第三站

依加出左黎做野，好難約到朋友一齊出黎玩，唯有都係得閑約下知己朋友去旺角食野，朋友都有推介過依間cafe試下，話好坐得黎野唔難食，仲有board game玩。七點幾去到都差唔多full house。入面位置都係梳化卡位，好舒適，唔會好逼，枱同枱之間都隔得遠，具私穩度。野食方面都係有意粉、飯、小食、特飲等等既大路野，佢特飲方面個塔羅特飲幾有創意，不過唔敢試。肉醬闊條麵個份量充足，汁都夠濃味，但唔係忌廉果種，啖啖都有肉碎，唔錯。卡邦尼雜菌意粉都幾掛汁，creamy程度岩岩好。蜜糖雞翼既蜜糖味重，外脆入面都juicy，熱辣辣食好滋味。芝士薯條份量多，不過比較淋身啲。榛子朱古力不會過甜，比較重榛子味，唔會飲完好漏Oreo奶昔飲落就相對甜啲，但都係正常甜度，啖啖Oreo食完之後仲可以慢慢坐，傾下計，過左一個好開心既晚上。總結，依間餐廳位置好好，方便就腳，而且野食質素OK，地方舒服，係同朋友群聚好地方。

👍🏻位於旺角金雞廣場25樓👍🏻環境清靜同朋友傾計真係一個好地方 座位舒適夠闊落每張枱都有一個鍾仔想叫野食一禁就會有人黎真係服務周到 ☕️熱焦糖咖啡 唔會太甜 濃縮咖啡味 奶香味夠👍🏻鍾意飲咖啡既人值得試一試👍🏻☕️焦糖控必飲既凍焦糖朱古力 濃郁既朱古力味 又夠香滑 配搭唔太甜味焦糖真係夠哂味道☕️呢到環境好適合同朋友傾計 傾左二個鐘時間所以叫多杯金桔青檸 味道清香 酸酸甜甜味道幫肋消化 生津潤喉 🍝 蟹肉雜菌忌廉闊條麵 好多蟹肉夠份量 意粉軟硬程度適中 有咬口，忌廉味道唔算太濃 食落唔會覺得好漏 🍝 松露薯條 外皮香脆 內裡鬆軟口感 松露味足夠👍🏻🍝 特式拼盤洋蔥圈 芝士條 蜜糖雞翼日式餃子•咖喱角全部即叫即炸 香酥脆口熱辣辣 最好食就係蜜糖雞翼食落甜甜地而肉質好滑好多肉汁 調味都好足夠

今個星期日，行完山就同女朋友去左旺角食cafe ，一去到地方闊落，座位亦都好舒服。店員服務都好好，有禮貌咁介意有咩野食。打開餐牌，有set dinner menu，同埋單點既餐牌，除左西餐意粉之外，都有唔同既特色野飲，亦都有唔少小食同埋甜品。我同女朋友叫左一份墨西哥香辣肉九燴意粉，啲肉丸好香，有口感，啲醬汁亦都咁濃，唔會太咸，岩岩好。同埋蟹肉雜菌忌廉闊條麵，蟹肉都多，味道香濃，醬汁都算滑。我地亦都叫左小食：香草芝士條，上枱熱辣辣，芝士味香濃，仲有拉絲，好煙韌，好食！蜜糖雞翼，烤得好香脆，鋪上一浸蜜糖味，仲好熱辣辣添！另外亦叫左一杯可人兒花茶，裡面包含左唔同既乾花，一陣清香花味，飲落去喉嚨好舒服。最後一碟紐約芝士蛋糕，餅底脆，蛋糕好幼滑，唔會太甜膩，味道岩岩好！

