影片
最近天气热，好多间小炒都出过生物的事，虽然做过依行都知咩嘢事，但自古眼不见为净，唔会call食环，但都要入黑名单，搞到附近无间好食。今次介绍到黄大仙，试咗两次都无事，餐牌就梗一张两面边度止，举头见到都系字，写到成墙餐牌真系唔想睇，总之去得食小炒要有都有！镬气唔错，每日仲有精选海鲜。辣青瓜，每枱送一少碟，少少辣，因为无手拍，只能这样叫。蒜蓉豆苗，炒得口感刚好，不太油唔太湿，食落甜甜地，蒜蓉反而唔太觉。姜葱鱼腩煲，份量算多，煲系装饰，鲩鱼腩炸过，同姜葱炒完放落去，不过肉质尚滑，姜葱味够，系干咗啲，但就保留到口感，个人更喜欢这样。川辣米粉，望落就系普通炒米粉，炒得色水几靓，唔觉油，闻唔到辣。但其实大量花椒，味道唔算辣，不过咬到花椒唔系个个受到。头一次保险啲叫几样简单嘅，同市价差唔多无特别记价钱，总数记得二百几。而今次再去主力试佢精选海鲜，款式几多，叫咗介绍嘅龙趸二味同豉椒炒蛏子皇。照旧每枱送一少碟辣青瓜，今次价钱就要睇。豉椒炒蛏子皇，蛏子皇比预期大只，不过价钱都唔平$148，数到六只壳，肉鲜味弹牙，豉椒味唔会太浓，但挂到汁。瑶柱豆苗，$98比之前食炒蒜蓉贵成倍，不过瑶柱真足料，一丝丝都睇得出原本几大只，望落好似有十只？汁够香，每条菜都上到汁，不过食炒功就要食返炒蒜蓉。龙趸二味，分别肉炒西兰花同骨清蒸共$248，龙趸本身就比较硬，炒西兰花都系清清地，肉质无变化，就系啖啖肉；骨除背骨亦有头骨，依个真系考功夫！唔系讲煮，系讲食。清蒸就系落姜葱，睇火，无技巧。但食就难，骨边确实充满骨胶原，唔同一般鱼软软嘅感觉，佢每一口都有弹性！食完唔系油，系一种粘感，但都知龙趸皮有几厚，有几弹，入面都差唔多，仲要多咗堆骨，攞手食都有排觉！系几好食，但唔饱肚，花时间。虽然家庭经营，但款式多，出菜快，味道又唔重。唔系坐到好迫，都有两大枱，几张细枱，夜晚七点都接近满座，大部分都嚟支酒，好似大排挡梗好热斗，而冷气够都系重点。
继续阅读
服务员态度很好。师傅厉害，起𩠌快，食物味道也很不错，够镬气！最喜欢翠塘豆腐👏🏿，大碟好味，送饭一流，推荐！咕噜班球用鲜菠萝，鱼块也很好吃，外脆内软，推荐！餐前的小吃手拍青瓜也不错。相信会再来！
继续阅读
垃圾餐厅！！！铺头细坐得逼系冇问题，但老板娘乱咁安排坐就好有问题，6个大人叫坐4人枱，心谂点坐呀！想叫佢安排第二张枱就话今晚生意好好，叫我体谅下，唔好烦佢！Fine! 反正等位等左咁耐，求求奇奇食完都走。一坐低就sell 蒜蓉开边虾。对虾有敏感冇叫，叫左几味菜，卖相正常但味道一般！最正又系老板娘，姜葱生蚝煲变左蒜蓉开边虾。梗系唔要啦！老板娘扮死狗话帮帮手食埋佢啦，落错单，好好味架，下删1000字……屋企人见街坊街里就算数，老板娘话再帮你补番个姜葱生蚝煲啊，即刻叫停佢，想水我叫多个𩠌！总括而言，地方迫，食物一般，老板娘唔系做老板娘嘅材料，态度劲差！想食到一肚气，可以一试！
继续阅读
由于住附近所以就近近哋嚟试呢间餐厅，我哋四个大人叫咗一 碟水煮鱼加薯粉，冰梅骨，手拍青瓜同埋山葵白切鸡，已经好够食，老板仲好好人每枱奉上一碟蜜糖蕃薯，虽然唔系啲咩，但已经好窝心，而家好少餐厅仲会咁细心，下次一定会再嚟帮衬推介
继续阅读
朋友介绍话呢只椒盐濑尿虾好食，即管一试去到得返椒盐虾，照嗌，椒盐系唔错但虾似煮过火。鸡煲，轻微辣几野味，唔错蚝饼，大大只蚝，个桨唔会好厚，松化👍不错吃。蒜茸芥兰，算大碟，正常。推介: 水煮桂花鱼（中辣），香浓花椒味，鱼滑，多芽菜青瓜，小薯粉，爱辣人士一定一定要大辣或加大辣，中辣完全0辣度。
继续阅读
您可能会有兴趣的...