福來居食家 (已結業)

今晚我哋一家過99果邊食飯. 一行四大一細去到呢間食店. 一坐低已奉上老火例湯一窩 (免費) 燒味拼盤--雞夠滑, 叉燒同燒肉都唔錯. 美極脆香豬扒--炸得夠脆, 亦唔太油. 濃湯豬潤粉腸浸菜苗--濃湯係胡椒湯, 辣辣地, 可去寒暖胃. 八珍豆腐煲--味道唔錯. 但太肥膩. 西芹腰果雞丁--超多油, 勁肥膩. 真想問下師傅啲油係咪好平. 楊洲炒飯--呢個炒得幾乾身, 做到飯粒分明, 味道唔錯. 如果啲叉燒切得細粒啲會仲好.埋單 $289.00

財政緊絀唯有平平地食個dinner要平唯有去食屋邨酒家呢一間就係不二之選又平又大碟~>蒸倉魚o係物價咁貴o既日子呢到依然毫不猶豫~係咁落油...蒸魚...好似油浸魚....成條魚浸住油....一大灘油浮o係豉油面...雖然係條魚蒸得唔錯不過真係太多油喇!!!>雜菜煲都係o個句....太多油!!!一d都唔清淡...食完後望下淨低o既「上湯」只見一灘灘黃油浮o係水面......值得一讚o既係菜的確夠多~~兩個人食2碟野~埋單百幾蚊~抵呀...不過真係太多油囉..........應該吸左唔少膽固醇!!

同mama鬧叉燒荒周圍搵叉燒食冇錯~叉燒周圍都有得買但係唔想食隔夜叉燒就要買到份量o岩o岩好十蚊o既叉燒份量就係最optimum無奈o既係去完裕滿人家、佳餚、太興都冇十蚊叉燒行行下黎到大興邨即管試下呢到有冇十蚊叉燒啦哈~居然有得賣~不過見師傅好似好唔滿意咁~冇辦法啦..o岩o岩食完下午茶dinner好難食咁多野架ma何況同mama只係牙痕想食下叉燒另外屋企仲買左其他餸~總之~十蚊叉燒只有你!味道同其他地方一樣~肉質當然唔及太興o既好啦..~賣野o既地方比較污糟因為係open area...同馬路零距離接觸塵土飛揚~

一排冇黎食野~今晚見冇乜人o係到~入黎呢到是是但但食一餐...海鮮雜菜煲=$48係抵食~好大煲~料勁多!但係油一樣好多!食到成口油...而且師傅都俾左唔少「師傅」食完後除左一口油外仲感到口乾...如果唔俾咁多「additive」更好...另外叫左薑蔥魚雲煲、蒜蓉開邊蝦兩碟野都有咁上下大碟~抵食~之但係都係同一問題...師傅太多....今晚睇黎要放定支水o係枕頭邊隨時拎黎飲...

呢間野o係大興都真係老字號幾十年都有喇!o個日黎呢到食餐平平地o既dinner真係好抵食!蒸游水倉魚...d肉蒸得o岩o岩好~好滑~而且唔多油~但係上菜勁耐..等條魚等左半個鐘!之後叫埋碟蒜蓉開邊大蝦同椒鹽鮮魷~前者唔錯~有粉絲墊底~而且份量十足!後者太多麵粉...個皮太厚...但係咁o既價錢仲想點呀~$130 o既海鮮餐...算係咁啦!返到屋企開始口渴..係天氣太熱定係「師傅」發力?

星期日大昏迷後醒來,大人第一句說話是:"你睇下細佬買左咩你食!"打開盒子,弟弟跑步後為大人買了"蝦米腸粉+山竹牛肉"和"叉燒腸粉+粉卷"給我,感動!大人的蝦米腸粉裡的蝦米大大隻,比坊間的迷你型蝦米為大,不過這不是我所好,不予致評。自己的叉燒腸粉質素竟然ok,腸粉滑溜程度可以接受,叉燒粒切得頗大,而且吃到有點點甜味,個人認為比有些店舖將"叉燒茸"來拉腸粉來得有誠意;腸粉拉得頗厚,吃畢相當飽肚,在街坊茶樓來說這種厚度是無可厚非的。粉卷又是大大件貨色,外皮跟腸粉的不一樣,滑溜程度也較低;餡料是啖啖豬肉和少量甘筍絲,加上不少肥肉粒/筋在內,吃起來是有點膩,味道也比不上同區的"廚房",不過真的以份量佔優。豉油像蒸魚豉油那種甜甜味道,是自己喜歡的味道!只是吃後又出現口乾乾的情況,無可避免!今次笑臉少不免,個人感受也!

又一個早起早上,忽發奇想買個大包做午餐,坐言起行!環境一如舊式屋邨街坊茶居,每早有大班公公婆婆飲早茶,門口大櫥窗,早上賣點心,下午夜晚就有燒味、方便餸,方便街坊加餸斬料。大包餡有一隻雞翼、一件燒肉、一堆有蝦肉既雞肉餅n高麗菜;我覺得似菜肉包多過大包。撇開雞翼同燒肉,雞肉餅味道就如普通雞包仔,有點薑味加上高麗菜食起黎就無咁漏。外皮雪白甜甜地,口感唔會實的的,齋食皮都ok。只不過食完無耐,師傅反應又出現,要勁飲水!!下次都係唔食lu。

係呢區住左廿幾年, 話晒呢間野都食左幾十次, 今日想懷舊, 一班人去叫左個超抵的$238八人餐呢個餐認真係啤酒餸, 先來個無咩味道的粉葛湯, 一大舊煲湯肉你食.加個正牌"油菜", 菜心雖靚, 但係太油太油太油啦~~, 鮑魚菇配生菜, 味道恰當, 但又係太油太油, 成件鮑魚菇油淋淋令立立的~ 西檸雞的炸皮勁厚, 請問雞肉左那裡??咁都有好味的地方, 紅燒豆腐好滑又唔油, 呢d老例食物應該不錯, 椒鹽豬扒不錯, 肉厚又香口,夠味道, 不錯不錯, 2隻燒乳鴿都不錯, 卜卜脆的, 鴿味好香濃, 正~~~蒸條多寶魚好大條又滑, 肉地好, 新鮮游水的, 好正好好味, 散叫都係$38, 好抵!!!service ok啦,有部大電視, 枱椅都係屋邨feel, 街坊店, 好多巴士司機係度開餐, 好親切, 哈哈