科記咖啡餐室

营业中

休息中

下午嚟開濟公廟朝聖，當然要幫襯一吓對面科記。正當思考食乜之際，見隔離檯吃黃山炒蛋，於是我叫了一件香蔥火腿炒蛋夾芝士嘅三文治。愛蔥的我，不愛吃熟蛋的我，吃了一啖忍唔住立即為它拍照，芝士半溶、蛋滑、蔥爽、入口淡淡鹹芝味，好味吖！這裡的熱奶茶，喝過就知水吧哥哥沖得一流！記得襯熱吃哦！提提這店是A區，2人一檯，不用嘟QR code，樓面姐姐入門前會提你,記得量體溫！

今日本來仲諗緊lunch去邊度開餐好，友人忽然建議話荷里活道有間隱世小店，你食豬扒既，於是一行山攀山踄水搭叮叮去上環再行上去，店舖位置比較遠。平日下午門口都排左6、7個人左右，睇黎都幾受歡迎，等左10分鐘都好快入到去，叫左招牌既豬扒飯、豬扒包、洋蔥牛肉多士試食。正所謂期望越大，失望越大，一食落口只係好普通既茶餐廳老店味，咬兩淡仲柴柴地，包都係將同一樣既豬扒夾入去，冇煎香冇處理過，唯一好少少係個洋蔥牛肉，濕少少，洋蔥味都濃。專登入黎食有點失望。

上環應該冇人唔識「科記咖啡餐廳」，佢哋以豬扒打出名氣，所以小店門外總是擠滿人龍！- 金牌豬扒飯+凍檸茶 - ($58)看似單調的碟頭飯，只有豬扒、豉油汁和白飯。小店會將一大塊連骨豬扒剪成小件，方便客人進食。即叫即煎嘅豬扒醃得好入味，啱啱煎起比較辣口，豬扒厚薄適中，加上用人手搥鬆，咬落去肉質軟而扎實，而且豬扒帶有少少肥膏，一啖豬扒一啖飯，好容易就食晒成碟！- 沙嗲洋蔥鮮牛多士 - ($52)呢個多士係我有史以嚟，食得最貴嘅多士，的而且確，貴得有道理！多士對角一開為四，攞上手辣手，明顯係即叫即整，裏面夾咗熱辣辣嘅沙嗲餡，咬落去多士烘得酥脆，嗰種酥脆感，我好鍾意！餡料多汁但又冇整濕塊多士，將炒香咗嘅洋蔥同鮮牛夾係中間，份量都幾多，牛肉食得出係鮮牛，而且醃得入味，嗰種沙嗲香同洋蔥香味，喺口腔裏面纏繞，好味到不得了，貴還貴，但係佢交足貨俾你，呢個我真心極力推介👍🏻👍🏻👍🏻門口幫手落單嗰位伯伯手字幾靚，我忍唔住影低左😂

科記嘅豬扒已經食咗好多年，難得嘅係，質素咁多年都冇變，保持一貫水準，所以一有時間我哋就會過嚟食。.✨豬扒包麵包烘得香脆，配上清爽嘅蕃茄，惹味香脆嘅豬扒加上醬汁，超級好味。.✨檸檬茶不過不失，茶味濃不澀口。.✨蕃茄豬扒出前一丁佢哋湯係用新鮮蕃茄淆製，有新鮮蕃茄味道，豬扒一如以往，肉質鬆軟多汁，醃得好入味。...🏠 科技記咖啡餐室🛤️ 上環荷李活道200號J至K舖📍 港鐵西營盤站A1出口，步行約6分鐘

今日lunch諗唔到食咩，同事就推薦左我去上環最好食既金牌豬扒飯。已經好早出發，但係去到門口已經有長長人龍。 排排下隊，店員會叫你落定單叫野食。我地叫左一人一個豬扒飯同熱檸茶。呢個豬扒飯真係好好食，食到嫲嫲的古早味道😋😋完全唔會咬唔到同鞋颯颯。我最鐘意佢有少少肥既豬扒。每碟飯都好大碟，好彩朋友細心幫我點左少飯，飯量就岩岩好。豬扒份量都好大份，呢個價錢真係超值。最最最驚喜係我地杯熱檸茶。熱檸茶甜度佢幫你調較好哂，茶同糖比例岩岩好。真係好正❤️食左一個好好味既lunch。好開心😘😘

