穴壽司 (形點 I)

营业中

休息中

之前成日經過呢間餐廳，今日同朋友就來試下，一去到唔洗點等，個帶位姐姐就帶左我哋去比較靠後嘅位置（想坐梳發，但冇位）餐廳環境幾好，不過遺憾吵左少少，之後有個戴眼鏡員工俾左塊板，好似話日本新鮮送到，介紹左條原隻刺身魚（唔記得叫咩魚）幾有衝動想試下，不過鑒於趕時間睇戲就冇要到，留俾下次再試，餐牌款式好多下，食物都好新鮮，推薦軟牛俐勁香，手握壽司拼盤仲有餘溫，食落又新鮮松葉蟹石鍋飯就好似FB廣告咁甜蝦卷味道好獨特，食落好有新鮮感唯一唔好就係熒光魷魚，份量太少啦串燒方面就雞亦同牛肉都好食因為趕時間去睇戲食，完野後就迅速買單走人樓面服務都唔錯，不時有人幫我哋加茶，又貼心換碟。不過送餐個女仔面臭臭擺低野就走了，如果可以呢方面需要提升整體來講都唔錯，雖然比較貴，但都算係物有所值，會有下次！

因為太夜先可以食晚餐，求其揀左一間。我地點左......1. 燒牛舌 - 前菜，有點油膩，未食其他野食已經飽左一半。因為切得太厚，有點失色。2. 黑松露甜蝦壽司🦐🍣 - 將甜蝦製成蓉，加上黑松露放在壽司上，感覺好清新好甜。食材新鮮，並唔需要任何醬汁醬料配合。3. 沖繩苦瓜炒蛋 - 好有驚喜。苦瓜甘甘地唔太苦，但有少少過咸。 整得好有沖繩feel.4. 泡菜豚肉石鍋飯 - 味道一般偏下。如果要食韓式，我建議去韓國餐廳，所以我唔評論太多。價錢偏貴。下次出左糧先再去！

第一次食呢間嘢，對服務同食物質素特別滿意。👍🏻👍🏻先講食物，我同男朋友叫左個松葉蟹蓋石鍋飯同特上刺身拼盤仲有啲串燒，個飯同串燒都整得好香，特別讚，而個拼盤，所有刺身好新鮮，我同男朋友都話會再食🤤🤤再講服務，由帶位到樓面各個侍應既服務都好好，當日係星期日，去到要拎飛，等左接近半個鐘之後，我問帶位個位小姐仲要等幾耐，佢問一問我地張飛既no.，佢好好態度話有檯埋緊單咖啦，有檯會即刻叫你，唔好意思🙌🏻無幾耐就即刻安排檯比我地 好有效率！我記得個位小姐係平陰幾好笑容🤔入到去，我地落單既時候有啲menu 上既菜色細節唔明 個位女侍應都好詳細咁解答我 唔嫌我長氣 真係好好😭我好似聽到啲人叫佢做apple 🍎👍🏻有機會一定再幫襯！

佢個蟹蓋飯係好食ga👍🏻lee個要讚!!不過我未試過食串燒翠肉瓜竟然係將一片切成5粒做一串串燒🍢🍢我真係有問個侍應:嘩!!你D翠肉瓜日本空運返黎好貴架？咁都唔緊要🙂但係我食日本野，係全程無食過壽司🤷🏼‍♀️因爲個經理懶醒唔寫低，所以落漏單！！最正係我點左個會著火ga日本蕃薯，但係我睇住幾個侍應喺後面又攞火機又攞火槍，幾個人圍住嘻嘻哈哈玩左好耐先攞黎比我地食🔥🔥唔係覺得仲會食ma?!雖然唔係好貴，但係2個人$500餐飯係咪服務要咁差？

同朋友開心黎食飯點知比帶位女仔搞到無乜心情一帶我地入去就叫我地坐二人枱本身就無乜所謂既但係個時根本無乜客就想坐好小小因為都預食得多小小野點知就比張梳化我地又唔知up乜跟住問佢仲有無其他枱又無反應又係度頭望望 唔知望乜又無理我地咁就走了我地都呆哂有個女仔就行黎問我地咩事最尾都比張大小小既方枱我地話方便我地女仔擺手袋好好禮貌咁話唔好意思點解兩個人既做法可以相差咁遠呢？服務態度又爭咁遠呢？門口戈位齊陰又好高既就態度禮貌都好一般唔太好，要轉其他位置又唔應人，問佢啲食物資訊又唔識唔答，又唔搵其他人解答下我地既問題，由得去。。。。講野又唔知佢講緊乜好彩入面既侍應服務好好，雖然唔知佢個名，淨係見到個牌係trainee，好瘦好細粒既，佢好清楚解釋我地既問題，又話我地知啲食物既食法，又勤加茶，服務好好多，禮貌亦好好，。trainee都非常專業，給讚！其他員工都好好，主動收碟加下茶。相比之下另一個女仔真係唔掂。。。雖知請𡃁妹人工平但係需加強培訓禮貌囉麻煩貴公司改善員工質素。不過，環境氣氛呢到唔錯，適合同朋友聚餐

