秘 (偉晴街) (已搬遷) 新店位置

見到公司附近有間燒肉 就諗住同同事去try下自己燒可以自己調節生熟程度😋我係食吉列牛覺得都幾好味 有驚喜肥瘦均勻 而且有埋吉列 外圍都幾脆份量都好夠 包埋汽水而我同事就係食黑松露吉列牛我都試左一件就覺得冇乜特別 冇乜黑松露味 但係就要貴40蚊我會prefer食吉列牛比較好不過有樣野唔好既就係佢個鐵板都幾彈油彈到d手機同袋都好油甘同埋冇紙圍裙俾客人 搞到彈到周圍都係依d都係可以改善既地方而雞翼就炸得幾脆卜卜幾有口感又唔會話好油甘 幾好食

食物無問題，唔難食。三個人叫左3個午餐，埋單$394.本來都正正常常，係冇乜通風抽氣系統，食完成個人都係油煙味。食物叫左吉列牛同安格斯牛，味道正常。以前喺大阪食過一次同類食物，冇得比，牛冇牛味靠醬汁搭救。入坐時冇提過，未食完就匆匆忙忙係咁問你食完未收嘢，仲遞埋張單趕人走，話用餐50-60分鐘（咁啫係50定60分鐘？），請埋單還枱。睇返我地由入座起計坐左45分鐘，跟餐飲品都未叫，就趕人埋單，要人拎走飲。人均$132。冇下次，唔值，唔推薦，好食嘅餐廳有好多好好嘅選擇。

星期二晚，兩個人7點嚟呢間食飯都係等左幾分鐘炸，不過再遲啲可能就排長龍🤣想食就要早啲出門口啦👀板燒吉列牛真係好好食，肉質唔錯唔會多筋😌肥瘦度適中👍🏻燒汁可以濃味啲🤔個清湯係難飲既，又無乜味咁，除咗個飯素之外無乜需要比加定食嘅錢🤣吉列豚肉都好食，不過有啲肥，因為加埋啲好jeng既芝士食真係好邪惡🤣😍😍其實都有啲逼同埋唔會坐得耐，不過個牛係值得一試嘅👍🏻同埋好似淨係收cash同fps👀

平時好出佐敦 但係有朋友介紹呢間吉列牛好出名嘅日本餐廳 所以就去試吓 呢間餐廳感覺都幾特別 因為可以比客人自己煎下啲唔吉烈牛🐂呢種諗法都算新穎嘅 唔怪之得吸引咗咁多食客去排隊啦🤓板燒吉列牛定食($128)套餐仲會有飯同埋糖心蛋🥚生熟程度啱啱好仲有少少流心 而吉列牛輕輕咁樣煎10秒左右就可以啦 口感都算嫩滑 肉質幾香🤤油脂分布平均但係食落去個牛味就唔算太突出 正正常常咁樣起碼對得起個價錢👍🏻係可接受範圍之內總括而言：牛肉份量幾多 性價比算高 加上職員服務態度良好 主動幫客人換火種 呢一點係值得讚賞嘅 都會推介各位朋友去食👍🏻

自從今個端午節食完之後，一直都想再去食多次，唸住返工日子去食應該唔會好似假期咁多人排隊，所以就揾左一日收工去食，點知條隊勁長加上落緊毛毛雨，最後都係放棄求其食其他野填飽個肚算了。板燒吉列牛☕💰108可加配晚市定食💰38（飯素，楓糖流心蛋，櫻花昆布湯）🔸選用美國安格斯牛肉，燒到10成熟牛肉一樣嫩滑，牛味濃郁🔸牛脂分佈均勻，不油膩🔸牛肉外層蘸上薄薄的麵包糠🔸牛肉份量多，性價比高‼️餐廳座位有限，需長期排隊等候‼️不用加一服務費🙂員工細心，服務質素佳，例如會留意火夠唔夠大🙂排隊等候時會揀好食物，入座時便有食物上臺🤔店舖通風系統一般

最近到訪了超人氣的吉列牛專門店，佐敦分店位置比較迫，幸好晚飯時間只等了大約10分鐘～▲ 板燒吉列牛($108) + 晚市加配定食($38)吉列牛的粉漿剛剛好，不會太厚，只需在熱石板上每面各烤十數秒便可享用。烤到吉列金黃，帶點脆脆既口感，雖然有少許筋，但依然簡單好味～性價比高！而且是良心黃店，必定會回頭🤗

