第一躉 龍躉魚湯專門店 (已結業)

坦白講，食物水準好一般，主打(龍躉魚湯)湯底卻淡而無味，失敗😑。作為一間食店，連招牌主打都做得唔好，根本好難吸引食客回流幫襯⋯這店開業到現在我於唔同時段幫襯過好幾次，亦試過佢哋唔同款嘅麵食；首先鯪魚球米線，冇諗過鯪魚球只有一元港幤size😦，只有幾粒，冇乜鯪魚肉味🙁；金沙黃金炸魚皮(唔好比相片呃到)，份量只有餐牌相片¼ (都唔知道有冇)，鹹蛋黃油炸魚皮零零碎碎一小碟😓；涼拌爽滑魚皮，份量算Ok，但好似冇乜調味（可能我食過其他店舖，這小食佢算係做得較差😑)。下午茶時段更註明湯粉麵飯一律減$10，第一次下午時段食咗佢哋嘅第一躉龍皇麵(川弓天麻白芷湯底)，的確有藥材香味，可惜湯底淡如水，其後發覺單據並沒有減$10，於是問侍應，他只說忘記改單，因此我不以為意⋯但到第二次、第三次下午茶時段幫襯亦是同樣情況，開始覺得並非店員忘記而是刻意，我相信其他食客如沒有留意單據便不了了之，而當我再問侍應時他態度語氣變得很差⋯咁都做得住…豬都會飛天😐

咁岩去開呢頭，本來想食美味餃子嘅，但由於太多人排隊嘅關係，所以決定轉場。突然諗起飲食雜誌介紹過依間餐廳，咁就膽粗粗試下佢。魚湯係招牌，所以分別點佐龍王麵（龍躉頭腩、龍躉片、厚切脆鯇片、脆骨腩、白鱔片、魚卜、魚肚、魚唇和花膠）同泡椒酸菜鑽石蜆米線。一上枱，已經俾陣腥味嚇親，未食都心知不妙，中伏！！！湯：結果無其他，就係「腥」，吹到好巴閉嘅魚湯半點鮮甜味都無，可能我係少少腥都食唔到嘅人，真心食唔落。朋友食到腥，但都話腥得有點over，佢食得晒，但肯定無下次。料：龍王麵d料就係每樣得一塊半塊嗰d咁，無特別。泡椒酸菜鑽石蜆就過份啦！menu張相就有10隻8隻咁，真實得4隻，泡椒酸菜都無嘜味，真係一樣優點都諗唔到。米線：普通料，無口感。總結：1. 早知食返餃子啦！2. 飲食雜誌始終都係賣廣告，新店勿亂試！

速度超慢，食下午茶等足半個鐘，炒飯無味，隔離兩枱遲過我地落order， 但食物仲快過我地到，追店員時敷衍話炒緊其實炒緊隔離枱， 男店員態度懶懶閒，唔自在咁， 無下次唔會再去！

最近好像開了好幾所主打魚湯底的粉麵店，其中有走日式路線的也有中式的。這一所身處於太子的新舖，打正旗號更以龍躉作招倈，也就更能吸引人過來光顧....若像我這種一向心多多，每樣材料及配料都想試一試的人來講，點這個招牌的"第一躉龍王麵"，看來就成了唯一之選....這招牌麵裡頭的麵碼可真多，數一數來就有接近十款，初時還有些擔心會吃不完，但上檯後卻發現每一款的量都是得丁點，加起來反而就啱啱好夠食....對我而言，材料味道不是最重要，最要緊的反而是那呈米白色的魚湯之味道。呷一口，味有些許微甜，喝後喉頭沒太大反應，湯應是沒下太多師傅在內的，不過最大的缺失就是腥氣有點太重。對我這不大怕魚腥的人來講亦覺有些太over....材料方面大多沒大問題，龍躉肉處理得有點過老，肉嚡了；反而脆鯇片就真的挺爽脆；其餘的有些料如魚唇及魚肚就由於太少太碎濕的關係所以就不大好評....七十八大洋，說貴不貴，不過若論質素就真的有點普通了....

佢餐牌有相嗰啲例子米線冇寫價錢 我要問阿姐先知。叫咗個“藥膳花膠鯪魚球米線”。個藥膳湯同鯪魚球冇乜味，花膠有四小塊但係太硬 好似冇發過咁 好難食啲米線就太軟 分量又唔係多。唔值$66呢個價錢!!

