秋月居 (已結業)

今日同屋企去左九龍灣，睇完戲就去左雜誌有介紹既秋月居度食野！ 間舖唔係太大 有居酒屋感覺！ 等位唔算耐 一坐低就叫左雜誌介紹既燒龍蝦 對對踫沙律 同三文魚帆立貝鐵板飯 燒龍蝦簡直物超所值 $55 一大隻 見咁平以為係雪藏蝦 當我食落口 竟然有蝦味同彈牙肯定係海蝦。因為家人係水上人 海鮮呃唔到我地。 沙律有驚喜。個汁好好味 連平時唔食菜既呀妹 都肯食 到個飯 擺碟靚 將d三文魚擺到好似玫瑰花咁 未影相就食左啦 三文魚呈半熟 飯唔太乾唔太濕 店員態度又好 又唔貴 三個字平靚正 會再去食