第一腸粉專賣店

营业中

休息中

今晚唔係太肚餓， 想食啲輕量餐，行到太子見到'第一腸粉' ，於是入去幫襯下， 起碼三年冇嚟喇， 記憶中佢啲腸粉同粥都幾好食， 只係分量偏細。 今日叫咗第一腸同埋菜乾豬骨粥， 腸粉嘅質素就保持到， 個皮拉得好靚，好過好多酒樓 ，但係個粥就太鹹， 咸到呢 。。。唔叫豆漿飲好難食得曬一碗( 雖然好似飯碗咁 細碗) 。仲有樣嘢保持到嘅。。。就係啲冇禮貌程度， 一話落單 ， 原本兩個企喺附近嘅員工， 一個就行開去執嘢，另一個就黑口黑面企喺三尺以外，完全冇表示， 雙眼放空望住門口， 再出聲話落單，佢先大声話 '你講就得' 。另外， 佢都幾鍾意鬧或者串客人， 雖然唔係鬧我，但喺度食嘢聽到佢話其他客人都覺得唔舒服。 況且今晚嗰個客人叫外賣， 只係叫佢豉油分開擺，講咗兩次 ， 佢即刻黑口黑面話人哋重複。如果串人嘅時候聲量有7度， 埋單畀錢時講嗰句多謝就係得1度 細聲到爭啲聽唔到。

去開太子又去食下好耐冇去心思思想食嘅第一腸粉，去到叫咗豬潤腸、牛肉腸、鴨腎菜乾粥同埋鹹肉糭。收銀黑口黑面好似你爭佢錢咁無服務呢個大家都知，但係個腸粉真係難食到我一定唔會再幫襯，個腸粉皮厚過我腳底皮，仲差過一般酒樓食到嘅，仲好意思叫自己做第一腸粉，完全係倒數第一。我問收銀阿姐係唔係轉左師傅，佢繼續黑面就咁答無，我就同佢反映番個皮好厚，佢冇回應就走左去👎🏾👎🏾👎🏾👎🏾👎🏾後來我望入去又真係一個好老嘅師傅咁。唯一一樣野好味就係個菜乾粥，但係咁嘅食物水準同咁嘅服務態度...第一腸粉呢個名真係不敢恭維。一句講晒，唔會再幫襯。

同老公食午餐後，我覺得食唔飽🤣，只係攝牙罅，所以又再四圍搵嘢食🤣。行行下，見到呢間寫住：2年米芝蓮指南推介，咁就入去試下🤔（只係推介咋，不是獲星）。招牌第一拉腸😋（$26）：呢個口味嘅腸粉真係從未食過！👍🏻呢間啲腸粉皮比較厚實，餡料係菜脯，肉燥，芫荽乾蔥。菜脯好爽口，肉燥油香濃郁，但肉質好空氣感。呢道腸粉的調味比較重，好啱重口味的人👍🏻！食完覺得，摘唔到星⭐️係合理，得閒經過記得要試吓就OK👌🏻。

有3年多沒有來過了，記憶中的味道是不俗，卻又太迷你小巧，比較不頂肚。正好這夜想吃少許，又想健康一點點，於是就過來再光臨。豆漿先來的一樣，快但很細杯，有豆味，且解渴冰凍，嫌不夠喝。鴨絲拉腸從前最愛，有油脂加持，鴨皮色好看，肉無膻味，豉油加得足，腸粉今次不太精細，粉皮有點太黏，沒有晶凝通透的感覺，但已比茶樓貨好十倍了。招牌第一拉腸有驚喜，尤其菜甫的配搭，不知道要怎形容，咸得來不死，是加強了豬肉燥的鮮鬆感，真是試過才明白，豉油不會好快令粉皮索得變很咸。食後感：再來是喜出望外進步了，也可能是宵夜時有點餓而變得好吃吧！

鴨絲腸粉真係唔錯，有鴨香味。但係收錢果個‘男仔頭’女士，d態度真係想X⋯ 其實都去到幾次，每次見到佢對熟客就nice，但係對其他食客就好冇禮貌。唯有祝佢有好多熟客幫襯囉！我就決定搵過第二間！

