禮 (打鼓嶺道)

营业中

休息中

昨晚去到九龍城，見到依間新既居酒屋，充滿日系的STYLE，另外也見到好多酒的雪櫃，入到去，先有個小食，之後我點左d 串燒，另外也點左個飯團，串燒方面有雞皮，富士蘋果煙肉卷，秘製免治雞肉棒，明太子紫菜飯團，另外點左個紫薯天婦羅明太子紫菜飯團明太子紫菜飯團真的好正，外面脆口的飯蕉，加上明太子，真的愈食愈想食，富士蘋果煙肉卷富士蘋果煙肉卷真的好開胃，濃味的煙肉，加上富士蘋果，真的好夾，雞皮，秘製免治雞肉棒雞皮燒得好香脆，秘製免治雞肉棒加上日本旦的汁，好滑紫薯天婦羅紫薯天婦羅真的好好食，甜甜的紫薯，加上汁，真的美味無比LIKE佢地的IG/FB就會有杯雪榚送，綠茶雪榚味道唔錯食飯當中，也聽到店舖播日本歌,去唔到日本，就來哩度感受下日本吧~~

放左工去搵個朋友食飯，佢話想試下去九龍城一間居酒屋食串燒，不嬲好少去開哩頭，原來九龍城有咁多好野食！未叫野食前店員會先比每人一個前菜，今日係八爪魚仔！之後我叫左木村完熟水蜜桃汽水，朋友就叫左杯Asahi 生啤，個水蜜桃汽水好香桃味，一飲就知佢落足桃汁去整，唔會話一味死甜！我地兩個女仔叫下叫下都叫左好多野食！叫左唐揚炸雞、厚切牛舌、安格斯肉眼、免治雞肉棒、原條鰻魚、芝士年糕！唐揚炸雞佢係即叫即炸，上枱時熱辣辣出緊煙，一咬落去差點燙襯，雞皮好脆，咬落去d肉汁爆出黎，好正！厚切牛舌同安格斯肉眼都係一串有三舊，兩個都燒得好香噴噴，師傅整串燒嘅位置就係枱隔離，一路燒已經一路嗅到佢嘅香味！免治雞肉棒配生蛋黃係幾夾，本身個雞肉棒燒得好香，點埋個蛋黃令到食起上黎個口感細滑左！原條鰻魚真係好長，鰻魚無論點樣整都好好味，佢呢度嘅鰻魚烤得好靚，一d都冇燶，食落夠哂嫰滑！芝士年糕好特別，外皮烤到脆脆地，年糕好軟糯，再加埋芝士，咬一口有三個層次，真心正！

今日放工約咗個好朋友去九龍城搵嘢食，九龍城一向出名多泰國菜好食，但係我哋今日就搵咗間居酒屋去食日本野！依間「禮」鋪仔細細，但係坐落幾舒服，岩哂三五知己傾計！禮主打串燒同埋日式定食，自助形式咁樣落單再比店員就Ok!🔥木村完熟水蜜桃汽水、啤酒🔥唐揚炸雞呢個炸雞做得幾出色，炸到外脆內嫰嘅口感！🔥厚切牛舌個牛舌真係好厚切，燒得好香，咬落幾爽口！🔥安格斯肉眼呢串係厚切肉眼，師傅只係落咗鹽同黑椒就令到個牛好好味，最重要係佢燒得夠香口！🔥免治雞肉棒佢所講嘅蛋黃醬係一隻生嘅蛋黃加左少少醬油，個免治雞肉棒唔係好食得出係雞肉，不過點左個蛋黃醬食好夾，之前係日本都食過，但日本係會點鵪鶉蛋！🔥原條鰻魚成條鰻魚有足足十吋長，師傅烤得好夠淋，送飯食一流！我地選擇散叫一條鰻魚再加碗飯，如果想飲埋佢個味噌湯同食個野菜可以叫佢嘅定食套餐！🔥鹽燒鯖魚個鯖魚烤得好香，個魚皮仲係脆卜卜，食落好多肉汁！

