稻香超級漁港 (已結業)

一家人在稻香吃晚飯慶祝BB滿月。用銀聯卡可以用83折享用「共聚歡稻宴」，承惠$1658，食物包括~ 松露意式汁元貝：由於點菜的不是我，所以當侍應端上這碟沙律菜時，我實在眼前一亮，中菜竟然有如此西式的頭盤，有創意！ 份量十足，賣相不俗，元貝大粒又不會韌，蔬菜爽甜，加上那松露意式汁也頗醒胃，我很喜歡！ 常喜金豬全體：乳豬未算皮脆，但是肉嫩，而且有很多片，每人都可以分到很多片。 百玉菇蟹肉扒西蘭花：西蘭花爽口，芡汁雖然有蟹肉，味道卻不特別濃，整體感覺較清淡。 桂花魚露吊燒雞：雞皮和肉分離，賣相一般，不過雞肉頗嫩滑，味道不錯。 蛋白煙花燴翅：我本來以為是粟米魚肚羹，分到滿滿一碗後一潷，看到一大朵魚翅，噢，算是真材實料嘛。說實在我不懂分辨真和假翅，而且我要追隨偶像林一峰「一翅都唔食」，對這道菜不作評論。 蟲草花野菌泡時蔬：健康之選，湯很清，不會很油膩，保留蔬菜本來的味道。 清蒸沙巴龍躉：上桌後侍應沒有用湯匙把魚肉掰開，亦沒有把蒸魚的油淋到魚肉上。當我們一掰開，馬上發現魚肉很實，可以肯定未蒸熟。於是找侍應跟進，她在我們面前用湯匙弄了數下，竟然說：「熟呀！」魚肉略帶粉紅色，未與骨分離

今日約左粉絲一齊慶祝我地的牛一~由於我地兩個真係太中意打邊爐了~所以一定要搵個好地方痛快地烚一烚~原先諗住去沙田X記的~但因為唔記得訂枱所以冇位,臨時臨急~唯有去搵第二間~粉絲本身作為衛生邦的主管,唔係每個地方的邊爐都頂得住~確係要搵個好地方先OK..心中記得有呢間酒樓,幸好時間尚早~所以唔洗等位就可以入坐~仲可以揀個心儀的位置!服務員小姐好熱情咁同我地放好左買黎的蛋糕,再幫我地開茶先黎左個豬骨煲先~!!之後我地拿拿林點其他野食~!再出去自助調味架到混醬!!自助調味區的調味料款式好多~生熟蒜花生蔥粒豆辦醬麻辣醬辣椒油…應有盡有,雖則話打邊爐的材料新鮮的話,可以唔洗咁多輔助味道~不過有左呢D配料,就有種錦上添花的感覺~我地最中意呢到有自助調味之餘仲有好多糖水飲品又香又好味的杏仁茶同芝麻糊係我地最愛~我地一定會拎定一大杯放涼待飲~!豬骨煲湯底本身己有好豐富的材料~三大舊豬骨連肉真係我的至愛~!!仲有粟米同腐竹~整個湯已經好入味~令我地忍唔住要飲兩啖~!其他打邊爐材料好快就上枱,唔洗等好耐~一水滾就可以放去烚~!習慣性我地先叫几款蔬菜!我地要求唔會好高~好幸運今日D菜好新鮮又唔老~而且冇黃葉