點樣食推介✨💛人氣jajaja吉利牛💛💛佐敦黃店💛秘地址：佐敦偉晴街11號地下🍖板燒吉利牛 +晚市定食 $108+$38 (7.5/10)開頭冇睇清楚定食原來只係多左個溏心蛋、昆布湯、同埋飯素，下次黎應該都唔會加🙈，因為依三樣嘢都冇咩特別🤣，溏心蛋唔差，但個湯真心冇咩味，而飯素都係普通嘅飯素🙈店家好貼心咁放左一大舊牛脂肪係板度俾你燒，絕對唔怕燒燶d牛，有d自己燒真係好好玩🤣，聽到d jajaja嘅聲真係好開心，大家可以自己調節吉利牛嘅熟度，我通常每邊燒30秒就會即刻食🤣🤣，d牛本身外皮已經好脆，咬落裏面又夠柔軟，淨係偶爾1，2舊有筋，唔錯唔錯👍🏻 超快就ko曬d牛，大滿足🤰佢d野食唔錯，不過我真係麻麻地餐廳環境🙈，雖然黎依度都預左會成身臭曬，但食食下全個場會煙霧瀰漫，通風明顯做得唔夠好，我係有少少焗親😖，見到d店員都有d擔心佢地嘅肺部健康，做得耐應該會有職業傷害🤧回頭指數: 🍧🍧🍧(滿分:🍧🍧🍧🍧🍧)好坐指數: 🧎🏻‍♀️🧎🏻‍♀️🧎🏻‍♀️️(滿分:🧎🏻‍♀️🧎🏻‍♀️🧎🏻‍♀️🧎🏻‍♀️🧎🏻‍♀️)想黎依度食建議趁店家開門前黎排隊，我個日咁啱早黎，就可以食到第一輪，但我留意到每一枱都食到好急，搞到我

原本睇圖覺得分量都幾充足 但係實物係偏薄同少，果然在人在江湖 身不由己 覺得上騙了 食左個復 而且湯都偏淡 味蕾感受唔好刺激 爆炸的感覺 冷氣不足 比較焗D 服務態度一般 仲不如食個鮮芋仙 原本睇圖覺得分量都幾充足 但係實物係偏薄同少，果然在人在江湖 身不由己 覺得上騙了 食左個復 而且湯都偏淡 味蕾感受唔好刺激 爆炸的感覺 冷氣不足 比較焗D 服務態度一般 仲不如食個鮮芋仙 原本睇圖覺得分量都幾充足 但係實物係偏薄同少，果然在人在江湖 身不由己 覺得上騙了 食左個復 而且湯都偏淡 味蕾感受唔好刺激 爆炸的感覺 冷氣不足 比較焗D 服務態度一般 仲不如食個鮮芋仙

-Bookmark左好耐好耐嘅餐廳🍴會encore 的餐廳😋趁著假期終於去食啦！知道依間餐廳多人排隊🥲所以特登一開門就去食～果然岩岩開門(12點），係門口等左唔夠10分鐘就食到😆（想食但又唔想排隊，可以食早場🤩）-板燒吉列牛🐮 （$108）只要加$20 就可以午市定食（配秘之飯素和楓糖流心蛋）有15片薄薄的吉列牛👅輕輕夾起一片再放上去燒一陣就可以食✌🏻牛肉味濃，口感嫩滑🙌🏻外脆內軟☺️口感豐富😎煎香後可以蘸醬汁，不過個人覺得不用蘸醬汁直接食都已經好好味╰(*´︶`*)╯♡好吸引😝配埋加了飯素的白飯一齊食👍🏻仲有好好味的流心蛋，見到都流曬口水🤤真係好快就食曬成個SET٩(^‿^)۶-板燒安格斯牛🐮 （$118）只要加$20 就可以午市定食（配秘之飯素和楓糖流心蛋🥚）足足有14片薄薄的安格斯牛🤩同樣都好好食☺️不過食到好少少筋😌牛味都濃，又惹味(*´∇｀*)-以依家價錢食到咁嘅質素板燒吉列牛都好抵食🥰PS 燒肉果陣要小心，好易彈油同彈到周圍都係，枱面都偏油🥲不收加一服務費😀餐廳只收現金💰-除左佐敦，荃灣同元朗都有分店😎-Name🏠:：秘 (偉晴街)  Location📌: 佐敦偉晴街11號地下

自從喺台灣食過一次吉列牛之後就一直都好想再食有朋友話香港都有吉列牛所以就搵咗一日晏晝一齊去食餐牌設計算係咁啦不過揭起上嚟，有啲油淋淋⋯個餐我有加錢要埋飯素 同埋糖心蛋但係我覺得唔要仲好因為淨係食牛肉同埋飯已經好飽同埋個飯素會搶咗牛肉嘅風頭牛肉嘅近照油花分布尚算平均同我一齊嘅朋友食咗原味我就食黑松露呢隻個人認為黑松露呢隻好食好多每個餐都會附送一舊牛油俾你熱一熱舊石先開始燒逐件慢慢燒一路燒一路同朋友傾偈都幾好*食吉列牛件衫係一定會彈到油油煙都好勁所以奉勸大家唔好着啲好吸味既衫去*同埋我朋友話冇得book位12:30已經坐到爆場唔想排隊嘅話大家就早少少去

