稻香超級漁港 (已搬遷) 新店位置

閒置在家的日子,找來同事吹吹水,收收風,因利成便又有人找位子,便選了此店.午市時段雖然人多,但兩件麻甩仍能佔一張四人檯,倒也闊落,先來一客雞河切,雞是雪雞甭用說,但竟然雞肶上,真有點意料不到,肉質嫩滑,雞味比想像中還要好,可惜河粉碎得不像話,雞粥師傅太多,食到口乾,本以為灼菜會最好,誰知一樣出事,菜芯淥得過火,變成暗綠色,唉..........!服務始終大集團,樣樣跟足沒話說,不過要我再黎要諗諗.

真係平靚正( 平只限於9點半後時段)9點半之後碟碟多數都係$12, 係帶子, 肥牛, 珊瑚蚌等先係$24, 不過$12碟佔大部份, 選擇仲好多下,佢呢度每一碟份量都幾多下, 最緊要就係好新鮮,鐘意佢呢度d水餃, 勁好味,粟米好甜,肥牛都好新鮮,總之就真係咩都好啦XD仲有佢呢D服務態度都算接受到, 有D人好好, 不過都有D人就扮睇你唔到!

天寒地凍, 最好是食火鍋適逢大年初一, 同家人一起出街食晚飯. 先來一個湯底連海鮮大拼盤($338), 雖然湯底較為遜色, 但海鮮新鮮足料, 有東星斑, 帶子, 象拔蚌, 鮮蝦, 鮮肉丸, 貴花蚌等等, 墊底的菜分量十足.另外值得一讚的是手切肥牛($48), 肥瘦比例恰到好處, 食落香滑有肉味, 物超所值.飯後甜品點了楊枝金露($12) 和姜汁海底椰紅棗糖水($6), 家人說楊枝金露太酸, 我的紅棗糖水很清潤, 很適合寒冷的冬天享用, 與火鍋是完美的組合.結賬時每人派利是, 金額雖不多, 但總算是驚喜.

前果幾日~同d fd黎呢度食飯~唔係打邊爐~同佢地都係第一次~初頭佢俾左張細枱~其實都夠我地4個人~但阿姐話驚迫~所以俾左張大d既4人枱~感覺同對面好遠咁~好難講到野~我地叫左-乳豬拼盤:有乳豬,雞,燒鵝/鴨(唔識分),海哲~海哲同乳豬都好好味~其餘無印象~-金菇肥牛煲: 食落有d似乾炒牛河味~好多金菇~ -瑤柱扖豆苗: 好味~都幾多瑤柱~初頭黎錯左蒜子炒豆苗~以為係我地~見到時,唔係掛瑤柱咁既樣~原來黎錯~係隔離枱既~我個fd好餓~想偷人地d豆苗食~-椒鹽墨魚爽: 呢個被厄了~原來係平時飲茶既炸魷魚蘇~仲要問阿姐拎椒鹽時佢話無~話d魷魚已有椒鹽味~但食落都無既~淨係俾o急汁我地點~唔係咁好夠味同唔抵食~因為得好少~同平時飲茶果d份量差唔多~但好似$58 or 68~最後食埋甜品~叫左紅豆糕, 紅豆沙同楊枝金露~我食左紅豆糕~幾好食~唔係椰汁紅豆果隻~不過有d甜~其他既我諗都幾好掛~ d fd都無食剩~佢地又講d咩~ok既~阿姐都幾好人~除左外套後~好快就幫我用個套套住佢~唔該晒啊!!!

多年前在九龍灣稻香打過邊爐，已覺很正，這次幫襯更旺場的旺角分店，也能保持水準。避了九時後的平價時段，情願正價食貴d，不過都好多人，好在聽接線姐姐話6點15分前到，才保證有位。Order了火鍋拼盤($298)，包湯底、貢丸、手打肉丸、雞片、花枝片、蝦、珊瑚蚌、鱔片、同埋龍躉(雖然唔知真定假，但的確幾好味)，雖不包肥牛，計過條數都有“so”，所以另叫了一客手切肥牛($48，幾平)。本想加碟菜，但阿姐提醒我地個盤下面會墊晒菜同粉絲，應該夠食。好在有聽佢講，事關食到尾已飽到捧住個肚，我想3-4 個人吃這拼盤會較適合。講o下個湯底，我們叫了鴛鴦湯底，清湯果邊有黃芽白和豆腐，沙嗲果邊超正，很濃味，趁晒個手切肥牛，不過d 沙嗲杰到有d 黐底。尾段加埋d粉絲落去，索晒d 沙嗲汁，嗚﹗冇得頂﹗order埋一jar鮮榨西果汁，飲飽食醉，很滿足﹗唯一要彈係個手切肥牛突登開邊切成肺葉狀，但略嫌太大塊。

