稻坊 (爾巒商場) (已結業)

食物口味不錯。之前有人說服務差，但今天有2位服務員超好召呼。上菜也十分快手：）茶位費就貴D，但食物價錢也算合理。下午茶時段，大中小點也是計小點價。人流不多，所以比人好relax的感覺👏🏻👏🏻👏🏻

又同亞媽平日上午飲茶，十二點前結賬有優惠。原蝦燒賣皇 $25 每次必食。肉汁豐富，蝦好爽。內有好多冬菇好香。北菇綿花雞 （大 ）差左好多，塊雞片又薄又鞋，冬菇得一粒唔夠分。陳皮牛肉球 （小 ）亞媽必叫，話佢好滑同陳皮味香。咸魚肉餅飯，亞媽好滿意舊咸魚，馬友好香仲大大塊，飯好夠軟熟又夠熱。手拉白腸粉 （中 ）好滑又軟綿綿的腸粉！甜醬花生醬可以自助添加蝦球星洲炒米 $88 有3粒蝦球。睇樣炒得似模似樣，但係食唔到咖哩味，唔算太油，尚算合格。

今日同亞媽飲茶。依度d 點心全部即叫即蒸，要等十五分鐘，保證熱辣辣架。首先叫左香煎腸粉，外脆內軟再點埋甜醬同麻醬，正。是日精選係豬腳薑醋$34。好足料，用煲仔上，兩隻蛋同4-5 舊豬腳，我最鐘意飲醋，甜度適中唔會太油膩。讚～燒賣 $25 原隻爽滑嘅蝦，有肉汁的燒賣，係每枱必叫的。腐皮卷皮脆，好足料裡面好多蝦仔，不過略嫌油膩。錫紙包糯米雞d 糯米好乾好硬，冇乜料，得少少肉碎，叮叮點心都好食過佢囉。可能我對紅棗糕的要求太高。這個紅棗味都夠，但係過甜，唔係紅棗的天然甜，而且太硬，放棄冇食曬。好壞參半，稻坊飲茶成日有新點心，不過都係伏，都係叫番傳統野好d。