因為我朋友岩岩生完 所以我呢排成日同fd黎九龍城探佢  甘既然好難得甘黎到九龍城,緊係要試下附近既餐廳啦 聽朋友講附近有間日式居酒屋 (個名叫"禮")幾好食  外觀真係好靚 裹面真係我好中意既日式裝潢feel~ 張檯長這樣~~餐廳都好體貼枱面都有一杯水比客人飲用 金菇肥牛不嬲係我favourite, 牛味好濃又好juicy!!必叫!!  富士蘋果煙肉卷 以煙肉包著蘋果慢慢燒烤，蘋果的表面微微烤燶呈現金黃色，口感非常豐富，蘋果的果汁能中和煙肉的油膩感，顯得更健康｡ 溫泉蛋牛肉丼~外型賣相精緻吸引，值得一讚既係採用了日本的珍珠米，把溫泉蛋完全地撈在牛肉及飯裡，把牛肉的香味及蛋的鮮味完美結合在一起，其好味程度實在難以用筆墨形容。仲有前菜同餐湯送！ XD原條鰻魚~超級大條仲長過我隻手掌呀 而且味道剛剛好, 又唔會太咸配上白飯食真係一流 打卡仲有雪糕送係綠茶味我至愛 

今日來到九龍城的隱世居酒屋呢度員工非常有禮，招呼一流令到客人有賓至如歸嘅感覺呢間裝修都很有日式風格感覺好清新亦非常之特別牆上用上日式風格的酒杯去點綴再配上柔和的燈光同朋友來傾心事飲番2杯一流！你睇飲料選擇都唔小而我就選擇了富士果汁汽水睇下個餐牌都好多選擇每日精選都會寫在告事板上供客人參考一坐下來每人會有一個前菜原條鰻魚非常驚喜的一道菜鰻魚足足超過30厘米長，處於剛剛熟的狀態，火候控制非常得宜，食落感覺滿足濃郁鮮甜，起馬可以撈3碗白飯。安格斯肉眼牛肉向來都是看廚師功力的一道菜，若串燒的話更考其功夫，這次的安格斯剛好三成熟，細細咬一口牛肉呈現粉紅色，只須加上少許鹽，以是滿分之作。明太子紫菜飯團🍙一向係我的致愛採用了日本的珍珠米入面夾住明太子表面金黃脆身加埋紫菜一齊食簡直係回味無窮芫荽雞肉棒因為呢個係秘製嘅出邊食值得一讚的是佢用咗雞蛋俾你都係個牌上邊食口感簡直難以形容啊抹茶雪糕雪糕的抹茶味非常重，口感非常濃郁，再以紅豆作點綴，配合起來實在天衣無縫，無謂完美的一餐劃上完美的句號

突然間想食串燒，然後同朋友傾下偈聚舊。晚上七點左右去到，好彩有位，唔算太多人；而且坐得舒服。我哋叫咗鹽燒鯖魚，鯖魚嚟到好大條，而且個皮燒到卜卜脆；入面啲肉都唔腥，點埋個醬汁真係唔錯。叫咗天婦羅拼盤小份，份量都唔少，有炸蝦🍤南瓜、矮瓜、菇等天婦羅；兩個人食其實都好足夠，當然最鍾意就係食天婦羅蝦。天婦羅拼盤新鮮炸起熱辣辣。另外叫咗炸蟹肉薯餅，啲炸物又係新鮮炸起，一客有兩件，個面炸得金黃，入面忌廉蟹肉味道唔錯，蟹肉唔算多；但係整體味道都幾好食。 荔枝豚肉串唔會油，豚肉亦都唔會太肥，夾埋個荔枝，感覺幾juicy!

