祥榮餐廳

营业中

休息中

趕時間，是但入間茶餐廳醫肚，點知俾我尋到寶😅好多經濟小菜就叫三款推介小菜:每款小菜都有跟例湯，白飯。紅蘿蔔青蘿蔔排骨湯，清甜冇味精👍豉椒炒蜆，配菜嘅青椒洋蔥好入味，好夠鑊氣😍粒粒脹卜卜，鮮甜冇沙，豉椒味道恰到好處，沒有搶蓋蜆的鮮味😋😋😋XO醬蝦乾肉碎四季豆，送飯一流蝦乾好大隻，腍香味濃，十分惹味。XO醬茄子牛仔骨煲，份量十足，大大煲，熱辣辣。牛仔骨有好多件，大件肉厚， 牛味香濃 ，又唔會'鞋'又唔會韌，食到舐舐脷😅 茄子索曬xo醬同埋牛肉味， 亦都係好好送飯嘅餸😍早知份量咁大，我哋三個人叫兩個餸就夠食啦😜呢度仲有蒸魚食，每款幾十蚊，仲全日不收加一添👍下午嘅套餐都好抵食😁 快餐店嘅價錢😍下次都要來試下先得😅

2019年5月27日 當晚女朋友另有活動， 所以唯有自己一個去搵野食， 通常一個人的時候只會想去茶餐廳食， 所以就在黃埔地鐵站附近既呢間茶餐廳食喇。 間茶餐廳入門口位有個大招牌寫明係牛扒專家， 而且仲有一個比較有特式既自選扒餐， 所以我都無咩諗食咩， 直接就入去點了一個自選扒餐， 自選扒餐可以揀兩款肉類， 我就揀了牛柳扒和童子雞配燒汁， 忌廉湯/意粉和凍檸樂。 自選扒餐有多款選擇，任選兩款 牛油餐包 夠熱，容易搽牛油 忌廉湯 完全無味， 而且凝固左一塊塊， 料唔多， 比一般還要差。 牛柳扒和童子雞配燒汁， 份量夠大，有配薯菜， 牛柳有兩塊， 肉夠腍，有醃過，不錯。 童子雞就炸得太長時間， 炸到乾晒，無肉汁之餘肉質變得好嚡。 意粉 意粉肯定是一早煮好的， 我本身都無咩期待， 唯獨要講的是煮好之後擺太耐， 意粉變到好硬而且連D汁都乾到變粉狀。 好在我叫杯我最喜歡的飲品凍檸樂， 飲完個人順返條氣。 埋單110， 連鎖扒房的價格， 但比唔到呢個價錢的食物質素我， 性價比低。

不上班在家看外賣找到這個可以炒菜，那就試試味道咯，點了星洲米粉和一個xo醬西蘭花花枝片，味道比較沒有什麼驚艷，就普普通通，也不算難吃，朱古力不夠濃郁，不算好喝喔

呢間祥榮餐廳有多款小菜可供選擇，一於叫返兩碟小菜，試試啲手藝掂唔掂先！首先，餐湯係普普通通既忌廉湯～先黎一個蒜蓉粉絲蒸鮮魷，蒜蓉係夠味既，粉絲吸到蒜蓉既香濃味，不錯！ 可惜，鮮魷係橡膠，唔爽口，好難咬，浪費左鮮魷呢個食材⋯⋯再黎一個沙爹金菇肥牛煲，味道都係夠味，肥牛同金菇都一般般，無話惹唔惹味，有啲菠蘿幾特別既，甜甜地～讚既係份量好大份，兩個人食兩個餸都超飽，食唔晒～飲品係凍檸茶同凍奶茶，同樣普普通通，不過不失～

位間餐廳位於黃埔地鐵站B出口上蓋一出出口就見到 好方便就腳我嗌咗下午茶星洲炒米d料都算多🤔不過不失餐廳環境望落都算乾淨唯一有d噁心嘅又係見到有烏蠅😰個人覺得係度食Tea嘅話 炒粉麵飯會係最抵食

叫左兩個下午茶海南雞飯 係配雞脾 唔知係咪個個都係 但叫做有誠意 有多啲肉食 有配兩款醬 紅色戈個唔辣鹹鹹地.堆花生係脆既 冇軟到 整體黎講正常焗豬飯一般 舊豬扒軟𣺉有調過味. 但個蕃茄汁似羅宋湯陣味 而且汁少 個飯都略嫌太硬 焗飯等左15mins 都可以接受.

