第一腸粉專賣店 (已結業)

有d肚餓, 去左間叫第一腸粉’好似在網上睇過, 一於走入去試吓先, 點咗:鴨絲腸, 個人覺得有鴨So味食咗一啖便放棄, 豬潤腸, 豬潤夠滑算ok, 牛肉腸, 牛肉細細片用食用粉’ 乸’到唔似牛, 蘿蔔糕粉多無臘味料只得小蝦米在糕上蘿蔔有4至5粒切方形, 招牌腸其實喺豬肉碎加菜脯粒, 個人覺得OK LA...SO SO

試過蜜汁叉燒手切牛肉脆瓜什菌蔥花蝦米順德魚片明爐鴨絲招牌第一拉腸因為事隔太遠,只記得鴨絲好味,脆瓜什菌不推薦,如果第一拼另一款,會食唔出第一(肉鬆)...腸粉唔錯,不黏筷,醬油不夠都試過蘿蔔糕,成舊都係蘿蔔,完全無其他料,很軟,都算好食第二次來發現原來有XO醬,點解上次唔sell我?豆漿正常,但用紙杯好唔環保2間店我都去過,大個間服務好D整體來講都好食,但又未至於米芝蓮,原價就唔會食喇

經團購買了這間有米芝蓮的腸粉專賣店腸粉雙併半價優惠，品嘗了魚片+豬潤腸粉+凍豆漿套餐 (原價$29, 團購半價)。欣賞這裡出品的豆漿，豆味香濃又夠清甜，個人認為比深水埗的公和豆漿更美味。腸粉皮厚薄適中有米漿味，確實比平日酒樓的出色，只嫌豉油稍為過甜了，至於餡料是兩款混合在腸粉內的，魚肉算足料及鮮味，豬潤質素則一般及太細條了。之前曾試過招牌拉腸，反而味道一般。雙併腸粉以原價計有少許昂貴，不過與朋友經過的話，一同試試亦無坊。聽到鄰座說這兒的蒸飯及蒸蘿蔔糕味道也不俗，下次可以一試。

今天中午和老婆食完山東餃子經過這裡見裡面無人就走入去食腸粉。我們叫咗鴨絲腸粉，豬膶腸粉各一，一碗菜乾豬骨粥，一只糉。菜乾豬骨粥先來看落樣子美麗可惜成碗粥只是微暖，而且落了大量味精。到只糉來的時候赫了我一跳佢個size等於初生嬰兒只拳頭咁大，唯有安慰自己呢一只一定係精品嚟㗎。點知越食越激氣，成只糉裡面只有約4份一只咸蛋黄同小小肥膏，咁就收22蚊。跟住嚟的腸粉皮薄餡厚睇落好似好靚但食落口的餡就完全無味。老實講呢的嘢通街都食到啦，都吾知點解會有米芝蓮車胎人美食推介。

跟朋友等去另一朋友家玩, 逛街後時間還未到, 就先來吃點東西叉燒腸粉不是即製的,一點的時候就上桌了, 不夠熱, 皮也沒有很薄, 但勝在有米漿的味道餡料就還蠻好吃的啦, 叉燒很難不好吃的菜乾粥則做得不錯, 不會死鹹, 菜乾的香滲在粥內, 粥底也很軟綿我不懂為什麼會有米芝蓮推介, 因為我吃過更好的腸粉, 堂記的, 陳漢記的, 都要比這裡的好第一? 他們應該改錯名字吧...

之間有次想跟阿寶來, 1心來到竟然休息, 但是小妹死心不息, 這天放工再早早過來, 怕人多就沒位。店子非常小, 木桌木椅加狹小空間是速食的暗示, 我們在門前等入去時已先看好想吃甚麼, 甫坐低就下單, 價錢絕不便宜, 光是青菜都盛惠$16。 還未知是貨真價實還是名氣的關係, 即管要個招牌第一拉腸, 阿寶讓小妹選個較素的翠瓜什菌拉腸。平時在粥店才較易吃到煎的蘿蔔糕, 所以也叫1件來吃, 用熟豉油畫龍點蜻的蒸蘿蔔實在不比煎的遜色喔。這蘿蔔很輕身, 粉沒有過多所以很鬆軟, 粗身蘿蔔絲更是帶出更清新的蘿蔔清甜, 別處難求。腸粉皮的米漿濃度甚高, 有米香之餘也滑溜, 入面的餡料卻沒甚麼特別, 調味過的肉餡沒吃得出菜圃味道。另外的翠瓜雜菌, 畢竟只是gimmick 讓人多個選擇, 跟腸粉實在不太搭調。小妹倒覺得第一的是蘿蔔糕, 腸粉則一般而已, 都沒再去試其他了。

