稻香超級漁港 (已結業)

10月13日睇同honey睇佢最鐘意既黃子華talk show,未出發前,先同佢係呢樹飲下午荼,我三點先到,等一陣就有位喇,等埋honey就點左以下點心:1.xo醬炒蘿蔔糕<好好味呀..正>2.燒賣<大大粒..有好多蝦.正>3.咸水角<一碟有4件,size細細...正>4.鮮竹卷<呢個ma ma地,可以唔叫>5.豉椒蒸鳳爪<正,夠新鮮>6.又燒飽<honey覺得好味,我就覺得多左d肥豬肉>7.牛肉魚片粥..<我試左小小,但honey就食晒,佢話好d材料新鮮..正>呢間野基本我同honey久唔久都會黎食火鍋<當然係九點後啦>,飲荼都係第一次.d野真幾好食,我地呢餐都係一百蚊有找..一個字...抵!!!是次盛惠$94

尋晚同男友屋企人食生日飯，有五個人生日啊！不過男友細佬缺席．我地一枱七個人，叫咗個set dinner再加一個芝士龍蝦烏冬．生魚排骨湯，燒乳鴒，燒鵝，牛肉莧菜，炒菜心，AA菜，鮑魚仔八隻，雲腿斑片豆腐．敬送紅酒一支，我地唔飲紅酒，所以轉做汽水八支（Coke, Sprite, Cream Soda）．生魚排骨湯－好清甜．芝士龍蝦烏冬－我第一次食芝士烏冬，雖然好’漏’，但係真係好正斗啊．燒乳鴒－好味道ka ne．燒鵝－油＆咸．鮑魚仔－ｄ鮑魚仔煎過，好香口．雲腿斑片豆腐－普通咗少少．甜品：杏仁丸子－有兩粒湯丸，我食唔出咩味道，ｏｋ，有杏仁味．

朋友結婚o係度簡簡單單開幾席乳豬唔夠脆而且較肥甜豆炒帶子蝦仁較油而且帶子無味好在蝦仁夠鮮甜西蘭花竹笙草菇亦係太油味道不過不失炸蝦球唔特別彈牙味道似炸平時街市賣o個d蝦丸只係勝在唔太油賣相又靚石班新鮮亦蒸得算滑花膠鮑片扒生菜太重獻汁幸好花膠夠厚有口感飯係鴛鴦炒飯同干燒伊麵鴛鴦炒飯幾開胃但蝦仁無味紅豆沙一般奶王糯米磁個皮好硬全餐至正係蟹皇翅, 炸子雞同合桃酥蟹皇翅蟹肉多而且蟹粉夠黃澄澄一片好靚翅又夠粗又彈牙炸子雞皮脆肉滑合桃酥香口鬆化入面又有粒粒花生好好味

阿M同男友屋企人黎食晚飯，一行５人，４大１細．叫左好多野，食到好飽．ａ．清蒸石斑：好味既魚肉，滑滑．ｂ．瑤柱扖菜苖：小白菜放上瑤柱條，wow．ｃ．蒸凍蟹：好鮮甜．ｄ．魚翅冬瓜盅：有菌，翠玉瓜粒，豬肉，魚翅少許，清清地，好清甜．ｅ．燒鵝半隻：ｄ肉都幾嫩，比較油．ｆ．沙疆雞腳：唔夠腍．ｇ．小鰻頭（六個）：細佬女食晒．星期六晚，每間食肆都有好多人，Auntie六點幾去罷位．男友埋單HK$521，到我地走時，大約九點，出面排長龍．ｄ甜品買一送一，好吸引，食唔到喇！

人人去稻香都係十下十下, 我地呢d要唱下反調, 食個小菜先~~叫左個咩推介的瓦煲豉油雞, 素菜瓜圃, 义燒燒鴨雙拼, 叫左個餐, 送紅酒一支, 重有d唔記得啦....义燒ok不錯,唔硬有香味, 甜甜的好正~~燒鴨就唔掂, 無咩肉, 皮又硬又涷冰冰, 好唔得....瓦煲豉油雞個煲好大, 雞係例牌咁大啦, 雞肉好滑好入味, 雞皮都滑又唔太肥, 好正~~~ 素菜瓜圃有點老襯, 要成$70, 只係菇菌加一大個冬瓜打個蠔油汁, 真好係唔抵.....支紅酒係送的, $28貨色, 勁鞋,條脷好辛苦,好難飲.....唔駛$$$果然係無好野.....service只係一般, 人手不夠, 個條餐巾好肉酸又鞋手...

