秘 (偉晴街) (已搬遷) 新店位置

好掛住日本🇯🇵 第二次黎佐敦食呢間日本隱世小店🧡 .板燒安格斯牛 ($118) [😋9.2/10] 🌟牛味好濃!! 油脂分佈平均 紋理好靚 肉質好嫩 燒完好多肉汁流出黎 食落好香 每塊都好有厚度🥰秘·燒黑松露吉列牛 ($148) [😋8.2/10] 加配定食: 秘之飯素 楓糖流心蛋 櫻花昆布湯 (+$38)炸得夠酥脆 食落亦唔會太油膩 麵包糠唔會太多 所以炸粉厚度啱啱好 牛亦夠淋夠嫩 略嫌黑松露味唔夠出 可能食原味好啲 牛肉亦無安格斯牛嗰個咁濃 不過會厚身啲 兩個性價比亦好高🤤 飯素好多 撈飯一流! 流心蛋生熟程度亦控制得好好 不過楓糖味唔係好出 昆布湯好清 解下油膩都唔錯架秘風塘軟殼蟹 ($78) [😋8.5/10] 炸得好香口 炸粉唔會太厚而且一咬開好juicy! 仲有蟹膏!! 但有少少鹹!.好高質好好食既吉列牛同埋板燒牛肉🤩 份量好多性價比好高 店員服務亦好好 會不斷留意個火夠唔夠😌 平日夜晚都好多人架 絕對會再食呢間😚—————————————————————😋 味道評分: 8.6/10 🥳環境評分: 6.7/10🤑性價比: 8.1/10🤩回頭度: 8.8/10————————

去佐敦lunch都好多選擇，知道附近有間主打燒牛肉叫🦬所以來試試，雖然地點唔係好就腳，但都多人幫襯，我等咗15分鐘就有位，一入到店內已經好大陣油燒味😬我見好多人都叫吉列牛🦬但我見到黑松露吉列牛又好吸引😋所以叫了黑松露定食$148,午餐加$20就有埋秘之飯素🍚同埋流心蛋🥚好似好多😆牛肉外層彩用黑松露再加麵包糠，炸到酥脆外層加上好濃既黑松露😋味道好獨特👍🍚秘之飯素👍飯好軟熟🥚流心蛋好滑午餐來講份量算多👍價錢都合理

網上好評睇得多，今日親身一試。結果不過不失。可能係平日，唔洗等。但係千萬不要同日本比，真係兩回事。但係以一百蚊多啲嘅價位，絕對可以一試，止吓癮又夠好啦食物方面，隻牛一般。服務方面就唔錯，好勤力

其實呢到既食物質素係唔錯，而且食物黎得都好快，但侍應態度就超差。點解我會話侍應態度差呢： 事緣我叫左燒安格斯牛既定食，侍應拎食物黎果陣甩手，將碗熱湯倒落我左手到。 當時個侍應冇道歉，反而係白眼我再轉手拎盒紙巾放去枱到， 再同我講“ 比盒紙巾你抹啦”， 之後就即刻行開返去廚房果邊同啲同事吹水。之後我都算啦， 當冇事發生。 但食食下野中途， 個侍應要黎加火， 我隻手仲揸住筷子係塊板上面燒肉，佢講都冇講就用鉗夾起塊板黎加火。 哇大佬呀， 好危險喎 ，仲要我舊肉仲係板上面比個鉗夾左下，點食呀...個待應我就唔知咩樣，淨係記得係個黑髮既阿姐... 老細唔該，如果你睇到個食評既話教下啲伙記啦....

難得Happy Friday, 決定同同事食餐好嘅開心一下😝搵左呢間隱世吉列牛Lunch 時間嚟到食唔多人，好快就入到去食😋我地叫左吉列牛同安格斯牛，轉定食（素飯，流心蛋同汽水）加20蚊👍🏻🥢鐵板吉列牛牛肉排得好整齊，吉列牛個外皮好鬆脆，炸皮同肉就算燒完都唔會分開，每舊牛肉油脂分部好平均，同埋都用黑椒同鹽醃過，燒落去更可香口，不過個人覺得咸左dd 🥢鐵板安格斯牛安格斯牛比吉列牛牛味更重😋油脂分部都一樣係咁正，啲牛亦都係用黑椒同鹽醃，佢冇吉列牛果種炸過嘅油味，更加食得出牛味，真係無得頂👍🏻👍🏻💡個人覺得安格斯牛更食得到牛味同無油味，所以覺得比吉列牛勁好食，而且價錢又唔貴，下次會再嚟食過🥰