Ordered an oyster with fish soup-based rice for $52, the portion of rice is ok, and there were 4 oysters. The soup is a little bit tasteless due to the absence of MSG I believe.My friend ordered a spicy fish soup rice, the spicy taste is not the one we seek, unfortunately, it is created based on the presence of pepper...In overall, it is acceptable, but there aren’t anything that makes me wanna re-visit

早兩日係社交網站見到介紹呢間餐廳，主打用龍躉煲湯底，放工即刻同朋友去試下，地點就腳好快就搵到，可能仲係早既關係冇咩客，裝修係典型既麵鋪格局，但特別在牆上畫左卡通化香港舊區既縮影，好靚叫左碗招牌既第一躉龍王麵，我選擇左鮮魚湯配水晶紅薯粉，材料十足，有龍躉頭腩，龍躉片，厚切脆鯇片，脆骨腩，白鱔片，魚卜，魚肚，魚唇同花膠，湯頭飲落極度香濃，充滿魚味，紅薯粉夠彈牙，主角龍躉片好嫩滑，一啲都唔覺鞋，而且碗麵好大碗，男士食完都夠飽，女士隨時食唔哂另外仲叫左個油鹽水鑽石蜆，現場都好多人叫，可能太多人叫既關係，老闆話賣哂轉左做馬刀貝俾我地，刀貝食落冇砂而且入哂味，有鹽水味又不失貝既鮮味美兩個人叫埋飲品，埋單大約110蚊，非常抵食，如果經過付近一定會再來

我幫襯了這店六次，其中三次是下午茶時段，但他們每次都在下午茶時段出單多收我費用，每次都需要我check單後，主動通知他們才作出退回更正， 開頭當然覺得是無意 ，但經過連續三次狼來了之後 ，很難再相信他們不是存心欺騙，穿黑色制服帶眼鏡的男侍應態度非常之差，無禮貌!而最近一次 在2019年 3月17日， 我進入他們店舖的時候，我有財物從我袋中跌出，我不為意，坐下來的時候回看到這位男侍應在他手上把我的財物偷偷收藏起來，沒有通知我，直至我1小時后離開的時候也沒有，直至結帳後我直接去看到他收藏的地方拿回我的財物， 證實這件是我的個人物品，這實在太過份了，雖然我很喜歡食魚， 也是附近的街坊， 基本上附近有的魚湯店我都去搵，佢地本來食材算係ok，魚湯就真係太淡， 但因為這男侍應，以後也不會再去這店鋪了。當日我正拿著一大籃網球到店內，並放於當眼處，店員是清楚看見，我和家人並沒察覺有網球從籃底漏出，店員沒有問或交還便偷偷地把網球放進雨傘筒內，直至我離開才看見筒內有幾個球狀物件才發現。

今日lunch經過，見到門外的Menu幾多選擇，有湯飯湯米線小菜。由於我好想食飯，所以叫咗一個西芹炒龍躉球，首先嚟咗一碗蕃茄薯仔魚湯，之後主角上來啦，我聽到廚房是即炒的，聽到哼哼聲，眼見有五六片龍躉球，食落都頗新鮮好鮮。價錢$60送埋湯嘢飲白飯，如果你話一碟燒味飯要40-50的話，我覺得性價比頗高！下次再嚟試湯飯湯米線！其實我覺得啲人唔好同快餐店比，如果比多10 多錢，可以食到一個小菜我覺得是超值。

小弟看到該店以龍躉湯飯為招徠，感覺價錢也可接受，就進門一試，點了泡椒酸菜龍躉魚片湯飯再加一杯熱奶茶($56)。先嚐一口湯，只嚐到辣及一點兒酸味，湯的鮮甜味呢？完全欠奉。然後再數數有多少龍躉魚片，只得四片，當中有一片過熟(很有趣，全部一起煮會過熟，是翻煮嗎？)，另外兩片是腩邊，幾乎只有脂肪，只得一片是原整有肉。整頓飯感覺是捱著吃，因為湯半咸不啖，還要加鹽，魚片份量不足鮮味也很一般，為免浪費，勉勉強強的盡量吃完。我一度懷疑是否只是自己味覺遲鈍吃不到咸味，直到鄰桌有人問店員有沒有鹽，終於肯定不是自己的問題。我不曉得是否自己太不幸遇上這種經驗，還是廚部沒有個像樣的QC。如果有自信可以用「第一」做招牌，請老闆自己先吃過再說。

