稜閣屋 (已結業)

今日第一次來呢度食嘢，點咗一個肉醬溫泉蛋飯，由於跟餐嘅關係仲有小食同甜品。首先，一上黎就忍唔住要食咗個炸蝦天婦羅先啦，應該係即叫即炸，外表炸到金黃色鬆脆，入面嘅蝦肉仍然保持鮮嫩爽口，兩三啖就食晒。跟住就係食埋個豆腐，質地好滑，有種入口即溶嘅感覺。終於入正題啦，溫泉蛋做得好好，無論蛋黃定蛋白都係keep到液體狀，而我係選擇撈埋啲肉醬同啲飯一齊食，就算係咁仍然食得出濃濃嘅蛋味，周圍嘅海苔亦都可以增加味道嘅多樣性。肉醬嘅份量相當多，完全覆蓋曬成個飯，老實講，去到最後食唔晒嘅竟然係肉醬，味道偏鹹，送飯還可以。最後食埋個煙煙韌韌嘅甜品，算係十分完整嘅一餐啦。

今日試左個肉醬溫泉蛋飯同鰻魚炒飯，整體黎講味道唔錯個肉醬溫泉蛋飯嘅份量出乎意料地多，我覺得2個人食都無問題肉醬多，加埋溫泉蛋，再撈埋d飯一齊食，真係一流不過食到尾開始覺得有少少膩。而個鰻魚炒飯就有少少失望鰻魚切得太細，口感麻麻，而且偏甜，不過份量適中，唔會太多唔會太少，所以覺得膩之前就應該會食完。兩個飯總結都算唔錯，呢間店嘅米飯好香口，彌補左唔少不足。而且價錢都算公道，下次會試下個芝士火鍋。ps：凍豆腐配芝麻醬真係好好味

今日約左一大班朋友。我地一早已有共識要打邊爐。本身選擇就唔系呢間嘅，不過個到冇位就黎左呢度啦！我地都比較多人，但估唔到咁好彩，等左一陣就入得！入到去坐低，我地都揀好自己要嘅野。我就揀左呢個鍋。而我揀嘅肉系牛肉。另外仲有豚肉揀嫁！而另一個就揀左芝士湯底。開頭以為會好重芝士，我系絕對接受唔到好重芝士味。但發現唔係嫁，唔會好濃郁嘅芝士味，即係食完都唔會好濟！不過，我試下個湯底，其實有少少鹹。兩種味道都一樣系偏鹹。另外，因為店鋪比較忙，等食物黎嘅時間都比較長。個火鍋黎到嘅時候，有少少失望，因為覺得好少材料，有娃娃菜、芝士竹輪（1粒）、蟹柳（2條）、南瓜、栗米、豆腐......另外，呢個set就配埋牛肉嘅，另一個平少少就唔配。不過啲牛肉我覺得其實唔多夠。。雖然食完後都有飽肚感。。但唔夠滿足。（左上角有一個碗仔，入面系拉麵黎嫁！）另外，系可以加野飲，不過要比錢，而且佢原本已經有一杯茶，我地都冇加到！

一聽芝士火鍋就覺得係好高級好貴咁，但哩間就打破你既概念，一個鍋都係$69，份量足夠 食到你飽先講個湯，雖然望落係稀身既湯唔似係稠既溶左既芝士，但味道濃郁，拍得上高級芝士火鍋咖，重有得加湯添到火鍋料啦，鍋入面有菜、芝士竹輪、蟹棒、冬菇、南瓜、金菇⋯⋯靜係哩到都飽左一半，加上一個餐有得揀一碟豬肉／牛肉，重有一碗仔拉麵（雖然拉麵有少少淋）～但食完真係好滿足跟餐可以半價叫一杯飲品，今次叫左巨峰梳打特飲，一杯份量岩岩好，不過味道普通，提子汽水咁總括黎講，哩間店既芝士火鍋值得推介，價錢又親民，鐘意芝士既一定要去食啦！