又去發掘新小店，見到九龍城有間日式料理主打串燒，門面裝修好有日式風格，就入咗去試。餐廳唔算好大，入面以木系為主。餐單有多款串燒選擇，我哋叫咗不同款式試下。燒秋葵有用醬汁燒，食落幾爽口。汁燒紫菜飯團🍙紫菜新鮮，飯團好大嚿，有燒過嘅香。厚切牛舌比較重牛舌味，而且偏厚，咬落去有口感，味道尚算不錯。煙肉珍珠蠔，煙肉幾香口，入面細細隻蠔，咬落去都幾juicy。另外清酒煮蜆，蜆唔算好甜，不過清酒🍶味夠濃，好似飲緊酒咁。雞軟骨我通常食串燒都會叫，呢個咬落爽口；鹹蛋豚肉卷，鹹蛋味唔算好出，有少少鹹蛋黃味，肉串都唔算整得老，不錯呀！

九龍城串燒小店.讚好Facebook/instagram，向員工出示，即可免費獲贈價值$28抹茶/豆腐雪糕一客。.五花豚肉片燒得油脂香溢，包裹著原粒荔枝肉，荔枝溫熱多汁香甜，兩者味道配搭非常夾。.和牛粒稍過熟，有點乾韌，但不減靚牛香味，配搭芥末醬，還算可以。.珍珠蠔入口即溶！蠔味超濃郁！必試之選.非常獨特的醬汁，味道複雜且美味，連骨燒更顯肉香，唯肉質偏實，需要較大齒力。.驚喜之作！異常甜鮮的湯底，洗得很乾淨的豬腸，非常入味的蘿蔔，配上半熟糖心蛋、木魚、海帶。大碗份量足料，非常推薦。.玉子層次分明，溫熱軟嫩，灑上蔥花及配搭蘿蔔蓉。味道偏甜了一點。.參與讚好活動獲贈的甜品。份量值得稱讚👍🏻相當有誠意的一大球雪糕🍦雪糕味道天然、香濃，口感幼滑，抹茶味突出，豆腐味鮮甜。.

九龍城多野食係人都知，在黃珍珍的街尾開了間新的居酒屋🏮主要食串燒、飲杯酒，朋友知己relax~..餐單上好多選擇，價錢唔貴，大部份以一串起計算🧮..🔺牛油拌飯 配香蔥第一次食，上枱時加入醬油拌勻，想不到簡單配搭，出來的味道意想不到地夾！一口接一口！..🔺關東煮滷水蘿白豬腸湯濃、餸味美..🔺免治雞肉棒啖啖肉，配生雞蛋點來食，更嫩滑..🔺芝士雞翼雞肉嫩滑, 唔可再重芝士味..🔺芝士年糕剛燒起，入口軟滑煙韌..🔺汁燒紫菜飯團..🔺甜燒菠蘿超甜，熱熱地入口味道滿分💯，為全餐劃上完美句號～

同表妹去發掘小店😆黎到九龍城 周圍都係泰國菜竟然比我見到呢間日本風食串燒嘅餐廳叫做禮 Sake Bar Present 我先叫左個一人前 ($98) 一飯兩串燒三炸物我就揀左鹹蛋豬肉棒 有種鹹蛋蒸肉餅嘅感覺而的確送返係一流嘅🤪另一串係金菇肥牛卷 又香又滋味👍🏻中意食蜆嘅我當然會叫清酒煮蜆($68)簡單而味道清淡 蜆肉鮮甜 不錯🥰秘製汁燒豬仔脾 ($48)秘製醃料 惹味十足免治雞肉棒 ($38) 啖啖肉 仲有啲Juicy添芝士雞翼 ($28) 啖啖肉之餘 再加上芝士多種不同口感享受🐣而芝士年糕($28) 年糕入口軟滑煙韌襯托著香味濃郁的芝士 滋味無法抗拒😋😋_______________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

