窩子

营业中

休息中

雖說小時候曾住在鑽石山，但我對於鄰近的新蒲崗還是一無所知 要不是友人們帶路，也不知道腦海裏工廈林立的地區竟然有些遺珠小店 例如走懷舊港式風格的窩子，空間說不上寬敞，倒添幾分親密溫馨感覺，與店名呼應 餐牌內不乏鹹甜菜式選擇，瞬被慢煮豬軟骨、牛面頰肉以及各式窩夫三文治吸引目光 可惜是回約午茶聚，已用過輕午餐，在這不上不下的時間，甜點才是我們那杯茶 Green Tea Waffle with Red Bean Paste and Matcha Ice Cream 綠茶紅豆窩夫配抹茶雪糕本想試試麻糬窩夫，不過友人更推薦一般版窩夫，初來報到，就聽聽前輩的教誨 綠茶與紅豆的配搭經典而保險，茶味出自茶粉及雪糕，不澀，未被蓋在奶味之下 紅豆蓉尚有粒粒嚼感，甜度恰好，而糖漿味亦不至過份甜膩，唯忌廉似乎作用不大 一盤四大件的窩夫表面頗脆，帶蛋香且不腥，不過偏乾身，蘸醬沾雪糕較佳 Souffle Pancake with Homemade Strawberry Sauce 梳乎厘鬆餅伴自家製士多啤梨醬梳乎厘鬆餅香甜濕潤，綿密並富彈性，淨灑糖霜也毫無問題，但放涼吃也許微油 忌廉稠滑帶一

窩子 (新蒲崗)新蒲崗仁愛街36號地下話明人氣店～當然多人排隊啊～黎過2次都係要排隊～～要有心理準備啊～～8小時慢煮萬字醬油豬軟骨飯 上枱時俾佢嘅重份量嚇親😍有兩大舊豬軟骨！豬軟骨炆得好入味～醬汁亦調味得非常之好～加上半生熟嘅雞蛋～流心～ 送飯一流！大大舊豬軟骨，仲可以食出一梳梳嘅肉絲～🤤可惜..可能慢煮嘅時間比較長～豬肉有d鞋身～慢煮三文魚牛油果醬沙律沙律份量算偏少～三文魚撕開一絲絲鋪喺沙律菜上～三文魚肉質嫩滑～調味比較淡～反而 望落平平無奇嘅沙律菜有驚喜😳食得出有看不見的牛油果醬香味，牛油果控唔好錯過～可以去試下～～調味非常好～開胃得來一d都唔heavy~髒髒咖啡 一飲落口～飲得出兩個層次！nutty嘅咖啡～伴隨細滑嘅奶～入口非常順滑～如果要評的話，咖啡量多dd～奶量少dd可能會更好～

I guess first thing to remember if you come here is that the line can get pretty long? Best strategy is to come on a Saturday like we did, about 15 - 20 mins before it actually opens. Yes, it’s hot these days, but it’s better to wait a few minutes at 11:45 than for an hour at 1:00 pmThey take card payment here. The menu is quite large (at least for a cafe) so I recommend maybe looking some of the info up before coming.We got the waffle and the pork rice, Taiwanese style. Everything was nice and

💡咸食窩夫#懷舊風西式#新蒲崗#黃店 ➡️《窩子》🧇🥓🍴 👁‍🗨呢區唔多野食，有Café 當然要試下😌 🔷慢煮手斯豬腩窩夫🔷 $98-甜既窩夫食得多，所以揀左咸！本身仲以為又咸又甜會有D怪，原來個窩夫唔係帶甜既，夾埋同D肉食唔會有違和感，都做到外脆內軟。豬肉絲已經撕到好幼，配上酸甜嘅醬汁幾開胃，食完成份都唔會覺得膩。
 🔶自家製雞肉酥皮Pizza 8吋 🔶$110-第一次食酥皮Pizza~好邪惡!❗️雞肉同芝士配料都幾多，側邊既酥皮好鬆化同輕透，但中間底部既酥皮就略太薄身，存在感唔夠，會食得比較”呢Hea”。但唔多見呢款餅底，都值得試一次。 🔻Egg Benedict 🔻$88-呢個就係正常味道，配多士，個人中意配英鬆餅。好似食親Egg Benedict都覺得差唔多味，好難有咩特別味🤣。

二訪窩子🥰上次試了不少菜式和甜點，印象非常好👍🏼這次在下午茶時間來到，提供套餐選擇，會包括一杯飲品呢!//上次吃了窩夫，所以今次換個新意😌點了青蘋果金寶法式千層酥配雲呢拿雪糕🍏千層酥份量很大!! 上枱時嚇了一跳🤣口感極酥脆，夾著吉士一起吃不會膩，而沾滿楓糖醬的蘋果是微溫的，味道酸甜😝最重要是一定要配雪糕吃🍦冰火交融，味道馬上升華😍//還有很多甜品想吃呢😙真的絕對需要一訪再訪!!!!

