福好海鮮酒家 (已結業)

同2個舅父,阿婆仲有爸媽幫婆補足mothers day想食金潮但多人到癲,最後食福好點左隻雞,黃金蝦,蝦e麵,炒飯,仲有個煲同d小菜(咩鬼魚加菌呀,排骨**煲,仲有唔知炒咩,我真係唔記得-.-)唔算話好好食,但係碟頭大,味道還可以,total6樣"送"加埋2碟粉麵飯加支大啤600有找阿婆又食得開心,大家happy啦不過,如果個阿姐唔係黑口黑面,咪更好咁law…查看更多

突然好想打邊爐, 即打比朋友等佢收工, 之後係葵芳恆景商場門口等, 一上到去酒樓門口,個部長企左係門口, 黑黑地面咁, 心諗:得罪左你咩...之後佢帶位, 入到去其餘都好多人, 3/4既枱都係滿哂...黎既都係打邊爐多, 一定見張叫左沙爹湯底,等左五分鐘, 食物都黎哂, 但個湯底仲未到.....吹一吹個經理無耐先送黎!海蝦: 拎上手個陣佢地仲識郁, 好新鮮, size唔算細!土魷: 整熟左之後, 未食已經覺得佢好"林", 一d都唔爽身花姿片: 厚薄都適中, 一碟有5塊, 但食個陣感覺好腥肥牛: 以任食黎講已經算係咁啦西生菜: 菜上面有d不知明物體, 搞到唔敢食....以上係食得最多既野, 唔經唔覺食左3粒鐘, 登,登,登,登....有片皮鴨食? 無錯, 仲要係岩岩新鮮出爐, 朋友出去拎左2舊返黎, 仲要大大舊..好好味呀!食到最尾, 出左去拎雪糕, 黑芝麻味無哂, 得返綠茶, 咖啡,同朱古力!總結:我唔叫埋單佢地都唔會叫我地走, 每位$88任食免加一收費,黎野都算快, 係侍應態度差d...大致上係ok既!…查看更多

好少喺葵芳食飯, 不過就埋一班朋友無所謂啦! 朋友介紹呢個$88蚊任飲任食全包火鍋都真係幾抵! 重有我鍾意嘅可樂, 係枝裝添! 因為有朋友唔食牛嘅關係, 我哋揀咗鴛鴦湯底, 湯底無咩味道.呢度嘅火鍋配料同其他食肆差唔多, 不過就包埋一d出面少包嘅任食火鍋配料, 好似有蠔, 海蝦, 雞子, 豬脷........等等. 個人而言, 呢度d 配料就唔係太新鮮, 賣相亦麻麻, 只覺得韮菜餃比較好味, 好似即叫即包咁,韮菜味濃, 唔錯! 另外, 炸魚皮都唔差!除咗火鍋配料之外, 呢度重包埋熟食, 例如: 涼瓜炆鴨, 白雲鳳爪, 炸煎堆仔, 蛋撻仔, 片皮鴨, 粟米湯, 各式雪糕........等等.P.S. 雖然呢度d 食品一般, 但係用呢個價錢全包都唔好要求太多lu.…查看更多

2010年3月3日下午用膳，叫了义瀨，尚算ok，又叫了雞扎，過了大半個鐘仲未到，就問穿着灰西裝的男經理，他回答說蒸雞扎要等20分鐘，我便說等了大半個鐘了，可否check check order，如果無落單，我趕時間要走啦。男經理果然妙答：「你咪走囉。」我聽完後火都嚟，為咗不為兩隻雞扎而折腰，我一於埋單鬆人。經理大人，你今時今日的服務精神有待改善！…查看更多

