祥香園餐廳

营业中

休息中

今天地鐵半價，特地送小米到灣仔上興趣班。興趣是二小時，在上課前要食飽飽。而小米在七月中跟同學仔到此用餐， 所以小米選擇這家樓上的餐廳。此店前身為瑞士，現在易手了! 希望奶茶不要讓我失望。 我們二點來到，剛好是下午茶時段，價格更抵。職員安排在卡位就座後，先做最重要的事:點餐 咖哩牛腩蛋包飯小米喜歡辣，所以點咖哩。而茶市時段更抵食。大大塊蛋皮包著的飯，牛腩中夾雜牛筋，足已令小米大快朵頤。 很快就把整碟咖哩蛋飯消滅了! 福仔茶餐福麵品質有保證，自己又不甘心加几蚊轉丁麵，而福麵餐有嗲牛麵有菠蘿包有熱奶茶，一次滿足三個願望，所以點這款。 嗲牛煎蛋福麵  手機下單後，聽到聽員通傳: 嗲牛停!    幸好，還有最後一碗，絕章嗲牛來到! 嗲牛的沙嗲順喉不攻鼻，味道不突兀，還帶有微微的花生味，是小時候，屋企附近冰室茶餐廳的嗲牛味。牛肉肉質正常，啤水情況不嚴重，依然有咬口。把福麵卷起來，沾上蛋油，正!  選煎蛋是正確的。 菠蘿包把嗲牛福消滅了，就來到菠蘿包。包包頂部那硬如核桃酥的啡色脆皮，就是最吸引之處。又甜又脆，配下方軟綿綿包身，就是香港特色菠蘿包。 檢查包底部，油份不多，感覺健康左。 還想試試有名的蛋

堅尼地城老牌茶餐廳「祥香園」對於街坊而言冇人不識，對它的結業，令我覺得超可惜，有天不經意地發現它已經在灣仔靜悄悄地復活，假期就和至愛去緬懷一下。原址上手也是茶餐廳，所以裝潢上冇大改動，多咗幾個霓虹招牌，而且依家先進左係用手機落單，又可以減少人手。餐牌上以套餐為主，冇懸念地我揀左瑞士汁雞髀撈公仔麵$53份量對我而言剛剛好，首先是公仔麵加左超多蔥油，撈勻丁麵，超香、最緊要麵條冇痴埋一墟，瑞士汁雞髀是完全的豉油色，睇落已知入味，咸度適中，嫌肉質略鞋，但啖啖肉的感覺實在超開心，呢啲咪叫平民美食囉！另一半揀牛扒茶餐 $73以為好貴但原來超豐富，我覺得兩個細食人也夠食。薄切牛扒，加腸仔、公仔麵配火腿奄烈、熱狗走醬我最鍾意茶餐廳嘅彈性選擇，所以情願加小小錢食好啲，所以轉左出前一丁麵，麵質特別有彈性，就算放湯耐左入口都唔會太糊，更重要系配埋紡香麻油，味道即時level up ! 薄切牛扒加左黑椒，幾惹味，根位不每太多可以接受。奄列煎得金黃，可惜較為薄，有點乾。仲有隻大熱狗老客人又點會唔識招牌蓮蓉雞尾包$9一如既往，拎上手軟棉棉，蓮蓉比例吾算多，很滑很香，味道吾會太甜，給我那份溫暖的回憶。奶茶也一樣水滾

以前嗰間冰室執咗，過到嚟新開呢間，即管一試，入到去已經發覺冷氣唔係好夠，但係又未至於好嚴重，所以都選擇坐低，叫咗兩個早餐，腿通同沙牛，另外配兩樣選擇都多嘅，連漢堡都有得揀，用手機落完單之後，唔使5分鐘就到齊，效率很高，份量係足夠，沙牛個汁係可以嘅，但係牛肉就好一般，腿通湯底都幾好，早餐係配餐包，比起一般配白方包好一啲，但係除咗腿通同沙牛之外，其他都係唔熱嘅，明白因為要快，所以好多都係整定，用完餐之後，同朋傾咗一陣，想要一杯水，於是乎叫服務員幫忙，叫咗兩個服務員，都係應咗你但係之後冇咗件事，其實可以同我講一聲，我可以自己去拎都得嘅，跟住之後睇返其他人嘅評語，原來呢度啲人越叫越走係特式嘅