同朋友去旺角行完街 就街揀左station 3 cafe原因係近火車站，行10mins就到旺角東，我同朋友返屋企都方便😝墨西哥香辣肉丸燴意粉🍝墨西哥醬汁十分惹味😋辣辣地 非常醒胃！肉丸應該係牛肉丸，本身已用黑椒和其他香料醃製而成嘅肉丸加係辣辣地嘅墨西哥醬汁入邊都好夾👍🏻配菜仲有d蘑菇同埋三色椒🫑咁就唔驚淨係食肉 冇菜食了🙈黑松露帶子鮮菌燴意大利飯意大利飯嘅煮法都頗正宗帶子同埋鮮菌爽爽嘅口感中和到意大利飯冧冧嘅口感特式拼盤拼盤包括：洋蔥圈、芝士條、蜜糖雞翼、日式餃子、咖喱角仲附帶埋沙律醬可以蘸😍芝士條炸出黎可以拉絲😝芝士迷表示十分滿足😢蜜糖雞翼都炸得好好味😋蜜糖係雞翼上面甜而不膩拼盤嘅特點就係乜都有一d，款式選擇多，啱曬d選擇困難症嘅朋友總結而言 餐廳食物質素好，坐得舒服又chill😌有少少board game供大家玩地理位置亦近鐵路朋友們平時係旺角行完街上去chill住食餐飯係唔錯嘅選擇🥰

🍽黑松露帶子鮮菌燴意大利飯$122充滿住濃烈嘅黑松露香味如果濕潤d會更加好🍽煙三文魚惹菌忌廉燴闊條麵$126煙三文魚份量都幾多闊條麵夠哂彈牙 每條闊條麵都掛滿住忌廉汁好岩我口味🍽特濃芝士薯條$58新鮮炸起食落都脆再加埋特濃芝士煙肉淋上面撈埋一齊食好夾🍽蜜糖芥末單骨雞翼$76食落好方便 啖啖肉不過略嫌炸得過左火變左有少少乾🍽榛子朱古力 (跟餐+$6)見到係人氣飲品當然要點下賣相已經唔錯 飲落夠香醇🍽戰車 (跟餐+$6)個名好有趣其實就係可樂加雲尼拿雪糕💬呢到環境好寬敞,好舒服主食同飲品都幾出色下仲有board game提供都好適合一班朋友係到玩同relex

🔺Station 3 cafe第三站 (旺角)我的飯堂～開放返晚市約朋友眾眾舊～呢到唔趕客，同朋友談天說地都唔使驚，坐位又舒服～🔻燒牛肉配田園沙律（$92)份量好大，牛肉同沙律都勁多，牛肉咸香配埋沙律食岩岩好，另外有芝麻醬，酸酸maymay 勁開胃，d 沙律菜夠新鮮冇苦味，夏天熱辣辣唔想食粉麵飯呢個岩晒😍😍🔻蜜糖雞翼（$62)黎親都一定叫呢個，雖然蜜糖都係冇多到，但佢都係炸得好出色，出面脆口，入面juice~🔻蜜糖芥末單骨雞翼（$76)相比蜜糖雞翼，呢個略嫌炸得較乾身，要配埋個醬一齊食口感就好d~🔻特濃朱古力（跟set+$6)朱古力味夠濃，溶阻冰都唔淡～面頭仲有我最愛既cream,yummy!

好耐都無同朋友去樓上café呢啲青春地方，好開心今次朋友同我去感受下。Café 位於金雞商場，其實好易搵，行完街就直接上去。六點左右去到已經滿左一半人，見到大家都有玩board game，地方都坐得舒服可以同朋友傾計慢慢食。我地叫左一個dinner set同兩個小食share，都夠食。 蟹肉雜菌忌廉闊條麵 HKD118 (仲包一杯HKD38飲品，差額再補) 蟹肉都好多，仲要係堅蟹肉，闊條麵好creamy同好夠味 蜜糖芥末單骨雞翼 HKD76 個蜜糖芥末醬好好食，惹味。單骨雞翼貼心又方便，啖啖肉咬落去就攪掂，岩曬。 墨西哥香草肉丸 HKD76酸酸甜甜又好開胃，肉丸彈牙。 朋友揀左塔羅特飲，叫做節制，由西柚同菠蘿汁做底再加啲椰果。 我自己就揀左杯紅莓果茶，超細心地有個蠟燭一直燒住所以壺茶每次飲都係熱熱的，唔怕傾計耐左會凍。後來先見到原來有VIP房，遲下疫情好啲可以再搵多幾個朋友開個party，就好似以前細個咁瘋狂一日。

