稻香超級漁港 (已結業)

是緣今朝朋友請飲茶, 十二點左右到, 全場爆滿, 仲有人要等位, 睇怕報紙所報導有關點心"肥死人"的新聞對呢區的居民影響不大. 由於唔太肚餓, 只點了數款點心, 質素維持一般稻香集團的水準, 不作詳述. 唯獨是"流沙奶皇包"有點搞不通, 因完全沒有流沙的情況出現, 到最後一個包被消滅的時候, 我地懷疑那可能只是普通的"奶皇包".可能近午飯時間, 有位女侍應不斷游說我們叫套餐, 但我地已一再強調人少而無需叫此套餐, 經三四次游說不得要領後, 她終於放棄, 而我們亦可靜靜地飲餐茶呢!!

Among Chinese restaurants, it is quite good! (for lunch)

我幫襯過午飯同生日壽宴,都幾好.裝修好靚,尤其D卡位,toilet也裝修得好精緻午飯飲茶,dim sum款式多商務餐ok生日壽宴抵食可惜人勁多，要等位成個鐘。

上星期六同男朋友同佢屋企人去稻香飲茶，發覺原來飲茶質素幾高，因為我屋企唔興去稻香，多數去其他茶樓，所以唔係好知稻香飲茶係點。因為係星期六中午，人比較多，都要等位。整體o黎講D點心都好夠水準，除o左有一般茶樓有o既點心之外，佢o既特別之處係有一系列o既泰式點心，我o地試o左幾款，尤其好食o既有泰式炒蘿蔔糕，蘿蔔糕切成一小塊，用一D辣辣地好惹味o既汁o黎炒，好香、好好味﹗另外泰式春卷都好正，個皮夠脆，餡又充實。最令我驚喜o既可以算係甜品楊枝甘露，我人生中暫時食過最好食o既楊枝甘露係尖沙咀太平洋會所o既中菜廳，食過之後周圍係度搵接近o個次o既味道，一直都未有機會，即使係手造甜品(滿記)要成$20碗都遠遠比唔上。我每次去唔同酒樓飲茶，都要試下佢o既楊枝甘露，今次都唔例外，稻香o既楊枝甘露比好多酒樓算係好好多，D湯汁唔係淨係得奶味，都有芒果味，而西米、鮮芒果同柚子o既比例都ok，當然比起太平洋會所同手造甜品o既都仲係差好遠，但我覺得以呢個價錢o黎講算係唔話得，可能個原因係，一般酒樓o既楊枝甘露都係中點，而稻香o既係大點，所以一分錢一分貨啦﹗呢餐飲茶唔錯，我都推介o既﹗

黎過呢度好多次ｌｕ～次次都係同亞媽飲下下午茶咁ｌａｗ～最近仲連午餐\時段都一樣有特價ｔｉｍ！我覺得佢\ｄ野食款式多ｌａｗ～其他酒樓邊會有呢ｄ野食咖？最出名莫過於佢\地首創ｇｅ蘿蔔絲酥餅！到現時為止都冇任何一間野學倒佢\一半咁好食呀！而且食物質素又好，即使係一個好普通ｇｅ奶皇包，一碟牛拍葉，豬紅，雞(揸)都特別好食咖！不過唯一比較差ge 就係d 服務law ～唔止係屯門呢間，係間間都係咁！個個一係冇禮貌，一就十下十下，一就講廣東話都講唔正！價錢都ok 平丫～大約係美心ge 一半左右啦！不過ｄ野食就分分鐘仲好味過美心！！食到你飽死都唔會過50 蚊(一位)埋單！(除非你淨叫特，頂點啦～)總之就好抵食啦！！＞ｗ＜～

自從俾一個價錢任叫任食o既火鍋大行其道之後,都唔知幾耐冇試過逐碟收費o既打邊爐. 食完之後發現,唔會貴過任食火鍋好多,但食物質素就好好多啦. 真係一分錢一分貨,下次都係唔好慳過幾十蚊.呢間稻香都係第一次o黎. 論服務,唔知係咪Tuen Mun區o既service都係冇九龍區果d咁好,d呀姐多數都係十o下十o下咁. 至於食物,就好好.手切牛片-係新鮮牛肉,唔係雪到硬掘掘o既刀削牛片.唔un丸類-手打墨丸/手打蝦丸/黑椒牛丸,好過平時食果d雪藏o野. 魚皮餃/包心咖哩魚旦,大路o野,一般.海鮮類-脆鯇片/脆鯇腩/鱔片都好得,夠爽. 草鯇魚片就散d. 麻麻.雞片-唔知係咪新鮮雞肉,切得教細件同碎.普通.魷魚-界埋花,ok.竹笙-爽脆有口感,個人推介. 好過生根啦,冇咁油嘛.蔬菜類中規中舉.藉得重臨.