是日叫了一鍋切雞米線，米線和雞是分開上，米線大大鍋，份量十足，切雞肉質嫩滑，也有數條青菜，味道清淡，很好吃，很抵吃。潮洲蒸粉果 皮不太厚，饀料一般，味道沒有過鹹。四寶滑雞扎 我沒有吃，聽說夠入味。蟹籽燒賣皇 個人覺得很油，有數粒蟹籽，順理成章是大點。蛋黃蓮蓉飽 蓮蓉饀不過甜，包香軟。蜜汁叉燒飽 饀料份量適中，包同樣軟熟。古法馬拉糕 是糕邊，但不見得是古法，沒有大大的氣孔，整體夠鬆軟，不會過甜，顏色較淺。春風得意腸 是腸粉包著春捲，春捲夠脆，內夾蔬菜，配搭不錯。京式小籠包 最差的一味，小籠包一點也不正宗，沒有肉汁，還東施效顰，放在小鍚盤內，小籠包沒有汁，小鍚盤沒有用途，反而把小籠包黏著。龍鬚鳳尾蝦 大大件，蝦尾高高翹起，顔色鮮明，賣相討好，很脆口，有點像蝦多士，當然是大點啦。還有其他蒸炸點，水準一般，保證吃得肚滿腸肥，不個別評論。此街彷酒樓，地方夠大，服務一般，水滾茶不靚，最敗筆之處是常常漏單，但勝在可以高談闊論，不拘小節，也是不錯的聚腳點。今天不用我埋單，不知道價錢。:)…查看更多

13/2 年三十晚同三個朋友打算去食任食火鍋，我六點半就上去囉定位，當時門口個帶位姐姐話今晚八點先做火鍋，咁無所謂就四圍行，等到差唔多八點見有客同門口個帶位姐姐嘈任食火鍋問題，個客話六點巳開始等，等左兩小時點解都仲未答到幾時做火鍋，個客最終好慶咁走.. 個客走後我個A朋友先黎到，A朋友走去問個帶位火鍋幾時先有，佢同A朋友話今晚八點半先做火鍋，我聽完即走去理論，個帶位無禮貌唔望我仲”妙”咀話: "一開始我同你講今晚八點後先做火鍋，我邊有講過八點，今晚小菜行先，就算到你入....如有客行入黎食小菜都俾小菜先啦”，咁爭三十分鐘我地忍下照等 到八點半我就走去問門口個帶位火鍋有未，個帶位又係唔望我同”妙”咀話未有.... A同B朋友就走去理論，個帶位竟然話今晚九點先可能做火鍋，但九點係咪有就未知，A同B朋友就即時同一個四十幾歲既男部長理論，點知男部長態度又係咁差，一尾話叫我地等下.. A同B朋友就話咁即係要等到幾點先有，男部長先話幾點先做火鍋就答唔到我地，我地話唔食火鍋轉做食小菜會唔會快D有位，部長竟然話都係要等咁耐，當時大堂巳有廿幾人等緊火鍋，最後我地無再等揸車去荃灣食 呢間嘢如果無火鍋一係就樓下貼紙話今晚火鍋暫停，又想做火鍋又想做小菜但又做唔掂，要D客白白等兩個鐘我地以後都唔會幫襯！…查看更多

今晚二人到此用膳，其中一人曾是顧客，說此處食飯性價比高，果然來的菜很大碟，質素中上。第一道菜是相中最前的雲吞雞湯，來時很燙口的，大大顆的云吞有蝦和菜肉做的餡料，味可以但皮略厚，還有半只雞的湯渣做餸，落單前以為半只雲吞雞是很小的東西，誰知夠二人每人大喝三大豌呢。第二道菜是生炒排骨，甜甜的欠醒胃的酸味，菠蘿太少，不過用上的是瘦肉排，都算健康菜式。第三道菜是炸鯪魚球，圓大的足足有十幾個，沾著蜆芥吃很有風味。論食物總體原來值八分，可惜盛雲吞雞的湯煲底碟邊有小小動物遊走，大剎風景及累得要跟牠足迷藏，要倒扣一分。連白飯兩碗茶介加一埋單$230，收費中上。…查看更多