太子米芝連食肆“第一腸粉”，原價$24的雙併腸+$5豆漿，我以$15的團購價食到，腸粉的確薄滑，餡料足，但鼓油鹹了少許，總體不錯。 可能港人未外遊返港吧，中午一時亦不用排隊，既享用了即叫即做的新鮮，又不用久等

早前買落既團購券，$15可以換到一碟兩款餸既腸粉同一杯豆漿，呢個朝早就過來試一試。早上約九時的時候，店鋪入面既食客唔多，大家都可以坐得好鬆動。點了叉燒加燒鴨絲腸粉，另加一個蒸蘿蔔糕及團購券包括的豆漿。最先送上的是蒸蘿蔔糕及豆漿，蘿蔔糕的配料唔多，只有少量的蝦米。但切開來的時候可以看到條條的蘿蔔絲，粉的份量恰當，唔會只係食到粉。可惜配上的豉油比較甜一點，應該是用伴腸粉的同一種豉油。這個稍甜的豉油配上鹹腸粉的確唔錯，但配上蒸蘿蔔糕則顯得過甜了一點，可能是因為蒸蘿蔔糕是比較清淡的一味，蘿蔔的甜加上豉油的甜便成了過甜。食到一半腸粉便送上，看上來腸粉皮幾薄，可以透視到內裡的叉燒及燒鴨絲。入口米香一般，但吃起來薄得來帶點煙韌，的確係好食既腸粉。雖然係用團購券換而非正價，但內裡的餡也不少，絕對無因為係團購而減少份量。叉燒同燒鴨絲相信係來貨，也沒有什麼特別之處，不過配起煙韌的腸粉皮吃也相當之夾。豆漿則豆味不濃，甜度正常。配合埋蒸蘿蔔糕及腸粉也是不錯的一個早餐。

叫咗招牌第一拉腸同菜乾豬骨粥，諗住無死啦，招牌菜喎，點知難食到無朋友。菜乾豬骨粥超多味精。算！人哋叫第一腸粉唔係第一粥品。但係腸粉難食就抵打！腸粉太黏，豬肉肉質差又醃得over，豉油死甜... 無樣得，想點呀！米先生你係咪未吃過腸粉？？

我本身好鍾意食腸粉~見到個招牌已經好想一試~又知佢係米芝連推介~所以我妹妹同妹夫由韓國返HK~第一餐即帶佢地去食~~~我妹嫁左去韓國後有大半年無返HK了~韓國果邊又無"腸粉"呢樣野食~我一同佢講話去食腸粉時~佢D口水係流住叫好的~我諗住實包無衰啦~點知... ...我地叫左招牌腸粉~牛肉腸粉及魚片腸粉~一個排骨飯(比佢老公食的)~一個豬骨粥~一個糉~一個蒸羅白糕~~~黎之前我地係帶晒相機準備影相既~但d野食一黎後我地都唔記得左影啦~急不及待咁就一對快子叉埋去啦~~~好快我倆就食完三條不同味道腸粉啦~但係... ...好普通... ...無特別... ...一定唔係食過最好食果批囉~~~連我個餓左好耐既妹子都覺得好一般貨式呀!!! !!! 個豬骨粥反而有驚喜~菜乾好香~個糉我妹鍾意到成個食晒~我只試左一口~我覺得無特別~好明顯佢真係餓得好耐~~~個蒸羅白糕都好食呀~可以推介~但腸粉真係仲有進步空間呀~最低能係無茶飲囉~食完腸粉無啖熱茶落肚~成個感覺都好"將住個胃"咁呀~只可叫杯豆漿頂住先~仲只得涷豆漿~唉~~~