試咗招牌第一拉腸和名爐鴨絲拉腸 再加一件蘿蔔糕 腸粉夠薄但不夠陳漢記咁滑，第一拉腸好有咬口，鴨絲打得太綿，感覺有點似吞拿魚混醬，蘿蔔糕的質感好得意軟林林。還是比較喜歡陳漢記，因為腸粉又薄又滑好像真的很考功夫。

出街食飯成日都會想搵啲又好味又健康既野食第一腸粉都算係其中一間蒸腸粉，蒸蘿蔔糕，粥，蒸飯等等次次食完都會覺得個人舒服啲呢間又係一間次次黎都係嗌個幾樣野食既店哈哈因為太好食次次都重覆嗌哈哈最好食既一定係個蒸蘿蔔糕!佢係古法個種蘿蔔糕，唔係啲連鎖店舖新年賣個隻好多粉個種呢種蘿蔔糕蒸到好晶瑩，完全食到啖啖蘿蔔既清甜味配埋岩岩好既蒸煮豉油真係超好食!有諗過幾次買幾盤做新年蘿蔔糕食但係好似唔擺得耐同埋諗住不如直接黎舖頭食 🤩除左蘿蔔糕之外，個招牌第一拉腸都好好食無係其他地方食過呢隻味既蒸腸粉佢係用菜甫同肉躁做餡，估唔到呢兩樣野同腸粉隻味咁夾，必食之選!鴨腎菜乾豬骨粥都好食，鹹鹹地蒜香排骨蒸飯配埋蒸煮豉油都好好味，又夠飽肚兩個人食呢幾樣都只係$101，幾抵食 🤗

就係因為佢寫第一 所以就很好奇又有幾好食而入場的。地方尚算寬躺，收銀姐姐就無乜表情，但行動力高落單快。這兒排骨飯$28其實都算唔錯，排骨都很多上菜很快。腸粉就點了牛肉腸同招牌腸。這兒牛肉腸是肉片的 不過我還是覺得茶樓的馬蹄牛肉腸好食些。招牌腸就好肉有潮州粉果嘅氣味 唔太夾腸粉食。不過還有興趣試埋另外那些腸粉再報告

下午5時獨自一人途經太子，想去食返上次食過好好味的牛肉腸粉，店裡只有我一個客人，坐下看過餐牌後向唯一的女店員查問牛肉腸粉有沒有芫茜或蔥，起初完全不回答，我心裡想不回應我我便離開，及後她hea答我一聲［無］，我便說落一碟牛肉腸粉，她沒回應只下單後放下單據就轉身。粉腸上枱確實是很滑很有米香，豉油甜味適中，牛肉合我心意，到最後埋單時唯一的女店員也沒有說過一個字，塊面黑過鑊底。其實回應是一個最基本的禮貌，由入座到埋單只說了一個［無］字，完全當客人透明，我不是要服務周到，是最基本的禮貌與尊重，一句多謝的說話也沒有，無疑餐廳的食物係好食，可惜的是有一粒老鼠屎晌度成鍋粥就算幾好食都係死，客人無必要黎受氣。

今日經過太子，記得依度附近有間食腸粉好出名嘅，所以第一時間去試， 間腸粉店叫第一腸粉店，入去叫咗叉燒腸粉，鴨絲腸粉仲有佢哋嗰個招牌鴨腎菜乾粥， 一隻鹹肉粽配粥，同埋都試食嗰個金針雲耳蒸雞飯。 我覺得個鴨絲腸粉最好味，估唔到仲好味過叉燒腸粉，原來鴨絲都好襯腸粉，個口感一流。另外，我亦都好鍾意嗰個鴨腎菜乾豬骨粥，佢啲鴨腎係切碎曬所以唔怕話咬吾開。同埋佢入面有嚿咸豬骨，所以唔使落胡椒粉都好正好夠味。同埋菜乾可以下火，所以下次嚟一定會再叫呢個粽種就一般鹹肉粽，叉燒腸亦都ok只不過我覺得鴨絲腸粉比較好食，而嗰個金針雲耳蒸雞飯亦都好正，不過個飯就唔係太大。 總括嚟講都好抵食，因為每樣嘢都係20幾30蚊左右，叫咗五樣嘢加埋飲品都係150蚊左右。所以鍾意食腸粉嘅朋友，記得去試。

