祥興咖啡室

营业中

休息中

今天中午到跑馬地"祥興咖啡室"食Lunch,都有一年時間無去過了!叫了兩個餐 1)咖喱牛肉飯 + 凍檸樂 = HKD34(2)菜遠排骨飯 + 熱檸茶 = HKD32價錢仍然不貴!食物水準依然保持咖喱牛肉飯 - 咖喱汁不錯,牛肉也很鮮嫩菜遠排骨飯- 排骨無雪藏味,做得好滑好淋好入味

我相信係我錯。因為我o係祥興叫碟頭飯食。我有冇黎錯地方? 唔係話好出名架咩? 牆上掛滿明星簽名，連謝安琪都有架喎......幫朋友叫個咖哩滑雞飯，無咖哩。咁試下呢個好似好特別既 "排骨汁雞飯" 啦。我就要左一個洋蔥豬扒飯。跟杯熱奶茶同埋熱咖啡。熱飲以 lipton 杯上，都幾靚丫。兩杯熱飲都幾香，但咖啡稍有點酸澀。 排骨汁雞飯 一碟白飯，加一小碗既 "排骨汁雞"。白飯唔駛評啦，而碟"排骨汁雞"就無論睇同食，都唔覺同排骨有關，我覺得係豉油囉，可能原本係打算用黎煮豉油排骨但未加排骨既汁卦...... 汁超咸，而雞肉好硬而且重雪氣味，最好食既係放o係面果幾條未同豉油 "污染" 既白菜仔！ 洋蔥豬扒飯 其實我個人係傾向穩陣派既，所以整碟我以為一定穩陣既洋蔥豬扒飯畀自己。個洋蔥汁係無咩問題，只係呢幾件豬扒，完完全全係不折不扣既 "薄炸擦子膠"！ 真係無誇張架，咬開之後望一望入面果塊所謂 "豬扒"，我實在只可以話我未見過呢種豬扒囉......總之，o係祥興叫碟頭飯食，都是我的錯。

行到寶雲道盡頭是跑馬地, 原想上去街市樓上吃昌記厚厚多, 可惜沒有開舖, 唯有在附近找間茶餐廳休息下…今天實在太熱了!隔局是我幫襯過的茶餐冰室中最古舊, 應該是從來沒有裝修過吧! 天花板仍掛著旋轉式風扇, 座位也殘舊得很, 也因為這樣吸引了我們!凍奶茶 x 2, $13, 只為消暑, 沒有特別去品嚐, 而且大熱天時能消暑解渴已很足夠!花生醬包, $5, 醬很薄, 方包也薄, 而且包面也帶點硬, No Good!如有閒情, 此裡也不失為一個懷舊影相的地方!

我同朋友白撞都happy valley, 行到腳軟見到祥興無咩人我地便馬上入去.先叫了1杯lemon tea, 因為唔太肚餓都唔係幾好意思只飲坐甘耐, 姐姐見我地甘苦惱,便過來介紹一下野食比我地. 一d都唔hard sell架. 到後來我地叫左1. 火腳通- 唔可以說勁好食, 不過d粉無淋到花開lor2. 煎旦-ok wor, 當然食完一定有油向碟底啦.3. lemon tea - 唔太甜都ok雖然野食中規中舉, 不過服務態度確是唔錯呀.