難得星期日 傻蛋話想出去其實佢想出去行supermarket🤷🏻‍♀️行下行下去左淘大🙆🏻其實我捻係佢今晚唔想煮🙇🏻‍♀️本來話想食吉野家既🙍🏻但係無奈實在太多人😞唯有再出去搵下有咩食😯行下行下 就見到呢間野都有得打邊爐🤤好想食🤤🤤🤤（愈食唔到愈想食）等左大約5分鐘就可以入去啦坐低研究左一陣決定叫個$163二人餐可以簡兩個鍋 兩個飲品 一個小食送兩個沙律我地加$10轉左個芝士鍋☺️芝士鍋跟4片牛肉有跟個迷你拉麵比個個味增鍋多左兩舊麻糬丸同芝士丸個湯底其實唔多似芝士味 似牛奶味😯甜甜地 我個人食得好唔慣 覺得有啲怪🙇🏻‍♀️好似啲咸既熱食 碌完甜甜地 感覺唔多好😖迷你什果沙律夠凍😍有粟米蘋果菠蘿椰果咁☺️好正路既味道味增鍋跟4片牛有跟個迷你拉麵其實係好似吉野家個鍋只不過個湯底無咩得別 好淡味唔算好食吉野家好食啲☹️我地小食簡左個炸魷魚鬚不過太遲先上菜所以冇影到😄個魷魚鬚係好食嘅👍🏻👍🏻👍🏻汽水就係普通嘅罐裝汽水可以加錢轉特飲星期日食晚餐基本上人太多冇乜選擇除非好早食或者好早去排隊不過呢間嘢食張枱真係好細基本上擺完個鍋之後已經冇位擺其他嘢😖連一個碗嘅位都容納唔到我同傻蛋都係全程拎住個碗嚟食🤷🏻‍♀️另外

兩年前同朋友黎試過呢間餐廳，印象中呢間餐廳嘅芝士火鍋幾好食，於是今晚就再黎回味一下。火鍋價錢親民呢款火鍋應該係近日推出嘅主打火鍋，由於我本身已經係公司食咗嘢唔算肚餓，於是兩個人只係點左一個火鍋share。火鍋包含嘅食材算豐富，有粟米、蜆肉、竹輪、蕃茄、娃娃菜、豆腐、煙三文魚及竽絲等等。另外火鍋當然唔少得嘅係一份牛肉。分量唔算多，但如果一個人食嘅話絕對足夠。另外追加嘅芝士丸以及豆腐，可惜豆腐少得可憐。埋單$140，價錢不過不失。

去完郵輪碼頭hea，又去完Mega Box行街，跟住要醫肚，本來諗住去大阪王將，可惜唔知响邊，但路經見到呢間幾多人排隊兼有日式炒麵，仲要價錢貼地，香港區無分店，一於試試佢。芝士餃子(5隻) $35超難食，點解餃子面有茄汁！點解餃子皮咁淋！點解d餡咁奇怪…日式炒Champon $57鍾意食Sogo樓下間匠工房秀吉既炒麵，呢間水準都唔差，有蝦有蟹柳有椰菜超多料又大碟，一人火鍋以外既選擇日式咖哩炸雞飯 $57炸雞炸得又香又脆，有4大件，飯係用上珍珠米，粒粒飽滿，而咖哩就咸咗少少，連飯一齊食就ok唔覺咸既汽水 $12二人共消費: $161

係正戲院對面又有位捨佢其誰呢！又未食過呢。一睇就知係日式，見幾枱叫火煱，但唔想太飽，免得睇戲時飯氣攻心。都好多選擇：求其叫左一個野菜海鮮麵（雙重味），同咖哩炸蝦套餐（好似好抵食有前菜凍豆腐，蕃薯仔，紅豆甜品，仲包飲嘢，都係60文。都應該唔會太大啦。啱哂今日狀態。）估唔到份量都好足。。。。野菜麵真係好多野菜，多到好難揾到蝦仁。服務員好快手咁放低，麵同兩樽不知明液體？？？閃左。。轉頭捉住問：（樽身係冇字解釋。服務員稍作研究）“哦！一樽係柚子味汁，另，一樽。。。“咁點用？放落湯？“係呀。好味㗎“哦！（應該係薑味）咖哩芝士炸蝦餐，俾想像中多（多飯），有拉司效果。但炸得過火了。咖哩味此終不及某日式咖哩飯店。裝修都有特色，一邊日本和紙圖案，另一邊，英文書牆紙（什麼Alexander..., King Arthur ...）只可算係不過不失的食店。$130埋單。仲食唔哂添。

好耐無去哩度食lunch 今日嚟下幫襯下先 店內唔係好多人 所以係唔洗等位嘅 嘿嘿 午餐有幾款選擇架 最後都係揀左F餐 日式滑蛋吉烈炸蝦丼😍😍🥚🍤🍚真係好吸引呀 份量好多 真係食唔哂🙈🐷講下味道先 滑蛋超級滑呀 炸蝦有四條 都炸得好脆啫😋😁連蝦殼都可以食埋✌🏽✌🏽滑蛋嘅份量係佈滿哂成碗飯架 啲汁都好好味 撈埋飯一齊食 會不知不覺食左好多 哈哈 飯粒口感適中 仲有好幾大條嘅洋䓤 爽口嘅😬😬 午餐有飲品送 或者加錢轉其他飲品。

