禧哥酸菜魚 (已結業)

尼間鋪頭出名佢地嘅烤魚，係非常好食， 今次我哋就試咗下佢地嘅酸菜魚，手撕包菜同埋小酥肉。先講下個酸菜魚先啦，整體酸度非常適中，唔會太酸，拌飯一流。入面嘅配料齊全，有芽菜，酸菜，白菜等… 尼d 蔬菜吸曬d 湯汁，仲吊出菜嘅鮮甜味。魚肉肉質鮮嫩，無咩刺，整體水準遠超平均。手撕包菜更係無得彈，極有鑊氣，爽脆口感，加上入喉之後嘅鮮甜，仲有辣椒增添風味。小酥肉外脆內軟，肉質軟，脆炸香味四溢，簡直一流。強烈推薦大家去試！

老闆娘態度唔錯幾Nice。涼皮切太厚，hi到啲汁唔夠多，搞到味道會淡咗啲，同埋會有粉粉的味道，薄啲會好食啲。乾鍋肥腸，好好味，又香又辣，肥腸好脆，筷子夾實，會見到佢入面啲油，好jeng。最後，叫咗個冰粉解辣，黑糖太多太甜。整體ok

去旺角搵食，成條通菜街咩都有得食，但朋友鐘情酸菜魚所以就入禧哥酸菜魚試一下。點了一個例牌酸菜魚，魚就選了用生魚。上桌份量好足，味道也不錯，辣度選了小辣對我來說已好夠，朋友也食得滿意。

禧哥酸菜魚 旺角通菜街2P號地下，近登打士街附近有勁多食肆，今次即管試這間我們四位女士，來食晚餐，18:00入座時，只得一兩枱食客，包括我們，下單後 35分鐘左右，食物到了！因為我們趕時間，食得不多，叫了主食：酸菜魚 (生魚) HK$198.00自選菜品 (配菜)：寬粉、枝竹 (每款HK$28.00)另外：乾炒四季豆 HK$78.00其他：白飯 魚非常滑，但無鮮味，而且超級油膩至於四季豆炒得偏老，油多，味帶酸計埋加一，總數：HK$357.00（4人）雖然環境和坐位上沒有甚麼特別，但侍應的服務態度的確是不錯的！

二人同行，午市堂食，點了酸菜魚和雞煲套餐。酸菜魚份量頗多，魚片嫩滑，有骨的。配菜有娃娃菜、芽菜、酸菜和粉絲。我們叫了小辣，但吃下去沒有辣味，也不夠酸，不過真的很多魚肉。雞煲的份量有點少，同樣叫了少辣，但辣味不明顯。配菜有青椒、洋蔥和木耳，鹹了一點點，但之後再看有點可怕...底下全是油！湯杓裏的不是汁，是油！！！吃完後忘記拍下剩下的油，但真的多得誇張，是大約一碗的油量。懷疑廚房把油和水混淆了？還是正宗的四川菜是這樣的？這些油撈飯是好吃，但未免太多了吧？雞肉味道不錯，夠入味。配菜也好吃。50多元一個套餐也可以接受，但想吃正宗四川菜的建議光顧別的餐廳，佐敦就有一間好吃的，之後再寫食評。😃

点了三个菜外卖，水煮生鱼400多一份，味道很一般，本来的热油把鱼烫熟的感觉完全没有，而且鱼肉软榻，质量不好的鱼肉。配菜只有一点白菜，和一点点的粉，还是一家招牌吃鱼的店，以后应该不会再点。同时水煮鲈鱼要600多一份，贵的离谱了。全港无论哪家同档次餐厅的酸菜鲈鱼都没有这么贵。还点了一个双椒鸡，味道不错，🈶锅气，但是量很少，都是碎块，200多一份。最后一个小炒肉，味道不错，量也还可以，80多一份合理。图片是已经吃了一些的，不是刚打开的。

