等等HEA

营业中

休息中

在不同平台見呢間食評唔錯， 但平臺上買就冇7點既時段選就唯有打電話去問啦， 問左可以直接訂位， 抱住好期待既心情去食， 點知超級失望， 未試過食大閘蟹係食到唔想食同唔知自己食緊咩， d大閘蟹係涮既， 原全唔係蒸， 投訴左好多次， 有次老闆攞4隻上樓上俾我地試， 果4隻先係蒸既， 但果陣已經唔想再食， 唔知係咪我地坐樓上既關係，所以俾d咁既蟹我地， 前後果一檯都覺得d蟹唔係蒸， 因攞上手，一開就好多水， 其實細隻都冇所謂， 但真係唔應該涮羅， 浪費曬d蟹， 真係一隻蟹都冇味架， 仲要呢間係最貴既1間價錢放題大閘蟹，本來都冇諗住寫食評， 但瞓瞓下都係覺得唔開心， 要起身寫， 超級唔開心

秋風起又係食大閘蟹嘅時候啦，妹子提起話九龍城有大閘蟹放題心動不如行動, 即刻訂枱食返餐先。原來分咗幾個時段，每段88分鐘任食大閘蟹，我哋揀咗4-5兩放題，每位＄598。同時有些台式飲品小食任點，當然係在不浪費食物嘅原則下啦，先點一些小食墊墊肚，包括阿宗大腸麵線、蟹粉爆汁貢丸、蟹粉滷肉時菜。阿宗大腸麵線大腸好腍，加埋正宗阿宗辣椒醬風味更佳。食大閘蟹梗係要飲薑茶啦，黑糖薑母茶好夠薑味。大閘蟹上枱就開始計時，每次每人2隻，差不多吃完再下單，如果唔係凍咗就無咁好食。4-5兩都幾大隻架拎上嚟都幾墜手喎蟹公蟹乸係隨機嘅，呢隻蟹公都幾多膏，搣開睇吓，嘩！爆棚啦！啲膏甘香軟滑，齒脥留香呀！食完一隻又一隻，完全停唔到口呀。翻單咗幾次，胃納始終有限，兩個人夾埋食咗20隻最後食埋甜品：196手工芋圓豆腐花又香又滑芋圓咬落煙煙韌韌。196手工薑茶芋圓，夠薑呀！順便提提，除咗清蒸大閘蟹，店家仲有麻辣、鹽焗口味供應，清蒸食得多，不妨試試新口味，麻辣好惹味，下次試埋鹽焗先。下面張相係隔離枱嘅戰績，佢哋2個人食咗30隻（細）勁呀！！

食咗等等Hea兩次，兩次咁啱都係秋天大閘蟹季節。今年比上年更加旺場，可能大家已知道呢度出名大閘蟹放題好抵食，所以全場滿座，我book咗8點都要等。台台都好忙拆蟹好有氣氛，台台都不停嗌要「幾多隻公，幾多隻乸」，聞到都好香，我原本都係book咗大閘蟹放題，但因為濕疹發作，所以我叫咗個二人餐。二人餐都好抵食，menu好多選擇：花枝丸彈牙爽口；滷肉飯好多料，好入味；小菜，鳳梨咕嚕肉同四季豆，兩個份量都多同香口。飲品，荔枝沙冰同芒果沙冰好大杯。最後個甜品好啱我口味，乜都有齊，多料。服務好好，特別係個女職員cashier好忙但都好勤力招呼每一枱。推介，會再encore！！