本人有一位少女朋友話豬好味、她閒中就去吃下，我就話想見識下，我中老女人一直把街道名攪亂，她帶我，天ah!原來這店，唉⋯自細家人在此店對面拜神，一直沒有入過去，好諷刺⋯因為排隊我又未冷靜看menu 、所以跟了友人吃豬，我沒有抱太大期望，奶茶少奶不愛sugar、不愛練奶，竞然奶茶奶滑茶香又不多奶⋯我已經很久沒有飲過咁啱我口味奶茶！太好！豬飯未到，坐枱旁邊看下餐廳內廣告-某醫生讚這店三文治中一流，唉呀⋯總之order 牛三文治la~其實豬近骨d肉才好味，但d鈑烹得又幾好Wo 乾爽及硬、正呀！不用吃軟飯👏

早兩日經過科記 就同老公入左去食豬扒飯😆環境唔算企理 但見有多年前店鋪既舊相 就好有百年老店既感覺🤔我叫左鮮茄豬扒飯 老公就叫左豬扒飯 仲搭左杯熱奶茶（老公果個係餐）當我見到自己碟飯果陣 都幾開心 真係好足料 食落都覺得幾好味 因為有蕃茄&汁既關係 唔會覺得dry 食得出豬扒係醃製過既 但咸左d食左d老公果碟豬扒 相對黎講冇咁咸 但d豬扒就真係比較乾身😅最後似埋杯熱奶茶 我覺得味道同太興既熱奶茶有得揮 滑而不澀！埋單：茄扒飯：$62豬扒餐：$56

在上環荷里活道，又稱古董街，在疫情下相當寧靜。不過，如果細心留意，不少店舖已轉型為餐廳、酒吧或咖啡店。在眾多街坊小店之中，有一間已超過三十年歷史，而以招牌豬扒飯馳名上環上班族，甚至要排隊等侯。幸好我避過午餐時間，所以不用等位。雖然是下午茶時間，餐廳內依然人數不少，可見其人氣爆燈。位置：下班後沿上環站走過去，再轉入上環街市方向，沿上坡路段走，就會在轉角位看到大大的招牌，不難找到，不過是路段較長。環境：保持懷舊香港餐室的模樣，外觀簡單而沒有特色，門前的兩面簾子會隨著日光照射而拉起或降下，一眼可望盡的用餐空間。牆上掛有該店的老照片和各式菜單，店後方放滿貨物，顯得相當擠擁。店內位置不大，一桌大多擠四人，免不了的就是要併桌，所以我當時都要，唯一慶幸當時疫情不嚴重。洋蔥豬扒飯$62豬扒有明顯醃製入味，沒有裹粉並以大火油煎，豬扒外表煎得焦脆，肉質紮實，不乾柴帶點鑊氣油香和韌性，在豬扒上頭還有一層好像亮晶晶的凝脂，一大塊帶骨的豬扒剪成小塊狀，客人用餐時不會吃得狼狽！再加上香甜的洋蔥，這一款碟頭飯是美味，但價格是茶餐廳中偏貴的。整體來說，我是慕名而去吃豬扒，但沒有坊間說到非常好吃，而是中上水平，但是並不