話說有一日手機壞咗要去旺角維修 擺低部手機之後 就走咗落去旺角西洋菜街搵嘢食途經一檔呢個酸菜魚 一心諗住入去試下呢套嘅算數 最後畀我一個驚喜 入到去見佢五市套餐85蚊酸菜魚跟白飯凍飲加三蚊 我嗌咗個bb辣嘅酸菜魚你都嘅時候 見佢好大碗 唔係太辣入到口 有廿零件魚 好滑好爽口只係有一兩件D骨清得唔乾淨， 食嘅時候要慢慢咀嚼 上面有荵花跟住魚配菜有大豆芽酸菜 娃娃菜 粉絲，相當味美。

好好味又大份。午餐晚餐都好性价比超高酸菜魚湯底可以飲哂。又唔油。四川口味 又合香港人唔太咸。酸菜魚、干鍋田雞、老虎涼伴前菜開胃 有芥辣味、肥腸酸辣粉。三個女人食完仲剩返大大份酸菜魚湯底 第二仲可以再淥下其他嘢再食多餐

路經見到午市套餐，見好似幾抵食就買份外賣試試水煮魚（$58）因為鍾意食辣，特別叫咗中辣😙一開出嚟有少少嚇呆咗，估唔到$60唔到份量咁多😆裏面有魚片、豆卜、芽菜、寬粉😌魚片都幾新鮮同埋冇乜骨好好味😋豆卜吸哂湯汁後好夠辣，正！芽菜好爽脆，寬粉好煙韌😙其實就咁食都好飽，但跟餐仲有碗飯同凍飲😂食完真係勁飽勁滿足🤪你話呢個價係咪抵到爛😉唔只水煮魚，佢呢度嘅酸菜魚好似都幾出名，下次同朋友試吓先😚

星期五晚既通菜街，稍有名氣既店舖都排晒隊，因為趕時間+肚餓，見呢間好多位就入去試下，咁就GG了。叫左三道菜，埋單$300有找，冇一樣係好食，唯一最正常係罐黃老吉。茶聞落去係有泥味，而且係螢光黃色，唔知用咩沖可以咁樣，可惜落左單先察覺到，否則應該一早起身走人。泡椒鳳爪 $48將5隻鳳爪斬開十幾件，鳳爪係喪屍鳳爪，有幾隻都係紫色既瘀血，鳳爪煮得唔夠啲皮好硬而且冇味，一啲辣都冇，只有少少酸。毛血旺$158隨後上菜係毛血旺，個盤好大，但又係一睇就知瀨野。鴨血(定唔知豬紅)數埋冇10片，芽菜薯粉都唔多，但辣椒就好多。不過最頂癮係，當你咬到辣椒就好辣，咬唔到辣椒就冇味既。而且盤野有好多無謂野，有好多剪開左一半既蟹籽丸，啲蟹籽流晒出嚟搞到個湯好濁；有好幾舊冇洗淨既豬腸，好臭尿騷味；仲有幾條午餐肉同埋少量椰菜。大部份霉到都唔想放入口，食完都唔知食左啲乜。老虎菜$78食緊個毛血旺嗰陣已經知入左間伏店，想叫佢取消呢道菜，點知遲左一步，廚房已經整左出嚟，咁諗住比個機會佢啦。呢道菜應該係酸甜既鹹辣涼拌，用辣椒、大蔥、香菜、青瓜，事頭婆本身話冇，點知10秒後又話有，道菜上到嚟就知點解：間舖根本就冇相關材料或者個

當日係2點入去，叫左一人份午餐酸菜魚套餐餐廳當時都有幾枱客人唔算好多，等左20分鐘都未有得食就去問下，點知餐廳職員就叫我等下都算再等多10分鐘後有酸菜魚上不過係旁邊那些枱…（明明係我落單先）我再問下情況佢地覆係一齊上個下真係🤯左…最後等左30分鐘來左圖那款酸菜魚小辣，野食方面冇咩魚多配菜魚的質地完全係冇咩味所以唔會有下次。另外飲品我叫左凍檸茶，一來個檸檬黑黑地整明放左好耐覺得這間野好冇衛生🙄Ps 大家如果想試伏都可以去試，我就唔會再去

