禾牛薈火煱館 (金馬倫道)

营业中

休息中

見天氣開始轉涼幾有氣氛就同屋企人卜咗枱係禾牛薈打邊爐之前同公司同事已經食過一次覺得唔錯所以決定再食！店內座位十分企理而且空間好大絕對唔會坐得唔舒服側邊既枱仲會有部細電視添諗得十分周到！我哋一嚟就叫咗個皮蛋湯底～湯底十分濃郁又多皮蛋！之後叫咗店內最岀名嘅特級手切肥牛（大）每片都勁大塊勁新鮮聽店員講每塊碌10-15秒就最好食真係入口即融好嫩口！除咗肥牛 仲叫咗好多小食有生根、鮮蝦雲吞、芝士腸、炸魚皮等等佢小食種類都幾多所以完全唔洗擔心會無選擇最後我哋仲叫咗蒸水晶包做甜品有兩種味:芋泥同奶黃個人覺得兩款都好好味皮薄餡靚！

天氣涷涷地，所以跟咗朋友嚟尖沙咀打邊爐～一嚟到侍應已經好好招呼，又遞醬料比我哋又介紹火鍋配料有咩好選擇。佢強烈推介佢哋嘅招牌肥牛，所以我哋即刻叫咗份，至於海鮮同刺身我哋就無叫了，因為得兩個女仔都擔心眼闊肚窄。招牌肥牛厚度啱啱好，碌十秒左右就食得！然後仲叫咗白牛栢葉同桂花蚌，兩者都好新鮮又爽口，好好食！仲叫咗芝士腸、手打黑白墨魚丸、響鈴等等，手打墨丸真材實料之餘，食落仲好彈牙！響鈴更加正，勁大舊，碌三秒左右就得！最尾仲有甜品送：奶涷同椰涷，兩個都勁好食！絕對會encore!

菜式多，價錢合理，推薦大家去食。我今日試左肉餅飯40蚊，非常抵食。寫評論仲有小食送，100%贊好。地點亦都非常方便。there are so many types of food you can choose!

之前聽朋友介紹尖沙咀禾牛薈今晚去試下來個高質邊爐禾牛薈有2層座位寬敞枱與枱中間有一大段距離有卡位同圓桌多人少人都可以坐得舒服每張卡位仲有電視睇好貼心Menu有2版 超多選擇連刺身都有 幾surprise 不過今次就冇叫到先選湯底 要左推介既限定海中寶外面用豬肚包住 裡面有魚翅、日月魚、元貝、海參、冬菇等等大量湯料店員建議我地等湯滾左可以先飲湯飲落好滋潤啱哂而家冬天凍凍地滋補下黎到呢到必叫既牛要左牛拼盤有牛舌、牛胸同雪花牛肉粒牛舌同牛胸都好爽口 好有口感牛肉粒有入口融化既感覺全部牛味都好濃 超正仲叫左黑毛豬都唔錯幾個人都食得好飽好滿足！

天氣終於開始轉冷，又是打邊爐的季節，今次就來到尖沙咀的禾牛薈火煱館。店面面積寬敞，坐得舒服，加上枱面又夠大，可以放到大量食物。每張卡位還有私人電視，可以一邊圍爐一邊看電視。火鍋配料選擇繁多，十分多元化。這裡提供各式醬料，自行混出最適合自己的口味，醬油連茶芥收費為$25位。魚與熊掌 $298以牛骨熬製而成的湯底，將富含豐富膠原蛋白的牛筋集成一鍋，猶如老火湯般味濃滋補。不過這麼巨型的大鍋就只有兩粒迷你size的鮑魚，以這價位來說實在少得可憐，幸好鮑魚口感勝在緊緻彈牙。反而白蘿蔔非常足料，多到好像吃極也吃不完，呈現熟透的半通透澤潤狀態，既沒渣也不苦澀，全然吸收湯底精華。花枝片 $48墨魚切片口感爽脆，不過記緊不要放太久，因為很快會變韌。爽口豬頸肉 $68每次打邊爐都是吃肥牛，吃得多都覺得有點膩，所以今次就試試豬頸肉。豬頸肉肉質夠爽彈，可惜肥膏甚多，脂肪量爆錶，對我這些怕肥的女生還是淺嚐好了。台灣貢丸 $48貢丸口感夠彈牙，混進粒粒香菇，甚有咬口嚼勁。天津娃娃菜 $38打邊爐的其中一個好處就是可以比平時出街食飯，食到更多蔬菜類，娃娃菜吸了牛骨湯後都鮮味起來。豆腐 $38看到豆腐上的logo就知

原本呢間野以前同fd都食過幾次都覺得可以下，但今晚同條女上去食，叫左幾樣野有一半係鹹X到呢要不停飲野，真係好X鹹，鹹都算啦，食完兩個都攪肚，真係卑錢清腸胃咩？卑得呢個價錢還不如食其他店...