3個同事約出去食lunch, 行到公司後面街, 見到秘唔使排隊, 快快趣走入去霸位三個人 每人叫一個唔同款板燒吉列牛 店裡最多人叫呢一款分量唔細 但肉質有啲韌 又冇咩味牛肉野菜鍋 湯底好濃 牛肉好淋 推薦芝士吉列豚肉 厚切但口感唔會鞋芝士醬好惹味 送飯一流推薦呢間店舖 有個缺點 通風系統唔好食完飯 成身都係油煙味

呢間餐廳無得book，只可以walk-in，所以大約7點晚飯時間嚟等位，門口塞滿人，個女侍應好勤力又爽快，派飛、登記、叫我哋量體溫同叫定嘢食，然後一入座等咗五分鐘就有嘢食，好開心。位置好逼、環境雖然靚但好多油煙味，食完食陣味，燒肉過程仲不斷彈油。不過吉列牛定食真係好好味，有湯有流心蛋有椰絲有配飯素的白飯，個牛可以根據自己的想法去燒幾成熟，點埋個醬食，超入味昆布湯就無味，一條昆布都見唔到不過個牛同流心蛋好好味，價錢又實惠，有機會經過附近會再食！

🥩 板燒吉列牛 （價錢： $108）～ 轉午市套餐+ $20 （包飯素及糖心蛋）評分： 4/5依度既吉列牛係一邊用熱石板燒🔥，一邊食，同上次系日本食既食法唔同，每片牛肉都有用鹽🧂同黑椒醃過，厚度適中，令燒過既吉列牛既牛味更濃郁，而且炸皮唔會同牛肉分離，炸過既吉列牛亦比一般牛肉更多一層口感🥰，無得敵呀👍🏻，推介大家黎試！🥩 板燒安格斯牛 （價錢： $118）～ 轉午市套餐+ $20 （包飯素及糖心蛋）評分： 3.5/5安格斯牛既牛味頗濃，同樣用左鹽同黑椒醃過，石板燒將牛既油脂迫出黎，牛肉香口嫩滑🤩，唔點醬汁已經好夠味，但相對之下，小編覺得吉列牛比較特別，所以會推介大家試吉列牛。🌟 午市轉套餐加$20就有飯素同糖心蛋，都幾抵食，飯素滿滿咁蓋系白飯上，小編幾乎食曬成碗飯🤣，而且糖心蛋🥚有完整一隻，可惜唔太流心，但勝在味道香甜，鍾意❤️糖心蛋既朋友仔可以試試😋。————————————————————————🐷 整體食物： 3.75/5🐷 環境：3/5🐷 可達度： 4/5

秘 - 呢間曾經存在於角落的神秘餐廳今時今日佢嘅吉列牛高質到已經眾所周知💗成日都有條人龍係餐廳門口🥲-其實香港都有唔少板燒吉列牛但論質素同價錢「秘」係我最愛的💕-板燒吉列牛 $108秘·燒黑松露吉列牛 $148定食（飯配飯素😋、流心蛋🤗）+20 (午市）-「秘」的吉列牛肉質鮮嫩脂肪分佈平均🙌🏻厚薄大小剛好可以一啖一塊🥰如果煎熟一啲🔥牛肉的鮮香味更出但又不失肉汁🤤配合埋外層的鬆脆口感更豐富😋重點係吉列牛嘅外層唔會因為煎煮而甩皮甩骨（呢樣好緊要！-秘燒黑松露吉列牛鮮嫩帶啲松露香～ 唔錯但仍然最愛板燒吉列牛可以食到鮮香牛肉的原汁原味💞-不過店內熱鬧時油煙會較大（抽氣系統唔好🙈有人一入餐廳就嫌棄（驚臭住返工🤭但最終被美食征服🤣

上星期日本身諗住一家人一齊去試吓依間日本嘢，價錢公道，仲要係食靚牛，我點會錯過啊！點知食吾到，唯有今日早點黎試，避開收工時間都要排10分鐘😳入面已經爆左場系門口排隊侍應已經俾餐牌你揀好食物，坐低無耐就有野食🤤嗌左秘燒黑松露吉列牛，板燒安格斯牛，秘風塘軟殼蟹，蒲燒原條鰻魚飯我哋全部冇嗌到定食餐，原來冇定食餐都已經配左一碗白飯，定食餐就要加$38會多咗一隻糖心蛋同埋紫菜飯仲有一個湯，第一次去唔知已經配左白飯，傻更更仲叫咗個鰻魚飯，結果鰻魚飯係郁都冇郁過打包拎走左😂😂黑松露吉列牛真系好正，入口軟外面又脆又鬆化，口感系滿分💯，平均燒30秒-1分鐘就食得，5成熟左右剛剛好不過有點小失望既系牛味太重太香，完全無黑松露味🥲，所以我個人覺得揀普通吉列牛就夠，吾洗加多$40食黑松露！板燒安格斯牛都好好食，但前題系吾好同時揀吉列牛系列，對比太明顯，會覺得吉列出色太多！驚太熱氣可以揀依款🤭秘風塘軟殼蟹就真系有d失望，蟹吾系完全酥脆，亦都吾系太入味，可能炸粉吾夠，味道都吾夠蒲燒鰻魚飯都系個d味架拉，不過不失，但都幾大份好抵食下，但難本上一個牛餐都夠食，除非你系大胃王拉😆 總結餐廳抽風系統再完善d會仲好，因為食