一入到呢間餐廳，覺得好舒服，唔似一般粥店咁擠迫。叉燒腸好好味，材料豐富，腸粉皮好幼滑，表面有少少油，好滋味 招牌第一腸粉就一般，肉味唔多突出。蘿蔔糕比較粉，少料，但熱辣辣同埋好滑。豆漿冇得揀甜度同冷熱，得涷豆漿，好在唔算太甜。平時食得快餐早餐多，食吓傳統口味都唔錯

晚飯時候，隔離個位人兄病左搵間粥店食，附近有間有粥有腸粉有飯，環境算乾淨企理，全部台所係圓台，坐滿都算迫...鴨腎菜乾豬骨粥，鴨腎係面頭d 碎碎，雖然唔係切片，但都好夠味，要撈混佢先食，粥好夠味，值得叫粥入面有一舊豬骨，豬骨夠咸入味，如果多d好啦薑汁豬潤腸粉，腸粉係即叫即整，皮唔算薄，豬潤唔老岩岩好，食到薑絲，唔係薑汁，味道唔錯傳統蒸蘿白糕，上面有蝦米，林身，但蘿白味唔重，如果中間食到蘿白絲，有d 咬口會好d

今日下午去探親友，親友想吃粥品並建議到靠近地鐵站買點粥品回來。我從未到過這店舖，粥品兩款、蒸飯兩款、拉腸八款等，餐牌簡單，除了粥品外，點多兩樣試下先!第一蘿蔔糕 $20+1 外賣 蘿蔔糕是原整一件正方形，並已盛入醬油在外賣盒內。醬油浸着蘿蔔糕，不知道會有這樣安排，心怕吃到底便會味道過濃，便先將蘿蔔糕取出放到碟上!蘿蔔糕表面有蝦米粒，味道有點蘿蔔味，有胡椒辣味。口感軟綿，可用匙羹舀取進食。牛肉拉腸 $26+1 外賣牛肉一塊塊的在拉腸裏，拉腸皮本身過厚，想小啖吃可以根據牛肉位置切開拉腸再吃。牛肉稔身但味道一般，又欠缺拉腸米香味，加豉油雖是必然，但整體有點失望。菜乾豬骨粥 $27+1 外賣菜乾味道夠並融入粥裏，粥較稀，粥品品質一般。豬骨約有兩至三件，味道不錯!整體份量適中但味道及品質一般，亦沒有品牌獨特之處，距離”第一”還有很遠的路! 

呢間#第一腸粉 喺#太子返工前去買份#早餐#腸粉 係#即叫即整之前試過#豬潤腸#好香好滑今次#試新嘢叫左個#脆瓜什菌腸就覺得脆瓜什菌同個腸粉唔太夾都係豬潤腸#好食D 😅叧外仲叫左碗#菜乾豬骨粥 粥身都可以一碗粥一碟腸粉$55早餐嚟講有D貴#吃貨 #周圍食 #食在太子

這是次非常非常失望的體驗，第一腸粉，並沒有特別好吃，腸粉皮不夠軟，豬肉餡的肥肉不少，量也很少，三條腸粉就很單調的黏在了一起，醬油也沒有很好的調味。服務員也沒有特別熱情。希望我以後也不要成為這樣的人，像Angelababy，有點名氣，有點明星在後面撐腰，把各種合照和報道貼在門口，但務實的事卻隨便做，但求賺錢，卻沒了當初的精神。就像我家附近的牛排店，也是因為這個原因結業，人啊，餐廳啊，無論你以前有多風光多厲害，港大畢業，牛津畢業，都勿忘當初的熱誠，一鼓作氣，精益求精的態度，當初的信念。