稻坊 (爾巒商場) (已結業)

朋友駕車帶去爾巒泊車飲茶，免費泊車兩小時，可以慢慢傾計慢慢嘆。一入到來，先量體溫，還未進入，店員已經會問你飲咩茶，之後在門口，將一包茶包交給你，自己入去枱號坐低⋯⋯每枱都有這個冲茶神器，只要按掣，自動斟水，自斟自飲，節省不少人手。最初以為只得這張點心紙，後來才知原來只要手機對準枱號的QR code ，立即選擇其他點心，一目了然。功夫小籠包~金粟花姿餅~點心拼盤~最喜歡看到這個點心拼盤，每款一粒多精緻，分別有蝦餃、燒賣、潮州粉果和花形的紅棗糕，一個人到來嘆茶都冇有怕。香煎蝦米腸粉~店員端腸粉上來，我問為何沒有甜、麻醬？原來醬料也是自助，自己出去攞⋯⋯整體來說:點心沒有太大驚喜。一向都覺得稻香集團有創意位，從前是他最初估計客人結帳時付款鈔票金額，一早估計客人付$1000 或$500的找回碎錢方案，無用店員多次到收銀處來來回回找續; 之後他們是最先要客戶自己攜單到收銀處付款，當初創先作八達通付款，為求方便快捷，寧願減收貼士。及後每枱放置一個不鏽鋼熱水壺，減少店員冲水時間等，這些細節，記憶中都是他們創先河⋯⋯直到今次看見這個冲茶神器，集團每每都想盡方法節減人手，這些細節位，真是不得不讚⋯⋯今次

雖然我哋未能享受到一蚊雞嘅promotion，唯有只可以叫特價散嗌。首先叫咗白灼海蝦，已想不到新鮮及鮮甜美味而且夠大隻另外叫咗每位$18燉湯！！！清甜又美味，完全啱晒我愛湯之人，足料而且入邊有一隻鮑魚雜菜粉絲煲，雖然有不同嘅菜喺入邊但我另外叫咗一個白飯可以加湯食🤪🤪 最後炸子雞肉質不會太老，而且炸得啱啱好味道適中。佢比我預期之中期望高，晚市不會太多人。我比較注重食物質素 ，而呢間分店比到我🥰🥰消費兩個鐘可以有泊車優惠！泊車嘅朋友可以留意下

肺炎肆虐都唔敢去啲人多嘅地方，weekday 3 4點 黎左錦田爾巒呢個小商場飲茶。-金錢肚（比較油）-XO醬蘿蔔糕 （XO醬比較辣 又油）-蒸蝦餃🍤（皮薄餡靚）-豉汁鳳爪 （不過不失）-陳醋雲耳（陳醋好香 雲耳夠爽 係最好味既一道）-上海小籠包 （味道都還可以，要夾得小心d，好多湯，個餡包得好散同太濕）-野菌浸白菜仔（分量好多，食左咁多油膩點心食啲菜中和返）賣單大概$200啱啱好可以獲得免費泊車。總括來講，食物一般，但坐得舒服 😌可以慢慢嘆茶P.S. 見到夜晚有任食火鍋 價錢都相宜 有機會可以試

今日1:30左右去酒樓攞位，阿姐同我地講可以等多陣2:00下午茶，點知下午茶原來只係多咗兩個平嘅米粉揀點心都係一貫水準，等嘅時間都唔係好耐,味道幾好，原來今日假期都有八折，三個人食都只係二百幾蚊，都幾抵

上次裝修後第一次光顧，感覺不錯，於是今天特意於早市半價時段再來光顧，但體驗卻是180度改變！店內有大量座位，但門外收銀處店員堅持要我們取票等候負責帶位的員工，其他員工則閣下雙手冷眼旁觀。等候人潮越來越多，但負責帶位的員工遲遲未現身，等了十幾分鐘，終於有人出現叫號帶位，但情況非常混亂，而且半價時即將屆滿，門外顧客亦開始不耐煩。最後等了二十幾分鐘，終於到我們入座，但枱仍未執拾好，有兩壺之前顧客用過的茶水仍未收拾，碗碟也是非常污糟，作為一間連鎖飲食集團，這樣的服務及質素實在不能接受！葱花叉燒刮刮腸，不知為何加入冬菇及芡汁，劃蛇添足。流沙包沒有流沙咸水角炸得很脆，挽回一點分數。馬友雞粒煲仔飯不過不失，但不明為何要去掉菜葉，感覺奇怪。

前身是稻香集團的「迎」，食物選擇不多，而且價格偏貴。上月曾想到此飲茶，以為已結業，原來只是裝修，裝修後改名為「稻坊」，同屬稻香集團，但感覺耳目一新。首先是裝修後加設了卡位設計，私隱度提高，亦坐得頗舒適，另外旁邊的大枱之間亦加了屏風，自成一角。另外新裝修後服務大部分都是自助的，門口沒有帶位要先取票；入座後點了茶，座位旁邊就是自助加水的機器，自助沖茶；然後點菜也是用微訊掃一掃QRcode自助點菜，節省不少人手。食物方便，點心選擇依舊很少，炒粉麵飯的選擇反而不少，如沒有優惠，價格亦偏貴。金銀蒜龍躉球飯午市有半價優惠，但製作需時差不多二十分鐘，份量不少，飯是炒過再蒸，有蛋香，龍躉肉嫩滑，是誠意之作。金錢肚蒸陳村粉金錢肚爽口，醃得入味，陳材粉亦有彈性，不會黏黏糯糯的。順徳煎魚餅最初看到魚餅內的粉紅色以為是加了火腿，感覺怪怪的，但一吃才知原來是一片片的紫薑，頓時覺得很創新，而且感覺頗清爽。