夏季其實有點擔心吃壽司, 主要擔心吃到不新鮮和不乾淨的刺身，貼錢搵難受，所以選擇吃的地方和時間也需要慎重考慮。“穴”是這兩年我比較喜歡的壽司店, 因為不同地區的壽司刺身品質都維持到, 而且座位舒服，壽司師傅專業 (看外型和專注度啦！)，價錢相對貴點也是值得的。( 其實相對在大阪黑門市場吃到的價錢，我覺得穴也算很公道了! )今次來到元朗形點 I 分店，品質也是無可挑剔的，點了 “特上壽司御膳”，拖羅和海膽更是頂級貨, 吃得我開心又放心！

午餐經過yoho，口痕痕想食日本野。餐廳的感覺舒適，門內座位幾乎滿座，等了10分鐘終於入座。點了一客刺身沙律御饍及燒雞翼。雞翼好肥美及飽滿，火喉剛好，表皮的鹽味完全地滲入香脆的外皮，咬開肉芯有豐厚的肉汁流出，大推薦！刺身沙律御饍，由多個部分組成：- 前菜- 沙律- 茶碗蛋- 烏冬或蕎麥麵- 刺身沙律- 黑糖豆沙菓子首先食物都是熱呼呼的，最重要是份量足夠有餘。前菜牛舌同青瓜漬物，酸甜入味。茶碗蛋也十分香滑，有帶子同很多配料。蕎麥麵的湯底令人感到深刻，濃底是食物的靈魂噢。刺身沙律的刺身主要有三：以三文魚、𩶘魚和吞拿魚等配合甜甜酸酸的和風醬，很新鮮，份量很多。整體來說服務同質素有一定程度，價格同地域租金成正比，以同區的午餐而言，價格相對較高，值不值得食就見仁見智，主題應變為「開心的豪食午餐」收結。

又是一個可以放下孩子，出走放風的下午。最近捨棄了屯門市廣場，轉移陣地到餐廳選擇及環境設施都較優勝的元朗形點享受我的偽單身時間，好為平日全職媽媽生活打打氣！今天想吃日本餐，又記起外子之前就推薦過穴的海膽相當不錯，所以就到穴點了個迷你飯套餐，喜歡這套餐可以一次選擇兩款不同的迷你飯，又或是一款迷利飯加兩串串燒，滿足了這個經常想試不同食物的我。先來的前菜、沙律及熱烏冬都是一般質素，及後來的魚生海膽飯就不錯，起碼海膽算是新鮮，還帶點甜味。最後的炸雞飯也是不過不失。不過，吃完整個套餐非常飽，算是滿足的一餐了！

今晚生日係度食，裝潢不錯，好有高尚格調。魚生可以有兩款選擇有日本直送或急凍，食物水平不錯、亦有多款選擇多款清酒及果酌😋😋😋,於服務方面可以加多與客人溝通及講解會更加有親切感

難得同我男人一齊放假又遇著星期五 可以去睇戲加上 AE卡 星期四五 買一送一就去左屋企最近既Yoho Mall 食野 + 睇戲講真Yoho mall 開左甘耐除左間唔中搭西鐵會經過佢之外都無行過今日泊車泊左係2期🤔西鐵對面果邊泊車位多 而且都好寬開始搵野食 原來個商場都好多野行仲準備開一田買完戲飛去搵食 見附近有韓國野 西餐 泰國野等等 但最想都係食日本野見到穴好吸引lunch set 黎計 平食既 幾十蚊又有貴到幾百蚊又有我地就食左百令蚊既(刺身丼+串燒+烏冬)set同刺身lunch set 仲有前菜 飯 甜品 好多野好抵食仲要刺身新鮮 用料好串燒亦都好食不過又係唔記得影相但呢間真係好食~而且服務好好人手充足有個男waiter 定唔知係經理 仲好nice 添

中秋放早，回家小休，等埋hubby 出街做節，但遇上下雨，當然商場亦發揮他的吸引力！食日本野都系想小D人，但都等左15分鐘。做節食得豐富點，特上刺身拼盤。吾洗講，樣子很新鮮，魚味濃，尤其拖羅。魚子鮮甜又脆卜卜，丁點腥味也沒有。另也叫了點串燒，質素也高班。香蔥蒜牛肉，很香肉味。牛脷塩燒，師傅火喉控制好好。梅醬紫蘇雞，紫蘇味較搶，但整味道不錯。非常juice 的廣島蠔。還有什錦天婦羅，內有不同的蔬菜，蝦肉亦彈牙！

