲幾啖烤魚係用咗魽魚，唔多骨又啖啖肉，唔鬆散又夠嫩，仲好大條𠻹仲有好多嘢食可以任追加，串燒亦係必食，有牛肉串、羊肉串、牛油小串、燒雞皮、五花腩串同燒雞腎，燒得好惹味好有油香呢間嘅台式小食都好拿手，滷肉飯、甜不辣、蒜香麻辣豬耳、鹽酥雞粒、滷水糖心蛋、阿宗麵線、台式手工芋圓等炸嘅香、滷嘅香噴噴放題嚟講，質素好唔錯最令人期待係蟹黃麵或者飯同蟹黃小籠包，都係任食蟹黃麵同飯，一定要加蔥油，撈埋一齊食，放大晒蟹肉嘅鮮香小籠包好有質感，蟹餡滿滿，點醋食爆湯超正食咗咗多嘢，已經飽到食唔落雞煲同打邊爐，但仍然好滿足飲品有得嗌手沖飲品，一杯都大杯或者出去雪櫃自取，都有唔同罐裝選擇

今日夜晚，我同朋友去咗位於九龍城嘅等等Hea食飯。佢哋最近推出咗新嘅放題套餐。今次呢一個放題主要推廣麻辣雞煲。雞煲嘅份量都唔少，雞肉嫩滑，加上有少少麻辣嘅香味，味道唔錯。食完雞煲之後，可以點佢哋嘅點食物，包括係蟹黃小籠包，貢丸，鹽酥雞蛋等。蟹黃小籠包嘅餡料好多，入口有香濃嘅蟹黃味，非常之鮮甜。貢丸方面，入口好彈牙爽口，味道唔錯。鹽酥雞等嘅小食都製作得幾好，入口唔會覺得太過油膩，令我都忍唔住食咗幾粒。整體嚟講，我覺得食物嘅選擇都幾多，價錢亦都尚算合理。

一大班人冬天過嚟食超正❄️🩷有仼食羊腩煲，雞煲，邊爐超多野食，又抵食，仲有得仼飲飲品，除咗汽水仲有啤酒同台式飲品揀！小食拼盤都係仼食添！重點係老闆娘超好人，服務態度超好🩷🩷

下午茶時段 2-6pm $38 有碗都5-7件牛嘅紅燒牛肉麵唔係嗰啲冇口感 全肥／全瘦嘅肉湯底偏藥膳味，陽春麵有口感包熱飲：冬瓜茶、黑糖薑母茶、桂圓紅棗茶、＇柚子茶，菊花茶都唔係求其嘅化學元素表，算不上好濃味但呢個價錢不能要求更多🥲🥹另外一碗係麻辣xx乾拌麵，有原粒花生，個調味亦唔會好搶口點解呢間咁多人淨係講佢個放題大閘蟹餐，唔講吓呢啲經濟實惠嘅套餐？🥹🥹

見到OpenRice有咁多正評 啲相又睇落去幾正常 等我仲特登搭車去食…試咗佢個蟹粉撈麵…根本就係一個芡..完全冇蟹粉，再嚟一個所謂嘅肉餅籠仔蒸飯..連相都費事影…個飯腍啤啤..擺明係一早整定好耐擺落個荷葉上邊..然後個肉餅唔係蒸嘅係煎出嚟…就咁放喺個飯嘅上面…再加幾粒蔥….食咗兩啖真係食唔落😣😣😣唔係錢嘅問題係嘥咗時間….嘥咗一餐食嘢嘅quota…所以唯一可以做就係特登喺度留言講返清楚件事唔好俾個正評呃咗….

鍾意食大閘蟹嘅朋友仔一定唔會對呢間餐廳陌生，我都嚟過幾次，每次嚟都好旺場，建議大家book定枱🙌🏻呢度除咗任食大閘蟹出名之外，仲有好多唔同嘅蟹粉小食，例如蟹粉小籠包、蟹粉糯米包、蟹黃鹽酥雞等等！我自己就特別推介佢哋嘅「食神瀑布蟹黃撈飯」，倒落啲飯度嗰下好震撼，啖啖飯都有蟹黃，係邪惡咗啲，但係食完好滿足！仲要係呢個咁抵食嘅價錢，性價比真係好高👍🏻鍾意小店嘅原因係佢哋特別有人情味，招呼又周到，仲送咗薑茶俾我哋飲㖭！