去完一田血併, 已經九點半,就過左隔離既稻香睇下有無位, 要等好幾張檯, 不過都唔算耐.朋友想食麻辣雞煲, 不過我又怕辣,所以叫左個石班魚窩.仲有6罐汽水送麻辣雞煲: 無我想像中咁辣, 當然越食會越辣因為不斷煲住, 水又會少左, 越黎越濃!而且材料好足, 麻味又夠, 朋友當然食得好喜歡啦!石班魚窩(唔記得真正個名): 真係石班黎架, 唔係什麼龍利魚, 味道好正又新鮮!大家都食得好滿足! 不過, 唯一有不足之處就係發生左少少插曲.話說當我地叫侍應落單時, 原來叫左麻辣雞煲就唔可是叫特價宵夜餸, 我地唔知, 個侍應又落左單, 後尾魚窩黎到, 另一侍應就話我地唔可以叫特價餸, 立即從檯上攞走左魚窩 佢呢個動作令人有D反感. 佢可以同我地講要攞走問一問先, 點可以攞走就即攞走?!不過, 最終佢問左收銀之後, 就話比埋我地食. 無論點都好啦, 今餐都食得好滿足!

年初三，赤口。人地話赤口最好唔好拜年，費時見面，以免容易有拗撬。不過，拜左年兩日，唔通見下FRIEND都唔得咩。所以，要避免嗌交，破解赤口既最好方法，就係去整熱自己個口，結果我地去左打邊爐。六點未到去到等位，根本佢都未開。所以果5分鏡等位時間係比佢開門既。稻香既火鍋，簡單黎講都無咩可以驚喜，只係我估唔到我只係簡單如叫一個皮蛋湯底都可以比錯一個沙嗲湯底俾我，真係年初三撩交嗌咩。好啦，上晒野食啦，點知個爐開唔到。滔滔話齋，打邊爐最緊要就係要有爐，點打？結果阿姐搞左一輪先開到，又燥左一底，搞到要開番支青島黎降降火。兩條友，叫得幾多料呀，粗粗地叫左個「A級美國肥牛」，菜籃，四寶丸，蟹柳，蜂巢豆腐，墨魚滑，半份響鈴同半份水餃雲吞咁啦。肥牛算唔錯，起碼有牛味，唔似啲劣食肥牛咁得個肥字；四寶丸同墨魚滑味道唔錯，只係好似落左太多粉咁，比較鬆散；雲吞水餃有驚喜，起碼足料；響鈴蟹柳同豆腐就算吧啦，我響街市買果啲都好過佢。之後黎多支青島，埋單計數要成$500，其實都幾貴，呢個價錢我其實去西環食火井會好好多。不過，話說回來，我地兩條友坐左成三粒幾鐘佢都無趕我地走，又無趕住收野，都不失為一個傾計既好地方。另外，

燒腩仔皮脆+大碗白飯$31算抵食。魚肚棉花雞，最愛當然是魚肚，但配雞件往往帶多油脂的老問題。鮑汁炆雞腳，雞腳、花生都夠入味、夠淋而不爛！雞蛋豬腳薑$22.8都相宜架！豬腳、雞蛋煲到恰到好處！喜歡辣薑就撞得啱啱好喇！京滬小籠包皮薄餡可入口，擂沙紫麥包得三個，我無食無野講！潤腸拼臘腸卷，卷皮太薄喇！像吃薄餅，雙腸也不夠美味！樸實不華的濃湯鮮菌泡菜沒有上鏡，很清淡可口！

今日一行四人去稻香食雞煲，本身已經好想食，終於有得食!先叫左個$88雞煲，D辣椒好多因為當中有兩個唔食得太辣，所以拎起左一半辣椒，咁就無咁辣，但好麻大約六至八舊雞，好多配菜，就係蔥同洋蔥!!之後叫左D配料，有$88 A4安格斯牛肉，都幾大碟，一人有成四五塊，好紅好味!仲有$55白鱔片，有四塊，唔夠喉!其他配料有菜，脆鯇(但一D都唔脆)雞煲包左六罐啤酒同汽水四人食左$655，可接受程度!