行過界限街見到個名叫第一躉幾過癮，就同朋友入去食個中午飯。之前食過好多同湯底既米線，不過呢一個真係幾特別，用龍躉煮，甘名貴以為好貴，點知都系幾十蚊，仲要分量極多，唔怪得眼見好多人外賣或等堂食，人多就實唔會衰先。環境唔算特別，不過幾乾淨。我同朋友一個試左第一躉龍王米線（番茄味）加個口水雞，個湯底好入味，龍躉同番茄都幾夾wor原來，雖然有dd腥味，但落翻d胡椒粉就無甘覺。而個雞雞肥瘦剛剛好，分量大，面頭d辣椒醬好好食，送飯一流，下次渣車來再飯桌

行開太子個頭，一個人食飯，想食米線，但又唔想食譚仔個啲好厭，搵到附近有呢間新開既，有米線又有飯咁，見餐牌價錢都平，好似幾多人食，平平地試下佢問店員招牌話係龍王麵，就叫呢個加蕃茄湯底湯底幾濃，我中意食蕃茄，呢個蕃茄味都夠，幾好食既，料都真係幾多，冇雪味，以呢個價錢黎講冇野可以挑剔，係抵食既。一個女人仔就食淨啲，男人份量應該都好夠。總體黎講都係幾好食既，唔食米線，呢個係更好既選擇，有機會試下其他菜式。

之前聽聞朋友介紹附近開左間新食店，今日中午就去試一下，點知出奇地有驚喜！諗住去到唔洗等位，點知都要等幾分鐘。首先講講個裝修，入面裝修幾港式！門面都算乾淨企理，d呀姐有少少譚仔Feel我入去就叫左個廣島蠔肉碎湯飯，純碎系因為個名好似幾吸引，哈哈！湯底好鮮甜，只蠔幾大只，呢個價錢真系算抵！而且幾健康，下次再試下其他菜式

星期六經過太子搵好西，行過界限街見到呢間新野用龍躉作主題，覺得幾特別，所以就入去試一試距餐牌除左龍躉之外，仲有其他好多選擇。經過店員推介，我同朋友一共叫左2樣野同一杯野飲：第一樣系龍躉花膠湯飯，上菜時十分驚喜，成碗飯有5片龍躉（仲要唔系細細片果d, 系大片原片龍躉），數片厚花膠同竹笙，好鮮味！雖然有少少腥味，但落少許胡椒粉就去左陣腥味，成個湯好有魚味，食完個飯連湯都飲埋再來第二樣系口水雞（呢個系店員推薦，同見好多其他客人都有叫）。雞既份量好多，口水汁味道好好，夾埋面頭既辣椒一齊食好鬼正順帶一提距個米飯好軟屬，留意到系用金象米。野飲方面，凍檸茶唔同其他茶餐廳，無撞底，檸檬夠新鮮埋單總共120蚊2個人，真心好抵食，味道又好，諗唔到唔翻兜既理由下次可以再試下其他菜式！

放假同男朋友拍拖，行開太子個頭，想食啲清淡啲既野（女人係咁，又想食又怕肥ha）😛見到呢間第一躉，寫住有龍躉食，心諗幾十蚊有龍躉食？見佢門口餐牌寫冇味精，就即管試下！👅口水雞套餐：男友叫左呢個，跟一個飯一碗魚湯，我又偷食左一舊，都幾夠辣、好香口，唔會好似出面咁得啲辣油，份量好足，我地咁大食都夠飽，我仲不停偷佢面頭啲辣醬食XD推薦！👅竹笙花膠魚片湯飯：話左想食清淡，食魚食湯飯就最啱！一上菜，真心驚喜，幾片好厚既魚，夠新鮮，唔同出面餐廳個啲一夾就爛，夠爽口、正！仲有花膠都好厚，真係好足料；個湯真係冇味精，唔會愈食愈口渴，食落好舒服，唔覺唔覺我食哂成碗🤭 總結：真係好難得，搵到一間用心做、肯用新鮮材料又咁足料、冇味精既小店。推薦比大家，香港就係需要更多類似既良心小店，會繼續支持！👍🏻