同親友約10 人晚飯點了$1688 魚翅海鮮全包宴1)錦繡燒味大拼盤2)碧綠花姿鳳凰片3)鮮蝦海鮮黃金卷4)翡翠玉環瑤柱脯5)紅燒花膠海味生翅6)生財北菰扣鵝掌7)清蒸游水大青斑8)海蜇瑤柱貴妃雞9) 鮮蝦荷葉飯10) 開心千歲飽11) 生果盆包茶芥及加一服務費1)錦繡燒味大拼盤: 海蜇, 燒肉, 雞肉, 叉燒, 豬手, 特別是燒肉真的很好吃一口一件燒肉, 肥瘦也份量剛好, 燒雞肉也沒有血跡, 燒得均勻2)碧綠花姿鳳凰片: 西芹炒得很爽, 還是嫩綠的顏色; 雞肉沒有因炒得過火而變得'鞋',花姿片也很鮮甜, 也砌得很薄3)鮮蝦海鮮黃金卷: 這款黃金卷相信很多酒家也可以吃到, 而眾人也很愛吃. 炸得金黃色的, 厚厚的, 香脆的外層, 咬下去是酸酸甜甜的沙律醬以及鮮蝦, 蟹肉等海鮮,吃過一定會再想多吃幾個4)翡翠玉環瑤柱脯: 節瓜煮得很腍, 但又不會過腍而變得很易散. 而同時又吸收了瑤柱滲透出的汁液, 變得更加清甜.鵝掌肉滑味濃, 剛好和淡淡的生菜互補5)紅燒花膠海味生翅: 翅煮得很濃, 花膠也很滑的, 用料都不少.6)生財北菰扣鵝掌: 鵝掌很滑, 北菰也很厚很多肉, 很爽7)清蒸游水大青斑: 大青斑沒有蒸得過火, 肉質嫩滑.8)海蜇瑤柱貴妃雞: 雖然皮和肉不算很滑, 但總算很入味而且肉厚皮薄.9) 鮮蝦荷葉飯: 蝦肉稍嫌不新鮮, 但飯充滿荷葉香味…查看更多

話說我的細叔一家在外國回來, 原本一家人食飯唔至在食d咩.....一行人, 二十個大人一個細路~ 去到d間野打邊爐.....之前我姑姐book了位.... 當晚我是最後到的, 到步後... 侍應阿姐就confirm我地人數, 問我地d人到齊未~ 我地當時係同佢講左「到齊, 二十個大人一個細路」而那位阿姐都指指點點咁數一數我地d人....食到咁上下細叔一家與一早去接機既親友們先行離開（眼訓）我們餘下的就埋單....點知就發生d件咁可笑既事...... 叫了埋單後, 知客拿單來... 我當然check單.... 點知一check發現佢收我地「二十一個成人錢」我們立即要求佢改單, 點知佢話 : 細路係要計高度同埋唔知我地有細路仔係到, 由於個細路走左, 還好之前係門口影了相，拿出相機同佢講個細路得咁高點都唔過, 同埋我地一早講左有個細路... 點解個位侍應阿姐唔同我地講要度高... 加上個細路得八歲, 八歲計成人?!?! 　只好叫佢同經理講.....正在收拾table既侍應阿姐and侍應阿叔就搭訕話 : 細路梗係計高到啦~ 生得高未大食d囉!!!此話一出, 我即場同佢地兩個理論, 我：三十歲人得四尺高係未計小童價呀?! 侍：三十歲人邊會係細路...我：你計高度喎~!!!侍：大人無計高度, 細路先計....我：幾多歲以下叫細路?!侍：細路無話幾多歲以下叫細路.....我：八歲係未叫大人?!!?!侍：..... 唔出聲... but 繼續話細路高就要比成人價架啦!!!我：搭巴士12歲以下叫小童, 你地呢?! 咩叫小童... 你話比我知先好同我再講落去....侍：唔出聲 + 扮聾 好明顯佢地公司無足夠指引去點劃分咩叫成人咩叫小童....問有無意見箱, 我要寫投訴信時, 又唔出聲!! 扮聾!!! 最後, 該店經理係無過黎同我地了解件事之下... 直接改返張單做「二十個成人一個小童」侍應阿姐仲係到話我地：差個廿蚊之ma... 係到嘈!!! (聽到火都黎)我只好回佢一句：唔係廿蚊既問題, 係原則問題. 同埋我地一早同你講左人數, 你自己唔同我地講話小童要計高度!!!!!!要帶埋細路仔去d間野打邊爐時, 請多加注意~~~~ 高度限制!!!! 食物唔新鮮....　環境普通酒樓.... 除左話佢平之外唔知有咩好~~~服務態度一絕~~~…查看更多