今次應該第四次嚟，不過係第一次食，嚟過好多次因為都多人等所以每次都無等。今日前面得一個人等，又見倒啱啱有人走，所以決定等，大概5分鐘就有位，好感動😭。舖比我預期中大，因門囗望入去得幾張檯，入到去原來㕑房後都有幾張，餐廳都幾迫，檯偏細，櫈都唔太舒服，每張櫈都幾乎唔一樣，有啲係學校櫈，有啲係英式櫈……唔知係特色，定second hand , 一心食窩夫，不過lunch time 有啲餓，所以叫咗主食先，食完先再order 窩夫。叫咗egg Benedict, 豬軟骨飯，piccolo 同Mocha.野食都算快有，餐具原本已喺檯面，亦有自助水，所以令餐檯更加迫。豬軟骨飯_98飯係另上嘅，面有隻半熟蛋，另有碗小沙律，豬軟骨好稔，不過味道普通，亦無乜配料。egg benedict_88面係蛋，下面係波菜同三文魚，最底層係法包，整體有啲鹹。mocha☕ _40無跟餐優惠，奶泡打得麻麻，唔夠熱。食完主食，想點個窩夫，waitress 話有限時70分鐘，而家整唔切窩夫，咁順手就遞埋張單俾我地，疫情下其實少咗好多餐廳有限時，我向來都討厭有限時嘅餐廳，最近一年都好少有咁嘅經歷，不過我明白嘅，呢間小店的確

全份窩夫配士多啤梨雪葩 （$88）窩夫好香蛋味，好厚身之餘入面一啲都唔乾😋 雪葩口感細緻, 士多啤梨味清新香甜，夏天食真係透心涼❤️ 特別提下果醬，應該係自家製嘅新鮮藍莓果醬，誠意滿分🥰🥰 下次好想試埋鹹嘅窩夫！意大利芝士忌廉梳乎厘鬆餅（$105）Pancake 空氣感十足，不過蛋味唔算話好突出！咖啡味濃郁得黎唔會太苦 ，整體質感creamy，真係好似食緊tiramisu咁樣！配埋面頭嘅脆脆，令口感更加豐富😍😍青蔥歲月（$48）/ 凍黑糖焙茶鮮奶 （$45）飲品正常發揮！青蔥歲月有青檸青瓜，飲落幾refreshing...而焙茶鮮奶可以自選甜度，值得一讚👍

遲了兩天，家姐請我食下午茶慶祝生日，這間咖啡店，三年前已經來過一次，感覺很好，決定再來。首先，我們叫了焦糖香蕉配蜜糖脆脆雪糕，這裡的窩夫十分好吃，是屬於表面脆，而入面軟的，窩夫很足料，很有飽足感，焦糖香蕉比平時吃的更好，甜而不膩，雪糕清香，不會太濃，還有一個焦糖醬，可以自己決定要多少醬，還有香甜的忌廉，入口即融，忌廉的奶味淡淡的，不會令人覺得滿嘴都是奶味，特別得很。最後，我和姐姐每人叫了一杯飲品。我叫的是玫瑰蜜桃果茶，酸酸甜甜，十分開胃，而且茶壺及茶杯也十分精緻，適合打卡。姐姐則叫了最近有點火的 咖啡湯力，味道很特別，既有香濃的咖啡味，也因為梳打水而帶出清新的感覺。兩杯飲品都極力推薦!

古有劉備三顧茅廬，今有我三訪窩子，之前曾幾次想去，可惜一係太夜一係公休，與其無緣。是日行完山落到黃大仙，特意走到新蒲崗覓食，雖然人多要等但目標明確，決意一試。星期六下午到來等咗大約二十分鐘，比想像中快，裝潢帶點懷舊味道，本來坐喺出餐通道有少少擠逼，好彩後來調咗檯，爸爸即刻開心返。自家製喇沙汁炒扁意粉配虎蝦 $118喇沙汁椰味同香料味皆香濃，意粉炒得入味，雪藏蝦肉味道一般，食到底有啲油，幸而調味對胃，越食越想食。慢煮手撕豬腩窩夫三文治 $98有時喺街都怕食手撕豬，因為多數好嚡，依到嘅手撕豬腩做得軟腍，燒烤醬惹味，底下窩夫亦做得出色，有蛋香之餘又脆口，鹹鹹甜甜，食得過癮。自家製草莓醬梳乎厘鬆餅 $88嚟依度其中一個原因係有朋友盛讚其梳乎厘鬆餅，講到咁好味一定要叫一客試下。梳乎厘鬆餅震騰騰，軟綿綿又有蛋香，面頭焦糖脆脆香甜，唔使點佢個果醬已夠美味。整體不俗，但始終未超越到我心目中最好食嘅梳乎厘鬆餅店，可惜其已結業，回憶中嘅美味最難取替。