煎墨魚餅味道 : 用薄薄的水餃皮, 包著墨魚膠煎香, 因為面頭係水餃皮所以很脆口, 而且減少左油膩感, 呢個方法幾好… 入墨魚膠面有粟米, 另口感更爽口, 晤錯~賣相 : 金黃色的煎墨魚餅賣相ok~白灼西生菜味道及賣相 : 正常… 無特別野好講…XO醬蘿蔔糕味道 : 退回… 因為蘿蔔糕”叔”左...賣相 : 晤得…鴛鴦燒賣 (豬肚+雞翼)味道 : 燒賣底係用蝦膠做ge, 味道ok… 兩舊燒賣, 一舊上面放雞翼; 另一舊上面放豬肚… 雞翼入味, 肉質嫩滑. 整體ok~賣相 : 亂黎ge… 一上檯, 豬肚燒賣個燒賣底同蝦膠就已經分體…鮮蝦腐皮卷味道 : 味道正常, 外皮煎得很脆, 好香口! 但如果佢頃一頃d油先上碟會好d…賣相 : 正常Overall: service麻麻地, 有野搵人, d人又叫我地搵第二個… 碟XO醬蘿蔔糕有事, 要拿到d人面前先幫我地cancel… 服務態度真係麻麻地… 至於環境, 就ok… 約$45一位, 可能我地食得少野… 

這三色腸粉，製作有點粗疏，但味道還勉強收貨。上星期同樣時間在美心皇宮，說要晚一點才有蝦餃，這裡則早早就有，但是餃皮太厚。粟米花姿餅老少咸宜，我也喜歡吃。印象中，真沒試過飲茶吃這麼少味。在外地吃到這個水平的點心或者已經會感動，不過在香港，只能說，我希望吃好一點。來這裡飲茶要搭檯、用的是膠碗碟，而且還要久候點心廿來分鐘，等太久，未吃完已經趕住走。綜觀食物的水準、甩漏的情況，是強差人意，不過，茶市一樣大把人等位，沙田市中心周邊的食肆真有點缺選擇。

一直都有去稻香飲茶既習慣,亦去過好多分店,去第二區好小會一肚火,但沙田分店的真的令人多次都失望!忍唔住要留個食評了!!已經不止第一次黎,一個月都會來2-3次,原因只係貪佢就腳就返老人家!!但沙田分店的服務比其他分店明顯地差,1)侍應經常扮睇你唔到!嗌左幾次先有人應下你,想叫人拎碟辣油足足叫左3個人先有人拎黎!有時D侍應廢事行埋黎,隔住成張台問你要乜,環境又嘈又聽唔到我地要乜!大嗌左幾次先聽到仲要黑返我地面,我差點以為我去左街市飲茶??行過黎係咪好難??2)某D點心賣晒又唔會出聲,有時我地遲去,某D點心已經冇,但係唔會有人話你知,然後4:30左右就催你埋單,到我地話點心未黎齊,先話你知原來冇!想同老人家飲下茶成日都搞到一肚氣,睇黎到要試下沙田其他的酒樓了!!!

之前D親戚話要擺2席酒,於是就去左稻香啦。原本book左6點,但因為人多趕唔上D時間所以重新等。大概等到9點幾我哋先可以入去。入到去親戚已經點好菜,但都等左好耐先上第一碟 仲要一開始唔係上乳豬而係上雞次序都根本唔岩!玫瑰雞 味道一般,無咩特別翠玉炒雙蚌:翠玉瓜爽口清甜,好食,象拔蚌,珊瑚蚌和同螺片味較淡瑤柱蒸娃娃菜:係最差嘅1碟,完全無味鮮蝦荷葉飯:味道尚可半隻乳豬:最好嘅一碟乳豬烤得岩岩好,皮脆肉嫰值得一試清蒸石斑:蒸得過龍,搞到肉質較硬魚翅:一般紅豆沙:唔夠甜,好似無落糖咁紫糯米(甜品):味到好怪,太甜最後嘅生果盆嘅生果超少整體黎講,嘢食嘅抵食程度一般,服務有差有壞,味道方面就麻麻因此我亦不會再光顧