今日美食節又要利朝12晚8日子，先吃個豐富嘅午餐，去左間老字號祥香園😍位於2樓，地方大，但都接近坐滿，應該無選錯地方男人浪漫-無男人都照叫，薄切牛扒加火腿奄列熱狗，朋友轉食辛辣麵，一港，整體大份超值，牛扒大塊質素佳，熱狗超大。抵食焗濃香咖喱牛坑飯-上碟香噴噴。芝士鋪滿。夠邪惡。坑腩好滑，小小微辣，不錯凍奶茶-茶香奶滑👍🏻叉燒酥，每日不同時段新鮮出爐，香脆好味。必點整體不錯，地方大，夠乾淨。可再食

掛住西環祥香，所以特登黎灣仔食。其實想食蛋撻，但食完個「男人浪漫」已經食唔落。至於食物，雞扒公仔麵、奄列冇驚喜，菠蘿包還好，如果熱d會更好；杯奶茶都正常，返工/經過都可以試試。

自從老字號在西環結業後，好掛住佢地個蓮蓉雞尾包 ，某天經過灣仔道原來佢哋靜雞雞已經開咗新店，地方大咗、光猛咗，手機落單也是超方便。下午茶時間，飲杯茶食個包啱啱好。招牌蓮蓉雞尾包 雖然唔見佢哋一盤盤咁托出嚟，但拎起手仍然有溫度，暖暖的包身，質感也軟綿綿！蓮容餡不多不少，清甜香滑，味道不變，仍然是我喜歡的味道！熱奶茶茶色靚，茶厚奶多，溫度ok ，這杯奶茶過關。

行上一層，原先打算選擇（大××），看到隔離有間新開的茶餐室，不妨一試。推開門，卡位整潔又亮白，光線充足，予人一種美好感覺呢。這亦是電子點餐，點了個（雲耳蒸雞午餐）連杯熱飲都不過六十元，抵食。雞肉頗滑，白飯份量剛好，不會浪費。我喜歡他們用少量青瓜條和紅蘿蔔條伴碟，夠均衡營養。不過下次我會點熱奶茶做餐飲：聽說熱奶茶是他們的招牌飲品呢。若我沒記錯，他們以前在西環有一間，因為他的餐牌寫著他們從1967年已開業噢！不知是否真的？

餐廳前身係瑞士咖啡室，以前有好多選擇，例如椰菜花飯，湯飯等等，而家就加入咗啲新嘅常餐例如葱油撈麵同埋啲全日早餐。但結果每次去都係食常餐男人浪漫😂😂😂，足料火腿奄列，熱狗或菠蘿油，一個扒跟麵食。食完好飽😆😆😆奶茶都係保持左茶餐廳香滑質素。牛扒正常牛扒啦，就算全熟咗都唔會太硬。菠蘿油賣相超級吸引，可惜太肥太油，所以冇食到。👉🏻👈🏻而家新裝修之後，格調更加好。同埋啲座位冇以前咁迫。午餐服務時間超多人。🙃🙂🙃🙂灣仔返工人士嘅御用飯堂😂😂😂

見佢新開張，不妨一試，中午冷氣不足，服務員冇禮貌，要受氣。點餐APP 加飲品指示不足，服務員越叫越走。奶茶~僅僅可以。其他食物極度一般，與價格極不相稱。一定唔會有下次，去對面大快活可能好過佢。

早餐時間真係無乜冷氣，好焗，不過食物幾好，奶茶好飲，啲包好食，而且跟餐啲包係天天不同，地方算幾乾淨，可惜司華力腸就麻麻地，太硬。而佢用手機落單都幾方便，價錢合理。

Lunch經過見到新開左間餐廳，裝修望落幾靚，就同幾個同事入黎試下，叫左個紅燒豬軟骨飯，滿懷期待咁諗住個餐會唔錯，但黎到見到餸就感覺一般了，雖然汁的味道算唔多，但配菜多豬軟骨少，有d失望🥲

黎幾日嘅天氣，又濕又熱又焗，行到邊都好想飲杯凍檸檬茶，午餐時間，今日就行咗去灣仔祥香園餐廳。原來之前間餐廳已經轉左手，你間卓越餐廳號之前43果間差唔多佈置，不過再轉左藍白色，感覺好舒服，我今日帶左份午餐，黑椒汁牛扒腸仔意粉，再加埋我最中意嘅凍檸茶！黑椒汁有少少酸味，唔係壞咗嘅酸味，唔知係咪茄汁味，牛扒無鬆肉粉嘅味，都幾大片幾好食，仲有兩條腸仔加埋都計58蚊，凍飲加三蚊，喺灣仔佢有哩個價錢嘅午餐已經好好