路經第一腸粉，我多口問朋友有沒有吃過，說是米芝蓮推介的。他聽罷，即時很感興趣，嚷著要入去淺嚐，然後才再繼續行程。也好，反正說到吃，我總不會拒絕的。這店子自從獲得車胎人推介後，升價十倍，經常是坐無虛席的。是晚或許時間尚早，竟然不用等位，真有食神。顧名思義，這裡的主打是腸粉，但除了各式各樣的腸粉外，還有飯、粥、糭、蘿蔔糕等食物供應。先每人來碗菜乾豬骨粥。喝幾口，粥底幾甜，帶有菜乾的香，還有丁點的陳皮香味，不錯。每碗粥都附上一大舊的豬骨，連骨的肉咸香有致，我是絕對不會錯過的。另外選了兩款腸粉，其中的招牌第一拉腸，皮薄得晶瑩剔透，餡料的菜甫、肉燥清昕可見。然而，皮是薄，吃起來卻又未算很滑，菜甫是爽脆，但就差一點咸香，算不上十分好吃。名爐鴨絲拉腸隨即送上，這碟的腸粉皮比之前的較厚，還好溫度足，而且鴨肉夠香，又不會韌，我更喜歡。同埋，我認為鴨肉配腸粉是幾夾，反而什麼肉燥菜甫，總覺跟腸粉是格格不入的。總的說，腸粉不是難吃，但若有得選擇的話，我仍是比較喜歡佐敦的堂記腸粉，或許是先入為主的開係吧！打了底，我們可以去吃正餐了！我們原本的目標是附近的龍鳳廚坊，你話我係咪顛既先。

今日特地去左第一腸粉食,試下係唔係真係咁好食!!睇落去個腸粉好透,好薄,好似幾好叫左叉燒腸,叉燒少左D,如果多D叉燒味道會冇咁單薄個腸粉夠薄又滑...唯一缺點就系唔夠米香整體黎講都算唔錯.....但唔係我食過最好

家住太子與深水埗中間的我每次都喜歡從旺角東的火車站慢慢走回家 一方面可以健康百步走 另一方面可以一路上物色各種各樣的食肆位於太子的《第一腸粉》就是我老早就已經瞄住的食肆之一 正巧前一陣子看到他們家的團購券 15元一份雙拼腸粉（8款任選）外加一杯凍豆漿 這樣的搭配正適合每次放課回家都餓到不行的我！正好逮到兩個晚上的機會讓我在11點之前（11點關門）光顧這家掛著米芝蓮榮譽的腸粉店~ expectation可高了！去的是位於舊店對面的新店 店面裝修風格無論是色彩上還是佈置上都與老店如出一轍 兩家店的地理位置也可以說是隔街相望了入店之後內部環境雖說不算最寬敞 但至少所有的桌椅都頗新且給人一種非常乾淨與小小現代時尚的感覺 為開飯之前給人的第一印象不錯牆上還是照舊掛著各種各樣的報刊雜誌介紹 與各路名人明星的合影 以及店內供應的所有菜品 都一目了然看牆上的兩篇報導 看來也稍稍有些名揚國外的感覺 另外$19 腸粉指的是單拼哦！不過當我吃完雙拼以後我也覺得其實吃腸粉裏面的東西還是越簡單越好！單拼是最安全的選擇， 不會串味也夠 focus一共有八種腸粉提供招牌腸粉就是 4號《招牌第一拉腸》了 以菜莆 和

又有團購網推第一腸粉優惠，之前都買過，真係好抵。今次嘅團購係$15買雙拼腸粉加杯豆漿，原價$29。前幾天放工後就去食，今次去新店，新店都好迫，幸好這時人不多。要了豬潤拼牛肉腸粉。等了大約十分鐘，效率都幾慢。即叫即整，夠熱; 望落都好似好薄皮，但一夾起就見到個底勁厚皮…餡料方面，一條有齊豬潤同牛肉，牛肉係手切牛肉，而唔係免治，所以幾好食;反而豬潤就唔得，嗱過，已經無晒味，仲有少少嗱口…以團購黎計，係抵食嘅…但值唔值得攞米芝連就真係見仁見志。。。

朋友話請我食米芝蓮,原來送了張第一腸粉專賣店的團購卷給我。可選雙拼腸粉一碟和豆漿一杯。之前無幫趁過，看看餐牌，有腸粉、蒸飯、...等等。今次首選當然是腸粉，揀了豬潤拼鴨絲。豆漿先上，等了約十分鐘，望望廚房，師傅即拉腸粉完成。雖然我自己比較喜歡吃傳統風味(即是落重米漿,白色皮不透明那款)。但是這些新派口味，皮薄透明，賣相吸引。今次的雙拼腸粉豬潤新鮮爽趣，鴨絲味濃，腸粉軟滑，味道確實不錯。原價$29雖然有點貴,但亦物有所值。但是團購價$15就覺得很化算了!