亞媽興緻到，亞哥又得閒，連平時最唔鍾意打邊爐嘅老豆都竟然有興趣，就去咗呢度打邊爐喇！:)睇唔出又幾多人喎~~啤酒、汽水、酸梅湯任飲，我揀咗酸梅湯，味道都唔錯，不過我估唔係自己煲......火鍋料都幾多......肥牛好鬼肥，但味道都唔錯，有點牛味同唔多渣，唯有撕走 d 肥膏才食都 ok啦......鱔片好味，好新鮮，唔會好多細骨......水餃唔掂，超厚皮之餘內裡嘅肥膏多到哩~~蝦都新鮮，而且我哋叫咗三次，三次都有嚟，雖然每次都唔係比好多，但總好過嚟一轉又話無......丸類麻麻地，新鮮那些丸就唔新鮮，加工果 d 味好假......菜類麻麻哋新鮮，好多都因為切 d 很久，所以有點生锈......魚頭同魚腩等又幾新鮮喎......蠔完全唔掂，可能因為唔係當造啦....唔叫好過叫~~除了火鍋外，還有一點熟食，但炸春卷那類炸嘢似乎係日頭買剩囉~~好彩都有 d 燒味食吓，水準一般啦......但都食得入口~~出咗一次片皮鴨，要排隊囉，但都幾多，所以我哋都攞到幾碟，味道也不頼.....要讚係雖然只係一間屋邨酒樓，但侍應嘅招呼都 ok 喎，唔會扮睇你唔到囉~~下次嚟唔嚟？為咗亞媽就腳，可能都會啩......…查看更多

琴晚因為有朋友生日所以約埋8點一齊打邊爐之前都有黎過呢間打邊爐個陣好滿意嫁但今次....差到貼地8個人有2個爐但係有其中一個爐冇火叫個經理黎整...佢就pass俾個職員整..整完係有火..但細火到等於冇火d水煮左個幾鐘都唔滾之後叫個男職員黎整終於有大火啦呢d先正常嫁嗎...個陣都9點幾啦...另外有樣野就係我地落單落三四張先有一兩張單既食物黎真係好離譜搞到連我地好細食既女仔都食唔飽仲要d碟勁污糟肥牛既碟有好多黑色既野碟底又有污糟吊住...金菇上面有黑色野十點幾就叫我地埋單但佢地收11點半嫁囉...…查看更多