前排同d friend一齊去有骨氣打邊爐,但極之失望幸好今次去稻香勁正9點後入座先有得平,所以9點未到去到已經人山人海朋友仔於是買左d珍珠奶茶等我地邊邊等飲入到座,佢\地見我地個個手上拎住杯野飲都無話我地個阿姐仲話小心d擺\,驚我地倒潟叫左個醉雞湯底, 好得聞落去就有大大陣藥材香但酒味呢??唔多覺,可能係藥酒...叫左2種肥牛但唔知點解我地個個食完都覺得平d個個好食d@@芋條可能因為無事先炸過黎,無有骨氣既咁好食其他都唔錯因為同行有外國朋友仔,初初仲驚佢\地唔慣中藥味點知佢\地都大讚,仲勁食佢\d雲吞(係幾ok既)食到最尾試下就咁飲d湯,點知都好好味,勁香濃而且可能因為成班女仔去食胃口細所以極之抵食d人態度又好見佢\地咁忙叫佢\地過黎都仲係笑笑口抵讚(雖然唔知係咪見有外國朋友仔既關係)

經常聽說稻香九點後特價火煱爆晒棚,星期五晚終於上去,九時十五分攞飛,果然人山人海,大約等了四十五分鐘才入坐.莞茜皮蛋湯底-皮蛋超靚,透明的,未試過打極都不容的皮蛋黃.手切肥牛-必食,有口感,嫩滑,$48,超抵食.飽魚併象拔蚌-正,原來當刺身食都唔會肚痛,灼一灼更加正,飽魚切成小片,不靱,雖然要$148,但很大碟.白鱔片-軟綿綿的.芝心鮮蝦丸-真係有一小粒芝士係入面喎,幾好味.雲吞,水餃併魚皮餃-大粒雲吞,蝦很新鮮,分分鐘正過出面雲吞面舖的雲吞.西洋菜-不錯.唯一可惜的,就是魚腐及手唧魚麵,太淋,無口感,淡而無味.不過,汽水十蚊三支,唔叫對唔住自己.是次雖然吃了差不多五百蚊,但個人覺得值得,總括而言,多人等真是有它的道理,不過可以的話,星期日至四九時後去仲平,只是廿八蚊及十二蚊,星期五及六分$33,$23,$18,正價六至九要$48,$38,$28.

打邊爐係我的至愛, 最好係成班人大食特食,有講有笑。今日, 一行人八大兩小到旺角稻香興祝小妹生日, 未開爐經已有熱烘烘的感覺。人多的話,我通常揀稻香, 貪佢食物、價錢、環境都中規中舉。今日食左好多野,至滿意係桶蠔及牛肉。涌蠔一桶有六隻，不太大又不太少,而且好鮮甜爽脆;牛肉肥瘦適中,不算太有牛味,但夠厚身之餘又冧又不肥, 呢兩樣野令我地一再encore.桂花蚌同山湖蚌都ok好食, 但帶子就普通, 都有甜味但切得太細, 花枝片，腸仔同其他大路野都係普通水準，芝士蝦丸就幾好食,不過我覺得都係有骨氣好食d。最欣賞佢的庶水不會太甜(飲過好多都要溝水飲), 而且汔水好平,十元有三支,抵！服務就一般, 有幾次入錯單情況, 同埋不適當時加水,即冇水時又唔加,夠水時又加至滿瀉咁) 至攪笑係我地叫桶蠔, 個伙記竟然聽左係"唐hold", 攪到一心等住食蠔的, 等了又等....總括黎講,稻香仍然係不錯的選擇。

昨晚我地4個人7點梨呢度打邊爐, 請1個12月之星生日,7點都坐左一半人, 冇左我地想叫既蕃茄湯底,失望….跟住想點我同男友上次叫既海鮮拚盤,不過加左價$298同埋冇菜送, 我地冇叫到, 就叫左個豬骨湯底68蚊好多料, 叫左手切肥牛$48幾好食,牛肉粒$48比起手切差些唔好食, 芥未墨魚丸拚芝士蝦丸OK LA, 脆肉鮠骨腩好爽正, 鱔片OK, 竹生, 水餃拚魚皮餃, 九菜餃, 豆腐,呢D就麻麻豆苗…豆苗都幾新鮮, 最後都係食唔哂,我地叫左兩渣竹蔗水, 3枝氣水, 1枝大喜力啤埋單$660..請左生日果個每人$220差唔多掛…走既時候出面勁多人排隊…俾著我唔會排啦...

今早十一點零鐘去飲茶，不用等位，真好!不過係坐咗係迎囍嗰邊，無問題啦！叫咗以下點心：蝦餃：一般水準，可以。炸雲吞：啲皮比較多油，用Tempo吸完都無用。牛肉腸粉：比較多莞茜。韮菜果：都係多油，韮菜都幾香。鷄紥：普通，但係唔見咗條火腿，換咗芋頭。豬骨粥：我諗應該叫梅菜瘦肉粥好啲。相思紅豆糕：比較甜。埋單$138，走嗰陣大約一點鐘，好多人等位。

