福翁海鮮薈 (已結業)

上個禮拜五，家姐同姐夫約左我同老公喺觀塘打邊爐，地点係喺家姐寫字樓附近一間叫福翁海鮮薈的酒家，家姐推介有一個$288無限時任食火鍋(可以由18:00食到23:00)，姐夫之前已訂位，19:00一行四人入店後立即安排入座，侍應亦好有禮貌，而現場環境亦唔錯(裝修美觀，地方都好大)，坐定後便到出面的調味吧調味(款式都唔小)，另外仲有啲自取小食(有油雞件、魷魚鬚、八爪魚同螺肉等)可以食住先，旁邊就有一個雪櫃有多款汽水飲品無限供應，另外仲有一個雪糕櫃有啲杯裝雪糕，講返食物先我地叫左個鴛鴦鍋(芫茜皮蛋拼沙爹)，然後再送上極品牛頸脊(大)、刺身拼盤(有三文魚、泰式蝦、北寄貝同八爪魚等)、雞蓉燴燕窩、紅燒乳鴿、至尊水餃皇、芝士焗龍蝦同海鮮拼盤等，擺到成張枱都係野食真係非常豐富，至於任食食物方面: 有美國肥牛片、豚肉片、豬腰、炸響鈴、鵝腸、墨魚滑、栗米、娃娃菜同豆腐等，整體食物都新鮮美味👍🏻😋😋，特別推介極品牛頸脊，好好食有肉味同勁靚雪花👍🏻👍🏻，這間福翁海鮮薈，無論整體食物，環境，侍應服務質數都好好(時常來換碟同加湯)，仲有免費泊車tim，最重要係無限時可慢慢傾同慢慢食，這間高質任食火鍋絕對值得向鐘意

最近入觀塘密左, 發現原來午巿真係一位難求..今日一班同事建議飲茶, 初頭驚要排隊有排等, 幸好去到岩岩有張吉枱! 餐廳環境舒服, 有落地玻璃富空間感 !點心紙選擇多多, 好彩同事們無乜要求樣樣岩食, 點左D大路點心 ! 上菜速度也很快喔腸粉正常, 蝦春卷炸得香脆重點無油益味 Xo炒蘿蔔糕賣相非常有驚喜, 唔會太辣幾過癮! 而金磚豆腐應該是椒鹽豆腐吧, 炸得恰到好處.. 鳳爪入味, 唯叉燒包不夠惹味有進步空間... 整體今餐大家都滿意食物質素, 絕對可以再來

收工想喺附近搵間打邊爐，又遇到驚喜開頭見傳單有啲複雜，無乜留意內容，只知好似好多嘢食咁就坐低咗了。點知坐低得就精彩了...先黎每人半隻乳鴿，新鮮熱辣跟住仲精彩，每人半隻龍蝦再再再跟住就係刺身船了同時間有我最鍾意嘅酥炸魷魚鬚，又係熱辣辣的食完前面幾樣已飽咗3-4成係時候食主菜了。先黎海鮮拼盤之後每枱跟一碟牛頸脊，超靚脂肪均勻，入口即溶其他配菜質素都好好，仲少有地有豬腰呢個價錢真係完全抵食，淨係餐前果幾樣已經值回票價，食完頭段仲有大量任食配料選擇。值得一提係呢道啲伙記好好人，好有禮貌有機會一定再黎。

