第一郡

营业中

休息中

Bookmark左好耐嘅越南餐廳，已經由深水埗搬埋去油麻地，今日終於食到😂平時食越南粉多數係食生牛河，但呢到就無生牛河，主打蟹膏蕃茄湯檬同法包🥖蟹膏蕃茄湯檬 $65價錢好經濟，大碗又足料，用蟹膏製成餅狀，味道都幾香濃，仲有生菜、半粒蕃茄、扎肉、豆卜、豬紅，非常豐盛🤩湯底味道仲要有好濃郁嘅蕃茄湯底，整體味道不錯！烤豬肉湯河 $65烤豬肉同湯分開上，烤豬肉好軟腍，係香茅味，湯河份量超多，好飽肚😂越南香茅雞翼 $3030蚊5隻雞翼抵食👍🏻雞翼醃到好入味，亦好軟腍！芒果糯米卷 $35限量發售，芒果香甜，每卷有成4分一個，外層用糯米同椰絲包住😋馬豆糕、紅豆糕、紫米糕、芒果糕 $7/件見一件都只係$7就叫左幾款試下，糕點整體口感都幾爽身，加入椰汁，唔會太甜，都幾好食芒果沙冰飲落唔太似沙冰，反而似奶昔，好滑溜，芒果味好突出牛油果沙冰牛油果味道清新，飲落透心涼，鐘龍牛油果嘅不妨一試

之前喺深水埗舊鋪食過一次念念不忘佢個牛油果奶昔諗住再去專登買個牛油果奶昔，成間鋪冇咗😱以為佢執咗 好可惜原來搬咗去油麻地樓上鋪😍今日有時間專登過嚟整番杯自從飲過呢間牛油果奶昔去其他舖頭專登想點杯完全拍馬都追唔上呢個牛油果奶昔真係非常幼滑牛油果味香濃！牛油果迷一定要黎試😍真係一試難忘不過飲牛油果應該想比較健康，健康來講，我覺得佢可以再少甜，咁就再飲多杯都唔怕😋叫咗個越式軟包，口感豐富，酸酸地好友越南風味不過唔好預間餐廳有咩服務因為我去嘅時候其實已經冇乜人，冇人招呼我就行去俾錢嗰度，因為唔知係咪要先落單俾錢叫嘢食我行到去有個阿姐叫人嚟，收錢😂我都未食收咩錢😂我就同佢講話想叫嘢食，佢先至搵個同事俾個QR code我落單

今日決定唔返工…… 吊頸都要唞氣㗎！約媽咪到第一郡食lunch先🤪其實幾年前我哋都去過深水埗間總店已經覺得味道唔錯 😋 就算排咗成個鐘 但都絕對值得👍👍👍今日分別order 左烤豬肉法包 (開2) 同 順化牛腱河粉 餡料多 法包脆卜卜 配菜新鮮 (因為唔鍾意食酸菜，所以走咗 🤭) 味道一流!!! 媽咪食咗一半已經覺得好飽 🤣 真係小鳥咁嘅胃 😅有5塊牛腱 份量夠 再加一塊扎肉 開頭見到白雪雪嘅仲以為係蘿蔔 但估唔到原來係牛筋 🤤🤤🤤 味道真係好好!!! 不過略嫌河粉淋咗啲 😕整體而言 味道真係唔錯 👍 環境寬敞咗 👍 如果路經油麻地嘅話 都會encore 😄