今日同主子朝早黎呢度飲茶, 裝修完第一次幫襯, 由以前做宴會酒席到現在變成飲茶小菜, 一入去感覺好光猛, 由於閒日唔太多人, 所以可以有卡位坐, 為左精簡人手, 現在好多野都自動化, 自己煲水加水已經一大進步, 保證水滾茶靚, 用包裝茶, 方便企理, 落單用wechat(如果冇都幾煩), 我地叫左一個金銀蒜龍躉球飯, 金錢肚同埋順德煎魚餅. 呢度閒日11點前落單, 12點前走, 點心就可以半價.金錢肚下面係陳村粉, 金錢肚味道唔太濃, 不過陳村粉有晒精華味道, 好好味, 煎魚餅感覺都不錯, 有咬口之餘仲好入味, 更特別就係裡面加入紫薑, 食落都幾夾, 最後上既係龍躉飯, 炒飯底, 好香蛋味, 魚汁滲入飯中, 好正,魚就一般, 冇特別, 星期一至五黎食, 半價都抵食. 整體來講, 可以裝修完新開, 比起之前旺場好多

一心試新野，可惜失望而回坐低叫煲仔飯，等左15分鐘就先話無，如果要就要等多50分鐘....叫燒賣、腸粉、蝦餃...好像去飲咁，續樣續樣上菜....叫小龍包、珍珠雞....等大半個鐘先到，仲要在再三催促下才有...好老實，味道唔差，姨姨d服務態度都好，不過唔太肚餓...有時間等得既人先黎....同埋帶小朋友黎記得帶d書俾佢地睇，否則實嘈.....坐低叫左煲仔飯，等左15分鐘職員就先話無，如果要食就要等多50分鐘....叫左燒賣、腸粉、蝦餃...好像去飲咁，續樣續樣上菜....叫小龍包、珍珠雞、椰皇、蘿蔔糕....等左大半個鐘先到，仲要在再三催促下才有...坐左成個鐘都無咩落過肚，好老實，味道唔差，姨姨d服務態度都好，不過唔太肚餓...有時間等得既人先黎....同埋帶小朋友黎記得帶d書俾佢地睇，否則實嘈.....呢篇野就係我等緊時寫的，到而家蘿蔔糕又未黎，椰皇又未黎....🤦🏼‍♀️🤦🏼‍♀️🤦🏼‍♀️

突然打風日子，冇咩準備🤷🏻‍♀️🤷🏻‍♀️🤷🏻‍♀️近近地附近食D野我哋住村🙈 爾戀最近有間稻坊 8號風球照常營業👍🏻兩個人飲茶😋平時都好小飲茶😆難得放個快假🥰🥰🥰呢間稻坊都方便可以有消費泊車優惠👍🏻都幾多優惠下午茶時段😁不過兩個人叫到D咩⋯⋯😅我哋叫左 蝦餃/ 叉燒包/ 灌湯餃/XO醬蘿蔔糕/上湯雜菌時蔬/BB乳鴿 🙈🙈🙈D 野唔得，唔知係唔係唔夠人手定...................蝦餃-皮薄味道一般义燒包-味道還可，但可以熱D灌湯餃-賣相不佳🙈味道都可以XO醬蘿蔔糕-太多油🙈BB乳鴿-最差👎👎👎唔熱好似炸完擺左好內上湯時蔬- 正正常常🙈🙈🙈失望😞

幾個新界區朋友朋友小聚，個個都有渣車，元朗市區難搵位，所以黎左依度打邊爐。148/一位，另加茶錢。飲品有基本汽水可樂，另有解茶、利賓立和韓國蘆薈飲等。甜品有豆腐花同幾款雪條，都算多選擇。肥牛豬肉雖然超級薄切，不過味道不錯。依個價錢包花膠、蠔、蜆，任食黎講性格比吾錯，質素正常。丸類普普通通。菜類選擇少。漏單次數多，十點半會趕人走，侍應少，不過勝在侍應有笑容。鋪內要用qr code 下單，不過店內接收好差。總體黎講，依個價錢質數算合理，可以再黎。