羊腩煲打邊爐＠福翁海鮮薈 天氣涼涼地，最好就係打邊爐，早幾日係觀塘見完客戶，同事帶路下到了近觀塘碼頭那邊的福翁海鮮薈 酒樓裝修，乾淨企理，空間感十足，我們被安排坐在卡位那邊，要一提的是這裡的部長姐姐都好有禮貌，服務非常周到！ 魚缸放滿生猛的海鮮 食物可以散點或叫餐，目測大部份客人都點這個火鍋ＳＥＴ，任食無限時邊爐 ＄２８８，價錢雖然不萛好平，但無限時則非常旱見，可以慢慢食，唔洗食到趕頭趕命！ 飲料是自助的，啤酒，茶，汽水一應俱全 小食也是任食，這個木耳帶點辣味，口感爽脆 混醬區～辣油、葱花、 辣椒 、豉油、麻油。。。 等食之時店員為我們送上限定的刺身船，份量非常大方 刺身看起來都好新鮮，尤其是三文魚，入口好甘香，而且厚度岩岩好，令口感更優 沙律吧～ 菜蔬都很新鮮～ 限定的雞蓉燴燕窩 ，一人一碗 看起來淡淡的，但味道其實不錯，而且還食到絲絲的燕窩 ，令人驚喜 我們點了羊腩煲打邊爐，要留意，羊腩煲是不用加錢的！！！！！ 而且一Ｄ都唔ＨＥＡ，一大煲的，入面每一件羊肉都帶皮，肥廋都好平均，而且唔羶， 而那個汁也非常之惹味又入味， 單食呢個高質羊腩煲已經值回票價 之後

1.<高質任食無限時邊爐 >🔥如果唔係甘啱朋友喺附近做野 喺努力 search過既情況下 係唔會知呢度有間食店有質素唔錯既 任食邊爐 😀酒樓既環境 晏晝有午茶點心 . 夜晚有小菜同邊爐 🔥 邊爐288 蚊位 2. 不得不讚佢出面可拎既水吧 有椒鹽九肚魚🐟 雖然凍左 d但都幾夠香脆入味 仲有燒叉燒 口感尚算嫩滑 夠蜜糖香🐷🍯 仲有麻辣汁撈豆腐 豆腐香滑 麻辣夠入味 同埋小食青瓜木耳 都算好豐富 , 此外 可自助地拎打邊爐混醬 一般既葱花 辣椒 豉油麻有一應俱全👍🏻飲品方面各式罐裝汽水 烏龍茶 可樂都有得拎 🥤☕啤酒另收費甜品會有泰國朱古力雲尼拿雨溝雪糕🍦 同紅豆沙 甘呢個就質素一般 但可接受 😆 講番邊爐 3.🍴288 蚊位任食邊爐 無限時湯底選左 海南椰子雞湯 🐤湯底都落足料 勁多椰子肉🥥 所以湯底十分香甜 雞肉唔少 切得偏細 口感嫩滑 🐤 個人建議 要煮到甘上下熟就要拎出黎 甘唔會煲得太 un, 食到甘上下用黎打邊爐 夠椰子味同雞油香 😄4. 包一次既鮑魚海鮮盤 👏🏻 有6 至8 款時令海鮮 今日我就有彈牙既鮑魚 口感豐富既龍躉片🐲🐟 新鮮鮮甜蝦肉 🦐 青口 爽口

今晚去了食海鮮火鍋，任飲任食無限時。坐落於觀塘的一間海鮮酒家，雖然有點偏離地鐵站，但水準有番咁上下，己經值得一試。光亮潔淨的裝潢，坐位寬闊。可選小菜或火鍋。任飲任食海鮮火鍋$288一人，好似有點貴，但原來有好多嘢食，隨了火鍋配料之外，還有乳鴿，湯羹和刺身。先來雞蓉燴燕燕窩，材料十足，沒有多餘的漿粉水，好味。乳鴿熱辣辣香脆惹味，肉質嫰滑多汁。刺身是案當日來貨，今晚是八爪魚，蝦，三文魚腩和北寄貝。蝦好爽好彈。三文魚腩夠肥美。火鍋湯底是海南椰子雞鍋，奶白色的湯底夠清甜。話明海鮮火鍋，當然海鮮少不了。龍躉肉，象拔蚌，海生蝦，帶子和大花蛤。每一樣都新鮮，好鮮甜。案人數會有一碟牛頸脊，非常軟熟，肥瘦適中，好味。另外每人有一粒至尊水餃皇，勁大隻，餡料有豬肉，蝦，雲耳，吃一隻己飽。其他任食配料分別有海鮮類，肉類，丸類，餃子類和多款菜蔬。整體食物水準夠新鮮，服務夠殷勤，真的不錯，行多兩步又如何。

