祥興咖啡室

营业中

休息中

馬場啤酒節之前,與友人在跑馬地一帶找點吃,結果,還是到了老字號"祥興".始終是阿飛的影響力猶在,店內顧客年青人也佔很大比數.不吃菠羅油,就要個特餐,前後兩個,一個要牛通一個要豬肉麵.闊別年多再來,杯奶茶已淪為奶水.一點茶味也沒有,到最後竟然有剩.腸仔蛋同豬肉麵,不值一提.牆上的簽名,代表著什麼?幾十年老店,依然靠著名人效應作照徠,也幾可悲.連杯奶茶也沖得如此味道,遲早連名人效應也幫不上忙..

奶茶狂朋友話想飲杯正奶茶，身處灣仔既我地，完全諗唔到附近有什麼地方的奶茶是有水準的，唔通要走去中環勝香/ 蘭芳?想了一陣，老友話知道跑馬地有一間的奶茶好好，於是由他帶路直往。祥興，印象中是來過，不過對其奶茶之水準就毫無概念，反正一場來到，也沒理由不喝杯奶茶。地方懷舊，牆上滿是名人的簽名，但我對其已見慣見熟。每人一份特餐，有煎雙蛋和火腿通粉，餐飲當然是要熱奶茶;另再加份油多share食。煎雙蛋不太多油，火腿通也是普普通通，不過呢類行貨都應該是咁上下。奶茶確是重點，茶味香濃滑溜，奶味茶味分配適中，實是不錯。老友就話水準差了，其實單看顏色已知我杯是比他的好。

到茶餐廳不點茶餐好像不太像樣，是日4人全點了特餐。令人有點奇怪的是餐內的餐肉、腸仔、蛋或菠蘿飽選項，只可以選蛋或飽其一，如果選蛋則只可任選餐肉或腸仔一件，選飽就可以兩者兼有。我就選了大「飽」圍，菠蘿飽有點不夠鬆化，不過味道還算可以，其他點了蛋的最後都叫多個菠蘿飽。麵是丁麵，湯意粉出奇地爽口，可以推介，牛肉可以轉沙爹牛，湯底不算油；對杯茶沒有特別感受。以平和正作原則，作為午餐來說是還不錯的選擇。

早前和辣椒女入跑馬地，再次到這裡，雖然食物很普通，但杯奶茶就唔錯，雖然不是最喜歡的那間，但比起很多間已叫做好的了。我還是叫了一個特餐，餐包改菠蘿油、火腿公仔麵和餐飲要奶茶。菠蘿油- 外表鬆脆、麵包也鬆軟、但牛油唔夠多，只算一般吧了。火腿公仔麵- 麵煮得唔算太腍，火腿沒有什麼好說，唔算難食。奶茶- 茶味香濃，可惜奶味還是有點偏重，但已算幾好。最喜歡還是這裡的環境，很有懷舊的感覺，在現在新的食店所沒有的感覺。

剛食完午餐,但收到朋友來電說還未吃飯,只好應約..因在電車站的關係,去了祥興tea一tea..要了'茶走',不太濃味,普普通通朋友要了蛋治,奶茶..正常水準但真的很好,因為就算坐滿都唔會趕客,可以坐好耐傾計牆上的名星簽名真的很多,都幾得意haa 只知道奶茶$11

平時食開新０個間的，　但昨日突然想試下間舊的。開始時，覺得呢間冇咁抵食，因為同一樣的餐，但少左塊多士。但到野食黎時，發覺佢的火腿通粉都好好食，係有雞粒的湯，不止一個清湯咁簡單。而且佢的奶茶好飲過新０個間呀！下次都係幫襯呢間先

午飯時間落了跑馬地，吃飯也怱怱忙忙的，就在搭車前，閃進了這裡吃個快餐，純粹因為佢在街口，就腳之故。裝修舊舊的，牆上貼滿眾藝人的簽名，不過與食物水準絕無關係。有點歷史就是真的，牆角那個「隨地吐痰...」的膠牌，可說明一切。跟靚靚阿姐就要了個腿蛋麵，一杯鴦走少甜。腿蛋麵沒有什麼好寫，火腿切絲，比兩片凍火腿感覺好一點，雞蛋另上，不過結果都一樣，就係將其「啪」落麵撈勻吃。反而個麵湯除了熟口熟面的味精味道外，還有醬油的味道，不是說「好味」，只能說幾特別。鴛鴦茶多啡少，均勻一點就更討好。埋單26蚊，唔平唔貴，不過有時間的話，當然行多兩步去昌記啦。題外話：不知是否明星常出沒的地方，連招呼的阿姐都幾有「星味」，畫晒眼線又化行粧，樣子也幾「四正」。

去完覆診時間尚早,行去食個早餐....入面格局懷舊,野食方面都係一般茶餐廳有既野..叫左個A餐,有火腿通粉加煎雙蛋及熱奶茶. 不過味道好麻麻lor..... 義順個通粉好食過佢多多聲...至於老公就叫左火腿通粉加腸餐肉菠蘿包及熱啡....咁多樣係個菠蘿包最好味,夠熱辣辣......服務態度都ok....