秋意漸濃，又係食大閘蟹既時候，中意食大閘蟹既我地梗係搵間任食放題食盡佢啦，結果就搵到呢間出名食大閘蟹放題位於九龍城既等等hea，一於食盡佢！ 女小編一入門口就已經聞到嗰陣蟹味同埋蟹醋味。環境算不上乾淨，會見到客人扔咗啲殼係地下，除此之外都幾企理。啲裝修又潮，絕對可以打卡架。 根據蟹既重量,佢有不同既set揀,我地就揀左中size, 4-5兩既呢個set試下。除左蟹係任食之外，好多前菜例如蟹粉水餃、蟹粥什至甜品芋圓豆腐花都係任食。 蟹就分兩味，但我都覺得啲麻辣蟹的確係唔夠過癮。 啲蟹上面鋪咗好多麻辣嘅醬料同埋碎蒜， 但係啲蟹肉辣又唔係話好辣，麻又唔係好麻，當食到好多醬嘅時候反而會覺得好咸。 雖然醬料非常之多，但係啲蟹肉依然清甜、冇咩醬料味。 如果唔食得辣又鍾意食辣嘅朋友，不妨可以試下呢個麻辣蟹。 清蒸蟹就必定要講好食喇， 雖然蟹仔細細隻不過啲膏唔少，未入曬季就已經有唔少白膏，真係靚蟹嚟架。啲膏撈埋佢比嘅蟹醋簡直一流。無得彈呀！食唔到腥味之餘，蟹肉新鮮又清甜。絕對值得一試架。 野飲我地試咗桂圓紅棗茶同埋黑糖薑母茶，兩者都非常足料。如果飲開少甜嘅朋友記得嗌少甜啦。黑糖薑母茶飲完個

成間鋪頭當日唔full 亦唔多客，但漏單錯單，我所見就枱枱都有上左餐少隻蛋/前菜/飲品... 食物其實很一般，前菜唔入味，杯野未飲就咁既樣，都幾唔抵~真心，唔會再去。 最搞鬼啲staff 仲同delivery staff 嘈交，人哋唔肯送佢張單，粗口終結

漏單問題嚴重，點咗兩個餐，淨係嚟咗一個餐，同另一個餐嘅嘢飲。第一次問職員係咪漏單之後，佢地淨係補咗個餐飲俾我地，但重有一個餐嘅嘢食未到，同職員講完佢地又無同廚房講。我地第一個餐都食完，第二個餐都未到，就再問多次職員係咪漏咗單，當時佢地唔係第一時間幫我地跟進，而係問我地有無落單，叫佢睇手機落單紀錄又唔睇，態度重要好惡劣。 另外，嘢食嚟到又唔係特別好食，麵嘅分量又少，我覺得唔值要等咁耐囉，一定唔會再幫襯！加上餐廳環境污糟，有陣怪味喺餐廳，食慾都無埋！

🦀🦀🦀鐘意食大閘蟹又點會錯過呢個大閘蟹季節呢一年食幾次很正常吧😛😛🙈🙈好彩我鐘意飲薑茶，大家食嘅都要飲返幾杯薑茶呀今次介紹呢間係任食大閘蟹啊😍一定要同食得之人一齊狂刷蟹先有意思之前同呢位朋友戰績係一餐16-20隻😂🤫今次我哋冇特別數，我諗都有4-5碟，即16-20隻，戰績無上年咁驚人🤣有4個重量嘅蟹選擇🔸️3-4 両 - $498🔸4-5 両 - $598 （我哋係食呢款）🔸5-6 両 - $798🔸6-7 両 - $898一坐低先安排了一人一隻特別口味大閘蟹，分別係🧂鹽焗大閘蟹、🌶麻辣大閘蟹🧂鹽焗始終多鹽有時有啖會鹹咗啲，但整體都ok🌶麻辣大閘蟹最惹味😋有蔥蒜等調味，少少麻辣感，想再encore🤤🦀之後就上清蒸大閘蟹啦😍影咗幾張相要馬不停蹄狂食😍好多膏，色澤橙紅好靚好鮮味，個人鐘意食公蟹，蟹膏較軟滑，超正😋除咗大閘蟹，仲有唔同款嘅台式食品、飲品都係任食飲飲㗎🦀大閘蟹公 🦀大閘蟹乸🦀蟹粉水餃 🦀生滾大閘蟹粥🦀蟹油香辣雞煲 🦀台式腸蟹粉糯米飯🦀蟹粉澎湖花枝丸 🦀蟹粉爆汁貢丸 🥢一口麻辣鴨血 🥢萬華街蚵仔滷肉飯🥢阿宗麵線(正宗阿宗辣椒醬) 🥢士林鹽酥雞粒🥢蟹粉滷肉時菜 🥢厚燒鰻魚🥢196手工