芝士火煱有芝士味炸雞有非常香嘅咖哩味火煱裏面D料好多D梳打特飲好正價錢ok餐牌好多不同種類嘅日式小食衛生吾錯服務好好環境質素非常之好琴日第一次食已經令我刻骨銘心大家真係要試下幾咁好食

肉絲炒麵、排骨炒麵，一直都是我的至愛。為了身體健康，已久未品嚐了。經過此店，發現了稍為健康的替代品，長崎香脆麵，很能解饞。不知是用何種烹調方法，整個麵餅非常脆，但吃下去的感覺是不油，狀似不經油炸。麵條很幼，輕飄飄的，口感不及傳統的中式炒麵。獻汁很足夠，拌一下，每條麵線都可沾到汁。其稍為健康之處是，肉絲、排骨，換成了大量的蔬菜和日式海鮮，肥膩度大減。想是為了提高CP值，賣好一點價錢，硬生生地配了兩顆蝦仁作點綴。

個晚凍凍地，同男友行咗陣就決定黎食 shabu shabu。 同男友一人一鍋，一個叫牛，一個叫咗豚肉，份量好多，有好多菜仲有一碗小烏冬。 夜晚食都只係$60到，非常抵食!!!!!!! 7點未到又唔洗等位，配料好足，呢個價錢配呢個質素，ok 啦，係呢區晚市可以唔洗$70 落樓又食得飽，仲想點喎。豚肉半肥瘦，薄薄地好快熟，再放埋烏冬落去滾兩滾，加埋味僧湯同少少麻醬，飽到我要捧住個肚走個鍋入面係有超多娃娃菜，索埋d 湯，真係食菜都食飽!!!

睇完戲去淘大搵食，係門口望個餐牌 又望下裡面，個裝修幾舒服咁 ，就入左去坐！ 天氣好凍， 所以揀左食火鍋，叫左一個味噌火鍋，D料新鮮，牛肉雖然得幾塊， 但勝在好味，有相睇最正係跟拉麵底😍😍 比老吉貴少少都抵食wo！平時成日食老吉， 食完呢個，會想多D黎呢度食！可惜分店唔多！好鬼鍾意佢D畫同有得掛衫，  成間舖頭俾人感覺好清好舒服！原來  佢地耐唔耐會轉下主題  今次係山系水系😙  所以連舖頭嘅擺設都會轉一轉 ， D畫真係好靚🤓 我除左食嘢 就係不斷望D畫同相。

前排都成日去淘大，因為有間精品小店我好鍾意行，但最近睇Facebook見到佢就嚟唔做了。所以趁有時間再去買野，順便喺淘大食個Lunch。見冇乜人排隊，就入咗呢間餐廳食。（之前夜晚經過見到佢好多人所以冇食過）點咗長崎香脆麵，睇落有d似肉絲炒麵，但咁啱係食香口嘢嘅心情～所以唔緊要啦～食落又有啲唔同wor，麵條比較幼身，同埋炸得比較鬆，唔似茶餐廳d肉絲炒麵咁實一實一大餅，長崎香脆麵食落真係比較香脆。芡汁方面，肉絲炒麵係芽菜肉絲，而呢度除咗芽菜，仲有椰菜、洋蔥、枝豆、魚板、蝦仁等等，菜多又有蝦，足料又健康。平時午餐食呢間都唔錯bor~

今晚一家三口大約8點到咗門囗拎籌，地方不是太大，都要等咗三十分鐘才有位！例牌都是叫個二人餐再加一個散叫芝士火鍋！前後叫咗兩個豚肉，一個牛肉，但碟牛肉個脂肪比例，有少少嚇人，同侍應講可否換個一碟，她話沒有問題，請稍候一下！不用一分鐘就換上另一碟牛肉，可以接受！但不知是否店內的雪櫃溫度極低，無論肉類同丸類都過分雪得比較硬！但無所謂啦，還掂係食火鍋，淥多陣都冇問題！芝士鍋底就好香，有濃濃的芝士香味！套餐有跟沙律，生果都幾新鮮，幾爽口，最重要係冇出水，掂！小食選擇了炸魷魚鬚，但略炸過了火喉！還有兩罐汔水！