稻香超級漁港 (已結業)

昨晚和男友到了這裡吃晚飯,一入到門口差點嚇親,咁多人o既~~原來佢地等九時後特假火煱。我地食小菜,所以好快就有位了～～～我們叫了鮑汁雞腳,西檸雞排,燒鵝例牌....好正呀～～～～～～個鮑汁雞腳好入味,西檸雞排好香口但唔會食到滿口炸粉,嘩個燒鵝簡直是我食過的最好...好滑,啖啖肉,肥瘦適中....成餐飯都好滿意呀.....除了.......1) 服務差少少la...可能因為唔夠人手2) 我忘記了帶AIG信用咭,有九折ga!!同埋用信用咭有d小菜會特價$28蚊ga~~~~!!!!!

琴晚同友人一共六人到呢間新野試0下。雖然係晚上八點半，但仲好多人等位。門口0個位呀姐唔知做乜，搞0左一論先有\"飛\"。小菜其實好快有位，打邊爐就等好耐！叫0左是日優惠: 龍蝦伊麵+半隻雞$268。隻雞買相好寒酸，但食落又出奇入味。碟龍蝦例排size，麻麻地。另外叫0左海皇羹> ok，但淡0左0的鮑汁雞腳$20 > BB雞腳，細隻但好膠，好林二十蚊無乜要求黑椒牛柳> 夠獲汽，唔差壽包> 0的蓮蓉好滑仲有其它小菜，平均都ok。都抵食，價錢可以。但希望留意服務態度，有進步0既空間0既！

上星期日同男朋友到新開張的”稻香超級漁港”飲下茶. 結果令人完全失望.等足個幾鐘至有位, 結果仲要搭枱, 本身已經唔鐘意搭枱, 而最令我反感就係佢哋根本事先冇講明. 我唔知係咪人多, 佢哋忙得滯唔記得講. 本來想即刻走, 不過諗住比多次機會試埋啲食物. 點知…由於已經搭枱, 一枱分A/B/C/D好迫, 加上諗住新開張, 啲食具應該唔太污糟, 所以冇洗, 點知佢哋 “干淨”到, 杯同碗仲有漂白水, 我一飲茶就出事. 我同侍應講“唔該你幫我換過隻杯同碗, 因為有漂白水”, 佢好似冇野咁, 唔出聲攞 走咗, 然後攞 過隻比我就算. 大集團喎, 今時今日仲有咁嘅 服務, 我真係估唔到.根住我同男友點咗五碟點心:炸鯪魚球(勉勉強強, 感覺好多油, 不過總算有啲彈牙)XO醬籮白糕(都係一般, XO醬根本唔突出)鳳爪排骨(超搵笨, 得兩隻鳳爪, 三/四粒超細排骨, 用黎墊碟底嗰兩件芋頭同隻鳳爪差不多大細, 特價下午茶都唔駛咁吓話)黑椒牛肉粒(一樣勁搵笨, 我完全食唔出有黑椒味, 牛粒冇牛味, 用黎墊碟底嗰幾件薯仔仲離譜, 好似生薯仔咁, 我好耐未食過咁“爽口”嘅薯仔. 講真…咁冇誠意就唔好攪啲新款

純粹無聊,見市中心有酒樓新開業,就同呀媽來試試。十點幾仍有多人等位,不過都幾快有位。裝修可以,開放式廚房,但座位有點迫。三定方共六人搭一張檯,開茶時侍應話不夠茶壺用,一方叫侍應開壺滾水三方用,但侍應不肯,此令三方有點不滿。結果要等一段時間,三方才各有滾水。優惠時段點心價錢不便宜,也沒甚麼特價點心,所以點的食物不多。xo醬蘿蔔糕:蘿蔔糕份量一般,一大堆炸米粉墊底,蘿蔔糕不夠入味,炸米粉也不夠脆不香。奶黃流沙包:奶黃淡黃色,比平常的淺色,熱得燙口,頗為流沙,比平常的無咁甜,有奶味但蛋味欠奉。但當熱時流沙的奶黃凝固了,不是平常的呈蓉狀,而是呈糕狀。鳳爪排骨飯:排骨半肥瘦,鳳爪可以,飯落了豉油但仍然不夠味。紅油抄手:四樣中較好,有八隻。皮薄,豬肉餡可以,但嫌汁不夠辣。整體上麻麻,但不算難食,比另一邊麗都好少少,但相對上價錢較貴。

取代左興城潮洲酒樓後，換上一個新名字，一個新look，總會俾我一個去試食o既衝動。可惜.......呢間酒樓開張左唔夠一個禮拜，已經好邋遢，攪乜呢。裝修好舊，何解?不過間野擺明走中低檔路線，因為早點小點一律以$7做招徠(星期一至五)。所以味道同服務都不能太苛求o既。但真係估唔到一間新開張o既酒家可以以呢d野食示人。唉...................海蜇- > 都幾好味，不過好似好大陣味粉味。燒賣- > 過得去。蝦餃- > 幾好。鳳爪- > 一陣味，好似隔夜咁。春卷- > 炸到開哂花，好燶。煎腸粉- > 煎到d腸粉爛哂，有無攪錯。蝦球窩麵- > d蝦有陣水郁味，菜係苦o既，麵好林，好似擺左一排先煮咁。食左三啖，已經好俾面。揚州炒飯- > oh my god。係飯定係粥，我都唔知。食左一啖後我就放低碗筷去廁所。埋單算平，星期日五個人共360。但食品質素真係下下之選。

食到一肚火首先傳菜速度勁慢等既時間仲多過食既時間再講D菜式密汁排骨完全無鑊氣整碟送係凍既炒雙蚌D蚌得幾舊仲要係得d花枝片我阿媽仲炒得好過去服務員反應勁慢我想要等佢上軌道先好去