e~~~~~~屯門wor~屯門小肥餅點會未食過呢?!(呵呵~~~~勁為食!)我父親大人成日帶我出去飲茶嫁~第一次接觸"蘿蔔(絲)酥"就係o係果喥啦!唔會太油wor~~~個外皮就真係冇得頂!好鬆化~又唔會太散~個樣都ok靚嫁~~~~個餡d蘿蔔絲味道o岩o岩好~而且唔會太稔~(大家可能覺得我寫得有d誇啦~但係只要你地去過唔同既酒樓飲茶食同一樣o野就會知道品質好~唔係必然o既~就蘿蔔酥黎講~我試過間唔知咩酒樓食~佢個賣相已經唔多得啦~外形同顏色都.....而且裡面o既蘿蔔絲稔到......不予置評)講太多啦.....入正題!仲有我試過果喥o既火鍋~價值ok之餘味道仲不錯~~~~首推o既係白鱔呀!!本人平時打邊爐o既時候少掂魚片類o既o野~但係果次愛上左鱔片呀~鱔片o既厚度適中~(太厚口感不太好~太薄又易散)入口之後覺得最正o既就係有d好得意o既甘甜味果種味道我不太識形容呀~有種微微酸o既feel~但又唔係酸wor~好特別o既味~!另外o既竹笙都不錯~其他o既野都ok啦~價錢又唔太貴~(我指火鍋時段)裝修都ok靚嫁~唔同一般o既茶樓~最特別係有茶餐廳式o係卡位....點心方面我爭係著重講左一樣

今晚來這間食店食飯,早已對佢有信心,因知稻香集團出品一向唔差.一入到去已比佢D裝修吸引住,好有日本feel.至於D食物幾好食,我本人比較喜歡打邊爐,食物幾新鮮款式有好多選擇,同時晚上9.00PM,仲有特價優惠,好低食.雖然話特價但份量冇減少過,這點值得贊許.<br />服務OK D侍應幾有禮貌.我對稻香滿意.大家網友不防試下啦.

好食,d野真係好食,雖然埋單會比其他酒樓貴少少,但係值得o架,裝修幾好,最特別係有卡位坐,洗手間也裝修得好精緻,食物推介係蘿白卷(類似咁啦) 外層係用蘿白汁加麵粉的酥皮,內裡係香軟的蘿白絲哩款點心一定要湊熱食,凍o左就差好遠o係屯門飲茶首選係哩間

唔通一個人霸晒成張大抬咩..佢規定過半數就能入值

巳搬上一層,升級為"稻香超級漁港"....如果單睇酒樓價錢在屯門佢算貴,但食完包你覺得佢一o的都唔算貴,點解?因為樣樣o野都好掂,裹頭裝修靚o左之外,食物花款好多,早~午點心樣樣正,晚飯同樣唔失禮,2:30後入坐有特價點心,好多人等(又係一條龍),9:00後有特價火鍋......掂!介紹:點心~蘿蔔絲酥(必食),豬紅菲菜(飽)..... 晚餐~酥蚱生蠔(必食),燒鵝(皮脆)....... 甜品~雪蛤豆腐花......................

我已經吃過四、五次，味道都不錯，但次次都漏單，本想他們會改善或真的巧合吧。<br>今次我們三人吃晚飯叫了五碟「食送」但竟然漏了三碟單，我們追一碟才來一碟，結果追了五、六次有多才來齊那三碟，最後我們都吃得很飽，原因是太激氣吃不下去。<br>我們最後一致通過決定不再在此間酒樓吃晚飯。

雖然等好耐位(真奇怪,居然個個都咁有耐性),但門口細細粒知客姐姐好好人,又夠笑容,令我覺得如沐春風,雖然如此,都希望快d有得食........

今時今日仲要等齊人才可以入坐,唔通要成班人出來等位

打邊爐一流,有氣氛!! <br>略嫌價錢較貴..