美食當前，今朝有酒今朝醉。約了一班姐妹打邊爐，有海鮮，有靚牛，有乳鴿，有刺身，仲唔係食咗先講。無限時任飲任食最啱一班人，邊食邊聚，氣氛高漲。乳鴿和蠔任擇其一，魚與熊掌，終於達成共識，選擇了乳鴿，皮脆肉嫩，肉汁飽滿，果然無揀錯。刺身盤不遜色，三文魚，北寄貝、蝦，八爪魚，樣樣新鮮樣樣鮮。椰子雞鍋秋天最適合，滋潤，是一班姐妹的喜愛。湯底清甜，飄來椰香。龍躉，鮑魚，象拔蚌，帶子和蝦係今日最時令海鮮。好鮮甜，尤其象拔蚌。蝦爽脆彈牙。好正！牛頸脊肉質軟嫰，紋理均勻，肉味香濃，是上等貨色。食到咁上下己經飽了一大半，應該點些少蔬菜類清清腸胃。各式各樣的菜蔬，翠綠甜美。最後姊妹們一定要食甜品，雪糕和紅豆沙。我吃了紅豆沙，煲煮得綿綿起沙，不過稍為甜了點。好開心的又聚了一餐，盡興而歸。

每次諗唔到食咩，諗下諗下就好自然係打邊爐，可能咩都有得食，但今次又想食埋海鮮，但又唔想入到鯉魚門，兜下兜下行錯路，去咗觀塘碼頭，見到呢間福翁海鮮薈，就決定試下，真係柳暗花明😜望見所有海鮮都生猛單張上個海鮮盤好吸引，除咗龍蝦之外，每一款都係按人頭提供，而基於我唔食乳鴿，所以就叫咗生蠔，生蠔比想像中大隻😜而嗰隻至尊水餃皇，我覺得應該用巨型會適合D，入面我數過有成8隻蝦，入面D蝦超爽！少有任飲任食都有啤酒👍🏿（😝不過揸車唔飲酒）燕窩雞肉羹D燕窩係真架👍🏿👍🏿（因為市面太多樹膠扮燕窩）我嘅主角出場，好香滑，烚過龍都唔會變橡筋其實食完頭嗰輛，我已經食飽咗，所以其他配菜都唔係叫咗好多，不過每一樣都好新鮮👍🏿👍🏿呢到嘅甜品唔係一般牛牛公司，泰國品牌雪糕，幾好味飽到頂心口嘅一餐都只係三百蚊鬆D，值得「番卓」😝

<<快!靚!正!客飯之選>>今日lunch Time落大雨，所以就去咗附近嘅酒樓，但並非飲茶，然後食碟頭飯。平時有來這裡飲茶，覺得食物嘅質素很高，而且性價比都很高，所以經常同事來。發現最近有很多人來食碟頭飯，所以就嘗試一下。$48 全包：有餐湯，燒味雙拼，再加一個紙包飲品👍🏻👍🏻叉燒油雞雙拼飯叉燒切雞雙拼飯$48 性價比好高，難怪有這麼多上班族來食午飯，絕對比你喺茶餐廳嘅環境和服務好很多。以後每逢落雨，天氣很熱的時候，遇上沒有位的時候，又多一平價之選👍🏻

和同事食lunch，聽說這間酒樓的食物OK，所以來到觀塘碼頭旁邊的振萬中心。原來酒樓在3樓，出電梯還要行少少路，地點有點隱蔽，不過一入去裝修也不錯，而且有些戶外地方。三人行所以都是叫些點心，沒有叫套餐。聽說燒味不錯所以也叫了一個雙拼叉燒燒腩仔飯，雖未算超高質素，但以此價錢來說也算性價比高。點心的選擇不多，而且點心紙上還刪掉了好幾個。叫了燒賣、鬼馬牛肉腸、腐皮卷、魚肚札、粗糧糕、鮮蝦粉果，都是一些大路點心。其中較印象深刻的是鬼馬牛肉腸，內裏包了些油炸鬼碎，吃下去的口感特別。魚肚札不同平日的雞札那樣散開，而是加了魚膠讓整塊黏在一起（還只是我見識少？）雖然價錢不算特別便宜，但食物質素尚算不錯。不過服務的確有待大大加強。有兩次（不同的傳菜員）上點心時均出現上面一籠點心是我們的，但下面一籠不是。我們向侍應詢問是否應該另一籠是我們的，但他們都耍手擰頭，連看都沒有看，結果當然是漏單啦（可能給了第二枱）。部長替我們跟進但也催了兩次才到。侍應都很有禮貌，但似乎還是加強一下管理質素。