睇完中醫，約左老公係附近食野，openrice見到依間新既居酒屋，試下先～我地點左d 串燒：銀杏串燒 $18第一次食，口感好得意，有點煙靭，加左sake 去燒，好香銀杏味，感覺有點似飲緊腐竹糖水既銀杏，好特別。厚切牛舌 $38真係好厚切，咬落d牛油爆晒出黎、超好食！燒雞皮 $28超大塊雞皮，好少見，咬落即刻聽到好清脆既卜卜聲。咸咸地，又帶點雞油香，好好味。荔枝五花豚肉串 $38一咬，先嘗到荔枝既香甜滲入口中，之後係五花豚肉既香同脆，加埋好夾好好味！秘製免治雞肉棒 $38配日本雞蛋、先打混隻雞蛋，再將免治雞肉棒點一點再食，好香雞蛋味。免治雞肉棒外脆，裡面肉嫩，依個親子棒，正！安格斯牛肉串燒 $38大大粒，好香黑椒味，肉質軟又香！而且裡面仲好juicy!另外，有我鐘意食既：咸魚豬肉棒$38依個好得，好似日版咸魚肉餅，但係做左棒，好香咸魚味，同豬肉好夾，好正！明太子紫菜飯團 $38外面既紫菜香，再加上燒飯團既香同脆，好想咬完一啖再接一啖，加埋明太子，少少辣，好惹味，好快KO左佢。牛油伴飯可配香蔥/莞茜 $48好特色，我從未試過，但我超鐘意牛油，所以想試！一上已經聞到好香蔥味，加上醬油一邊伴一

SAKE BAR Present - 非常日系的串燒居酒屋。有個雪櫃放清酒，SAKE Library.餐廳每日推介：餐牌，特別的是一人前，$98有一飯。兩串。三炸物，但問左炸物係餐廳選擇，我想有得揀所以選擇自己散叫。富士山頂可樂（$38）味道就好似波子汽水。清酒煮蜆（$68）果然夠鮮甜，而且每隻蜆都大大隻。蟹肉薯餅（$58）外面夠酥脆，入面就軟綿綿。厚切牛舌（$38）鹹蛋豬肉棒（$38）叫左兩串串燒，鹹蛋豬肉棒較有特色。汁燒紫菜飯團（$28/個）燒飯團外面有點飯焦香，好食。

礼sake bar present名字好特別，店內好日系。It’s all about Sake and Yakitori.ありがとう明太子紫菜飯糰（$38）飯糰燒得香，明太子更將鹹香味提升。免治雞肉棒（$38）點生雞蛋，好滑呢！個人認為雞肉棒有點乾。秘製汁燒豬仔脾（$48）見到「秘製」同「必吃」兩字就order左，但我都覺得有點乾。燒扇貝（$58/隻）牛油味香。零度啤酒（$38）德國出品的零度不含酒精啤酒，飲落有少許花香味呢。推介：明太子紫菜飯糰！

上星期又去九龍城覓食, 今次去了Sake Bar Present食嘢.這裡係食串燒, 來一個串燒晚上.我先點了原個胡麻蕃茄. 天氣咁熱, 先食這個凍蕃茄清一清喉嚨, 又舒服.再來點了幾款串燒.厚切牛舌. 我最愛牛舌, 當然要點來試下.牛舌質感夠彈牙, 味道較濃, 啱晒本身愛食濃味的我. 芝士雞翼.雞肉尚算嫩滑, 但唔太夠芝士味道.芫莤雞肉棒. 芫莤和雞肉的配搭幾持別, 所以點來試下.入口有淡淡的芫茜香味, 與雞肉幾夾. 玉子燒. 一口氣食了三款較濃味的串燒, 所以點了這個玉子.這個味道偏淡, 蛋唔夠滑身, 所以有點失望. 下次再試下其他款式的串燒.

今日同朋友去咗大家屋企嘅中心點九龍城食飯😄 唔想食得太heavy所以揀咗串燒，呢間舖頭應該係新開，裏面裝修幾柔和舒服，店員都好有禮貌👍我哋兩個人點咗一個茶漬飯，關東煮鹵水蘿蔔豬腸， 5串串燒包括鹹魚豬肉棒，芫茜雞肉棒，牛舌，雞皮同埋雞心😁茶漬飯嘅飯新鮮軟熟，配料爽口，mix埋茶一齊食幾香😋關東煮嘅蘿蔔好淋無渣，豬腸好乾淨👍 仲有一舊又滑又入味既溏心蛋😁牛舌幾厚身燒得啱啱好，唔韌芫茜雞肉棒嘅雞肉幾滑，加埋芫茜嘅香味，唔錯唔錯鹹魚豬肉棒好特別，食到鹹魚嘅鹹香味，好fusion嘅感覺😂雞皮好脆，香口雞心都好爽😀希望食物水準同服務態度keep going👏👏