第一次來食，感覺不錯。食物新鮮，湯底Ok 可以。星期六晚9點幾來，都幾多人。好在book位了。套餐每人168（ 未加一），另外叫左牛肉拼盤，嚮鈴，啤酒，蔗水，水晶包。我地6個人來食，上左個大拼盤。D 蝦 腳仲識陏，睇落新鮮。主打食牛肉，食完送甜品椰絲大菜膏，整體ok。

最近天氣漸漸轉涼埋藏在體內的火鍋蟲立時爬出來真的好痕好痕，心中很想試這間在尖沙咀金馬倫道的「禾牛薈火煱館」，食好嘢當然要約埋家人來過火鍋家庭聚會先。這間「禾牛薈火煱館」不單止食物種類選擇多湯底也有很多選擇，樣樣也很想是最後我們選了寒天翅瓜滑雞鍋。泰式生蝦刺身 $128泰式生蝦刺身，點上自家製的泰式醬汁酸酸辣辣，非常開胃生蝦大大隻，非常新鮮入口爽彈，越食越膠口正。寒天翅瓜滑雞鍋 $248這個鍋底真的要讚賣相非常精美一層一層的，蟹籽、魚翅、鮮雞和冬瓜放在奶白色的湯中，服務員會貼心的為你把冬瓜切件，之後待湯底大滾後每人先來一碗上湯，這啖湯鮮甜無比很想一飲再飲。至尊本地招牌首設肥牛封門柳 （大）$388頸脊食得多今次試試新野，封門柳肉質有嚼勁之如卻一點不韌，牛味濃郁脂肪較少，放湯8至12秒老人家食都冇問題。廣島蠔 $118廣島蠔外表圓潤，蠔味濃郁突出入口軟滑冇渣。脆鯇骨腩 $98這裏的脆鯇骨腩，切得較為厚身而且質量非常高一點泥味也沒有，入口爽脆肥美鯇魚味道濃厚。脆炸響鈴卷 $68新鮮脆炸響鈴卷，即叫即炸基本上可以點一點酸汁已經可以即食，又可放湯3秒吸收了湯汁的精華入口又軟又脆，好好食。水晶粉

這個星期落雨濕濕天陰陰涼浸浸，約了幾個朋友食飯大家不約而同都覺得打邊爐最啱🤗這間＂禾牛薈火鍋館＂已經想試好耐，齊腳一於想去試吓。上到去環境不錯四人還有卡位坐，枱面也算寬躺，放火鍋料不成問題👍🏻寒天翅瓜滑雞鍋 $248吃火鍋除了材料新鮮最緊要就是個鍋底，這個火鍋湯底味道濃厚有膠質，雞件滑溜，冬瓜清甜，滾起個湯大家先來一碗美味的湯😋醬料還有XO醬選擇😝泰式生蝦$128生蝦大隻肥美，每隻晶凝通透，味道鮮甜膠口，是頭盤的好選擇！鮑魚(每隻)$48鮑魚厚身新鮮，鮮甜有嚼勁，一啖一口滿足非常😋招牌手切肥牛 封門柳(大)$388手切牛頸脊食得多封門柳還是第一次嘗試，色澤鮮明潤澤，油脂分布比較少但牛味濃郁，有咬口，千萬不要滾得太久否則過熟影響口感😜廣島蠔$118廣島蠔沒有美國蠔那麼大隻，但我卻喜歡吃廣島蠔，蠔味較濃郁嫰滑，每隻都脹卜卜，新鮮又鮮味👍🏻精選三色餃(鮮蝦雲吞餃，韭菜餃，意式牛肉餃）$118鮮蝦雲吞餃裏面大大隻鮮蝦非常彈牙鮮味，韭菜餃香口，意式牛肉餃味道特別，新嘗試新口味👍🏻脆炸響鈴卷 $68即叫即炸的響鈴零舍唔同，放不放湯一樣好味，一啖咬落去非常酥脆，香口美味！水晶粉$48細心的食店放了一