呢間科記我每次行過都見到爆曬人喺門口， 心諗係咪真係咁好食呀，又遊客又上班又學生咁多人捧場，望咗兩年終於鼓起勇氣同個朋友喺門口排隊試下。我哋12點50分去到以為畀其他放1點鐘嘅人早啦，點知啱啱入滿咗一輪客， 想提一提有心人 如果呢個時間等科記 ，記得帶把遮， 我哋當頭晒咗左30分鐘終於先可以入去涼冷氣。喺入去之前門口個叔叔已經問咗我哋想食乜同飲乜， 咁我諗入去坐低應該好快就有嘢食啦，點知等杯茶走都等成15分鐘先到， 期間問個姐姐，佢話呢度係咁㗎，等到就等，等唔到就咪等喇。好野，囂張， 我就睇下你有咩咁好食。我嗌咗科記豬扒飯朋友就嗌咗菜心牛肉飯，入坐後20分鐘奉上。菜心牛肉飯好足料，蔬菜十足非常健康，有細細個阿媽不停夾菜畀你食嗰種feel， 牛肉底味醃得唔錯，成個package 都ok。至於遠近馳名嘅科記豬扒飯呢，唔.... 一般啦， 豬扒醃得唔夠耐味道唔夠， 炸又炸得過咗火肉質偏乾，成碟飯唯一亮點係佢用豬油收咗個玻璃芡加埋d豉油吊味，我見隔離枱個汁唔夠成日飯應該都幾乾哽，我就好彩d，夠濕唔難食。其實呢啲老香港快餐店大家唔會expect d 咩咩質素，係見你日日排隊排長龍，大大隻字科記豬

以前工作原因，想來也不容易，現在可方便了，那就一於再來嚐嚐那美味的豬扒吧！疫情期間，店內以橫額分開了每一張枱，環境企理乾淨；來這裡幫襯的大多數是熟客，和店員有講有笑，氣氛和諧，很有親切感。可能因時間尚早，飯未煲好，那就改吃公仔麵吧；豬扒肉質煙韌中帶咬口，麵有點過淋；奶茶有茶香，但唔夠香滑，有點失望。#熱奶茶 $16#豬扒公仔麵 $41#科記咖啡餐室地址: 上環荷李活道200號J-K舖電話: 望25468947

傳統的茶餐廳格局，因為有一款招牌菜，所以客人絡繹不絕此招牌菜就豬扒，可以配飯或麵豬扒不是厚切，但醃得很入味，個人覺得配飯再加上豉油汁，絶對無敵店裏面其他食品有一些其實有over price的情況，例如事頭婆炒飯其實只是菜粒牛肉炒飯，但居然要$90多元，誇張，朋友試過後亦不覺得有什麼特別另外的老火湯反而不錯，有媽媽煲湯的感覺👍

幾年前聽說豬趴飯很有名，地點不方便我上班，一直沒機會來。現在可以來了，卻大失所望。豬趴份量還可以，但肉質比較乾，還以為特制汁很有名，其實好鹹而且個汁好傑。我去的時候過左午飯時間，一個人唔洗等。地方舊又細，餐具是傳統茶餐廳嗰隻，要先洗，而要$58 金牌豬趴飯連飲品，CP值低，非常失望

由公司行過黎大概8分鐘，12點半時間坐滿但一個人不至於要等位門口有貓貓，忍唔住影下佢相📷店內位置不大一場來到當然要食返個金牌豬扒飯 ($56) 啦可能即叫即做關係，都等咗約15-20分鐘豬扒分量很足，即炸熱辣辣又juicy配埋豉油醬汁好美味下次要加多隻太陽蛋先得

日日lunch time 都唔知食乜好，今日個朋友無意中搵到e間小店就決定特登去試一試位置有小小偏ge，加上香港果頭d路又多斜又成！正常真係唔會上去 不過搵地圖都ok ge，唔太難搵！店面唔大，大約坐到30幾人到啦。等左一陣都有位（我地算早去，12點幾去到）入去前問要咩，當然食豬扒飯加凍奶茶不過問題嚟啦，原來要等幾耐下，飲品等左5分鐘後上，之後個豬扒飯可能立即整啦。。。要等左成4個字味道可以ge，不過要咁等法我自己唔會有第二次啦

豬扒包（$42 包一杯飲品）的包完全被壓扁，豬扒尚可，不過，一個豬扒包，竟然等了30分鐘，而一碗鮮牛肉蛋麵（$42），足足等了40分鐘, 連熱奶茶也等了20分鐘。好味是值得等的，但鮮牛肉並沒有鮮味，而公仔麵也太林，湯底也較重味。最令人意外的是旁邊三張枱的食客全部比我們更遲來、更遲order, 但食物都比我們快上，甚至有些食完埋單並走了，但我的食物仍未上😭但店員堅持沒有漏單，只是廚房選擇性地煮🤣，絕不是first in first out若然想碰碰自己的運氣，可以來試試