聽聞第一郡搬左去油麻地後質素無以前咁好一開始都半信半疑但 試過後就認同喇😞⍥ 蟹膏蕃茄湯檬 見到咁colorful 咁豐富😆未食都開心定湯底酸酸咪咪 唔油膩不錯🤩檬粉爽口幾滑溜 索滿湯汁 主角蟹膏索爆汁 偏實淨 都有少少蟹膏香 不過我覺得無以前咁好味 🥲扎肉麻麻地 都係紮實啲 有食過更好既 呢個即刻被比下去🤣😅等我地仲追加左呢兩款tim！！而豆卜索晒汁實無得輸🤣其他配料有番茄、豬紅、芽菜、生菜等以前覺得好好味架🥺🥺但真係退步左 質素無舊時咁好！⍥ 烤豬肉軟包 Omg🥰呢個軟包同上次一樣咁好食店家已對半切開 好貼心包包類似豬仔包 烘到外脆內軟🤤美美既橫切面 內餡表露無遺 豐富到極！豬肉烤得香口多汁 配搭爽脆青瓜及生菜重點係！！醃酸蘿蔔！份量剛好！令成件事清新又開胃😝好讚👍🏻⍥ 米紙蝦卷 唔打開外圍荷葉都唔會睇到豐富餡料既米紙卷😗米紙卷皮好透薄🫂緊緊地包住豬腩肉、大蝦加上有青瓜、醃蘿蔔及海量米粉 有層次唔蘸汁醬味道就比較單一清淡 蘸左後惹味得多 適合重口味人士😉⍥ 斑蘭綠豆糕 之前試過已經唔鍾意🤣不過朋友想食即管再試綠豆糕唔係走軟綿質地🤭反而好似18歲既皮膚咁有彈性呢個就係我唔鍾意既膠膠地

七點左右已經好多人排隊，檸檬汁、是拉差醬、水、斑斕水係自助形式，冇收加一服務費。嘢食種類唔多，價錢以越南餐廳嚟講屬於平，整體係幾抵食。有得叫外賣，位置方便，lunch time應該好多打工仔食。*蟹膏番茄湯檬 $65湯頭稀身，鮮味比以前深水埗舊舖遜色唔少，番茄味唔算好濃郁，檬粉又唔夠索湯。一大塊蟹膏餅、豬紅、扎肉，豬紅少失望，偏小塊又硬身，不過價錢上係好抵食。烤豬肉撈檬 $55份量合理，烤豬肉微乾身，但唔會冇肉汁，不過唔夠焦香焦脆。配料有芽菜、醃蘿蔔絲、青瓜絲，食落清爽但比較普通。烤豬肉法包 $62法包外皮烘到脆卜卜，包住烤豬肉、醃蘿蔔絲、青瓜絲、芫荽。整體感覺唔錯但唔乜特色。斑斕糕 $15上下各一層斑斕糕，煙韌帶斑斕香，中間夾椰子蓉，配搭好夾又好食。牛油果沙冰 $35牛油果味唔係好濃，感覺係用生啲嘅牛油果，清爽感多啲，唔會過膩。

搬咗嚟大鋪，第一次食；真係多咗好多位，但同一時間繼續好迫，因為啲枱放得好埋；。🐖『烤豬肉湯檬』$65🦀『蟹膏蕃茄湯檬』$69 🌟🤎『米紙蝦卷（一卷）』$27💚『班蘭糕』$16⋯⋯根據觀察，班蘭糕似乎係必食，無論一人枱、二人枱、四人枱，梗有一件喺枱度；湯檬都幾多餸，但檬粉比較淋；小編覺得大食嘅人，而又兩個人去，可以叫一人一碗粉，再叫一個法包share，雖然餸係多，但係檬粉得好少，未必夠飽。📍 第一郡 (油麻地)油麻地彌敦道483-485A號2樓。大食時間：Oct 2023好味指數：🌕🌕🌕🌕🌑回味指數：🌕🌕🌕🌕🌑舒適指數：🌕🌕🌕🌕🌑

深水埗舊舖已經幫襯開，舊舖環境太窄太迫，食得無咁舒服。相反新舖近地鐵，又闊落啲，坐得舒服好多！食物：蕃茄檬足料又平，佢搬左之後都無失色。味道依舊，牛油果🥑沙冰好重牛油果香，超正！扎肉法包係我係香港食過數一數二咁好味，好多酸蘿白，扎肉鵝肝醬豬腩肉有齊，味道偏濃但真係食完番唔到轉頭🤣買左個班蘭糕番屋企食，無影到；但番屋企食依家好軟糯，班蘭葉好香，只係個班蘭糕太細唔夠喉😂我見啲職員係店裡面新鮮一隻一隻包。我會再食多幾多！

知道這間舖由深水埗搬往油麻地註腳，當然要去👅嘗嘗久違了的味道，新舖地方大了，環境闊落左食物味道同以前差不多好味，除左個蔬菜燉牛腩，可能因為地方大左，人比之前多，牛腩估計沒有足夠時間去燉，所以入口比較硬，未淋扎肉和斑蘭糕甜品仍是我首選,美味可口，

