稻香 (成都道) (已結業)

第一次係稻香打邊爐8點到左 原來8點半前食係逐碟計 所以同朋友等8點半後入座成人$138任食任飲 醬料同飲品可以係自助區任拎肉類 菜類 丸類都好多選擇 雲耳同青瓜餐前小食都好好味 叫左鴛鴦湯底 美國雪花肥牛都算新鮮 安格斯肉眼去骨肥牛入口肉質唔韌好有牛味真係必食~海蝦 蜆 廣島蠔都好新鮮都叫左好幾round牛栢葉同魷魚都好爽口 蝦滑同墨魚滑最推薦大家食 粟米真係超甜 甜品有雪糕 杏仁茶 紅豆沙 芝麻糊選擇算係唔錯 但待應少叫加湯都要等好耐 不過整體滿意亦好抵食

叫咗碟燒鵝 咸到食唔到 紅燒乳鴿 是凍的冇一樣野好食 相信是全個香港仔最差的酒樓不過平日冇人 極容易搵位 我想到的朋友着多兩件衫冷氣凍死人 想激死就快啲來稻香 稻香等緊你 唔來就笨啦

9:30入座，10:00先上火鍋料，仲要來得幾樣嘢，再等多10分鐘都冇嘢到，同個侍應講追吓，佢叫我劃過啦，應該唔見咗張火鍋紙，仲話呢轉係last order，咁都算了，之後再等咗15分鐘都係冇嘢上，仲叫我埋單先！再同個侍應講先幫我去追，10:45先有嘢上枱！又係來唔齊嘅，個侍應仲要話我地來得遲，所以咁快先last order,真係差到一個點！

今日同嫲嫲食生日飯 人少少 所以叫咗4個送同2個飯 首先黎嘅係黃金蝦 黎到見到有d失望 因為個碟就好大但得果幾隻蝦 。不過食落都幾好咪所以就算佢啦，幾有蛋黃果重咸香！之後就係啫啫生菜煲同埋魚香茄子煲 呢2個煲都幾好味 ，味道適中唔會太咸，不過環提下大家 茄子煲入面有好多菇菌一齊煮，但我嫲嫲因為風濕就唔食得菇所以如果唔食得嘅人就得叫走菇！最後就叫咗條魚 好似係斑仔都幾好味 冇草味 不過佢d 豉油就冇果種爆過嘅香味！我嫲嫲話可以d豉油係溝咗d水 所有會淡d 總括黎講 還可以啦 食咗4個送仲有一條魚 都500蚊有找

今次到了香港仔的稻香吃晚飯，事緣係上網見到有乳豬特價，所以來試試！一行四人，叫了一隻BB豬,皮很脆又唔肥，基本上一人都食了六片，十分回味！配備青瓜和包包，乳豬醬和疑似千島醬，真係正!👍除了乳豬還點了龍蝦伊麵、燒雞、蒸魚、燒腩仔。。。都幾抵食呀！😁

之前知道稻香有任食火鍋，以為係6:00後已經有，但原來此優惠時段係8:30 過後先任飲任食，8:30前的是散叫計，今日打風，細佬建議去試下，打去訂位。去到等左一陣就有位，呢度食物款式都多，任飲飲品有可樂、雪碧、忌廉、蘆薈汁、提子汁、夏枯草、紫背天葵、橙汁，甜品有杏仁茶、芝麻糊、紅豆沙及雪糕，而BEER就要另外加錢，我地叫左鴛鴦湯底，叫左一ROUND魚滑、丸類、蝦、蠔、菜、脆肉鯇魚、羊肉、牛肉等等，3個人已經飽左8成了。呢度D嘢食比富臨的任食好，算吾錯了，起碼丸類吾似出面有D好難食，有蝦有蠔、花膠仔又有蜆。。。。大食D真係抵架！

今日肚餓去到茶樓拎飛唔需要考慮係拎可以搭抬博即入點知係第一張但都要等,個肚奏緊交響樂等左大約十分鐘入到去叫個水仙之後就係點點心今日叫左以下豐足裹蒸粽,皮蛋瘦肉粥,阿蝦遇上玉子,香麻义燒餐包,鴛鴦雙潮,香煎蝦米腸豐足裹蒸粽,皮蛋瘦肉粥這個叫優惠孖寶,一個26蚊加1蚊有埋另外一樣咁呀點左先講豐足裹蒸粽,皮蛋瘦肉粥--個弼都算OK,正常野,個豐足裹蒸粽就真係中晒伏唔熱同個味唔好仲要硬到想死....差勁阿蝦遇上玉子--其實係玉子豆腐加隻蝦,隻蝦都新鮮既,第一食咁既組合,一般啦香麻义燒餐包--如果多一層蜜汁更加正,夠熱這個都算唔錯鴛鴦雙潮,--其實係蝦搞加潮州粉果,這個組合唔錯,兩個人可以一人食一粒,試多樣野,蝦搞個皮都算薄蝦都算鮮潮州粉果都唔錯,夠多料香煎蝦米腸--煎得幾香口,蝦米都唔錯夠香口

未試過系酒樓打邊爐食到甘燥，今次真系忍吾住要打呢篇野！首先我好早之前book左台，去到既時候佢又話同事冇寫低到，算點先？入到去環境狹窄，台與台之間窄到坐入面既人出吾到嚟，漏單情況嚴重，我們8:30入座，點左第一輪食物，來了部分後，我們加了兩次單，等左一個鐘，第一輪既食物都仲未到齊個鍋可以系冇野食！d質素真系好差，好失望！話就話可以食兩個半鐘，實質等野食嚟都等左成個鐘，我吾明點解d野系生既都要甘耐，火鍋食物又吾洗煮既，都要等成個鐘，想搵個員工跟下單都冇，同佢地講話仲未有野食嚟，佢地態度又冇禮貌，效率十分低！我地吾會再去稻香！