一餐飯嘅開始，通常都係由例湯嚟揭幕，但唔係咁多餐廳做到好飲嘅湯水。祥榮餐廳絕對係其中一間。是晚嘅中湯係木瓜雪耳，一入口就感受到啖啖嘅🦴膠原。接住就係熱辣辣嘅鐵板紐西蘭牛柳，肉味突出而且口感彈🦷。另外要特別推介Big Big 枝竹🐐（羊）腩煲，佢比其他餐廳多好多汁，所以可以俾啲羊肉同枝竹足夠時間滾耐啲，入味啲，而且啲羊肉唔太肥而肉質又一𢇁𢇁咁，有別於一般嘅羊肉，由於唔駛同時間競賽慌死冇晒啲汁滾生菜，可以慢慢㗳真啲枝竹同羊腩，呢餐中西合璧，大🈵足啊！

再次探訪黃埔朋友👨‍👩‍👧‍👦之後就當然唔會放過機會再前往一年多前想成為我飯堂的祥榮餐廳食個dinner🤤啦！再次到訪餐牌菜色果然有很多新意思👅有冬天之選支竹羊腩煲🍜 味濃……剛剛好炒蜆我當然亦不會放過 (仍然懷念上年的味道，保持到水準)👍再試試 新口味 蒜蓉魷魚炒粉絲 🐙入味到呢！再加個薑味十足嘅薑檸樂🍋🥤 喉嚨好舒服呀整體上仍然保持到水準 再次到訪黃埔 一定會再光臨😜

同屋企人出街食飯個個都係食肉獸，尤其係無肉不歡嗰種，叫咗紐西蘭牛扒，嚟到真係要嘩一聲，因為巧大塊牛扒，淋咗D汁落去食，一邊据一路食，不知幾知味啊😁! 仲有啖啖好juice添，第二塊扒叫咗紐西蘭牛柳，見到有2件都唔細件呀，牛柳又軟又淋真係巧巧食，叫咗2份西式係時候叫番中式嘢食吓，就選咗中式牛柳，真係離唔開肉呀，咬落唔勒有肉汁，中式牛柳至鐘意食菠蘿，酸酸甜甜特別好胃口呀😁，金銀蛋莧菜食得多，今次改一改食金銀蛋波菜，份量足大大碟，呢碟清清地，係黃埔食嘢呢間唔算貴，勝在嘢食好多款式，無論中式，西式，煲仔菜....真係想食咩都齊晒👍

早兩晚同朋友喺黃埔行完街又攰又餓，經過落地玻璃設計嘅祥榮餐廳大家都覺得門面合眼緣就決定入去一試。一坐低原本好想快啲叫嘢食但一打開餐牌忍唔住話「嘩」咗一聲，食物選擇實在太多，有扒餐、小菜套餐、粉面飯、咖喱、沙律、湯粉麵、三文治多士、秋冬季節限定同蒸魚餐等等，令人眼花撩亂，唔知試邊樣嘢先好。望見隔離枱啲小菜大大碟，重慶雞煲大大兜，啲🐔遠睇都見到凸晒出嚟，另一枱啲炒蜆開晒口好似向我哋招手👋🏼咁，大家商量咗十幾分鐘先扑到錘🔨叫嘢食。啲小菜份量果真比其他餐廳多至少三份一，原隻重慶雞煲件數又多，不過啱先上枱嘅時候未夠入味，要等佢滾多十分鐘左右就開始索汁同上味，至於個炒蜆無沙同蜆肉又滑，🍋樂煲薑啲薑多到呢⋯⋯呢間餐廳價錢同出邊嘅差唔多但分量就大好多，啱晒我呢啲大食積😆！