和牛牛約會身為火鍋達人, 朋友介紹呢間打邊爐一定要試下, 今日難得終於凍咗, 約朋友打邊邊朋友無藉口SAY NO啦呱！呢到湯底有好多款，心大心細可以試下半鍋拼半鍋，今日就有辣唔辣，黎個台式麻辣鍋拼珍寶豬骨湯點餐紙揀都揀咗我地好耐，實在太多款式，花多眼亂呢。豬骨湯係會有豬骨另上，朋友話可以吸下Ｄ骨髓，點下醬汁食又唔錯喎！黎到禾牛薈，沒有不吃牛的理由吧！黎個特級手切肥牛 (細)，烚幾下就食得，實在係幾好味，牛味重仲多汁，呢個價錢OK！為咗個豬骨湯叫咗野生竹笙同金菇菜，估唔到咁夾，份量都好多，爽口又清甜。打邊爐熱氣得黎都可以好健康養身次次打邊爐都唔小得魚皮餃同炸魚皮，念念不忘的味道。炸魚皮好香脆，浸一浸湯就剛剛好。凍蜂巢豆腐加落麻辣鍋，真係食得辣先好試，索哂辣湯確係過癮**打邊爐真係香港人最愛, 見到成場都好多人, 大家要食記得BOOK定位.**

打邊爐的節奏 呢幾日天氣突然轉凍，當然就諗到去打下邊爐暖下身啦！次次經開金馬倫道抬頭見到呢間【禾牛薈火煱館】都想去試下，今日終於的起心肝去試試，地點唔駛點搵真係算方便。 一坐低見到有獨立電視。。。好多地方都無可能有咁好服務吧 打邊爐最緊要係個湯底，今日就揀咗雙拚：珍寶豬骨湯 X 台式麻辣鍋，雙拼就加40$。開動前當然要飲返啖豬骨湯，好清甜，怕熱氣就可以一半辣一半唔辣中和返。麻辣鍋真心正，辣嘅層次都唔係咁簡單，好彩無叫錯 ^_^ 醬油當然都唔小得，任食客自行配撘 之前有睇過食評D人都話份量幾多，所以就叫幾樣試下先。 自家手打蝦滑 – 價錢中上但質量高，爽口得黎好有蝦味，值得一食珊瑚蚌 – 新鮮唔在講，爽口彈牙。醬爆芝心丸－芝味無窮，次次打邊爐都係必叫生根 – 嘩山根吸哂湯汁真係好豐富，食得辣嘅朋友可以挑戰一下麻辣鍋山根台灣鴨血 – 食台式麻辣鍋一定要台灣鴨血，只能說是天生一對萵荀片 - 萵荀食得多，老老實實萵荀片真係第一次見，切到咁靚，刀法真係要有返咁上下。 冬天就係要約埋班FRD子烚下烚下先過癮, 飲下啤酒一解煩躁 ^__^ CHEERS

今晚到此晚飯是極為不滿意的一餐。店員服務態度不佳，明明店內大量吉枱，要求店員轉一個較清靜位置，得到的答案是所有位置已預留。但我與友人吃飯近二小時所有枱都維持空置的。食物質素亦極一般，薄切牛肉冇牛味，牛四寶丸一樣，廣島蠔稍好一些。湯底亦是冇味，價錢不便宜，二人埋單1100，價格與質素絕對不符，俾佢呃一次算了⋯⋯

打邊爐季節又到！ 最近去左禾牛薈，真係正到爆！ 🤤🤤 首先要大讚佢地嘅湯底 有好多款選擇 我地選左魚翅雞湯 冇諗過係用新鮮雞 即場煲起做湯底 非常鮮甜 ! 啲牛好新鮮， 而且塊塊雪花均勻 ! 而且好驚喜美國桶蠔入口海水味重！ 平時打邊爐最怕食到啲又細 又腥嘅蠔 加分加分～👏🏻👏🏻👏🏻

自家製四寶丸超弾牙，有囗感。鮮蝦雲吞餃新鮮，韮菜餃超正！蝦夠大粒又彈牙。大部分材料新鮮好味， 連最普通的蟹柳都不普通。座位舒適，此外，每位服務人員態度非常好，滿帶笑容，服務熱情，推介的食品很美味，絕對是一間超優質的火鍋店，我一定會向朋友推薦！

同朋友仔食生日飯，店鋪內顧客唔多，傾計唔錯，太肚餓，未俾相機食已經忍唔住食左，正常味道既火鍋，材料新鮮，可惜牛肉切得好碎，有牛味，薄切萵苣最正，快淋又吸味，叫既野食唔多，結帳價錢偏貴，一行六人，約HKD2100。另有切蛋糕，無切餅費。