今日去沙田同親友飲茶，不過我遲到了，點心由他們發板。煎釀青紅椒: 青椒都有辣味的，不過辣味輕怡，加上少量豬肉，熱辣辣都幾好味~山竹牛肉: 牛肉都ok，不過好似水左d~奶黃卷+糯米卷:這個點心在迎喜喜都經常叫的，一款兩味，啱哂多心既人喇。兩款我都有吃，奶黃卷甜味適中，而且非常鬆軟，好吃。糯米卷我最注重入面有無花生，真係有d酒樓只係得d糯米咋，呢度有花生的，好味!!牛肉腸粉: 腸粉皮稍為蒸得過淋，蒸得太耐了，no good後來我睇到點心紙居然有迷李冬蔭公湯，只係 $13.8 ，梗係即叫la，送來時真的很迷李，用個小杯裝，仲放塊疏打餅係旁邊，又幾得意喎~飲滿真係又酸又辣，仲飲到嗆喉添，內裡有好多草菇，仲有兩隻大大的雪蝦，但以$13.8這價錢，我比佢 8/10。今餐親友請客，多謝呀

為免人多要逼和等位，只好正價時段食火鍋。食物：點了醉雞鍋，價值$68，相信四份一隻雞都無，不知可來值$68？ 多寶魚斬件，價值$108，雖不新鮮、亦不大條，$108有點貴吧！珊瑚蚌併桂花蚌$68，兩款合併也不夠10件，蚌身還開始變暗黑，相信冰了一段時間。美國肥牛$38，又少又薄，唯有叫多幾碟啦！而且是冰冷有雪，相信是未完全解凍吧！所謂稻庭烏東，兩個值$32，完全吃不到彈牙、爽口！鮮時菜籃$38，全是生菜放底，不值錢吧！急凍廣島蠔$42，真係縮水到呢！....服務：完全沒溝通的侍應，食物全部上哂，竟無上湯底，還問我們是否叫留湯底?! 真係麻煩先看看枱面，醉雞鍋的醉雞已分開上了一碟，只是未有湯底鍋。環境：這是唯一值得讚便是酒樓裝修尚算可以吧！

已經初五仲要正價點心！？，無特價時段。喂，初五已經返哂工，趕客咩！超貴！如正價，去其他，，如麗刀，美深！仲正價到初六！仲正價到初七！仲正價到初八！仲正價到初九！仲正價到初十！

一早黎飲茶，門口有好多人等，都驚要等好耐禁張飛仔出黎，都係等兩張枱姐可能因為規定三人以下一定要搭枱，所以就算要等到好快有位，畢竟都係閒日而且晨早流流九點。早茶有張早晨孖寶的紙，都有成十幾款選的星期一至五$15　星期六日假期就$17估唔到連六日假期都有，唔怪得稻香成日咁多人等位。響早晨孖寶度叫左四樣野-------皮蛋瘦肉粥，娥姐粉果，叉燒包，白灼唐生菜粥同唐生菜都不過不失，叉燒包個醬汁唔好食，下次唔會再叫娥姐粉果蒸得有點過火，而且餡料唔係傳統潮州粉果餡，怪怪地，不太討好。都係唔會再叫另外再叫左四樣正價的野--------蝦餃, 鳳爪排骨飯, 香煎蝦米腸, 小龍包鳳爪排骨飯；有兩隻鳳爪，飯都ok多，中點好似都係$11.X 抵食的香煎蝦米腸；略嫌太少蝦米。腸粉切得較闊，而且煎左好似無煎過咁，一點也不香口。蝦餃不錯，大大粒蝦響入面，味道不錯小龍包；有肉汁流出，個皮一般，唔算得上好味，茶樓貨色冇得嫌咁多，哈哈總括黎講，食物不錯，重點係抵食！叫左八樣野，埋單都係食左$108

呢間野中午自助吧卑8蚊有沙拉菜,有糖水,有野飲,真低食!!!!呢間野有好多野食!我一有時間就去食!!由其是個反沙芋仔同脆皮紫心番薯,超正~~~都係我啲FD介紹我食先知原來勁正~~~