第一腸粉專賣店

营业中

休息中

比錢買難受，個樓面丫姐又冇禮貌，叫都吾應，又吾理啲客，請都吾會再黎食啲客好聲好氣叫佢落單，佢就喝人「講啦」，轉頭問佢拎杯熱水洗餐具又吾應人黑口黑面，等左我十分鐘先走黎同我講「冇熱水」嘩我真係眼都凸咗出嚟，咁大間鋪頭會冇熱水？吾好玩啦，冇心比咪算啦，我自己抹下囉，叫佢果陣又吾一早同人講，都吾係啱啱開門呀，又點會吾知自己有冇熱水呀🙄🙄🙄好啦上碟嘢黎，又大大力放落枱，明明得3枱客，你家下好忙咩做到發脾氣係啲客度唉諗住都係是但食下嘢姐，快啲食完咪算囉，點知有冇甘過分呀，啲腸粉都吾熱既，啲叉燒真心夠灑差，冇味又鞋口到埋單啦，個呀姐又吾知去左邊，要大叫埋單呀姐先到慢慢施施然行岀黎，再用死老豆老母甘既西樣望住我講「埋單呀」🤬🤬我果下真係好想鬧佢，但係我冇，因為我知道鬧佢都吾會有用，所以決定係度公開比大家知，咩叫比錢買難受😤

每次去太子覓食總會留意👀到這間腸粉店，只是每次已經吃飽了沒有機會吃但身為「牛腸迷」的我怎能錯過😏，終於找到一個早上去吃吃看！雙拼腸粉（蜜汁叉燒 x 手切牛肉） $33（單拼$26）牛肉腸粉就定必入手👋🏻，只是見到餐單有多款口味，就叫一個雙拼來滿足一下吧！等了5️⃣分分鐘左右就有新鮮即製的腸粉送到我面前，是即叫即做豉油一早就倒到碟裡，味道還不錯不會太鹹；至於腸粉本身，腸粉皮算薄身有黏性，做到軟糯感，惟🍚米味未算太突出雙拼的叉燒跟手切牛肉，兩種餡料一同放在腸粉皮再卷好，份量蠻多的手切牛肉切得薄片但味道就沒甚麼調味😑也沒有甚麼牛味；叉燒味道比想像中好👌🏻，甚至有種搶走牛肉味的感覺這碟的質素是有的不過只是中規中矩，說是「第一☝🏻」嘛，個人就覺得有點過譽🤭了 店家除了腸粉還供應粥品，不過選擇不多始終以腸粉作為賣點裝潢方面就有如街坊老店一樣，眼看防疫檔板有點不合標準😰，但由於我是在營業時間🕰開始不久就到店，客人不多又分別坐在不同位置就比較安心💕點雖然店家曾獲米芝蓮推薦，食物質素有一定水平，不過吃罷感覺未稱得上值得此等美譽，以上只是個人觀感，有興趣的也去試試看吧！

好想食腸粉，見這間有點歷史又叫第一，入去試吓。叫了兩款腸粉。都是外皮夠薄但唔夠滑，無米香。手切牛腸粉的牛肉不韌卻也不滑，另一款第一腸粉是肉燥加菜甫，不但無味而且帶酸。菜乾豬骨粥本是我至愛，這間本來也不差，粥底夠綿，有一件小小豬骨，味道也OK的。可是它有一大堆切碎了的鴨腎，雖已切到細細粒，但好硬，破壞了整碗粥的綿滑。蘿蔔糕是用粟粉那種配方，所以是半透明的，中間有幾條粗條蘿蔔條，整體欠缺蘿蔔味。喜歡與否視乎你喜唔喜歡粟粉口感，我就麻麻。

經已是數月前的事，希望以下情況有所改善！香港既特色食店有琳琅滿目，但若果持住自己係為名店，目中無人，妄顧食客感受，咁樣對大家又好咩？=======================餐廳環境典形街鋪，但防疫安排未如滿意，圍板高度有待增加。員工毫無歡樂氣氛，全場無笑容，可能係工作環境未符合預期，但事實有待討論=======================食物品質作為係名店，質素固然有，但亦非鶴立雞群、嶄露頭角。配合食物價錢跟質素，只屬不過不失。=======================服務及衞生整間店鋪絲毫沒有歡樂氣氛，員工的表情呆板，部份店員更視客人如無物，對於客人希望更換位置，查詢食資訊等事宜近乎無視，可能係客人辭不逹意所致掛，但店員無回應便是我所看見，難度是小篇突然弱廳希望餐廳管理層能多加留意，員工心情愉悅，食客亦都會感受到=======================總評「第一」的名當之無愧，但其所代表之意思，相信自有公論

話說經過太子唔知食咩好, 所以就喺openrice揾太子站附近食肆. 見到呢間幾多好評, 加上我本身好鍾意食腸粉所以就諗住試吓.-總結係佢啲腸對比一般嗰啲個餡嘅量更加多同更加有味, 腸粉個皮煙煙韌韌唔似有啲一夾就散, 蘿蔔糕透透地明, 蘿蔔嘅比例無得輸, 唯獨係我本身麻麻哋胡椒, 如果佢胡椒味可以少啲啲就好, 不過問題不大只是個人取向. 我叫咗三樣嘢加埋啱啱好夠一餐份量. 佢呢間價錢還可接受, 啲嘢又好食我下次再經過一定會再幫襯🤤❤️-唯一可以改善嘅係我覺得佢外賣用嘅發泡膠盒可以轉下包裝因為感覺發泡膠好唔環保, 我叫咗兩款腸粉下次諗住叫佢擺埋一齊因為個盒好似夠位. 😌👌🏻

