影片
近排系大埔区番工，放工有机会就喺附近行吓，探索吓大埔美食，同埋去左一间bookmark咗好耐嘅面包店。秋田面包店。记得之前睇过社交平台介绍话大埔呢间面包店$20买到10只麻糬波波，仲要粒粒都大大粒。一直都想慕名而来。面包舖近大埔墟街市，舖头细细，但都有好多街坊帮衬。当日下昼去到，见到好多麻糬波波放哂系橱窗，发现好似已经受通胀影响，宜家卖紧$20 / 8粒，但都仍然系CP值极高。麻糬波波粒粒都胀卜卜，好饱满，有唔同嘅口味，原味、朱古力、芝麻、芝士、绿色既斑斓，更有菠萝皮麻糬波波。全部味都可以任拣，真系抵到烂。麻糬波波大粒得黎，用料足，唔会好空，咬落去好烟靭。整体好软熟，个皮一啲都唔会硬，就算放咗隔夜都仲保持到烟靭。配合佢嘅价钱，真系性价比超高。一路行一路忍唔住偷食，十分推荐俾钟意食麻糬波波嘅朋友！👍🏻
继续阅读
行过舖头附近闻到好浓嘅咖啡味舖头好多野都新鲜出炉价钱都好实惠亲民仲有我好钟意食嘅麻薯波波识落味道劲似外面网红店最紧要系唔使排队劲方便有朱古力、芝麻、抹茶同埋原味$20有10个
继续阅读
一入到面包铺见到好多唔同口味既麻糬波波，已经好吸引啦，仲要新鲜出炉热辣辣，价钱亲民，即刻试了几款口味：有芝士味，绿茶朱古力味，朱古力味，咖啡味，芝麻味，原味菠萝皮，麻糬波波食落烟烟靭靭，质感唔会太硬，软度适中，味道亦唔会太甜，整体上都好味，特别咖啡同原味菠萝皮更为出色，咖啡味浓及菠萝皮好香好脆，＄20／10个波真系超低食．
继续阅读
大埔 - 《秋田面包西饼》📍 大埔怀义街20号地下呢排好似好流行麻薯波波～有好多舖头都有卖所以我都忍唔住要试下食😆😆不过见到啲岀名啲既面包铺要排队争住买，有啲却步呢间平民啲既饼铺都有卖麻薯波波同埋布丁面包而且价钱十分亲民(๑･̑◡･̑๑)麻薯波波(💰12/6个)芝士味，抹茶朱古力味，朱古力味虽然唔系新鲜出炉，但系都做到烟烟韧韧嘅感觉个面包皮一啲都唔硬呢个价钱都唔预佢系流心或者爆浆只系要求佢够脆同埋做到佢嘅口感🥰呢个麻薯波波绝对系冇失望！2蚊1粒黎讲都叫做系几大粒朱古力味只系有啲朱古力粒喺面个包底系原味黎，所以朱古力味唔会太浓抹茶🍵味果款都真系有抹茶味，几特别唔会怪，系好食既抹茶包✨推介: 芝士味有阵淡淡地咸咸地既芝士味，唔会好浓布丁面包(💰15)见到大大个就叫咗一个嚟食面包系用咗法包底～比较硬，要夹住布丁一齐食布丁份量好多好creamy，有蛋香味吉士奶香味就唔够浓🙁整体就一般般相信呢个新鲜出炉热辣辣会好食好多😗😗我希望我下次可以排到队试下其他铺头既包包☺️
继续阅读
同屋企人系附近行街，记得一个foodie推荐过依间面包店有最近好兴嘅菠萝麻薯包。即刻冲过黎睇下有冇！咁岩又撞正新鲜出炉唔洗排队🤤🤤🌈菠萝麻薯波波 $10@4 / $20@10依个必须要encore‼️首先新鲜出炉热辣辣，面头嘅菠萝包皮好脆好香，加埋麻薯烟韧嘅口感，冇得弹！麻薯食落好足料，里面都充满麻薯，甜度适中！仲要咁嘅价钱，冇唔买嘅理由！🌈布甸法包 $15准备比钱嘅时候见到格离有依个包，睇佢兴左咁耐都未试过，谂都冇谂就买黎试下！依个我返到屋企焗返热佢先再食，法包好脆口，唔会韧！入面嘅蛋浆唔似蛋挞个啲咁硬生，似系落左好多奶油落去焗，所以系比较滑身同埋creamy！一个人食嘅话可能会有少少济，屋企三个人share岩岩好！
继续阅读