一講起吉列牛，依間秘都係數一數二出名。好耐之前已經知道依間餐廳，亦都聽過身邊朋友讚好食，最近終於有機會可以親身試下。今次同朋友揀咗佐敦店，週末12點半嚟到，已經見到餐廳出面有人排隊。佢間舖裡面其實都算頗細，而且檯之間嘅空間都唔大，都係大概坐20人左右，我地差唔多要等咗半個鐘先有得入去食。因為之前未食過吉列牛，第一次嚟都係諗住食翻最經典嗰款，板燒吉列牛($108)再加配午市定食($20)有飯素同溏心蛋。一嚟到佢嘅賣相都非常吸引。牛嘅份量頗多，擺上個爐燒一燒好快就熟，再沾埋佢嘅醬汁配飯食非常惹味，而且加埋飯素撈飯一流。佢啲牛食落其實幾淋，而且香口得嚟又唔會過於油膩，食完終於明白點解咁多人讚不絕口。依個價錢我覺得cp值簡直超高，食完之後已經好想第日再嚟encore。另外朋友叫左款燒黑松露吉列牛，比普通嗰款貴$40，其實睇落係差唔多只係外皮加咗黑松露，而且我同朋友都一致覺得佢嘅黑松露味道唔係咁突出，所以下次都未必會再叫依款，因為分別其實唔太大😂

服務態度其差，又唔係特別好食天氣甘熱，要企係條街度等唔值得排，d店員安排差明明有4人既位，比2人入先（排個2人前面），天氣甘熱，要人一直等Anyway 無下次，吉列牛唔係特別好食，想貼錢買難受可以一試

今日放工之後同朋友一齊去咗呢間良心小店食吉列牛，已經係第二次食喇，味道一如既往係咁好味😋排隊入座嘅時候已經有侍應叫你揀嘢食，坐低入到去唔使5分鐘就有成set吉列牛放咗喺你面前🤤根據以往經驗，啲吉列牛燒得越耐就越諗越好食，再點少少佢嘅秘製醬汁撈埋有飯幸嘅珍珠米食，真係一流呀！因為實在太多人食喇，排隊比較耐，同埋店舖環境好細，如果想食就記得早啲去排隊。總括來講，呢間吉列牛嘅性價比好高，價錢唔貴得來，質素又有一定嘅保證！

「秘」係一間轉食吉列牛既舖頭無論午市定係晚市都會排長龍今日晚市 around 6點半開始等等咗半個鐘到就有得食.日本薑啤ginger bear 🍹比平時飲開嘅澳洲薑啤薑味重啲同埋有啲薑嘅辣係到.柚子味梳打 🍸都幾好味板燒吉列牛 $108 🐂🐂🐂🐂🐂🥩🥩🥩午市定食 +$20晚市定食 +$38定食包 飯、昆布湯、糖心蛋一隻.全部野都好食唯獨個昆布湯無味😂不過個通風系統有啲差 冷氣唔係好夠食完會好大陣吉列牛味🤣🤣🤣🤣所以都唔會坐得耐.味道 ⭐️⭐️⭐️⭐️⭐️CP值極 ⭐️⭐️⭐️⭐️⭐️.秘 (偉晴街) (佐敦)佐敦偉晴街11號地下.#吉列牛 #板燒吉列牛 #秘 #偉晴街 #佐敦美食 #佐敦黃店 #佐敦好去處

已經第二次嚟食秘 @secretchefshk ，𝘄𝗲𝗲𝗸𝗱𝗮𝘆𝘀夜晚6:30到就唔使等位( ˘ ³˘)♥︎呢度除咗吉列牛好食之外，之前都食過鰻魚飯，性價比都好高，好好食！ღ 板燒吉列牛 $𝟭𝟬𝟴 + $𝟮𝟬套餐套餐會有溏心蛋同飯素，溏心蛋生熟程度啱啱好！輕輕燒15到20秒就可以，口感去到話入口即溶，但都算嫩滑，牛味香濃，絕對對得住價錢。╰┈➤ 𝘁𝗮𝘀𝘁𝗲: 𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴.𝟱/𝟭𝟬ღ 秘 • 燒黑松露吉列牛 $𝟭𝟰𝟴 + $𝟮𝟬套餐外層吉列脆皮係黑松露麵包糠，好香好香，但會有少少蓋過本身嘅肉味。牛肉油脂分布平均，口感同樣嫩滑～╰┈➤ 𝘁𝗮𝘀𝘁𝗲: 𝟳.𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴/𝟭𝟬秘✵ 𝒍𝒐𝒄𝒂𝒕𝒊𝒐𝒏 • 𝒆𝒏𝒗𝒊𝒓𝒐𝒏𝒎𝒆𝒏𝒕 𝟳.𝟴/𝟭𝟬╰┈➤ 📍#BELLYwongs_jordan #BELLYwongs_tsuenwan #BELLYwongs_yuenlong✵ 𝒄𝒖𝒊𝒔𝒊𝒏𝒆 • 𝒇𝒐𝒐𝒅 𝟴/𝟭𝟬╰┈➤ #BELLYwongs_japanese #BELLYwongs_meats✵ 𝒑𝒓𝒊𝒄𝒆 𝒓𝒂𝒏𝒈𝒆 • 𝒂𝒇𝒇𝒐𝒓𝒅𝒂𝒃𝒊𝒍𝒊𝒕𝒚 𝟳