秋月居 (已結業)

今日同屋企去左九龍灣，睇完戲就去左雜誌有介紹既秋月居度食野！ 間舖唔係太大 有居酒屋感覺！ 等位唔算耐 一坐低就叫左雜誌介紹既燒龍蝦 對對踫沙律 同三文魚帆立貝鐵板飯 燒龍蝦簡直物超所值 $55 一大隻 見咁平以為係雪藏蝦 當我食落口 竟然有蝦味同彈牙肯定係海蝦。因為家人係水上人 海鮮呃唔到我地。 沙律有驚喜。個汁好好味 連平時唔食菜既呀妹 都肯食 到個飯 擺碟靚 將d三文魚擺到好似玫瑰花咁 未影相就食左啦 三文魚呈半熟 飯唔太乾唔太濕 店員態度又好 又唔貴 三個字平靚正 會再去食

每次搭地鐵去到九龍灣站都望到這間角落鋪，望到門口D串燒一直想試～奈何晚晚收工差不多十點都爆曬人～幸好今天閒日放假終於去到～店鋪裝修簡單了點，不過小店來說尚算OK！三人行，可吃的有限，叫待應推介～待應見我地三個大男人，竟然推介我地食沙律，我真係眼都突嘴都歪，但友人望不到我的嘴臉，竟照order！沙律黎到後，三個大男人都對這沙律給予一致好評，以紳士模式拍照後！便轉野獸模式搶食！上面那山形面條脆得黎帶甜，撈埋D沙律菜同大蝦食，幾種口感攪埋黎食蠻正，至緊要一點，夠大碟！吃了兩件後，才想起不如給他拍照寫個評語，故原本是大碟點的！三文魚其實間間差不多，我只略嫌切得太厚，但同行友人堅持厚才有口感！這芝士燒龍蝦真的不得了，芝士覆蓋曬成隻開邊龍蝦！芝士味濃實身，不是那些用水攪出來的稀水芝士汁！龍蝦...就是龍蝦吧，其實只要肉爽口其實我也沒要求！我只專注在芝士味，總之那芝士填滿了我這芝士狂的心靈（對不起有點誇）！用餐時偷聽到隔離桌的小朋友叫店員看他打卡，原來打卡會有杯雜果賓治送，有著數當然攞盡！雖然不知有無分，但我見隔離桌的那杯是紅色的，而我那杯送到黎是綠色的！最吊鬼的是，店員放下杯野時，說這杯叫藍色生死

環境裝修是不錯，但餐桌難免難為食客吧總是要傾斜一邊或雙腳大字型坐才不會頂到餐桌！一來便叫兩個鳥冬，一個雜錦魚生飯。一個汁燒牛肉鳥冬(沒拍照) ，賣相一般，跟吉野家牛肉鳥冬差不多吧，普通。一個海鮮鳥冬算過得去。一個雜錦魚生飯，飯是暖的，是我沒常識還是如何，我不認為飯暖魚生凍的口感！飯是常溫是正常，但居然是暖，還以為來不及準備，問待應表示正常是暖！感覺十分不良好！呑拿魚腥到不得了，無法入口！刺身，三文魚切到一塊當中有幾條介開，不知師傅是否新人，刀功實在不予置評！整體，不良好，每天晚市食客寥寥無幾，店主反思食物質量，貴不是問題，但食物的味道應對得起價錢！秋月價錢不是特平，但食物質素亦不是這樣同時亦應考慮如何改善及推出晚市套餐。

放工後來了九龍灣逛逛，肚子餓便找個地方醫下個五臟，來到德寶商塲，見到多了幾間食肆順便前來看看，在外面看到一間串燒小店，但原來除了串燒，還有日本料理丶像Pepper Lunch的鐵板飯~~價錢不算太貴，尚可接受。今天一個人試了什錦刺身四款（甘蝦丶吞拿魚丶帶子丶三文魚）、金菇牛肉卷丶燒菠蘿丶燒牛柳串丶朱古力咖啡碎冰，意外地美味，值得再回來光顧，唯一美中不足是那個碎冰因為忌廉沒有貨的關係，總覺得若有所失似的，不過仍然值得一讚是店員的友善說明及服務。

第一次黎食，朋友話想食日本野，見門口個午餐餐牌都唔算好貴，所以就入去試下啦！我點左呢個雞肉鐵板飯，有驚喜 本來諗住都係類似pepperlunch，但佢呢個鐵板飯絕對比得上！鐵板上時係熱既，唔會凍冰冰。見到個粒牛油一路溶係個飯上面，我朋友仲特登撩幾粒飯黎試！ 雞肉腌得幾入味，仲有西蘭花同粟米粒，口感同賣相都好豐富！黑椒同個汁都好入味，岩晒我口味。 店內裝潢都好舒適，燈光個啲都好舒服。門口有個bar，雖然唔係bar枱，不過都幾有趣~店員服務態度亦很好！最後學生仲有折！不過此店要加一服務費~今次只係試左午餐，下次會再黎試下其他小食或串燒~

