秋意 (成業工業大廈)

营业中

休息中

觀塘工廈出名多好野食，今日去左食間主打雞嘅樓上店- 秋意。餐廳喺成業工業大廈，觀塘港鐵站行過去都係大約5-10分鐘。餐廳唔算大，但都坐得舒服，除左雞套餐，晚市有得散叫，仲有酸菜魚等其他菜式。我一個人就叫左個套餐。瑤柱去骨貴飛雞，濃雞湯上海粗麵加配酒釀溏心蛋推薦 酒釀溏心蛋，熟度控制得好好，蛋白幼滑，蛋黃一半熟，一半流心。食落唔會太重味，淡淡酒香，唔會太濃，好食！瑤柱去骨貴妃雞，濃雞湯上海粗麵(少麵)貴妃雞去骨去得乾淨，肉質嫰滑，另上嘅薑蓉都好出色，質感夠細之餘仲唔會有渣，食落更加香。份量正常，調味唔會太濃，有少少油香，配湯麵或者飯都啱啱好。雞湯清香，上海粗麵麵質偏淋，但唔會散或者槳口，配上腐竹同雲耳，味道唔錯。白桃烏龍茶 好得意用膠袋包裝，冷泡茶包，烏龍茶香濃順滑，中間帶微微白桃香，好飲！餐廳未夠6點都已經好多堂食同外賣單，性價比都幾高！值得一試！

一坐低就QR CODE，再加餐廳一系列規條，我以為返緊小學。 完全唔係做生意，唔通以為自己係獨市，定係生意好得滯，唔憂做啊。觀塘大把嘢食，唔想受氣及做奴隸，絕對唔會再幫襯！

今日同朋友去觀塘行街食晚飯，觀塘工廈區一直有唔少美食，而價錢又親民，我都喺度諗緊選擇邊一間，我朋友就介紹有一間餐廳除咗價錢親民，而且食物質素高，這間餐廳叫秋意，位於觀塘成業街19-21號成業工業大廈6樓29室，位置都好方便亦近地鐵站，餐廳裝修簡單整潔，枱椅都排列整齊，令人坐得舒服。主食叫咗秋意去骨豉油雞和秘製紅燒肉，這間餐廳話明食雞唔食皮，不如唔好食，一睇就知道點解要食皮，隻豉油雞色水好深，雞皮好上色，別以為這樣會鹹，只係食到豉油香醇嘅味道，尤其是塊雞皮香過塊肉，但肉質亦不錯相當嫩滑，生熟度剛好，雞嘅肥瘦比例啱啱好，配埋雞皮油脂香非常好食，仲有餐廳超細心把雞去咗骨食到啖啖肉，就算雞胸都係好嫩好食，再配上薑蓉一起吃，層次感又再提升。而秘製紅燒肉亦令豬肉好入味，五花腩非常軟腍，好難得食到咁腍嘅肉，再叫蒟蒻麵來配吃這兩個主食，非常夾，蒟蒻麵拌入豉油雞的醬油和麻油，麵索得剛剛好，不過硬及過軟，口感真一流。小食就叫咗芝麻醬拌油麥菜、蔥油涼拌雙耳及撈汁皮蛋，我平時食開油麥菜都係熟嘅菜，所以一上菜時都有啲估唔到係切碎嘅生油麥菜，仲以為店員攞錯咗俾我，其實食落比平時食嘅沙律菜仲好食，入口唔會太粗糙，再

好評激多的觀塘雞餐廳，經過無理由唔試下。發現佢啲嘢食好健康，高蛋白質又多膳食纖維/可能因為啲雞太多好評，反而對佢期望值拉得太高，但佢啲配菜真係令人驚喜。排名有分先後：🥇酒釀溏心蛋 HKD12溏心蛋，煮得剛剛好，流心Q凍質地，醬油入味程度100分，隱約有陣酒香，層次豐富🥈蟲草花烏雞燉花膠湯 HKD78好多湯渣，真材實料，豬肉都放咗2舊落去，烏雞燉到骨都淋到可以食😍重點花膠同我掌一樣長度，有誠意🥉秋意去骨豉油雞飯 HKD64|雞 飯 半隻溏心蛋 涼拌雙耳 椰菜｜都係average 以上嘅，由於我無指定要咩位置，姐姐比咗雞翼近髀位我，再加雞胸。一碟都有差不多9件肉，件件索滿豉油味，雞皮連雞肉食的確～油香滿溢，不過無咁多quota… 果斷只食肉！*鐘意蔥油的可以要求，配埋食畫龍點睛*⭐️蔥油涼拌雙耳（雪耳+雲耳） HKD24出面好少食到呢個組合，充滿膳食纖維，好有益。不過原來叫個豉油雞嘅前菜都有，下次可以唔使叫⭐️百香果柑桔 跟餐HKD8清清地酸酸甜甜，開胃⭐️九製陳皮洛神花 跟餐HKD8配搭都好特別，鐘意飲甜野又想試新野可以叫吓