其實祥興最好食的是鮮油牛肉菠蘿/餐包，他們用的是鹵水牛(月展)，一定要試！其他的食品就跟一般的快餐沒有太大分別。

又到跑馬地找吃的，其實和女友已經吃了一餐的了，但在走着走着的時候，被我發現了一間很老的茶記，心想胃納仍可盛下一些包點及奶茶的，也入內尋幽探勝一番。一進門，老伙計招呼了我們到一角的卡座，也好，自成一角，邊等吃的時候也可看看老茶記內的眾生相，果然也可看到歷史的痕跡，除了裝潢較舊之外，有吊扇、上一輩的名人簽名簿，另外最棒的莫過於一塊警告食客不要隨地吐痰的告示板，很懷舊的。看着看着，也是時候點點吃的，既然已經七成飽了，最好就是欣賞茶記的多士或包包，所以和女友點了一個菠蘿油、一件奶油多及一杯熱奶茶。基本上一塊正常的奶油多是沒道理難吃的，這裡的也做到基本的，有足夠的煉奶及牛油塗在多士上，但至於驚喜，是沒有的，而且多士也是太薄了，好像吃了陣風的一樣。菠蘿油基本上也不錯，至少是夠熱的，使在內的鮮牛油可以在半融的狀態送入我的口中，但菠蘿皮是完全不脆的，雖然也不大贊同要脆得像薯片一樣，但也真是軟得過軟過份了一點，所以很明顯是翻熱的貨色，而並不是新鮮出爐的，在內的牛油也是普通，太細塊及太薄之外，也不夠香，比我在澳牛吃的鮮油多那塊鮮牛油差很遠呢，總括來說，是水準以下的貨色，但也可說是吃得過的。至於收尾的一杯熱

今日做完Gym 去左 跑馬地, 老店祥興, 期待的進入去懷下舊, 又看看不屬於我的年代.老店子, 多年沒有裝修過, 那些卡位, 那些紙皮石. 依然是舊樣子, 而且舊得黎, 有點殘破不憾, 留意圖中的一杯奶茶, 好明顯桌子是斜的....., 再留意牆上一幅幅的掛畫, 全是明星簽名, 看來, 又是一間名人飯堂. 想叫蛋撻沒有, 想叫菠羅油沒有, 再看看Menu, 那就鮮油多一份啦. 舊式茶室, 心想必定有一水準. 齋妹曾經說過, 舊式茶餐廳食物未必好食, 但杯奶茶咖啡, 一定係一流既....., 這亦正是我對這些不屬於我的年代既茶餐廳既一貫感覺.叫的奶茶加鮮油多送上, 先說奶茶, 香滑就香滑, 不過好似未夠濃, 帶普興奮的迎接, 但換來 Lipton 不濃奶茶. 有點小失望.鮮油多....yeah.....久違了的剖腹鮮油多, 一片厚切麵包, 烘底, 中間剖開夾暮鮮牛油, 這就是兒時陪我成長的鮮油多. 打開拍照時......唔熱既.....唔係剛剛烘好再放牛油的嗎???? 那塊牛油不溶, 由滿腔的期望, 變成一臉的失望. 牛油唔溶, 烘過既多士唔熱.....雖然咬到有牛油的那一口仍然是好

原意是吃昌記,但弄這弄那時間已是五時多,附近便是這店,心想老店水準應不錯,加上有不少名人簽名,也不會太差.茶餐($24)煎雙蛋 - 煎得剛好,蛋汁外流,正!!!火腿通粉 - 湯底有點似澳洲牛奶公司的,是忌簾湯,但味道較淡,加胡椒粉再加蛋汁會更好.凍奶茶 - 茶味欠奉,奶味較重,亦甜,失望.有點令人失望,還以為老式茶記會沖得一手好奶茶.

本來想進去吃午餐，但糕點部大叔喊話蛋撻新鮮出爐，還要保證不騙人，於是用四塊買來吃。首先，拿上手是微溫的，實在有欺騙之嫌，如果不說那句還好些。另外本人愛曲奇皮過於酥皮，而此地出品蛋味和酥皮也不突出，即使本人十分肚餓也未能加分。

