等等HEA

营业中

休息中

香茜陳皮鴨髀燉湯$68好足料，一桶相你就有濃濃嘅芫荽陳皮味道，裏面隻鴨髀仲勁大隻，以為燉完湯之後隻鴨髀會完全冇味啦，唔係喎啲肉鹹香鹹香咁，細食d啲絕對可以當一個午餐。館長肌肉炸雞髀配台式糖心蛋陽春面$72炸雞髀同埋陽春面分開上，陽春面嘅湯底好特別，唔係普通嘅，而係有濃烈嘅藥膳味道，好有嗰種甘甘甜甜，好似人蔘雞咁嘅味道，炸雞髀有滲出陣陣嘅清新香味，侍應話係用咗好多唔同嘅水果醃咗好耐，除咗有果酸令到啲肉質變得嫩滑之外，仲可以中和到原本好油膩嘅炸雞髀，炸雞髀超級大隻，大過我塊面。日本滑蛋滷肉鵝肝飯$118特別在於滑蛋飯似係日式，但係滷肉飯就一定係台式，兩者嘅配搭其實都幾夾，比起日本食到嘅滑蛋飯通常裏面都係蕃茄飯甜甜地，滷肉飯就帶返啲鹹味比較適合香港人嘅口味，我剛炸到非常香脆，裏面仲保持到肉汁，食落無筋，非常嫩滑。