首先落單嘅時候，完全個店員聽唔明，講咗10次最後去拎外賣嘅時候都落錯單，最後要重新再做過，味道真係好一般。太多辣椒渣，超鹹。冇下次啦。希望店舖改進，請返個起碼聽得明同識落單嘅店員啦。😮‍💨

見外省佬開以為實掂啦！點知😂😂😂香辣烤魚味道勉強接受！但條魚真係好難食！魚係炸的，入口口感奇怪，味道好似鹹魚咁，又似嚼香口膠咁！又似平時食乸牛肉果種味！跟住個手撕包菜無味架！一d川味精髓都無！白烚咁😅跟住叫左泡椒鳳爪！無咩泡椒味，入口一大陣臭酸味，壞左果種酸，唔係醋酸！救命！條魚食左少少完全係掃興！食過最難食的川菜

1. 訂咗位其實無用話說朋友介紹話呢間酸菜魚好食抵食，於是早一星期打去預約1點4位，我同老公12:55到達，我老公入去先拎位，坐低後我見再有12人入坐，之後剛好滿坐，我先醒起問老公有冇同職員講我哋係訂咗位果四個，我老公話唔記得講，咁即係佢根本無留到位比我哋，見客入就照比位人啦⋯⋯如果我地行遲5分鐘已經無位🙄2. 等一個鐘都未有嘅酸菜魚1:05已落order, 落咗四樣嘢，其中一個係枱枱都叫嘅酸菜魚套餐，15分鐘後就泥左一碗毛血，之後一直無其他嘢上過，但見隔離枱不停有上菜，就算遲過我哋入泥嘅客都已上咗酸菜魚，當時已經係落咗單後40分鐘左右，我哋問個樓面阿姨，佢都係一般答法話就得就得，但係我哋40分鐘只係出咗一碗毛血，其他乜都冇，重話廚房唔夠人，唔夠人又點解其他客有，我地無呢？之後個阿姨一路喺廚房無出現，再過多10分鐘佢出現返我哋再問佢想點，已經頭頭尾尾等咗一個鐘都未有其他嘢上，之後佢已經好不耐煩話出緊，最後廚房有另一個阿姨拎左第二樣餸出嚟，佢話：依家開始全部都係出你哋果d架啦⋯⋯乜嘢叫做開始🤬，人地遲入泥果d都食完走咗啦，我地先開始？？ 之後係再接住出第三樣，但都係係酸菜魚，當時已經係2

我屋企之前都有開過餐館，其實都好明白餐飲既難處，但我覺得呢間餐廳真係有好大改善空間 食物方面，我覺得味道都幾好，辣度都好足，食過好多川菜館呢間味道都唔錯。不過叫咗個麻婆豆腐，完全貨不對辦，係一啲麻辣味都冇，我真係覺得好似用咗啲豉油蠔油糖求其炒埋一碟出黎，不過我就冇影到張圖，因為想拿拿臨埋單走人。 酸菜魚我覺得都幾好，賣相都幾靚，但個日個場好多人，搞錯左酸菜魚去人地枱度，先再搬番番黎，我只係希望個碗野冇比人掂過先。我地叫左加寬粉，不過入面伴隨左幾條出前一丁麵，我覺得有少少頂唔順，有時候餐廳出錯其實都好正常嘅，但係其實碗野都成三百幾蚊，食食下對面話見到有隻小強，真係唔開胃。呢類型既問題，我覺得餐廳要檢討下。 個場好旺好多人，搭枱我都可以，不過呢個價位，搭枱個位細到好似中學個啲木枱既位咁兩個人坐，逼我地叫少啲野咁，完全食得好唔舒服。個問題係，明明冇位，個侍應仲要係咁叫人入黎坐，完全影響左用餐體驗，有啲仲三個食客坐埋喺半張枱度。 加上出菜奇慢，一坐低就點既麻婆豆腐，等左成個鐘先有，衛生問題就唔講啦。 咁既用餐體驗，野食再好食都冇乜意欲想再去。