九月初三‧陰天內地朋友來港，下榻跑馬地附近的酒店。約了國慶日的早上出來見見面，問其想去飲茶還是吃茶餐廳，她竟然選了後者。假期沒有什麼選擇，只好來這裡，勝在個環境還不錯。朋友吃什麼也沒有所謂，我也懶諗了，就要早餐及特餐各一。這裡的早餐雖以「早」命名，但丫是全日供應的。喝的自然是茶啡各一杯。飲品先來，這裡的咖啡普通，苦味多過香味，奶茶就更不濟，味道跟紅茶包也相差無幾，也不滑。還好的是，朋友喝過還說不錯。早餐的腿通，特色在那奶白色又濃濃的湯底，而不是「世界湯」。雖然一喝便知，是用罐頭忌廉雞湯調成的，但也算是誠意可加；特餐的牛麵很一般，即食麵煮得太生了一點，太有咬口。意粉或意大利飯al dente就好，吃即食麵太生就如不好了。另外還有大大個熱熱的餐包，加上火腿及腸仔，份量十足。埋單49蚊，不算貴。有時是這樣子，食物的味道不是最重要，環境也有一個重要部份。朋友覺得這裡很地道，所以也吃得很滿意。想起也很久沒去過昌記，要去一去了。

One day I have a sudden crave for egg tart and the tart at Cheung Sing was all sold out. So I gave this place a try. It was awful here. The floor was littered with trash, and there was a disgusting smell in the air. On top of that, people who worked here were all very rude. I bought the egg tart and left as quickly as possible. And the egg tart ..... it was just horrible! The pastry and the egg custard were hard like a rock. At $4.5 it was certainly a rip-off. For such quality! Possibly the wors

見天氣幾好決定o係屋企行落去跑馬地食早餐'見祥興唔多人又想試好耐'就入左去'一個早餐'一件占多'兩杯奶茶'杯奶茶幾滑幾香濃'老公話個通粉冇味'煎蛋同腸仔超油'唔知係咪搵油浸'我件占多勁少果占又唔夠脆'我諗下次泥飲奶茶就可以啦*

食完liz's, 因為朋友喜愛這類的食肆(個人亦頗喜愛), 所以0黎坐下懷舊一下啦~~叫0左杯熱奶茶, 嗯..............茶味都有0既, 不過唔濃...奶味亦唔夠.......所以杯奶茶做唔到香滑0既感覺...但算啦, 都唔係想食d乜, 只係想扮舊一下吧

今日因要到跑馬地工作, 同事帶我到一老字號"祥興".她跟我說此茶餐廳很有風味而且好好味先講我對此茶餐廳的引像, 他確係給你一個回到過去既感覺, 不過, 凡對於我一個以前活在長沙灣屋邨既人來講, 真係冇咩特別.我叫左個特餐, 有條腸, 有牛面, 有火腿, 仲有, 個waiter 講好好食既餐飽.先講個面, 牛少, 又冇味, 我只可以講唔難食條腸同火腿, 凍既, 個最好味既餐飽, 真係不知所謂,我係好鐘意食飽既人, 餐飽我食唔少, 有少少"益"既餐飽, 第一次食咁我已為食既野唔好0者, 奶茶, 熱央呀, 好啦瓜, 見佢咁老字號咁, 一飲, 可以走得, 杯熱央, 冇味, 奶水咁, 大x 活好飲過佢多多聲牆上的簽名,代表什麼? 我後來明白, 好多人都係97, 98年到過, 之後就.......又可能d 名人只係食d 貴野, 未食過茶餐廳野, 所以....一個字, "差"

馬場啤酒節之前,與友人在跑馬地一帶找點吃,結果,還是到了老字號"祥興".始終是阿飛的影響力猶在,店內顧客年青人也佔很大比數.不吃菠羅油,就要個特餐,前後兩個,一個要牛通一個要豬肉麵.闊別年多再來,杯奶茶已淪為奶水.一點茶味也沒有,到最後竟然有剩.腸仔蛋同豬肉麵,不值一提.牆上的簽名,代表著什麼?幾十年老店,依然靠著名人效應作照徠,也幾可悲.連杯奶茶也沖得如此味道,遲早連名人效應也幫不上忙..