上個月去探爸爸，見下午茶時間到附近買下蛋tart同奶茶。睇哂附近環境，似乎呢間最ok！入到去見到有好多名人簽名喎。d夥計服務態度都幾好。d eggtarts仲熱o既，奶茶又即沖，好香。我自己無試到d野，不過聽老爸講幾正。(價錢吳平，我買幾個eggtarts同milk tea用左成舊水)

每兩個月就要去一次養和覆診, 抽血後等見醫生前有一小時空檔, 去揾早餐食, 以前看雜誌經常提到Ｄ明星來祥興食嘢, 所以有Ｄ期望, 今次是我第一次來, 間餐廳好殘舊,Ｄ伙記好無禮貌,客人食煙,佢地又食煙,成地煙灰, 我和仔仔選了卡位, 看見枱上有堆煙灰,叫個伙記來清理,他用眼掘我一吓才去清理, 叫了一客通粉早餐,有餐包,午餐肉和蛋,仔仔要蛋撻, 午餐肉和蛋是標準食物,那個餐飽似石頭,無食到,通粉連湯不夠熱只是暖的, 當時令我想起澳洲牛奶公司Ｄ通粉和蛋冶,簡直是天與地,那個凍冰冰的蛋撻更不用提了, 連元朗一些小麵飽鋪都不如, 奶茶好普通,我覺得大家樂好Ｄ, 試一次便算了.

一向對老態龍鍾的舊式冰室有特別癖好,跑馬地祥興,亦是小弟常去的冰室之一.每一次路過跑馬地,諗起佢杯奶茶.個心十五十六,唔飲唔舒服.月前跑馬地夜馬前,五點左右已在跑馬地一帶.同友人入場搏殺前,吃些東西打底.友人不涉酒精,Jockey唔使諗,最後,都係去祥興.來到祥興,並不期望吃到絕佳美食,一杯窩心的熱奶茶,十年如一的煎雙蛋加火腿通.才是此時此刻所需要.與友人囉份馬報一邊研究各場賽事,一邊向我傾訴感情事,近日愛上一個女仔,但又唔知點表白."say say say 說句"我愛你" 請勿再客氣讓你的他歡喜Yeh say say say 高聲把愛又提起 請勿再客氣若你對他真的歡喜"PS:行船跑馬三分險,希望戴勝能夠吉人天相.

中學時代經常lunch time幫襯的茶餐廳，最喜歡食原味牛腩飯。牛腩入味，炆得頗「淋」，原味汁又不會過咸，而且超大碟，大男人都夠食。另外，呢度嘅蛋撻亦很受我哋班女仔歡迎。地方都算整潔，最衰成日都有阿叔阿伯係度食煙，如果唔你都會經常去。

吃飽後,路過。男友說此間奶茶"正",便入去試。但2個人只叫一杯奶茶,不好意思吧~ 便叫多個奶油多。奶茶果真茶味香濃,但奶味亦足夠。只係感到係以茶味為主的一杯奶茶。奶油多,不過不失吧!奶油的份量剛剛好，也不算太少啦~若為奶茶而來,都ok架。

今朝有事要一早去跑馬地,未夠鐘咪去祥興食早餐, 個菠蘿油...唉,又凍又少牛油, 牛肉米粉D牛肉又少又難食,未試過呢度之前都想像唔到D咁basic嘅食物原來可以真係用"難食"去形容, 尤其食慣其他e.g. 灣仔金鳳呀,佐敦澳洲牛奶呀etc. 先至發覺幸福唔係必然. 一個早餐加多個菠蘿油, Jesus!! 盛惠$41, 收錢位叔叔話單丁1蚊唔使計, 多謝啦, 但係以後就算完全免費，我都唔會對唔住自己個胃!

已經來過這裡很多次了，雖然食物就真係麻麻，但服務又唔覺得這麼差喎！而且這麼舊的店，實在很有懷舊的感覺，如不存在，就真係有點可惜了。而我最喜歡的食物，就只有菠蘿油和熱奶茶；其它食物就可以不試了。菠蘿油- 熱辣辣，外皮好脆，麵包很鬆軟，味道也不錯，可惜今次牛油少了點。熱奶茶- 茶味濃郁，奶味又唔會太重，是我其中一間最喜歡的奶茶。因太熱，今次試試叫凍奶茶，茶味還是濃郁，可惜太甜，下次還是要熱的好。