琴晚９點鐘踢完波，同朋友一行六人去福好打邊爐。見到客人都有唔少，諗住間野唔會太差卦。但係落完第一ｒｏｕｎｄ　ｏｒｄｅｒ紙，等成１５分鐘都係黎得一碟鮮蝦韮菜蝦，已經對間野無乜好感。第二ｒｏｕｎｄ仲過火，等成廿幾分鐘，一碟野都冇黎到，剩係睇住個鍋啲水愈滾愈少，真係令人好失望。另外，樓面服務好差，特別有兩三位樓面對客人既語氣，俾人感覺佢好唔耐煩。諗住問下佢啲野食幾時有遮，駛唔駛咁悔氣呀大姐。問完佢又唔係好跟進番咁，繼續做自己野。１１點幾果陣，ｄ阿姐好開心咁係度執枱同講笑，又講晒粗口咁，想點？打咗兩個鐘左右果陣，３ｒｏｕｎｄ野食都可以未黎齊．．．同埋嗌咗兩次魚皮餃、三款菜、兩次鮮蝦，都冇上過。肥牛都係每人食左６塊左右．．最過份係走果陣沿途見到隔離枱打緊邊爐既有菜又有蝦．．點解會咁？打邊爐好緊要都係個氣氛，大家食得滿足，又傾到計就最好。但係琴晚果餐係就係傾左好多計，不過大家都食唔飽。總結：1. 服務差2. 食物水準一般3. 上菜慢4. 價錢一般＄９１既價錢，感覺唔到飽，我食一碗米線都飽過呢餐。素食既材料多數黎足，但係肉就黎唔齊，黎食齋咩？一定無下次！！佢門口仲寫住就黎荃灣係開分店，本店都未搞好，唔好玩我啦．．．…查看更多

** 此食肆的第五個笑**今日(28-4-2008 Mon)又送完親戚離開,咁o岩又安排o黎呢間食同一種o既’飲宴’,同樣地,做完所有o野,親戚o係開車時打電話o黎,1:00pm我o地o黎到,又係同一間房,不過今次安排快o左,坐定唔係2耐都有菜上.1.燒肉同上次一樣,半肥瘦仍暖,皮脆,OK.2.粟米魚肚羹好甜,但食得出蛋花好滑3.炒雜菌呢個好味,有木耳,珍珠粟,雪耳,草菇等.4.豆腐煲有好多黃牙白,草菇墊底,豆腐好滑,OK5.清蒸大青斑都係同上次一樣,好好味.6.咕嚕肉大大碟,味道都o岩o岩好7.鹽焗雞好滑,夠味8.揚州炒飯炒得好香,不過好似淡o左啲9.雪菜火鴨絲湯米呢個我冇食,所以唔知.10.紅豆沙唔太甜,又係o岩o岩好服務:都係上菜時冇咁醒目,不過都OK啦.…查看更多

** 此食肆的第四個笑**見有人寫解穢酒,咁我都寫啦.今日13-4-2008(Sun)送完親戚上山,被安排o黎呢間食午飯.親友約1:50pm已打電話o黎叫酒家準備,我o地都成2:30pm至到,點知都等好耐至上菜.我o地食o左1.燒肉半肥瘦,仍暖,皮脆,OK.2.韭黃金菇肉絲羹好香韭黃味,冇乜問題3.炸海鮮卷裡面有雜果同一隻蝦,甜甜地,不過不失.4.西芹腰果炒蝦仁西芹好香,腰果腍o左唔脆口,但蝦仁好味,唔過火5.時菜炒雜菌呢個唔係好得,冇乜人食,應該只食o左一成.6.清蒸大青斑呢個好掂,條魚大大條,但蒸到o岩o岩好,唔’鞋’,好味.7.白切雞好有雞味且滑,但爸爸話有啲梅.總括o黎講食物水準可叫得做中上,不過服務一般啦,唔得醒目同快手.唔知幾錢,應該二千元一圍.…查看更多

昨晚係公司周年飯，定了兩圍，有一間房，有麻雀同卡拉ok。六點已有房俾我們，至到八點都無問題，大家已坐定定等吃，有幾位同事發覺些碗碟有漂白水未洗淨，就叫了侍應說更換，個侍應說已用滾水浸過，無事架，用住先，我們說叫你換就換，個侍應就說尼到碗碟係咁架，換了都一樣。我們聽到後，火都黎，向經理投訴後，已換番好，條氣好番少少，開始上菜，吃了第三樣菜，就上了個海皇羹，有個同事大叫羹有小強，侍應一聽到，想搶走，但我們行動仲快，禁止她拿走，我們用相機拍照，咁既服務質素咁既侍應咁既衛生，點解仲未執，無天理，唉…查看更多