我幾中意去呢間食野~不過價錢貴左d~so我多數9:30度去架~佢d用料好新鮮~上次食象拔蚌好正~冇味架~真係好好食~不過最好味一定係榴槤布丁~我次次去都食兩個~而服務太度都幾好架~d人做野幾快手~真係唔錯~

琴晚同三數個朋友開飯我地黎左稻香~不過唔係打邊爐星期5既晚上亦一樣人多,但因為我地係食飯唔係打邊爐所以唔駛等好耐就有位啦我地點左酥炸排骨,椒鹽鮮魷,麻婆豆腐,"鹽""西"豆腐湯,椒鹽鴨舌,同埋一條清蒸石班酥炸排骨:出場既時候係用鍚紙包住,個waiter用刀仔戒開,緊住就聞到好香好香~仲熱辣辣出晒煙,十分好味椒鹽鮮魷:外皮有一層薄薄地脆脆地既野,但內裡咬落比較un,還可以麻婆豆腐:最出色既一樣,因為最辣,送飯真係一流!差唔多成碟都俾我食晒@_@"鹽西豆腐湯:好鮮甜,應該無味精,每人飲左兩碗幾,抵飲椒鹽鴨舌:好入味,好正!送啤酒唔小得佢清蒸石班:頗大條,但係第一次出既時候戒開裡面竟然仲有少少血...so叫個waiter囉入去再蒸,但翻蒸當然無咁好食啦...不願置評琴晚飲左幾支藍妹埋單都係四百幾蚊,相對亦食左唔少野,都算便宜

上年既2月,因為公司係做到成績,經理便請我地一班同事食飯~食飯??咁凍當然係打邊爐啦!經理亦都無拒絕.正所謂有大食大,當然選番有咁上下既場所黎打啦(唔駛比錢啊嘛.ccc)是晚7點幾,我地一行人去到稻香..不如意既係竟然一大班人等緊位...我地亦都即刻囉飛排~唔知係咪我地多人,等左大半個鐘就有位啦~入到去裝修唔錯架,應該算係屯門區最好既酒家之一,不過阿姐d服務就一般般~我地要左個鴛鴦湯底材料:點左肥牛*2 雞肉*2(幾好,唔係雪藏) 雞子(正啊)一堆丸類既野(不是自家手打的) 菜心不能盡錄(唔記得食左d咩-_-)佢個湯底都幾好,不過辣個邊唔夠辣囉不過肥牛係極品,相信唔係雪藏野,我地encall左好多碟肥牛啊,真係有8-9碟@Q@ 在座計埋我得3個男仔,因為d女同事好細食,所以都夠食既...ccc黎呢度食野我剩係覺得肥牛係可以的,其他既料唔好抱太大期望,當然,呢間相信係屯門內打邊爐最好既一間當晚亦都灌左唔少啤酒,埋單都係$8xx(由經理一手包辦)爽啊!

岩岩過既星期日，我同男朋友＆屋企人一行五人去飲茶，好多人啊，都等左成九個字先至有位．總於有得食，唔知係唔係因為人多既關係，ｄ野食黎得特別慢，埋單亦都好耐．燒賣，皮蛋魚片粥，义燒包，魚雲，蝦腸粉，义燒腸粉，XO醬年糕，蝦餃，湯肉片白菜仔，奶黃馬拉卷，鳳爪，排骨．．．仲有兩至三籠，我唔記得左添．奶黃馬拉卷整得好鬆軟，又唔太甜喎；XO醬年糕，如果加多少許”辣”會更野味．其他食物黎講，不過不失喇！我要在此多謝Auntie請我飲茶，Thank You Very Much.

今日下午食完米線,夜晚又有著落,番到屋企老母話天氣咁凍不如打邊邊,落去樓下想話買野番屋企自己打,點知d舖頭都收晒,咪搭車去市中心搵野食囉,本身諗住去食個煲仔飯,但經過稻香見到唔係好多人就走入去打邊爐啦,招呼?入去個時就有人招呼,一坐定點完野之後真係好難先叫到d waiter幫手加水囉野之類...but我都明既,因為之後越黎越多人黎打邊爐,佢\d伙記都踢晒腳,野食?ok,牛肉今晚係首選,以前黎打覺得d牛肉唔多掂,但係呢次打我recall左三碟,湯底?ok啦,都幾重味精..食完都飲左唔少竹蔗水,不過d竹蔗水幾夠味啊^^價錢?ok啊...本人覺得咁樣計法同一個價錢任食個d真係天壤之別..寧願每碟計好過係屯門其他垃圾酒家打好好多,起馬打完都唔會嬲啊嘛^__^

