影片
招牌菜
买了迪士尼年票，也知道凭年票在乐园的餐厅饮食会有 discount。所以，我们周不时会故意地去试下在乐园内不同的餐厅。这一次，我们就来到了城堡后的幻想世界区，大的一间餐厅大排长龙兼揾唔到位，我们就去这园区的另一间餐厅《笑匠欢宴坊》 (Clopin's Festival of Foods)，一试。试了一个香港式的快快快快餐。在门口已经得知，这儿是快餐炒粉饭面同汤面的专门店。所以，我们看中的不多。毕竟，折后都要过百元一份餐，直接令我们觉得，这一间餐厅比起场内其他的餐厅更唔抵食。两大一细一更细，所以我们是三个餐加一份小食大家分享。而小食就是小朋友见到就会开心的炸鸡翼。不过，份鸡翼好厚粉，但亦因为粉够厚，炸到好脆而又保留到肉汁，整体上，叫做 OK 咁啦。素食餐，叫做糖醋植物鸡肉饭。也即是咕噜素 Nuggets。而这一个饭就好失望了，首先，佢地好冇诚意地说是植物鸡肉，但实际是植物鸡 Nuggets，而糖醋汁少之又少，想甜甜酸酸地捞下饭食都唔够。我同仔仔同异口同声地，点上这一个菠萝海鲜肉松炒饭。可以说，这店的众热食之中，似乎最像样，又值回票价的，就只有这一个饭。因为，真系有好多虾，鱿鱼等等的海鲜有内，而且味道也够鲜甜，叫做满意一点。然而，这一餐，大家最喜欢的就是这一个芒果味的夏日特饮。够甜，够气，也够冻。我们来既时候，系大热天时，有这一个冰冻饮品伴餐，确是爽。总结，这一间《笑匠欢宴坊》算是好坏参半啦。不过，在这儿真系要叫饭食，同样价钱，叫面食，感觉真系好唔抵。
继续阅读
1346 浏览
圣诞节去迪士尼感受圣诞气氛，午餐无得拣一定在乐园食，乐园餐厅没有什么选择，而且价钱贵。今日去左旋转咖啡杯对面的【笑匠欢宴坊 Clopin's Festival of Foods】。有别其他快餐，这里大部份用餐区都设于室外。圆木枱加上木櫈仔好有大排档 feel。平时在乐园都系食汉堡包薯条，今日试下汤粉！客人到面档前即时落单，𩠌料已经预先煮好，厨师好快就做起一碗碗汤粉。【乐园牛四宝汤粉 $130】有牛腩、牛肚、牛筋及牛丸，汤抖普通，汤底偏甜没有什么牛味，没有期望因此没有失望，只求医饱个肚。【牛油鸡翼 $55】小朋友最爱的炸鸡翼可以自己独吞四只，外面香脆，味道一般。好彩张入场卷食物有75折 （除饮品外）。
继续阅读
2022.12.12 lunch 入乐园都预咗要帮衬园内食店，但幸好在某一旅游APP有卷买，卷包两餐+一个零食，可以悭几十蚊😁🤞🏼 所以人均消费我就无入了，睇相啦😝其实餐牌唔多选择，我哋拣咗扎肉鸡丝汤粉同海鲜菠萝炒饭，再加钱要支汽水。 好搅笑，鸡丝变鸡肉，其实如果唔想切，不如你餐牌写鸡肉啦😂 味道比预期嘅正常，不过啲粉就⋯⋯碎到一个点🤨 比较挟嚟食🙃至于个饭，味道都算正常，最衰唔够热，如果唔系应该会好食啲。
继续阅读
买左一年 迪士尼pass去左十几次 终于比我系最后的一个月见到笑匠有开门 唔洗再炸鸡汉堡烧鸡呢类当然要立即帮衬 试下味道金卡会员系单数月份仲可以享有75折 成件事立即抵晒原本无包太大期望去试 点知比我想像好大虾鸡肉札肉牛骨汤汤河 $125每样材料都各2大虾爽口但唔系好大札肉 肉味浓唔粉好弹牙鸡肉就一般牛四宝汤河 $125牛丸系一般四洲牛丸牛根牛腩几淋，但卤味淡，份量多牛肚无怪味两款汤河都系同一汤底，汤底几甜无过重味精，食完饮几啖都唔会口干！芫茜、辣椒系要另外要求！记得叫佢比多少少汤，我第一次食好快索晒d汤得返河粉。而呢到的河粉都系越式干河而唔系中式油汤河！另外，加10蚊就有枝装可乐！整体我个人觉得食牛比鸡抵食！
继续阅读
海鲜肉松菠萝炒饭$130大份量、饱肚、多料嘅迪士尼园内熟食。竟然有三只大虾？！啲虾爽口，同埋冇霉。开头捻迪士尼嘅野食会系少料啦、贵啦同埋细份。不过个炒饭都几好。有足足大排堂碟头饭份量嘅饭量。佢炒饭料有鱿鱼粒啦、菜心粒啦、菠萝啦同埋洋葱粒。之后佢仲有三种toppings 有腰果、提子干同埋肉松。佢出餐好快，排到队同埋讲之后就会即刻帮你预备，然后就拎得个餐。生果杯$40生果杯里面有西瓜粒、哈密瓜粒、蜜瓜粒同埋提子。蜜瓜好甜，西瓜起左小小沙。食落去唔似罐豆生果，冇防腐剂味，而且都冇浸过糖水。佢好啱夏天食，佢卖嘅时候会用冰水浸住个生果杯。所以啲生果会系冻嘅。
继续阅读