元朗食黎食去都係個幾條街，所以今次肥佬揸fit話去商場食飯。但估唔到今次非常有驚喜！原來商場入邊都有質素較好的日本菜。今餐食咗好多野兩位食得之人都非常滿足。餐廳餐牌由小食沙律刺身串燒到主食選擇到非常多。玉子刺身，喜歡食玉子既朋友唔好錯過，因為雪凍左既關係口感唔同平時食既玉子，札實好多，味道又唔會只有甜味!炸軟殻蟹沙舞律，唔會期望好特別，但蟹係新鮮炸，好脆口，沙律菜是凍，加埋個酸酸甜甜既汁好有誠意而e個刺身沙律就更精彩！係必叫，同行朋友仲想叫多碟！刺身非常新鮮！帶子甜蝦同章紅都好好好鮮甜！唔會有「林papa」唔新鮮既感覺。加埋黑松露既香氣，入口鮮甜得黎唔會咁「掛」。夏天喜歡fresh d 既可以配埋佢個酸酸甜甜既沙律醋！重點係價錢好平，所以性價比高！個人推薦必食！肥佬要食飯，所以叫左壽司比佢滿足下！黑松露甜蝦卷同埋辣吞拿魚腩卷。前者一定無輸，因為剛剛沙律既甜蝦非常新鮮！不過今次係將d甜蝦整碎佈滿壽司卷上面。同平時食既甜蝦卷多多一個口感。中間有蝦有牛油牛。牛油果剛好熟透，所以令到食落去多一份好滑既感覺。加埋黑松露既香味層次比出面食到既甜蝦卷或者炸蝦卷豐富。至於後者可能遜色少少，壽司會跟埋辣

平時真係好小入黎元朗。見早兩人有朋友叫到。就入去食餐飯啦。 原來新個part都已經開左啦。大左好多。亦都多人左好多。。但日食既係一間叫穴既餐廳。首先。佢d魚生壽司係真好新鮮同好食既。最難得係佢個和牛炒飯都好好食啊。有時只係食壽司都好似唔係好好甘。點都想食d主食。 所以可以叫佢既和牛炒飯。真係好食。當然。你唔好期望有好多和牛啦。 但有個味。而且唔貴。 咪試下啦。 拉麵就不過不失。 唯一既問題就係太多人。排左個幾鐘lo

去過沙田店數次，第一次試元朗店。等了二人枱一段時間都未有位（其實有bar枱位但唔想坐），但3-4人的卻快很多。向帶位的職員查問，她們即時安排將4-6人枱拆開為2人枱，很照顧到客人需要！又會變通！很貼心！！食物味道一向有水準，牛肉烏冬的牛肉好有牛味！牛肉的串燒都好出色，外脆內軟，十分香口！海鰻都係每次必食！

小妹住在港島，亦在港島工作，所以很少機會去元朗；這天來到元朗探朋友，先到Yoho Mall醫醫肚；第一次來，才知道原來Yoho Mall是應有盡有的一個商場；常常以為這些地方不是人住，原來自己才是大鄉里，哈哈。 大熱天時，先來杯桃梳打，甜度不會很高，味道清新；另一杯蘋果青檸梳打則不及桃梳打好。 章紅魚柚子酢沙律 來了一份章紅魚柚子酢沙律，章紅魚新鮮，用上了柚子酢汁，味道帶酸更能帶出魚味；酸酸的沙律汁份外開胃，用來做前菜十分適合。 飛驒牛壽司三點盛 和牛棒，黑先和牛更棒! 輕輕的一燒，燒走了部份的脂肪，入口充滿了油香；牛味濃郁，質感非常的軟，軟得連我這個在箍牙的小妹也能輕易吃得到；就這樣吃也許會太膩，用來做壽司是最好的，減少膩感之餘，亦更能品嚐到和牛的美味。 三蟹卷天扶良 咬開香脆的外層後，有超多膏和蟹肉，蟹味十分濃郁，質感不會太膩，喜歡蟹香的朋友不能錯過! 吞拿魚腩卷天扶良 吞拿魚腩卷吃過不少，但吞拿魚腩卷天扶良倒不會經常吃得到；魚腩充滿了油香，質感軟軟的；而外層則是脆脆的，相對單吃吞拿魚腩卷的口感豐富得多呢。 鵝肝釀雞翼 我不多吃雞翼的，但面對著這個鵝肝釀雞翼，我實在沒有