今日同朋友一齊去食呢一間！本身我哋喺KKday book咗先，但係打咗都打唔通餐廳，成日都唔覆！🥲🥲🥲🥲🥲🥲🥲本身我哋買咗嘅套餐係七百幾蚊一位，但係質素真係麻麻！🥲🥲🥲🥲🥲🥲🥲🥲每一轉嚟嘅蟹都唔同size，有時好大，有時好細！仲要有啲蟹好梅🫠🫠🫠🦶🏼🦶🏼都真係好唔抵！仲要之後要加埋一！每人仲要加多100蚊！買單即係每個人八百幾蚊？伏😢😢😢😢😢😢

我愛大閘蟹🦀🦀🦀踏入10月又係大閘蟹出場日子 為左迎接佢嘅來臨, 今日就左去九龍城 挑戰一下佢推出嘅88分鐘任飲任食大閘蟹放題。價錢方面佢就分左幾個。 10pm後入座價錢有優惠, 宵夜都唔錯😆主角大閘蟹仲好鬼多膏，中秋後最好就先食乸，乸嘅膏最軟熟，到重陽節，即代表公乸都成熟，兩者都可以食,我就梗係兩樣都食晒啦。公乸都好多膏，甘香好味😋 除左大閘蟹，仲有好多台式嘅任食菜式選擇，太多野我就揀少少🤏🏻食吓蟹粉餃生滾水蟹弼蟹粉糯米飯一口麻辣鴨血花枝丸阿宗麵線蟹粥好棉，好香蟹膏蟹油味，糯米飯糯香煙韌有蟹膏香，鴨血好夠辣😂 花枝丸彈牙，麵線來自台灣，好正宗。 飲品有珠珍奶茶/果茶/奶蓋/各式汽水 除咗可以去挑戰任食蟹之余，仲可以去佢地到訂蟹，買翻宅慢慢食又得，去舖頭食又得，任君選擇，想知詳情🔎可以打電話去問😂

你知道我期待的是什麼嗎？ 🥹就係一年一度嘅大閘蟹🦀，今年唔駛屋企自己整，決定去呢間食嘅好出名嘅「任食任飲大閘蟹放題」😝‼️佢地採用正宗優質江蘇大閘蟹品牌，今年仲推出麻辣及鹽焗大閘蟹❗️除咗即叫即蒸生猛大閘蟹🦀，仲有好多款小食，如生滾大閘蟹粥、蟹油香辣雞煲、196手工芋圓豆腐花等🥰 珍珠奶茶🧋、芝士奶蓋系列等，都係任飲㗎😳🤤 我哋揀咗4-5 両，食咗十幾隻🤣 大閘蟹爆膏，橙黃色的，豐腴甘香，濃稠鮮甜，非常回味呀😍😍 佢嘅蟹肉一絲絲的，都好鮮味另外仲有香口軟糯嘅台式腸蟹粉糯米飯、爽彈嘅蟹澎湖花枝丸🍢、酥脆嘅士林鹽酥雞粒、爽滑清香嘅阿宗麵線🍜當然要試網紅196 嘅手工芋圓豆腐花🤩 材料滿滿，煙韌嘅芋圓、紅豆、仙草、愛玉、豆腐花等，就算係任食，但都唔馬虎😝 我足足點咗兩碗🤣我飲咗香滑嘅珍珠奶茶🧋，同埋健康滋補嘅桂圓紅棗茶，暖暖胃又唔太甜

香茜陳皮鴨髀燉湯$68好足料，一桶相你就有濃濃嘅芫荽陳皮味道，裏面隻鴨髀仲勁大隻，以為燉完湯之後隻鴨髀會完全冇味啦，唔係喎啲肉鹹香鹹香咁，細食d啲絕對可以當一個午餐。館長肌肉炸雞髀配台式糖心蛋陽春面$72炸雞髀同埋陽春面分開上，陽春面嘅湯底好特別，唔係普通嘅，而係有濃烈嘅藥膳味道，好有嗰種甘甘甜甜，好似人蔘雞咁嘅味道，炸雞髀有滲出陣陣嘅清新香味，侍應話係用咗好多唔同嘅水果醃咗好耐，除咗有果酸令到啲肉質變得嫩滑之外，仲可以中和到原本好油膩嘅炸雞髀，炸雞髀超級大隻，大過我塊面。日本滑蛋滷肉鵝肝飯$118特別在於滑蛋飯似係日式，但係滷肉飯就一定係台式，兩者嘅配搭其實都幾夾，比起日本食到嘅滑蛋飯通常裏面都係蕃茄飯甜甜地，滷肉飯就帶返啲鹹味比較適合香港人嘅口味，我剛炸到非常香脆，裏面仲保持到肉汁，食落無筋，非常嫩滑。