上咗去兩次，好多人排隊，所以就走咗，第三次上去試試，唔需要排隊，即刻有位，好開心。 見到餐牌後，非常之失望，太少選擇，非常失望，由其是小食，只得一款，其他冇乜特別。而檬粉加咗好多好多菜，唯一嘅好處。

今日叫左一份班蘭糕，味道可以，限量供應，另一份系米紙蝦卷2件，還可以，再叫左一份烤豬肉撈檬，好好味，一碗蟹膏蕃茄湯檬，超好味，齊人先可以入座，地方都幾大，坐得舒服

睇其他食評話好好食，又抵食，決定去試一試。.中午時間去到，少少full ，不過啲服務員有啲奇怪，明明有空枱，又要我哋等某一張，咁我哋都好聽話，等佢安排.餐廳用QR code落單，飲水都係自助斟，檸水就聽得多，但佢嘅水好特別，係班蘭水，我就唔識欣賞😆男朋友叫咗一碗炭燒豬肉撈檬$6x價錢都算正常，啲肉好香，份量都OK我叫咗一份越式法包 $55手多多，落單嘅時候要咗加辣冇諗過佢加辣嘅方式係直接夾啲辣椒落去，真係辣到標晒眼水，我本來以為佢係會加啲辣醬不過撇除呢一點，法包都幾好食，硬得來帶點香口，啲肉都好好食，配合菜又冇咁漏

蟹膏蕃茄湯濛*Time : Sep 2023, Lunch*Price : $65 -HKD *Place : Q1*Review : 在深水埗店已常吃，人氣越南菜小店，現在大鋪仍人氣不減。- 蟹膏蕃茄湯濛 ： 水準保持到，紮肉仍是這樣實凈有咬口，蟹膏豆腐有清清的蟹味，酸酸甜甜的湯底再配一舊大蕃茄，夏日炎炎仍食慾不減，每次吃完都會把湯飲光整體好評，用料十足，同店其他食物例如越式法包，越式咖啡等也相當有質素，有機會會再吃，不過午餐時間大機會要等位

深水埗第一郡開左油麻地新鋪，質素守不住，不再光顧佢出名嘅蟹膏蕃茄湯唔洗多講，新店味道keep到，本人都食左兩年多，$55碗開始食到$65蚊第一次同朋友去新店，依舊要等會但快好多。叫兩碗的蟹膏個面積一樣但厚度差太遠。同店員講佢地都無心理，問左個廚師話因為人手切都所以厚度不同，以往蟹膏都如上面果舊厚度從未出問題，表達不滿都不被理會，生意太好太忙。嗯。。幾好食都好，擴張營業無誠意keep水準，當客係咩，呢啲係解釋？反正大把人排隊，大把人唔介意，就留返比大家食好了🙈我想補充 近來因為好生意擴充營業嘅小店，由地鋪搬上一樓或商場嘅點只第一郡？點解人地做到佢做唔到？

入到去非常多人。一有位坐嘅時候基本上都係自助式。但好快就明白點解咁多人都會去食。佢係用QR code落單。基本上落完好快就有得食。我叫咗一個檬粉。碗粉嚟到嗰陣基本上足料都差唔多氾濫。個湯底非常之鮮味。價錢都唔係10分貴。算係幾抵食。

❌ ❌職員遊魂，點餐很亂，坐下說給我們QR CODE，但過了一會都沒給，我們說要下單她就直接手寫下單後漏單一半，第一次向別的職員追漏後東西還是沒來，應該是沒幫追問🥲 第二次追漏找幫我們下單的女職員，她不耐煩地反問我們“你們沒QR CODE嗎？”，然後才知道她只手寫4項也能下漏一半單❌❌👌🏻 烤豬肉湯河 湯底好味 但很重味精 吃完回家要喝幾杯水👌🏻 越式法包 麵包不夠脆 但餡料好吃❌ 飲品和甜品追漏單兩次才知道根本手寫完都沒下單 只好取消了 評價不了體驗太差 就算以後變得再好吃也不會再光臨了😡😡⚠️大家要是到訪下單就不要找那個超遊魂 偏胖的女職員下單，以免發生跟我一樣的不愉快經歷！不說職員的話個人認為湯河味道是不錯的，難怪人氣高*該讚就讚 該罵就罵