立鮨 (富達大廈)

营业中

休息中

Momo同Boo係Eatigo book有9折😇，雖然唔係所有食物都有，但本身餐廳定價都唔係好貴🤗但質素比連鎖既壽司店高一班😋推薦👍🏻: 🌟 必試火炙左口魚邊壽司 入!口!即!融!好正🥰🌟 三文魚子壽司 望住啲三文魚子多到滿瀉，未食已經好滿足😝🌟 特選三文魚盛合 鐘意三文魚既真係唔好錯過 $58有4件壽司加一個小卷 好抵食😙失望🥺:🙈 夜晚9點去到就賣哂海膽喇😭好想試個海膽特盛呀🥺總結整體食既野都幾新鮮😍幾好食🥰，埋單價錢同平時食連鎖壽司站分別真係唔大👍🏻, 唯一係立食文化係香港黎講始終比較新，亦唔係個個接受到企係度食飯🤪 不過架唔鐘一次半次ok既😝

一直見到依間都多人排隊，咁就得閒去試一試佢，6點半以為算早去食唔洗等，但去到都要等15分鐘左右。同埋講明先，依間係冇得坐，齋企，冇得book檯，咁而家講下d食物質素先。首先我全部都係單嗌既，左上開始講，左至右，去到右下，價錢係講緊1件既價錢。中吞拿魚腩壽司($38)，三文魚壽司($9)，北海道活象拔蚌壽司($48)，活赤貝壽司($48)，北海道特大珍寶帶子壽司($38)，火灸白烏賊海膽壽司($25)，火灸北海道帶子壽司($15)，火灸左口魚邊壽司($20)。水準我覺得普遍都係好既，冇一樣野食落係唔新鮮呀唔好食之類，咁我就講下比較突出個d先。中吞拿魚個件，平時食個d係腥腥地，食落又冇咬頭，非常唔好食。但依一件食落唔腥，而且點一點豉油都好夠味。特大珍寶帶子壽司，依個比一般帶子仲新鮮，一咬d汁都爆哂出黎，口感亦都好豐富。三文魚籽軍艦($20)我見依個係店長推介所以試下，但唔知係咪我個人口味麻麻地依野樣，食係ok，但唔會想再叫。我就有d係重複左，我就講未講過個d。三文魚腩壽司($20)，大吞拿魚腩壽司($48)，劍魚腩壽司($25)，牛油果壽司($9)，辣三文魚軍艦($12)。大吞拿魚腩依個都

立食店係香港開始普及 立鮨每次收工經過都見到好多食客等位👫 足見食評應該不差😁.餐廳用既係赤醋飯 壽司質素吾錯 賣相亦比起一般連鎖壽司店更加精美💓. 大家可以經eatigo訂位 會有額外折扣😉.

呢日同女朋友講起想食壽司，佢就帶左我去佢之前同朋之前食過既呢間立食壽司鋪試下，咁當日去到唔洗等位就即接埋位點壽司啦！咁點左咩野食就睇以下張單啦！咁環境其實叫企理既，呢到可睇住師傅幫你做壽司，平時只會係坐定定等野食到，呢樣係比較特別既。咁主要就講下幾款我覺得比較特別既壽司啦。我幾鐘意食火炙左口魚邊既壽司，燒到焦香，而油份十足，入口即溶，真係幾好味！同埋呢個日本真鯛既壽司，魚味十足，幾新鮮。仲有呢個火炙牛油赤蝦，燒完之後既牛油令到蝦味更加突出，勁鮮甜！而其他比較特別既有鰻魚壽司，夠曬大塊，而且味道好唔錯。而手卷亦係呢到比較出色既，手卷即包即食，紫菜爽脆，份量十足！總結黎講，價錢不叫太貴，而且地點都就腳，但味道就好明顯地比其他靚既壽司鋪遜色，叫做新既體驗啦！完！

聽過呢間壽司好耐啦 係知道企喺度食但就唔知道質素如何 咁啱今日放假就一個人去試試佢一個人食嘢梗係食好啲啦 叫左大拖羅 燒左口魚 入口即溶珍寶帶子 一啖入口 好幸福呀做足功課睇到啲人三文魚子係必叫果然名不虛傳 一個人chill下必去

見咁多人講，就走去試吓，首先見2位師傅冇帶口罩，一路傾偈，一路整壽司，帶子有雪味，需然個價錢唔算貴，但都唔係咁啩總括黎講，要企喺度食，又要咁嘅質素，唔會推薦俾朋友

趕時間又想食壽司就去咗立鮨，店鋪細少但師傅員工好多，效率好快。入到去等咗一陣就有野食。.嗌咗幾款壽司、手卷同玉子燒覺得最好食係玉子燒🤤🤤 啱啱整好送上黎微熱，面仲燒到少少脆，玉子好甜好食👍🏻 加埋少少沙律醬Prefect池.壽司性價比高，元氣嘅價錢高啲嘅質素.手卷就冇咩特別