一直聽聞觀塘工廈有個世一豉油雞，今日朋友帶我去，所以就即刻去試吓💫好彩行快一步趕得切係佢last order之前去食🙈坐喺度食嘅時候都見到有人會入嚟外賣成隻雞返屋企加餸😮✨撈汁皮蛋辣辣地加啲蒜蓉同埋軟心皮蛋冇咩可以挑剔。✨蔥油涼拌雙耳雲耳同雪耳都好爽口，蔥油好惹味。✨秋意去骨豉油雞今晚個主菜嚟啦，雞肉嫩滑，豉油係帶少少甜之餘又唔會太鹹，加上雞油多咗一陣雞香味。雞皮都幾滑同埋入味，唔食雞皮嘅，我都食咗少少。✨濃雞湯上海麵雞湯幾清又有雞味配埋彈牙嘅上海麵好食。✨秘制紅燒肉肥瘦相間都幾淋同入味。✨九製陳皮洛神花好香陳皮味又有洛神花味，冇加糖所以好清新解渴。✨百香果柑桔朋友話幾好飲甜甜地酸酸地。

唔係唔好食，但無推介講到咁好食。招牌菜=求其一間燒臘舖的豉油雞飯盒 但有位坐，對不起個價錢$8X 食個廿蚊油雞飯。啲飯加飯素好"銀"牙，隻蛋OK 有酒味。我坐對面果間舖~ 一路食 啲烏蠅一路飛(無言)QR Code 自助落單 有WIFI~nice~

秋意 地址: 觀塘成業街19-21號成業工業大廈6樓29室食雞食雞，健身同減重人架恩物，就是吃優質白肉啦！$64去骨豉油雞，色了吐骨的麻煩，皮沾上了醬油色，而個片同雞肉都樂嫩滑，因要保持嫩滑，唔會煮到全熟過老，這會使肉質變鞋。個餐仲可以轉麵，同跟了少量salad 茶同半隻醬油蛋，隻蛋非常好食！跟餐加點小食，當天湯同很多小食都賣光了，個汁好濃味，撈飯一流加飲品，一大個透明袋 她攪笑 無糖的 #keto#lchf #生酮 #好去處 #igable #假日好去處 #life #foodie #dining #cuisine #instafood #traveller #restaurant #吃貨 #手機食先 #foodpic #foodig #美食 #dinner #香港必食 #香港旅行 #foodinstagram #delicious #yummy #foodgasm #foodporn #必食推介

發現觀塘工廈餐廳 <秋意> 午晚市都排長龍爆棚，所以一試🧐今晚光顧，都係全場爆滿，怪唔得餐廳要擴張，開多間外賣店 餐廳招牌係豉油雞，睇牆上盞鬼字句就知  好幸運今次嚟食可以點得到，去到第二圍晚市，餐牌上已有部分 items 沽清🙃涼菜拼盤中，雲耳木耳調味好突出，未食落口係估唔到蒜味咁香，越食越過癮🥳 酒釀溏心蛋好有驚喜，酒味配蛋味過癮易入口😋撈汁皮蛋($28)，撈主食最正😆去骨豉油雞真係好抵食，半隻啖啖肉都係 $98 重點係雞味濃，豉油味亦可口，肉嫩彈牙，超高質😍嗌個秘制紅燒肉飯 (餐$83)，紅燒肉嘅質素都係高於預期🤩 肥膏香就基本，竟然肉嘅部分係嫩口兼充滿肉汁，撈飯一流👍🏻一嚐酸菜魚麵 (餐$92)，爽口富魚鮮，湯嘅味道過癮耐吃😇 要大讚魚份量非常多🤪 成塊魚，包括魚皮同魚肉，膠質都好重好爽口好正🤤生薑蜜薑味好鮮，飲落暖身舒服☺️自家製百香果柑桔，好清新，天然好味😇 📌秋意📍成業街19-21號成業工業大廈6樓29室