九龍城任飲任食大閘蟹放題 香港任食大閘蟹嘅地方唔多 第一次試試任食大閘蟹 見到在場人士目標都好清楚 個個枱面放住幾十個蟹殼 平時大閘蟹都好貴 如果黎呢到狂點好容易回本（餐牌睇圖）.今日就只有$598放題 大概 4-5両/一隻店員話如果遲啲涼啲 大閘蟹再會肥美d大隻好多 （有齊 鉸剪/手套/工具 方便你食）黎呢度主要都係食大閘蟹有3款口味 清蒸/麻辣/鹽焗⭐️清蒸大閘蟹 最多人點 打開見到隻隻 有唔少蟹膏👍🏻最感受到蟹肉甜味 同蟹膏香味⭐️鹽焗味 表面有大量鹽粒粒 🤔食到鹽粒都幾鹹👌🏻但鮮味出d 如果唔落咁多鹽粒 會唔入味 所以鹹都理解既⭐️麻辣味 都好多人鍾意 👍🏻落左大量蒜蓉辣椒香料去炒 勁惹味今日每人大概食左8隻大閘蟹旁邊嗰台大閘蟹殺手 5-6個女仔 食咗近70隻 好誇張.除子之外仲有 生滾大閘蟹粥 蟹粉小食 蚵仔滷肉飯 士林鹽酥雞 厚燒鰻魚 薑茶芋圓黑糖珍珠茶 芝士奶蓋 台式芋圓甜品等等其他OK啦 嚟到呢度大閘蟹先係重點.#hkfunfoodrecord窮遊香港#hkfunfoodrecord_九龍城.#等等HEA (九龍城) @waitwaithea 地址：九龍城福佬村道41號地下.

It’s that time of the year for hairy crab season!Last year we went to @waitwaithea for 88 minutes of all-you-can-eat hairy crab and Taiwanese food I was kind of annoyed that we had to wait 30 minutes to enter despite having made a booking in advance. To be fair, I guess it does hint the ‘wait’ in their name, and the deal is a real steal, so it’s no surprise that they were super packedPrices start at HKD498 depending on the size of the crab you choose - the best part is that you can choose either

原來諗本帶屋企人去食台灣野去到坐低又冇menu 又冇碗碟我哋叫咗魯肉反、炸比同面線魯肉反正常炸比係ok 既 但係個面線就冇乜味食下食下發現每一台，係每一台 都係嗌大閘蟹放題冇人散叫台灣嘢個大閘蟹放題套餐，原來可以叫埋滷肉飯同麵線可能可以任嗌嘅原因，令到食物質素變低最後我同屋企人總共食咗$170左右但係大閘蟹放題套餐一個人，至少都要$500即係人哋一張枱都成$1000我哋一張枱就食$170最後避免尷尬同阻住人做生意未食完就離開咗了

放假媽媽想吃台灣菜， 上openrice搜尋台灣菜， 最後揀咗九龍城呢一間，覺得幾有特色。開車去都好方便，門口有車位泊車的。 餐牌上的選擇頗多， 最後媽媽點了鵝肝蚵仔 鹵肉飯套餐, 當然台灣店不可期望 鵝肝有幾好食 ， 滷肉飯好咸 ，味道還可以 。我想食肉焿， 我叫咗‘’老阿伯拌魷魚福州丸綜合焿套餐 ，麵線加八蚊都幾抵，但麵線的口感同一般食開的好大分別，一點台灣的味道都沒有。弟弟點了 ‘’阿仔滷肉荷葉撈麵 套餐‘’，份最很足夠，但也是很咸，覺得味道一般。我一向都喜歡飲香芋奶茶 ，呢度嘅香芋奶茶，芋頭很濃味， 很香滑。飲品反而有驚喜