番來香港後的第一次飲茶茶: 淡壽眉. 但味道幾濃下, 溝多水都幾好飲蝦餃: 好普通, 仲叫乜"稻香蝦餃王", 不值燒賣: 啖啖豬肉, 好味鮮竹卷: 腐竹同入面D 料比例岩岩好, 汁濃叉燒包: 好遲先上, 熱辣辣即蒸既, 料多好味包鬆軟, 最正E 個牛肉腸粉: 普普通通, 不算好叉燒河粉: 叉燒好靚, 肥瘦適中, 河粉滑, 個湯好有茶樓粉麵既味道, 仲有條菜添, 正春卷: 熱辣辣, ok 香脆, 豬肉餡, 幼幼地一條, size 岩岩好咸水角: 幾多油, 幾香口有D 係幾好味, 有D 就好普通. 下午茶時間去既, 嗌咁多野, 埋單$111, ok 唔貴

本人素知此店多人,因此每次晚飯都訂位,首輪18:15進入,說明準時20:15交枱,當然稻香亦會出現提醒你,但至11月30日星期五,我預早雅蘭分店訂次輪20:15,亦於20:00前到達報到,但只是身邊的人(無訂位)一一進入,到了21:00只剩我們一行七人未入,問經理為何如此,他的回覆真是豈有此理!訂次輪20:15一定要等18:15食完才可交枱,而不訂位照排隊,所以我們還要等.....真是神經病!!!我訂位點知邊張枱是18:15定20:15,我尊重你的制度,你反而不尊重我們,與其如此,不如不設訂位先到先得,由即日起,稻香己經列入我的黑名單,連待客的基本尊重都沒有,美食又如何???

不吃牛的螢子居然提出打邊爐，我這等「邊青亅哪會拒絕。但身在朗豪坊的我實在想不起附近有哪間像樣的火Ŋ 店。太子的百利嗎？曾經愛過的海狗窩及手切牛已退步了；小肥羊、譚魚頭嗎？我情願去大家樂……..想，電話中的螢子叫我到這里看看。吃飯從不排隊等位的我在步行前往目的地途中已嘀咕是否應回防佐敦的合興或不倒翁，結果這裏居然有位。七時正落單點了：川芎魚頭湯底鮮蝦腐皮卷帶子片脆脘片蓎蒿手切牛象拔蚌拼鮑魚轉眼湯底及首４樣食物到，請一名女服務員端來調味料架。十五分鐘螢子到了，湯也滚了，剛入座連湯底也未有的食客已有調味料架但我們仍只有豉油。請同一位女服務員端來調味料架，她才像恢復記憶般四處張羅，但最後仍要等鄰桌用完才到我們。尚幸該女服務員很有禮貌地致歉，靈氣計才不至继續上升。手切牛和象拔蚌拼鮑魚催了很多次也没來，每次催促他們都有禮地說幫我們跟進。其中一次那位女服務員（對，又是那位）居然很有禮貌地說：「落單啦嘛？會鈬 架啦！亅結果手切牛要45分鐘才到，而象拔蚌拼鮑魚則在一個小時還沒來的時候給我大怒下取消了！期間向同一位女服務員要枝藍妹，等了十分鐘咆哮了一句：「藍妹使唔使十分鐘呀！亅她又才像恢復記憶般去！食物普

距離上次到稻香飲茶已經係2個月之前, 上2個禮拜日再到稻香飲茶, 因為隔離迎喜有人擺酒, 要4點前交場, 所以要等到3點先有位, 餓到暈@"@, 坐落即刻落order, 其間隔離有個成口鄉音賴有知識既女士, 猛咁同同個2個師奶sell營養學, 好似個場佢包左個埸咁...唔在乎他人感受, 唔係大大聲講野就會人信服架. 後期仲誇張竟然係度同個2個師奶化妝...佢知唔知衝生同禮貌架>"< 講返食物, 叫左: 鵝檬/紅油抄手: ok 雷沙湯圓: 上時仲暖, 好味 薄橕: 唔熱...好似整做好耐...唔得 花膠四寶扎...冇食到...order左成粒幾鐘到頂唔順俾錢都未到, 其間不斷叫人check, 回覆係: 四寶扎係耐蒸食物, 係要等" 唔係掛...蒸咩成蒸成個幾鐘...買隻雞開始整都熟有得食啦....好啦俾左錢啦, 個四寶札先來...吹脹....冇食到.....拿最精彩來啦...隔離投訴四寶扎係凍既...一dee dee蒸過既感覺都冇, 有個待應先話: 今日有人擺酒, 應付唔來, 同你再蒸" 客更係唔要叫佢取消左,,,,唔係掛. 你唔係今時今日先有擺酒嗎???

外公生日,一家人黎呢度食飯,要左一個$2988套餐,菜色好正路,好一般,無乜特別,味道同質素都不過不失,估唔到食到最後有驚喜!本來,上到最後一味,大家都好飽,同埋無乜寄望,而且果籠壽包實在係等得太耐,我阿媽催左佢幾次,個侍應都話蒸緊,搞到大家都有點不滿,但係上左桌之後,見到一籠十二個好大既壽包,size比一般大,而且熱騰騰,好吸引,食落發覺包香軟而易入口,餡唔止係蓮蓉,竟然每個包都有個鹹蛋王,雖然好似唔係好健康,但係真係好味,大家都讚!咁一個半個,又唔係成日食,無所謂啦!