今次是第3次來這間Café了,食左幾次,仍然都系咁好味。1). 蟹肉雜菌忌廉闊條面 + 藍莓果冰茶(Dinner Set) 份量好足，麵條硬度適中，醬味道濃郁，蟹肉都好鮮甜。有時候白汁就驚食食下覺得好”滯”，但尼道面就無尼個問題，佢麵條本身都屬於乾身D，無太多醬。整體而言都幾推薦。個set跟一杯38$飲品,多左要補差價。我點左藍莓果冰茶少甜，有清新既水果味，融合左藍莓、葡萄、黑加侖既味道，同埋果汁裡面有D好似”果乾”既野，酸酸甜甜，幾好飲，好適合夏天冰冰涼涼，如果唔飲太甜，記得可以請店家調整甜度。2). 燒牛肉配田園沙律+紅莓果冰茶(Dinner Set) 份量足,沙律菜新鮮,牛肉切得薄薄的一片又嫩口。個人都好中意呢個salad。紅莓果冰茶係紅梅、芙蓉花、薔薇果，蘋果果汁加埋一起，水果味濃，都係一樣有類似”果乾”係裡面，所以有酸酸甜甜既感覺，但我覺得比較偏甜少少，但甜度係可以叫店家調整，所以唔想飲太甜既話，記得可以請店家微甜或者走甜。3). 小食一:蜜糖雞翼 每次來都會叫一份,即整,味道好好味。4). 小食二:松露薯條 好香松露味,炸得唔會太乾,口感

半價優惠只限小食，仲要明顯地小食價錢係乘二啲帶子仲細過手指，仲要成身雪藏味。碟risotto一啲汁都冇，一pat pat咁好似坐監飯。仲要一啲都唔平，兩個飯就已經索價280。連茶記質素也不如。仲要座喺金雞大廈，最入。仲要只收現金，PayMe ，PayMe仲要唔係商用PayMe 而喺個人PayMe

旺角行完街係金雞廣場25樓發現一間西餐廳，門口睇左餐牌都岩食就入左去，入去店員都好有禮貌咁招呼我地，餐廳環境好優雅，以白色沙發為主題，襯托一啲吊燈及裝飾，令人好舒服感覺，有一個廂房提供，下次開party可選擇呢度。由於我同家人只叫了了3個餐同1個沙津。黑松露帶子燴意大利飯，意式芝士肉醬闊條麵，卡邦尼煙肉雜菌意粉。黑松露飯好得，淋左汁飯吾會太干身，飯香未開始唉已經感受到，食晒整碟亦吾會覺得漏，值得推介！至於肉醬寬條麵亦係水準之內，食左整碟飯飽飽地再想食咁多肉醬寬條麵，試左少少就算了。跟住上左卡邦尼意粉，那聞到汁香都想快啲食落口，食落啖啖香，但是略嫌意粉煮得吾夠林。

下著毛毛細雨，天氣陰天，黎到旺角除了行街，掃街，當然要去Cafe 玩boardgame，又可以玩又可以食，今次我地黎到旺角位於金雞廣場既第三站咖啡店。我今次食左墨西哥香辣肉丸燴意粉，意粉煮意粉看似簡單，要煮出Al dente口感卻不容易，無論是煮意粉時間、意粉份量都好好掌握，方面煮出口感適中的意粉，今次意粉就比較軟，可能over cook，肉丸幾好食入味，蕃茄味足夠食得出用食真蕃茄黎整，非常入味。我朋友食左意式牛肉配田園沙律，牛肉濃厚的味道與恰到好處的口感，睇黎好食，我朋友清曬個人感想：我地比較早入座，隨後已經坐滿，每次黎都坐滿，生意非常好，座位寬落，服務就到。地址：旺角金雞廣場25樓08~09室

🇭🇰Hong Kong Average expense pp: HKD$150-200+📍Address: station 3 cafe, Mong Kok一大班朋友想玩下board game/ 想坐低傾下計又唔會比人趕走，呢間cafe就岩你喇！我地點左黑松露帶子鮮菌意大利飯（$122），野菌味道頗重，份量好多。另外點左蟹肉雜菌忌廉闊條麵（$118），味道creamy，好重忌廉味，用洋蔥調味唔錯。海鮮拼盤（$128），係落單之後新鮮炸落熱辣辣，有帶子、蟹棒、炸壕等等。飲品方面，我點左花茶 - 小天使（$58），有茉莉花同檸檬草的清香，可以解油膩，飲落都唔錯。