今日同朋友出街，天氣又凍咗，好想食羊腩煲暖暖胃，朋友推介呢道枝竹羊腩煲，佢話食過唔錯咁就要試吓啦！，我地幾個人叫咗個大嘅枝竹羊腩煲嚟，真係好大煲呀，羊腩又唔蘇好好味，佢嘅枝竹入晒味又好食，一齊食嘢最開心係食到好嘢，最攪笑係我地鬥快搶，人地枱嘅客人見到咁又跟住叫，第二個係重慶雞煲，叫咗個大嘅有一隻雞，所以今次真係大煲呀，因為份量勁足，一路吹水一路食，煲住嚟食越食越入味，佢嘅豉椒抄蜆夠鍋氣，熱辣辣有大排檔風味，我鐘意食魚，就叫咗個涼瓜蚊倉魚，用豉椒配搭好，大家都食唔停口，可以講係一掃清無得留低呀！

同老豆老母行行下黃埔 餓餓地 就去呢間茶記食野我地叫左個西冷 有湯 有餐包 不過唔包野飲扒就大大舊 正正常常質素 咁既價錢 都算食得飽薯條都多 唔會淋哂 呢到加分餐廳環境正常 都算乾淨既

火都黎，尋晚同老公係紅磡入左黎間店，見出面餐牌價錢五算貴，諗住茶記衰極都五會咁離譜，入到去我叫左個晚餐c海鮮飯有餐湯同餐飲送，咁餐飲我後嗌，老公叫晚餐a西冷扒加凍檸茶，餐湯好快就黎，但個飯同扒等左勁耐先黎，等到飯黎左咁我叫埋餐飲，我見我c餐個餐牌上面寫特飲加8蚊，咁我味拎起個本餐牌書睇飲品個頁有咩飲，睇到特飲個頁，個餐牌寫住“住何套餐加12蚊就可以有特飲”，咁我味搵職員問我黎個晚餐如果叫特飲，係加幾8蚊定12蚊?點知個職員同我講，一dd架咋，有d加8蚊，有d加10蚊，有d加12蚊!我問佢咁邊d加10蚊，如果叫特飲熱柚子蜜，咁加幾錢?個職員無回答我，正係話大多數都係加8蚊或10蚊左右，你黎個應該都係10蚊左右啦～咁我見特飲咁貴，同埋佢答得咁海鮮價，之後我搵另一個職員問熱杏霜要加錢嗎，職員話五洗加，我就叫左，之後我就問老公，咁係味可以告得佢虛假商品說明條例呀？之後我食海鮮飯，成個飯都係生米黎，而老公叫個西冷扒，五係鐵板上扒都五緊要，問題係價錢同份量五成正比，得一塊細細塊ge扒，一堆炸過火的薯條同幾舊仔翠玉瓜，我味大大聲講”嘩，黎個分明係女神餐黎架啦，女神五識肚餓架，食黎個餐啱晒啦～食2啖分

今晚同朋友出開红磡黃埔新天地奇妙坊，發現依間叫祥榮餐廳，地方十分大，晚餐時段也不需要排隊，由於和朋友都很餓和有點累，結果光顧這家食店。店員態度一般，店內冷氣充足，可惜食具櫃沒有提供餐巾。看完餐牌，食物款式尚算好多。叫咗個鑊仔牛柳扒，首先講餐湯，配料多，味道一般般。牛柳都算新鲜，熱熱的，口感還可以。配菜份量還是可以的。飲品方面，叫咗杯凍奶茶。奶茶幾濃味。價錢是$78元。綜合各方面，這家食店還是可以的。

做完運動成9點幾 事但入左一間餐廳醫肚先地點非常就腳 就係黃埔地鐵站 b出口 一出就見到我地全部叫左海南雞飯set，有一個飯 一碗例湯同熱飲 ，$60雞雖然不是去骨的 都幾多肉 質感嫩滑 拌碟仲有啲花生碗飯好夠味 大大碗 一定食唔哂例湯可以揀羅宋湯 忌廉湯 中湯配海南雞就梗係中湯啦個湯有驚喜，好足料，超大碗，入面仲有好大舊肉骨~ 仲幾腍添唔係味精湯既味道！誠意之作！