昨晚去食完，冇咩特別。環境不好，服務差，食物麻麻，又唔就腳，應該唔會再去。但係竟然有好評...，可能係我唔好彩。呢個價錢絕對唔需要揀佢黎食，可以有好多好多選擇。

星期日7：30到，唔算好多人，一邊係火鍋 一邊係晚飯小菜。同爸爸媽媽三個人入座食小菜。餐牌都係普通酒樓expect到嘅餸見到有晚飯孖寶三個選擇$218 $228 $238 我地揀左個B餐 “冰燒三層肉+蒜蓉粉絲蒸貴妃蚌”，再寫一條”生蜢龍躉仔”落單嗰時，問左姐姐(化名A) 冰燒三層肉即係乜，以我地嘅認知，想知係燒肉定腩仔，A同我地講係咕嚕肉😱 咁可能我地真係食得中餐少，唔知啲咕嚕肉玩到分三層.....佢又講到繪形繪聲話咕嚕肉下面有冰鎮住咁我地都無理由仲要challenge佢。之後A就問呀媽要唔要試下例湯，係姫松茸煲雞，其實我地都諗好食乜，我就同佢講唔要，因為我唔係好鍾意出街飲中湯，但係佢好hard sell，仲同我地講啲湯係細宗上，呀女唔飲就嗌兩宗囉。於是呀媽見佢咁強推就嗌左兩宗。之後嗌埋條魚。跟住就開始出事。首先A過黎話啲湯原來無細宗架，要轉個例牌，我地已經話飲唔晒，不如取消左佢。A就夾硬話飲唔晒攞返屋企聽日再飲，然後就好快攞左三個碗同一宗平時去食6人餐8人餐嘅湯宗出黎，又無講過價錢。真係唔飲都好地地，一飲就瀨晒野，又苦又澀，啲雞腳一夾即刻連啲骨都粉碎。應該係擺左好耐翻煲再翻煲先可以

一進門簇新光猛的裝修已經有好感，有小菜和火鍋。任食火鍋用料新鮮，但如另點海鮮會偏貴。小菜質素高! 冰鎮鮮果咕嚕肉超好味，記得訂位時預訂啊。芝士龍蝦煎米粉底， 大班兩味，令人回味。最有特色是前菜任食吧，有燒乳鴿，义燒，屬水準以上; 還有麻辣豆腐，雲耳都非常美味。任飲無酒精飲料選擇多~ 維他檸檬茶，道地烏龍茶/冬瓜茶，百事可樂等等。 設有貴賓房，有電動麻雀枱和卡拉ok， 過時過節一家大細，朋友聚會，都是一個不錯的選擇。

呢度個安排真心差，又話訂位優先，但嚟到係啲攞飛嘅人入晒去，但我哋喺門口等咗成廿分鐘都未有位，最後仲要比張4人四方枱我哋5個人坐，問佢點解咁安排，個知客仲要大聲夾惡，完全唔知點安排囉！下次請都唔嚟囉！

同事推薦，決心一試，先無講食物質素，淨係環境同服務態度都已經好好，唔係假期人唔算多，相對比較安靜，適合吹水。野食方面推薦乳鴿同竹笙。竹笙可以無限食，每次叫既份量都夠～真係正到爆，其它舖頭竹笙要另外加錢，無曬癮。從來未試過打邊爐第一時間來個燕窩先有幾款小食都可以，拍青瓜同辣豆腐，仲有一碟刺身，打個邊爐乜都食到。下次會同屋企人再去，人多比較熱鬧。無限飲料，海鮮拼盤都夠曬絕，居然有3隻鮑魚同生蠔，扇貝，絕對新鮮，唔係縮曬水果種。尼個食到咁既品質唔係度度有。