難得平日黎到又見吾洗排隊，就梗係試下呢間立食既壽司店，估吾到好有驚喜，價錢合理而且質素高。叫左個午市既特盛三文魚盛合，同埋鰻魚同海膽手卷，不得不提既係佢既壽司飯本身已經調左味，啡啡地色咁，而且係好夠味，就算就咁食都吾會覺得淡。三文魚盛合既壽司食得出三文魚好新鮮，而且切得算厚，食完一舊會想繼續encore而呢度既鰻魚手卷同海膽手卷更加係有驚喜而冇得輸，佢吾係平日壽司店食開既甜筒型，將d料擺哂係面，反而係捲成圓筒狀，將材料包係飯入面，好足料，每食一啖都會咬到鰻魚同海膽，鰻魚包係入面仲好暖，醬汁調得好好，而海膽鮮甜無得輸，真係食過返尋味。雖然冇得坐，但呢個立食體驗無得輸，見到師父即叫即整，而且有新鮮既食材，確實要一試

外賣好快整起，第一次食，本來諗住開喺旺角依啲人流咁多嘅地區應該唔會特別好食，拎到返屋企打開來睇，又真係幾有驚喜。壽司飯整得好特別，基本上唔使點豉油已經有味道，連最平嘅三文魚壽司同埋雞蛋壽司都好好味，雞蛋壽司好滑，三文魚壽司都算係新鮮。鰻魚壽司果醬好多，食落去有啲質感，唔係好淋身果隻。芝士飛魚子壽司就冇乜特別啦，大吞拿魚腩壽司好好味，油脂分佈平均，油甘魚腩壽司都好香。食完已經心思思想食第二次，下次同屋企人齊食先。

立食壽司去日本就試過，香港都係第一次，等朋友收工一起去旺角立鮨。排左一陣隊就有位，一口氣點了一大盤壽司，件件都是師傅精心傑作，雖然舖內人多order又多。但做出來壽司冇馬虎，壽司飯即做，要讚海膽軍艦超正。還有我致愛蟹膏蟹肉軍艦。值得回味，朋友愛吃帶子和池魚壽司，夠新鮮肉質彈牙。

下午果陣，經過見無人排隊，所以入去試試。（因為見佢晚上次次都佢勁多人排）。佢杯茶係自己用綠茶粉開，我地先叫左個火炙盛合。先試試，味道不錯，食材都新鮮，壽司飯都唔錯，所以整體佢d壽司係不錯食完再叫其他，有池魚，安康魚干等，食落都唔錯，都夠新鮮，而鼓油就無甜味既，這間店值得推介，不過價錢就有少少高。

之前有去過尖沙咀分店，不嬲都勁多人排，但旺角呢間有得apps拎定籌，所以一入去就有位啦🤣因為8點鐘，部份壽司有9折優惠🙈一開波就要叫左d中拖，赤身，劍魚腩，真鯛同三文魚😍仲有唔少得海膽特盛，不過面頭d加拿大海膽唔多新鮮，有沙味道仲臭臭地，底下既日本海膽就好味好多🤢坦白黎講有d失望，而且感覺上尖沙咀分店食材較為新鮮。之後仲叫左三文魚籽手卷，好好味👍🏻唔會得個面有三文魚籽，飯入面都有好多🥰食到最後一啖都有👍🏻好足料雖然唔算好好食，不過唔洗排隊都可以接受👍🏻

行過見到有三文魚手卷,15蚊,唔食貴,又幾抵,叫左舊黎試下先!見到師父即叫即整!唔洗2分鐘就有得食,望落去三文魚好多,咬落去果然正!三文魚夠厚身,又新鮮,好滿意,而D飯係有加醋煮過,絕對唔節省功夫!唯一可惜既係紫菜唔係好脆!下次可以再試其他!

每隔幾個月都會嚟一次過下口癮，依家銅鑼灣開咗分店啦不過我都仲未有時間去試。次次去之前都覺得淨係會食少少就走，結果次次都會食好多。佢哋每次都會有期間限定寫係黑板，每次都有驚喜。唔好以為係立食就一定係平，佢哋嘅價錢同質素成正比，以呢個價錢來講其實質素算係好啦，好過大型連鎖壽司店多多聲，成日都聽到有蟲，我就真係唔敢食。而家見到可以用app book位，唔同時段中有唔同優惠添呀真係好抵下次去我都一定要預先訂位。

Bookmark左好耐既一間立食壽司店 但一諗到要企住食就冇乜動力去🤣點知‼️去左一次就發現要企絕對係值得derrr🥰淨係睇相都已經feel到佢有幾抵食啦🤪-多到滿瀉既三文魚籽軍艦只係$20😱😱😱廿蚊 廿蚊 係廿蚊😭😭簡直係良心企業😢價錢平都算啦 仲要味道都好高質🤤魚籽好新鮮 一咬啲汁會爆出黎 唔會lum啤啤💥帶有小小小小柚子味 令件壽司食落清新啲 唔會太咸👍🏻一啖擺落口 完全係大滿足😋-另外要推介既係鰻魚壽司($15)同海膽軍艦($25)鰻魚肉燒到熱辣辣 十分軟稔 近乎入口即融 醬汁恰到好處唔會cover左鰻魚本身既味😚海膽亦好鮮甜 份量慷慨✨佢既醋飯係用赤醋 比起普通壽司醋更能帶出魚生既鮮味-元氣板長既價錢 但質素同性價比都完勝元氣板長😏如果佢開分店係屯門我一定日日衝去食🤣🤣唯一既缺點就係要企住食 如果想慢慢食慢慢傾計就未必啱你了🙈ps佢既lunch set都好抵食喔 遲啲再出post講😘