【窩子】新蒲崗💛出名黃店同大家介紹下，難得的持續質素好黃店💛 (當然都持續多人排隊) 上一次係黎食甜品，有waffle and 疏乎厘pancake🤤🤤🤤今次再encore 食lunch!! 📍Slow cooked pork belly waffle sandwish 慢煮手撕豬腩窩夫三文治 $98窩夫表面好脆而入邊好鬆軟👍🏻配搭鹹嘅有燒汁嘅豬腩絲，再加上新鮮生菜同埋蕃茄片，味道非常之夾！🥳📍Holiday Breakfast 假日早餐 $108其實呢度比較少人嗌all day breakfast，大家都係叫甜品同埋窩夫。但係我都想盛讚一下，呢個係一個有heart 既All day😍配料非常豐盛，大啡菇，粟米仔，煙三文魚，腸仔，炒蛋，雜果麵包，仲有一杯乳酪！配料新鮮，食得健康💯📍Ice Americano ☕️ 標準分數我比呢個舖頭嘅評價係非常之高嘅，亦準備會有第三次幫襯！回頭系列啊😎😎😎💛💛💛💛💛💛窩子 wozi.cafe 📭 新蒲崗仁愛街36號地下☎️ 27960001

第一次黎食 見咁多正評 又成日排隊 即管搭車黎試下。真係好失望叫左兩個餐 包野飲同湯 cafe黎講 都算西式啊 但又比碗中湯真係搞笑 唔緊要。但碗湯係齋嘅 又無乜味窩夫：凍嘅 完全無蛋香味同甜味。上面啲豬肉就有微溫嘅 整體一般意粉：偏硬 唔掛汁 無乜味 但啲蝦又勁咸 廿幾蚊一碟殺你阿都好食過佢花茶：茉莉蘋果 陣味勁膠 又落左勁多糖 甜到蓋晒啲花茶味 飲左一啖已經無飲整體黎講 試一次就夠埋單三百蚊 真係唔值

今日女朋友帶我去新蒲崗食一間佢好鐘意既café~我地1點去到，第2輪入得到，都唔算等左好耐~我同女朋友分別揀左個egg benedicts 同埋冬蔭公大蝦意粉，仲叫左杯mocha..🥚 三文魚egg benedicts下層係muffin，上面有baby spinach再配上厚厚煙三文魚，仲有salad on side~🍝 冬蔭公大蝦意粉既冬蔭公醬汁好香濃同creamy，意粉掛晒汁，大蝦都爽口彈牙，好食！☕️Mocha 咖啡香，朱古力味濃，成杯唔算太甜，飲完唔會安有罪疚感~女朋友同我講souflee pancake好好食，不過因為我地太飽，食唔落了，下次再食過~

今日下午3:00前來，朋友誠意推介，除咗個窩夫賣相同味道還可以，好耐好耐好耐未飲過一杯咁難飲嘅咖啡，沒有回頭啦！要收加一是可以的，服務就一般！幾多前來的人，認真考慮是否需要咖啡？

去窩子食出色嘅窩夫!上年嚟食過一次甜嘅今日咁去新蒲崗諗唔到食咩好又走咗去窩子12點去到已要排7張枱不過又唔算等太耐,大概廿分鐘左右就入得同上年嚟比, 餐廳擺設感覺有少少亂不過懷舊感依然十足仲會見到有細個時小學生嘅櫈慢煮手撕豬腩窩夫三文治 窩夫外脆內鬆軟味道偏淡重蛋香一絲絲嘅配上微微酸甜嘅醬汁又惹味又開胃有番茄同生菜令成份嘢食Fresh咗好多不過墊底嘅窩夫係會淋過側邊兩塊HOLIDAY BREAKFAST真係好大份… 煙三文魚係勁多炒蛋嫩滑麵包香脆Overall 不過不失不過因為太大份… 今次就食唔落甜品喇…Americano

窩子係一間位於新蒲崗嘅Cafe，係朋友極力推薦我嚟試，仲話一定要試佢嘅鹹窩夫🤤 最近終於有機會去試下喇～ 當日係星期六夜晚，我哋大概6點半左右到，等咗差不多半個鐘先有位，因為都keep住有唔少人排隊～晚市限時75分鐘，但佢哋上菜速度幾快，所以都夠時間食嘅😛 餐廳嘅裝修行復古風，湖水綠色嘅牆上貼有一啲舊海報，啲凳係學校凳同埋膠凳，呢樣都幾有趣😂•🥢 慢煮手撕豬腩窩夫三文治 $98因為係要配搭鹹食嘅餡料——手撕豬腩，所以窩夫嘅味道比較淡，無平時食嘅咁甜，而且窩夫嘅表面好脆，入面好鬆軟，仲好有蛋香😋手撕豬腩真係撕到好幼嘅一絲絲，不過啲肉絲卷成一舊都有少少難分開🤣食落一啲都唔乾，仲好多汁🤩 醬汁係燒汁嚟，除咗燒汁嘅甜味，仲帶微微嘅酸辣，好惹味！🤤叫得做窩夫三文治，餡料除咗手撕豬腩肉，仲有一大片番茄同埋生菜，夾埋一齊嚟食都幾清新！•🥢 自家製喇沙汁炒扁意粉配虎蝦 $118見到喇沙汁炒意粉好特別，又好似無咩人介紹過，就決定叫呢款試吓😛 個喇沙汁係比較稀，第一啖食落嘅感覺係幾Creamy，喇沙味唔係好重，但撈勻喇沙汁之後就覺得喇沙都幾出，係椰奶味比較重嘅喇沙～意粉嘅質地稍為硬身，食落比較有咬口，但我