之前同事食過Station3 Cafe話環境唔錯，食物又有質素，所以前兩日lunch就去試下，餐廳環境闊落坐得舒服，坐位之間又夠遠，而家疫情就感覺更加衛生。✨午餐包括主菜及餐飲，加$38有田園沙律及蛋糕，性價比高，而芝士蛋糕精緻好味。😋蟹肉雜菌忌廉闊條麵 $82蟹肉份量夠多，啖啖好味，配上雜菌忌廉汁，口感豐富。👏🏻黑松露帶子鮮菌燴意大利飯 $86香濃既黑松露醬係我既至愛，配搭爽口彈牙既帶子，加上鮮菌，非常好味，而意大利飯亦好juicy。👍🏻蜜糖芥末單骨雞翼 $76單點即炸單骨雞翼，一份有六隻，炸得鬆脆好味，沾上蜜糖芥末醬，食完相encore。🐥

難得放假，出旺角買波鞋，然後慢活吃喝 於樓上cafe，地方大梳化坐得舒服，食物又好食，旺角第三站 station 3 有時頗有驚喜!一入門口就見到大量 board game，可以借來玩。一邊食一邊玩，店員絕對唔會催促你，最適合三五知己 飲嘢食意粉品嚐美味蛋糕。蜜糖芥末單骨雞翼 $76單骨雞翼方便懶人，拎住支骨啖啖肉慢慢品嚐，大隻多肉，皮脆肉嫩又多汁，蜜糖芥末味道香濃，甜甜蜜蜜。Dinner Set 選擇款式多，套餐加配(晚市)+$38 有沙律 同 甜品，感覺更加完美。田園沙津沙律菜新鮮爽脆，配埋沙律醬汁更加美味。意式芝士肉醬闊條麵 $98肉醬味道不錯，闊條麵的掛汁力高，面頭焗到金黃色的芝士特別惹味，拉絲的感覺很好。卡邦尼煙肉雜菌意粉 $102朋友情有獨鍾食 卡邦尼，煙肉充滿鹹香，口感 creamy 的忌廉，配搭得宜，回味無窮，值得一讚！西柚沙冰又靚又好飲，清甜止渴，酸酸甜甜好開胃。荔技綠茶荔技味好香，綠茶底幾好喎！藍莓芝士蛋糕香濃的芝士味，甜度適中，藍莓醬唔會太甜，清新好味，口感實在。法國朱古力芝士蛋糕法國朱古力濃郁好味，唔會太甜但味道好香，滋味無比。

約咗香港人短聚梗要揀間香港人cafe😆😆一入座已經有遠離塵囂嘅感覺！環境光潔明亮又敞大！坐得好舒服！想同友人慢慢談天說地確實嚟啱地方👍🏻加上食物都幾有質素哦！. ✨煙三文魚野菌忌廉妹闊條麵呢款係lunch set🍽️加配要埋田園沙律同蛋糕！啲忌廉汁好杰身☺️掛喺闊條麵撈埋食一流！野菌份量都足夠！但朵三文魚花花如果再大棵啲會更加正😀. ✨蜜糖雞翼拼薯條 (tea set) 薯條就正常發揮！但兩隻蜜糖雞翼燒得好鬼靚！醃得好入味！食落有種喺冷氣房歎BBQ燒雞翼嘅惹火滋味😍😍. ✨芝士火腿飛碟 (tea set) 簡直中學美味回憶番哂嚟😚熱辣辣新鮮做起！半溶芝士超拉絲堅正！夾埋火腿同烘底麪包係定番配搭！！. ✨藍莓乳酪😝相對較甜！記得要拌勻啲至飲！✨Oreo曲奇奶昔加咗滿滿忌廉(自選)襯埋cookies碎碎勁邪惡😋✨士多啤梨奶昔強烈推介呢杯！🍓🍓酸酸甜甜打成幼滑奶昔！真係好好飲嘅夏日之選！. ✨紐約芝士蛋糕✨藍莓芝士蛋糕兩款後上嘅甜品都好用心裝飾過🌹以乾花瓣, 忌廉, 糖粉, 糖漿整得好靚靚❤️❤️而且芝士味道濃郁！質地又夠厚實！幾好幾好！