又有壹蚊鷄！2019係即烤鷄, 2人才可有一隻! (記得之前幾年任叫任食, 重可半隻收5毫)今次特登開車去元朗峻巒店試下。有免泊: $100一小時, $200两小時。泊好車要係後門入, 又要行往正門等帶位。6:30即有位當然叫鷄啦… +一籠蝦 +一煲即來2個套...驟眼望下以為係dom dom原來係手套。壹蚊烤雞原隻上, 帶套自己撕, 另有剪刀一把幫下忙。上枱隻鷄係咁, 擺得好肉酸, 好隨便。夠熱, 但以烤好上枱前炸一炸, 因為好油下! 食落一般啦…籠仔蝦 整體可以, 同餐牌個樣落差不大 但係有幾隻好"梅"唔新鮮👇$68 就算囉… 花膠班腩煲就.... 完全两個樣(同相)花膠要好比心機才找到, 班腩夠熱咁囉。味道… 再揀我們去普通茶記食小菜全晚最好味紅豆沙, 不因免費, 只因為要自己裝嘛 (樓面亞姐話佢真係好多野做, 等佢裝要好耐, 可以自助, 每人只能裝一碗。找數$200多D (两位)服務呢… 參考其他食評, 有心準麻麻。當晚實測是咁的: 樓面人手不足, 姐們聲音大左少少咁啦, 不過上菜時間算快！後記: 男人厠所係停車場。峻巒車場泊車比較煩!

今日與兩個朋友嚟爾巒稻坊嘆茶🍽侍應帶我哋坐一邊系梳化的四人枱點了皮蛋瘦肉粥~ 粥底軟綿綿🤗油炸鬼~ 脆卜卜' 剛炸好🤗咸水角~ 熱辣辣皮脆卜卜🤗炸雲吞~ 熱辣辣脆卜卜🤗糯米雞~ 多料' 糯米軟綿綿🤗鮮竹卷~ 腐竹香' 🤗山竹牛肉~ 牛味濃'好味🤗紅棗糕~ 煙煙韌韌勁紅棗味🤗豬腳蛋薑醋~ 豬腳軟度適中 '夠入味環境舒適'質素🤗

830PM後$138/位, 我地7人叫多個雞煲, 雞煲好少料... 話係麻辣但完全唔辣, (雖然岩我食) 雞件好少, 話咁快清哂。我地叫左怨央鍋, 但最尾只來了清湯。我地太餓, 唔理照要左。肥牛每碟得2,3塊, 仲好薄。反而鮮滑牛幾大份, 又新鮮。龍DUN 件有驚喜, 大大舊,算有鮮味, 岩女仔食。白鱔片都多骨, 一般。雞子全部大大粒, 我D FD叫左好多碟....蜆都OK, 雖然唔算鮮甜, 蠔都大大粒。其他材料正常都幾多野飲, 唔止係汽水, 仲有韓國飲品, 仲有好多款雪條。見其他食評話服務差, 果晚D 阿姐有傾有講有笑, 又無乜野WOR。

重陽節假期前夕，諗住近近哋一行7位鄰居去爾巒 滔坊 任食打邊爐雞煲， 由於好多鄰居放工返到爾巒都差不多20:00，故大家約埋20:30 去食，原來20:30 已屬宵夜時段，不設book 位，假期前大家亦都唔介意每位比多$10 收費，一去到就有枱，坐低第一下叫咗個雞煲先，但都等咗15mins 才到，打開見到只有7件雞， 於是即時追落單加雞啦，點知女侍應一接order，已經即係黑面同我講：「仲叫？ 要等好耐架喎！我哋收22:30 吖！」當時只係21:00 唔夠食當然繼續order la，我哋成班人呆等d 雞，由於吉煲等雞，個煲開始有d 燋𤓓味，於是叫侍應嚟加少少湯繼續等雞，但嗰名侍應一嚟到就即刻鏈住個鼻好大聲話：「好臭吖！」之後仲同其他侍應望住我哋張枱竊竊私語，最後21:25 d 雞才到。 21:45 才可以開始打邊爐，食物質素麻麻，d 牛肉薄到透光🤦🏻‍♀️，期間 d 侍應不停行過嚟同我哋講： 「我哋收22:30!」 我哋話我哋知道ga la. 。今時今日這樣既服務態度，唔掛得這食店越來越冷清，再幾平都唔會再嚟幫親受氣。

話說之前見到稻坊推出左安格斯任食自助火鍋,而且呢間8:30後就有特價時段,又有免費泊車,8:30準時到達,見到入面人流不多,大約7-8成入座率,門口亦只有5-6個人等8:30火鍋,開始見到樓面只有4個左右(已經連門口收銀同帶位),等了15分鐘發覺裡面已經有多張吉檯但就冇人叫NUMBER入座,過多一陣問門口收銀,佢又叫你等多陣,最過多10分鐘左右終於有人帶你入去,好啦,寫好晒叫樓面過來接單,一係扮見你唔到一係叫你等等,最後有一個過來見你張紙寫食雞煲.即時叫你唔好食雞煲又話要等好耐又話幾號檯等左20分鐘都未有,嘩!即時火都黎,門口大大隻字寫安格斯任食火鍋(佢下面有好細隻字寫安格斯另外收費),不過其實都預左係用標題取巧啦,冇所謂啦,食物質素方面其實唔差,尢其是海蝦也比較大隻,不過服務態度真係用好差來形容,人手方面亦相當缺,應該唔會再光顧,非常失望(初期新開的時候.小菜做得不錯,服務亦比現在好好多)