bookmark咗好耐好耐 終於試😝假日6點去秘拎飛 店員叫我地睇定食咩好快5分鐘有枱 落定單喺門口再等一等入去即刻送上吉列牛 價錢 $108起 包白飯可以加$38轉定食 落咗飯素嘅飯 溏心蛋 昆布湯好抵食 仲要唔洗加一選用美國安格斯牛 加上薄薄一層麵包糠我食黑松露吉列牛 個味幾夾牛味就無原味咁出 食落易咬 唔會多筋雞翼4隻 超級脆！ 青提梳打都好好飲👍🏻餐廳入面都幾大油煙 一路燒一路彈到成枱油唔食吉列牛的話 都有其他選擇牛肉野菜鍋 吉列豚肉 鰻魚飯.板燒吉列牛 $108黑松露吉列牛 $148手羽先 $48青提汽水 $26

一直都book mark咗呢間秘好耐，但由於位置比較偏僻，所以一直都未有專登過黎食。早幾日約咗朋友食晚飯，佢話想食日本野，最尾就決定咗黎食晚飯喇！！秘晚市係5點半開始，我哋5點50分左右到，唔洗排隊，好好彩呀，因為之前有朋友食過佢話要開舖前就要排定隊🤭🤭晚餐叫咗板燒吉列牛$108/ 板燒安格斯牛$118兩份都加咗$38 定食套餐，包左白飯+飯素/糖心蛋/昆布湯點完餐好快就有得食喇！！鐵板上會有一小塊牛脂，牛份量都多，有成十幾塊，安格斯牛較吉列牛有牛味，油脂分布平均，生熟可以自己控制😊😊而吉列牛食落去就外脆內軟，不會韌👍🏼自己好鐘意佢哋既糖心蛋，蛋汁撈埋珍珠米+好多飯素一齊食，好正呀！！值得一題，店員好勤力幫我哋換火，等個火喉可以keep住著🔥唔會燒燒下燶晒🤭🤭🤭有機會下次下午黎，會再抵食啲😜😜😜

Came with my friends and Ordered myself a 板燒吉列牛 ($128) and an extra rice ($18) 😂The beef were so tender and tasty! The hot stone for cooking was a fun twist, felt like i was a chef for 45 mins 🤪Would definitely comeback many more times. Highly recommend!

係日本食過好幾次吉烈牛、好食既程度係會食完晚飯好飽都想係佢收工前去食多轉宵夜😆😆 香港曾經有不同賣吉烈牛既餐廳、試過食上特牛都係唔好食😔見到好多foodie 介紹「秘」又掛住鄉下就黎試下！平日午餐13:30左右時間黎到餐廳、唔算多人唔洗等位就可以入！款式雖然都多、但為左吉烈牛而黎、當然要食佢啦！！午餐吉烈牛 再加飯同飲品 $128（冇需加一👍🏻👍🏻👍🏻👍🏻）吉烈牛份量都好多、每件油脂都好均衡分佈！經燒烤後外層非常鬆脆、如果將牛肉烤成半熟會比較有嚼口、肉味稍微鮮、如果將牛肉烤為全熟、牛味會更香濃而且肉汁會更豐富！！大家可以按照個人喜好選擇牛既成熟程度！溏心蛋經過烹調後好好食！！而白飯更加上飯素同醬汁 口感更豐富！整體來講 雖然未係我心目中最好食既、但都唔係差！可以暫時停止思鄉既情緒🥺🥺

之前已經喺荃灣分店食過最出名嘅鐵板吉列牛，所以今次就試吓同樣吉列嘅芝士吉列豚肉定食。由於即叫即炸，所以比兩位叫鰻魚飯嘅朋友上菜慢少少。不過完全值得。吉列豬上菜熱騰騰，厚切，有一隻手指厚度。薄薄炸皮包住豬扒。厚得黎，炸得完全唔嚡，有少少油脂，食落好juicy，唔使點芝士醬已經好好味。真係食過最好味嘅吉豬頭三。芝士吉豬一開始以為佢中間都係芝士，原來係芝士醬，芝士醬本身好有驚喜。芝士醬鹹淡適中，送飯一流。唯一唔好嘅地方服務。等枱服務混亂。漏單都算，俾返張單好晦氣咁樣pat落張枱。服務黎講荃灣分店好啲。