今天又要到觀塘！終於有緣一試bookmark左好耐既觀塘豉油雞！ ! 上次7點幾來到已沽清提早收鋪！咁好賣搞到我心思思要過來吃！ !我哋叫了兩個秋意去骨豉油雞飯，因為好多選擇都冇曬喇一嚟到..個賣相比我想像中既很不一樣。我見其他人的食評是雞和飯是分開上，同埋d雞係排得好靚。但呢兩兜飯入面既雞件好似係唔同部份既頭頭尾尾。不過由於係一碗裡面有不同的部位，所以可以試到不同部位的口感。雞胸有d硬，不過都可以接受。雞腿位置就好滑，如果有下次，我應該會加$10轉雞脾。 雞肉食落都唔係好有味道，雞皮就好好食。相信如果雞同飯分開上，雞浸喺d豉油汁度，個味道會好好多囉！！依家就變左雞汁浸飯... 一兜多汁到爭少少就變湯飯，一兜就冇乜汁..😂😂 講完個令人失望既雞，令人有驚喜既伴菜，計埋個雞蛋有3款！每款都幾好食！我地仲叫左隻蛋，味道唔錯！一般般！當日就餐廳收工，食食下得返一兩枱客😂總結，如果順路可以黎試下，但專程黎就不必了！我諗我都會黎多次既，比多次機會。

在apm看過電影，便去到秋意吃晚飯。秋意去骨豉油雞，轉為雞胸肉，加強蛋白質吸收，而且雞肉處理得很好，肉質仍是細滑。豉油雞的醬汁香濃，又夠入味，讓人回味無窮。濃雞湯上海粗麵，湯底鮮美，雞肉香氣濃郁，上海粗麵軟糯可口，暖胃又暖心。酒釀溏心蛋，酒香濃郁入味，蛋黃軟嫩，口感香甜，是一道別具風味的小食，可以解膩開胃。熱生薑蜜溫熱香甜，生薑的辛辣與蜜糖的甜味完美融合，可以驅寒暖胃，適合秋日飲用。蔥油涼拌雙耳，清爽可口，雙耳爽脆又補鐵，蔥油的香氣和雙耳的鮮味完美結合，是一道開胃的小菜。

之前食過一次外賣 今日咁啱想食雞 就諗住堂食一次點知一去到 我禮貌地問而家入得未有個幾後生嘅女仔西晒面話未得 唔知全家得罪佢即刻走咗 唔係非一般嘅態度差咁嘅態度一定唔會再食🙂

一向食開都俾齊嘢，打開X咗出嚟，豉油雞飯俾漏葱蓉 😒。。咁多次自取都好地地，果刻無員工睇住好自然係靠自己搵啦，到有員工佢呼喝嘅語氣 😒 方我攞錯第二份出嚟捍衛，佢嘅出現只係確認我有冇攞啱外賣，態度 😒。唔係我唔會咁有印象囉 😒。。與其擔心啲客攞錯單，不如睇吓有冇執漏葱蓉啦 😒食物無問題，係個別員工 😒好人好事會記得，相反都一樣。呢啲咁嘅員工認真倒米。。飲食業都係，賺幾多同員工無咩直接關係，都係得個做字，做夠就ok 🤫

食物正常 名過其實但店員態度 餐廳運作十分有問題入座點餐後等了30分鐘都未有食物對面枱遲過我入座反而上餐先禮貌叫店員跟一跟單 完全愛理不理嘅態度仲話排緊隊順住出 😂😂😂😂???順住就唔會人哋遲黎食先啦成間餐廳係不停出餐 但係全部都係外賣單做唔切 索性cut哂啲麵餐 焗人揀飯大家都滿頭問號問點解落單冇得揀麵店員再次態度惡劣對答話 電子落單冇顯示麵即係冇😉另一放低筷子 就衝過黎收哂我啲嘢有問咗一聲仲要唔要 我話要 佢照收我再大聲講一次 要架唔該 先至唔收走嘅時候 企咗好耐 明明望到我 都唔過嚟收錢冇下次🙂‍↕️

平日12：30來,唔算太多人.有三,四枱客.用QR code 落單,第一次來,當然試下最多人推既豉油雞.我特意轉埋雞脾.一來到,隻雞上色好得好靚.我轉左麵,因為想試下個湯.隻雞好嫩滑,好似海南雞咁(係正宗個種,浸熟,唔乾).有足夠油香,但又唔會過多,份量都足夠,又去埋骨,食落好方便,啖啖肉味道夠入味,帶甜.雞湯就正常,夠味,但記憶點唔多.整體雞係出色,但未去到人地講咁誇張(如果味道可以加多d層次就完美),如果係附近返工,我會成日來食.亦都想返來試下佢既酸菜魚自費的

有幾次12點幾叫已經繁忙到喺app度叫唔到，之後每次都要搭正11:30就叫咗飯先再做嘢。外賣嚟到都好好食，雞肉好嫩口，豉油汁亦好入味。當然堂食係最正但係返工嗰頭有啲遠。繼續支持