前幾日係屋企人既大日子, 有人提議到這裡晚飯~ 問我有無反對....當然無.....試左幾次屯門既食店....都係穩穩陣陣去稻香好~4個人點了一個龍躉既優惠套餐, 有蒸頭腩, 炒球, 另加一個餸, 屋企人因為我抱恙出席, 所以清清地要了一個蒸勝瓜~ 另外要了一盅燉湯.......還有....忘了~燉湯仍是足料的, 內有竹笙, 瘦肉, 紅棗, 雞腳, 螺頭, 豐富得很, 十分抵飲, 味精不算多, 我們4人飲了7碗^^炒球則屬水準之下, 炒得過火了, 外表有點焦, 油太多, 翠玉瓜比預期多, 予人「妹仔大過主人婆」的感覺, 整體上不太討好~其他菜式都是中規中矩~ 但服務是意料不到的殷勤, 好得不能再好了, 所以今次服務有5分甜品有我的最愛, 椰皇燉雪蛤, 清清甜甜, 蛋白混入椰皇水再燉, 再加雪蛤, $18確是抵食, 正~^^~想在屯門食餐安落飯, 還是來稻香好~

響度食生日飯, 有成11個人, 見有個$1333全包宴, 好似幾抵, 就點左呢個餐, 唔駛煩.菜式都係大路野, 白灼蝦、燒味拼盤、海鮮卷、翠玉瓜炒蚌片、炸子雞等等例牌, 份量夠, 味道OK, 都無乜好complain. 個唔知咩"翅"同魚都比想像中好, 仲有味鮑片生菜食添. 作為甜品既壽包, 又係意外地好食.個餐仲有六枝汽水兩枝大啤, 埋單真係$1333 (平日好似仲平), 一蚊都無多. 咁既價錢, 無話可說. 唔怪之得呢間酒樓無得訂位, 又成日爆滿啦.

昨晚兩個人9:00去食特價火鍋~8:45開始派籌，9:00開始入坐~8:30去到排隊，已經見到好長人龍~由於只得兩個人，屬細枱，等了約半小時便有位(比我想像中快)~叫了一個鴛鴦湯底($48)、一碟貴花蚌($28)、兩碟美國肥牛($24)、一碟油墨菜($12)、一碟水餃拼雲吞($12)、一碟牛柏葉($12)、3支汽水($10)、一碗熱芝麻糊($3)及一碗凍楊枝甘露($5)。貴花蚌好新鮮，口感一流，份量不少，抵﹗肥牛脂肪分佈均勻，很有牛味，以十二蚊來說，十分抵食﹗水餃拼雲吞各有6粒，共12粒，水準中上，肥肉不多，食唔哂，要打包4隻走(唔想浪費)。牛柏葉則不懂評論，是普通的水準吧。芝麻糊都幾大碗，是流質的，不像其他食肆那些看得出落了很多"獻"的杰撻撻芝麻糊，芝麻味重，不太甜，有很多細小的芝麻碎，3蚊是物超所值﹗楊枝甘露則沒有特別，5蚊還想怎樣呢﹖茶芥每人8蚊雞，$170加一埋單$187。九點前碟碟28，九時後則12，但兩個時段的份量一樣多。我會再去~~

又去o左打邊爐. 食物質素依然好好, d service 都好好, d 人有禮貌!!手打墨丸, 蝦丸又係好好食, 好彈牙!脆鯇片唔好食, 都唔爽o既然! 鱔片就一般啦~水餃雲吞都好食~生果生魚湯底好清, 幾特別!仲有, 而家all hot dessert 只係$3 ja, 凍o既就$5 , 好抵!今餐食o左$261。

母親節去o左打邊爐. 食物質素好好, 手打墨丸, 蝦丸好食, 彈牙!大路o野如菜, 'woo'絲ok la, d 菜好fresh, even 墊底o個d都係!!!脆鯇片, 鱔片都唔錯, 量夠& 新鮮。水餃雲吞都好食~豬骨湯底有好多豬骨, 都唔算好油!推介新o野>> 螺旋藻, 好好食, 好似海草o甘o既味! 我成碟食哂~d 服務好o左好多, 由傳菜阿姐至部長都好有禮貌同細心, 勁難得!!!所以今餐食得好開心!!$24x for 4, 勁抵!!!