來到九龍灣, 本身想吃的平價食店因為有太多人等位的關係而放棄了等待.在附近找找其他食店的時候, 就誤打誤撞的來到秋月居吃晚餐了!我們到達的時間是大約8:30PM吧, 見到有人等位但人數不多,心想應該不用得太久, 所以就決定吃這個了。MENU 大致分為刺身, 壽司, 鐵板, 串燒等等的類別.說一下我們試了的食品吧!1. 燒蝦@$15隻 - 隻蝦既size都幾大隻, 燒完出黎都幾香, 蝦肉爽口, 不過蝦味不夠。2. 燒栗米 - 原條栗米上, 算是中上的質素, 也滿甜的說。3. 燒肉串 (雞、豬頸肉、牛) - 雞和牛都沒什麼特別, 反而豬頸肉的味道比較香口惹味。4. 燒司華力腸 - 都係原條上, 即叫即燒無得輸的, 哈哈!5. 燒翠肉瓜 - 燒得不太夠, 可能因為我跟飯伴都喜歡吃翠肉瓜燒到中間部份很"淋"的質感, 所以如果喜歡吃爽口的朋友會喜歡這個。6. 燒墨魚丸 - 沒有圖片...不過一串有3大粒, 沒有加香料, 不過都幾彈牙幾好味!7. 三文魚壽司@$18一客 (2件) - 本身無打算叫, 不過見到Menu入面張相果塊特長既三文魚所以被吸引了, 哈哈! 要說的是, 那個三文魚真的和Men

經常到秋月居食野，今日我order左香蒜牛肉鐵板飯，燒鯖魚，南瓜番薯天婦羅！呢個飯真係好值得一試！我覺得距個飯真係好多，所以特登叫距比一半，一來5想浪費野食，二來想留肚試其他野！燒鯖魚係食評介紹，所以一試，5錯，燒到連d骨都係脆既！我中意點距既醬汁一齊食！好香脆既南瓜番薯天婦羅，咬開仲保留住南瓜汁，不過實在係太熱辣辣，真d辣到條舌！順帶一提，呢度既服務真係幾好，坐左好耐，距仲時不時幫我fill茶，同埋d員工態度好好，比人覺得有一種好勤力同好用心為客人服務既感覺！

今日同S,J,P試了新開張的餐廳。恭喜J工作上有喜訊，今次你請吃飯（是應該的），下次我地三個請！環境廳面不大，但坐得幾舒服。黯藍的牆，日式吊燈，深木的檯。有一邊有沙發坐。洗手間要走２分鐘才到。服務好。老闆和侍應都笑容可掬，好落力工作，但下次可以斟多幾次茶。食物好多選擇。天天被逼吃中環的小妹，看見這裏的餐牌，好開心。一個午市套餐，$50有找。有主食＋一杯飲品。有很多串燒、壽司、天婦羅、各日式麵、沙律、小食選擇！眼花撩亂。碰碰秋月居沙拉$38一個炸拉麵塔坐在幾塊葉，幾粒番茄，幾隻蝦上面，仲有無敵芝麻醬。唯獨是那個炸拉麵塔比較特別，帶甜。好脆。擺耐左都無變淋！燒米條$12正常燒飯團味，條狀。相當嚼口的糯米飯。其實$12食條米條都幾貴。下次索性叫飯糰。燒鯖魚$35點睇都睇吾出呢條係鯖魚，但好食又抵食，吾理，照食。成條俾我食晒。可見條魚沒有半點腥味。相信魚身放了少許五香粉之類的東西。會再食。燒三文魚生壽司，刺身我無食。蝦天婦羅我無食。但聽S講幾鮮。炸軟殼蟹 我不太吃蟹，但試了蟹腳和鉗，好多汁，有蟹味。炸得不太脆，不會戒口。感覺不太熱氣。Ｓ說蟹身多汁好好吃！豚肉拉麵餐$38拉麵正常，單牙，湯底無驚

一月二十六日 (星期日)結婚後，倆口子遷居九龍灣，遇到第一個問題，就是附近有水準的食肆寥寥無幾最後的，要數日月星之炸雞髀，又或是僅僅合格的雲興隆煲仔飯最近，德寶商場進行了一輪大革新，並引入一些連鎖食肆，例如譚仔,松記等等還有的，就是這家每晚也客滿的秋月居是日朝早先做運動，跑一個十公里，跟着來醫肚除了日本料理，現場所見，還有串燒看看餐牌，有一款狀甚吸引的，是帆立貝併三文魚鐵板飯，便點來試試賣相跟餐牌中的相片沒大走樣飯，不夠熱，直接點說，是有點涼帆立貝，入口便化成粉狀，爽口感欠奉，失望三文魚還算不錯，帶點魚香最好吃的，是粟米伴着飯吃，很甜很爽口也點了尋常的雜錦海鮮烏冬海鮮陣容不算鼎盛，只有青口,帆立貝和蝦...其他的應不算海鮮吧烏冬不算太煙韌，在家也可輕易煮到的水準湯底清香，帶一點咸海鮮配料也沒甚驚喜...既沒驚,也沒喜，只是尋常不過的街坊小店...