第一次食野食完講粗口，講真腸粉好普遍但係啲職員先係極品！一入到去冇人招待自己搵位坐，坐左一陣個收銀（我估係老闆娘）就黑住面問我地食咩，都算最嚴重係張枱中間塊隔板，我諗得7”高左右，基本上同冇隔冇分別，嚴重違法，坐左陣有個呀叔坐左我對面，佢一坐低立即拉低口罩講野，啲飛沫噴曬過我地啲食物度，我問職員有冇塊高啲嘅隔板，職員黑住面話：「冇呀得呢啲，你一係自己搵過張枱」禮貌極度惡劣，我唯有自己搵枱，但睇曬成間店都冇位，我好傍偟企左喺店中間，冇一個職員幫我。總結，以為唔會再幫襯。間野一啲衛生常識都冇，疫症期間都唔緊張啲，人客飛沬周圍飛，下品🤮

第一次光顧這間食店，自然要試下出名的招牌第一腸粉（菜甫肉燥腸粉）；另外再點了鴨腎菜乾豬骨粥配腸粉食。這間腸粉專賣店的腸粉幾特別，腸粉皮薄彈牙，配上甜甜的菜甫及肉鬆幾好食，值得一試；但想不到更出色的是菜乾粥，粥底充滿鴨腎的香味，叫人一試難忘，必食😋

嚟呢度食好多次，但覺得最好食都係招牌嘅腸粉，腸粉新鮮整出嚟又滑又香，試過晒咁多隻味都淨係最鍾意係招牌第一腸粉試過叉燒味同埋牛肉味，我覺得就普通囉。唔會失望但係冇乜特別。我諗各人喜好啦。自己嚟試吓

今日去到太子行過見到有間腸粉店，一於去試吓，叫咗個招牌腸粉其實係鹵肉碎腸粉，相信係即叫即拉因為個外皮很薄，食落很滑，味道的確唔錯，還有樽裝汽水👍🏻價錢都親民

第一次嚟呢種專食腸粉嘅專門店係即叫即蒸嘅我今次叫咗貴五蚊嘅 兩味總共33蚊嘅豬潤魚片腸粉再加杯豆漿十蚊其實當係食就得一餐三四十蚊就真係有啲貴啦不過喺旺角砵蘭街嚟講呢個質素價錢衛生都係算係ok嘅都算乾淨有 間隔冇乜人可以自己一張枱 可以再嚟

成日經過太子都見到呢一間小店，雖然間中都會有衝動想試一試，睇下係唔係真係咁巴閉，叫自己做「第一」woo，不過一直都未有機會，不過今日終於機會黎喇飛雲，在太子得20分鐘食少少野，決定入去試下佢個「第一」堅唔堅先。我一共叫了兩樣野，分別係蘿蔔糕同埋腸粉，腸粉款式有好多，喺選擇困難症之下最後揀了佢嘅招牌腸粉。睇到我個標題的人都應該估到我覺得佢個腸粉好唔好食。老老實實，其實唔係唔好食，不過叫得做「第一」的「招牌」就似乎真係要拆招牌。不過幸好個蘿蔔糕真係有驚喜，蘿蔔味足，加上少少蝦米，唔錯。

腸粉熱辣辣、滑捋捋我最愛脆瓜什菌拉腸同手切牛肉拉腸😊脆瓜什菌拉腸($26)手切牛肉拉腸($26)最啱突然興起想食腸粉又唔想特登去茶樓嘅人黎過下口癮😉仲試過蜜汁叉燒、招牌第一、薑汁豬潤同名爐鴨絲拉腸 普普通通啦

2/5腸粉皮滑溜，但有少許厚。但餡料不錯，尤其是招牌第一腸粉，菜甫豬肉絲，很合又好吃。豬膶也不錯。Intestinal powder skin is slippery, but a little thick. But the filling is good, especially the signature first rice noodles, Caifu pork shreds, very agreeable and delicious. Pork fat is also good.#queenbeoly_comdine #foodblogger #foodporn #food #foodie #foodphotography #instafood #foodstagram #foodlover #foodgasm #yummy #delicious #QueenBeoly

熱辣辣無咩胃口，經過見到腸粉就入去試下。點知坐低之後，兩個阿姐的態度勁差，唔理佢叫咗個套餐，碟鴨絲腸粉真系好麻麻，出邊好多都好食過佢，連粽都淡茂茂無咩味，綠豆蓉唔棉反而有d硬，絕對唔值個價錢，總之E餐就系一個字：伏

My friend and I walked into Superior Steamed Rice Roll Pro Shop for dinner on a weekday evening. We didn’t have much expectations, as there are so many new steamed rice roll restaurants lately, and we were just craving for some steamed rice rolls for a quick dinner.It was amazing how you can pick two stuffings for your steam rice rolls. We chose BBQ pork and shredded duck. The BBQ pork was so flavor with honey sauce; and the shredded duck was very juicy. The steamed rice roll itself was so smoot