祥發茶餐小廚 (已搬遷) 新店位置

呢間茶餐廳串到飛起, 唔係話員工態度, 而係開門時間.星期日同公眾假期都唔開, 一至六8點鐘說閂門.所以平時星期六編中我番早的話一定嗌佢個豐富西式早餐.呢個早餐真係好豐富, 有豬柳/魚柳, 拼火腿腸仔太陽蛋, 再揀蘿白糕/多士/麥皮/夾餅. 嗌杯熱柚子蜜都唔駛加錢, 食到飽飽都係18蚊. 正!而且佢仲有好多什麼歐陸式早餐呀, 出前一丁麵餐呀, 唔會好似其他茶記俾福麵轉丁要加錢.另外法飽又係好好味, 外型似長型的餐包. 夾住洋蔥雞扒/芝士火腿/咸牛肉, 有時下晝冇咩胃口嗌一份已經好滿足.肚餓時我會嗌佢一盒飯, 豬軟骨非常好食. 我最鍾意佢有得揀唔同的菜又有唔同炒法(有馬拉又有腐乳等等), 加款肉做個碟頭飯, 裡面係好多菜. 難得碟頭飯做到有咁多菜唔係放一條菜心唔嗲唔掉.我次次都係叫外賣, 間鋪頭的真身響邊我都唔知. 所以乾唔乾淨就真係唔知, 不過食左咁多次都冇事囉

上一次吃都起碼半年前,專程由柴灣到來。目的都係瑞士雞翼但去到既時間就唔拖唔水,所以只得一款有瑞士雞翼但我都堅持瑞士雞翼午餐: 瑞士雞翼飯+ 凍奶茶=26.5講講瑞士雞翼,真係又甜好熱辣辣加埋面果d 瑞士汁撈飯真係好好食咁熱既天氣加埋杯凍奶茶,真係好冰凍入心入肺!半年前同半年後水準都一樣咁好食值得一試環境方面,始終都係舊式茶餐廳都算叫過得去為食日期: 2007年7月24日

Shopping完, 想飲好味奶茶, 就行去試下祥發. 一入內, 嘩! 果然是煙倉! 不過為了好奶茶, 忍一忍啦. 此店客人以Shop Sales居多, 靚仔靚女多, 爛口爛"炊"更多. Order豬頸肉腸仔米粉, 等了十五分鐘! 一來到, 見煎得幾香, 期望提升, 點知一食, 有一舊"叔"左, 馬上吐出來, 冇心機食落去...連帶杯奶茶, 因為環境太污糟, 都唔敢飲了...

20050602 2.10pmbook 了stylist 剪頭髮, 未夠鐘, 又唔想行. 有o的餓, 平靚正呢度真係不二之選.要o左個芝士沙嗲牛肉熱狗, 跟凍奶茶, 都係$13.5! 你仲想點? 而且好得wor! 沙嗲牛肉只係普通茶記沙嗲牛肉, 但係個包係超軟熟有白色粉響面果o的包(er....sorry 我真係唔知呢o的包叫咩名), 夾住溶岩芝士, 成件事絕對係超水準!最緊要, 杯奶茶得丫嘛!!!

20041023 5pm(補返個食評先)早年有段時間o係Times Square 返工, 間唔中便會同各友好同事們來此作個"午間小歇"(即是蛇王), 貪其夠隱秘兼凍奶茶確係得手.呢日行街見地, 搵個地方休息下兼懷懷舊.2人吃-* 五香肉丁公仔麵* 茶餐- 司華力腸咖o厘角春卷拼鮮果沙律* 凍奶茶x 2 - um......回憶果杯好好飲o架wor明明i! >.<這裡厲害的地方一直不是其食品質素, 而是其強勁的組合配搭及餐牌上的字眼, 例如有- 地上最強日式鰻魚海蜇拼芙蓉蛋飯, 不可不吃芝士腸火腿腸仔餐肉煎蛋公仔麵+凍茶都只係$23 (最近變o左做豬皮籮白煎蛋腸仔系列, 還加入了瑞士雞翼)service 呢, 大叔們還是一貫愛理不理的態度, 自顧自聽馬刨其馬經. 真好呢~ 十年如一日喔~~