禾三

忽然落好大雨呀今日，去長沙灣郵政局見到呢間, 諗住落大雨費事走嚟走去入去食午餐. 點咗個青魚 便當 我朋友就點咗個 雞扒便當, 隔咗十分鐘 雞扒到先過我條魚 佢 諗都冇諗一啖咬落去正到痺呀 我朋友話個雞扒好juicy呀 個皮又好脆喎 而且我仲聞到有一陣好香嘅香味 ， 睇住佢食就過癮啦， 望下個鐘有過咗五分鐘喇 ，我條青魚終於嚟咗 我係咁望住條青魚講唔出嘅感覺 我好細心咁望清楚佢發覺好乾， 攞筷子篤落去 竟然有魚油 食落去嗰種感覺好正呀 講真真係冇諗過48蚊嘅一個便當， 可以有咁高質素 上次記得喺 海逸酒店嘅日本餐廳食過都冇呢一間舖頭 咁好食 而且 佢嘅價錢只係人哋嘅三分一， 好出奇地諗緊 暴利呀 佢嘅便當旁邊有啲配菜 係支豆， 都好好味而且 而且發覺 成個便當都冇乜油利感， 啱曬 要健康嘅我原來好食嘅嘢一定係油膩， 今次一路食一路望住前面張海報 下次已經立咗食乜嘢啦 好期待聽日快啲嚟啦 我要食海鮮丼飯。…查看更多

之前在三禾堂食過一次，係食放在外面櫃內已製作好的飯盒。本來無心再試，但同事想食又回來。點了鯖魚定食，點知勁驚喜！兩個三角飯團好可愛！沙律係比較多功夫既薯仔沙律，食得出既新鮮，仲有半隻細size 既烚蛋，非常清新。鯖魚同雞味道都好。很有誠意的小店，值得支持！另外一提，如果堂食不用即棄餐具就更好…查看更多

聽聞最近公司附近新開左幾間食肆，趁住天氣好，同朋友行去青山道睇下有咩食先😉 我哋行過長沙灣郵政局，見到製衣中心地下開左間日式便當店，門面好細，如果唔係俾寫緊嘅餐牌吸引住，唔留意嘅話好難會發現到。 餐單上選择唔算多，但胜在有朋友仲意食嘅鰻魚飯，難得遇上，仲意試新野嘅我哋當然唔會錯過😛😛😛 想試下佢哋食材嘅新鮮度，叫左個壽司拼烏冬 雖然全部都係普通食材，但每款都好新鮮，連平時唔仲意食嘅鰻魚我都覺得好好味，真係驚喜😋😋😋 鰻魚飯一送到，朋友"嘩"左一聲，好大條呀！仲有蟹柳沙律、螺肉，成份餐眼見已份量十足，簡直係超值👍🏻至於味道，朋友就一邊食一邊話好味🤣另外我哋加左碗麵豉湯，豆腐嫩，昆布多而滑，仲有清甜嘅蘿卜，朋友話呢啲係屋企至有嘅味道，因為真材實料☺️食完俩個餐後覺得唔夠喉，我哋又追加左份芝士七彩吉列蝦卷，果然係即叫即做，燒熔左嘅芝士、吉列蝦同飯團Mix埋一齊，咬落去暖笠笠，脆卜卜，正😋 發現左美食，冇理由唔分享，臨走時買左外賣返去俾同事食，外賣自取仲有額外九折，個個食完都話正😜 間舖雖然好細，堂食嘅位亦唔多，但佢哋嘅服務(老板同侍應都好nice)😊價錢同埋食物質素已高過同行好多，希望間鋪可以keeo住呢個水準，好讓我哋工作之後可以享受到美食😏…查看更多